حي الله الأسترليني

بصراحه هذا الشيء فاقعن مرارتي
بغض النظر عن المعظم منهم من حيث أشكالهن التي لا تروق لمسماها كـ (( أنثى ))

غلا المهور ياحبي
مدري صراحه وش يفكرون فيه الاباء
يعني مثلا أرتفعت الأسعار رفعوا مهور بناتهم
يعني هنا كل ما زاد الشيء صار المهر تبع هذه الزياده
معقوله أصبح مهر البنت مربوط في الزيادة والنقصان تبع المواد الاستهلاكيه
غريب أمر الاباء في نظرتهم لهذا الشيء
هل أبنته أصبحت بضاعه تباع وتشترى بنظرته لها بهذه القسوه والإهانه

والله قهر يلاقونها منكم ولا من الإجارات ولا من محلات الذهب
أخبر أخر مره وصل (( 90 )) مدري إذا أرتفع الذهب بعد مشكله والله
صار الوضع مخيف وربي كثروا البنات وكثروا الشباب
البنات ودهم يعرسون والشباب بعد
بس المشكله أنهم كلهم متعلقين بشي أسمه تقاليد

يعني مثلآ عند المعظم
أدفع (( 40000 )) مهر
ذهب على الأقل (( 30000 )) وقسم مدري ليه الناس تشتري ذهب .. أحسه موضه وأنتهت لا تقدم ولا تؤخر
يعني مع الهدايا (( 5000 ))
صاله الزواج قول (( 20000 ))
الخرفان واااااااااااااااااااااااه على الخرفان بعد ماكنا نشتريها بـ (( 400 ))
الحين زادت من (( 1000 )) إلى (( 1500 ))
يعني قول عشرين خروف بـ (( 20000 ))
طيب شهر عسل قول (( 15000 ))
يومين في فندق (( 1500 ))
بعد الزواج تحضر عشى عند أبو البنت على الأقل (( 7000 ))
بعدين عند أبوك نفس الشيء (( 7000 ))
وقبل الزواج شقه (( 20000 )) وأغراض الشقه تقريبآ (( 20000 ))
هههههاااااي والله واجد توني أحسبها صح .. توني صدق أهون ولا أتزوج طوال عمري

المجموع طلع (( 185500 ))
شافين كيف يعني بتشتري بي أم دبليو الفئه الخامسه لون أسود من داخل بيج وجنوط حجم (( 20 ))
ياااااااسلام ما كأنك بتاخذ بنت علشان تعيشون في رخاء ونبات وتخلفو صبيان وبنات
ههههههاااااااااااااي
صراحه مشكله أتضح أنه ما يقدر عليها إلا ناس لهم كلمتهم بين الناس (( كاش )) أصحاب رباء وسرقات
صاروا يحجوز البنت وهي في بطن امها

في الأخير أخواني أتمنى تاخذون كلامي في عين الأعتبار بأنه كلام إنسان خايف مو علينا على مستقبل عيالنا
وماقلت كلامي هذا من فراغ
خبرتي في مؤسسه ماليه وشوفت العجب العجاب ........... طبعآ كلامي هذا عام للكل ؟؟


أما ما يخصني
فا أتمنى وأمني وكلي أمل بأن ترتفع المهور لحد الرقم الصعب
عشان أبتعد بعد جذري عن هذا الزواج وأقطع صلتي فيه نهائيآ
من حيني أتهدد ومقرر بعد (( 6 )) سنوات يعني إذا صار عمري (( 35 ))
وبعد الزيادة أشيل قرار الزواج من قاموس حياتي كل أبوها



إلى اللــــــــقاء