هاذي أمي الله يعافيك ..صحون مصدية ولا تبي تجدعهن ..
أذكر مرة جايبين لنا فناجين قهوة اللي تجيك شفافةومزخرفه مع الحوايف ..والله عيت تقهوى منهن إلا يوم جبنا لها الفناجين العادية ..
وأكلها المفضل مرقوق أو مطازيز أو جريش ..وغيرها من الاكلات القديمة

وبصراحة أنا من الناس اللي يحب القديم بس مو للدرجة اللي تصير بأمي ..
يعني أحب أحتفظ بأشيائي القديمة مثل شهاداتي ودروعي وبعض دفاتري ..
لكن أني أجمع قراشيع بحجة حبي للقديم هاذي ما تجوز لي .

[align=center]
الأصيلة ... بنت البدايع ..

حقيقة ... القديم له شمة .. ورنة ..

أشوف نفسي آلف بعض أغراضي القديمة وأحزن لو فقدتها وانا شباب لسة عمري 55 سنة
يعني منب مثل عجوز سمنسي ...


أقدر .. أحللها .. واقول :

ربما لأنه يعكس الماضي ..

ومايعلق بالذاكرة من الماضي .. غير أحلى الأيام

- رحمة الله بالخلق تنسيان المصايب -

أحب الجديد .. وآلف القديم



.[/align]

[align=center]عن نفسي أقدّس حاجاتي القديمة وأشعربالأسف حيال ضياعها !
أعشق بيتنا القديم وأحرص كثيراً على النظرإلى جدرانه في كل مرّة
يقودني الطريق للمرور بجانبه ..

لأشيائي القديمة طعمها الخاص وإن تعددت نكهاته فبالرغم من مرارة بعضها إلا أني أجد الكثير منها لذيذ !

سلامي لوالدتك وصحونها
:)[/align]

مرحباً أخوي القرار الإداري

بالفعل الماضي يعتبر من أجمل الذكريات
ومهما عانينا من قسوتها وصعوبتها
إلا أنها ستضل صوره جميله في الذاكره

أخوي القرار الإداري انا شاكره لك المرور

هلااااااااا بك أختي شكولاته

صحيح فيه أشياء مها صارت قديمه إلا أننا مانستغني عنها
أضرب مثل:
أعواد الكبيريت عند إشعال فرن الغاز

أناأستغرب أشوف أغلب الناس مازالوا يستخدمونه بالمنازل
بالرغم من أنه أصبح له بديل (الزند) و(الإزرار الكهربائي الموجود في الفرن نفسه)

أختي شكولاته أنا شاكره لك المرور

أخوي أحلى غرام
صحيح ماذكرت أن النفس تميل للتجديد وتناسي القديم
وهذا شي جميل
لكنـ إذا كان متمسك بالقديم وهو لم يعد مألوف كما كان في زم القدم هنا المشكله

أخوي أحلى غرام أنا شاكره لك المرور

مرحبا بأخوي عجوز سمنسي

على طاري الغرشه
تظل مميزة بشكله وألوانه خصوصاً اللون الأحمر
وياحلو شكله إذا صارت تحفه موضوعه على رف في ملحق أو مطبخ
مضرب حي لآنيه قديمه وأصيله
لكن عيبه: إن كل من بغى يشرب غطس خشته فيها :)

أخوي عجوز سمنسي أنا شاكره لك المرور

هلااااااابك أختي فاطسه ضحك
شكلك متعقده من تحفظ الوالده بالقديم :)

تصدقين عاد انا لو تشاوريني أتقهوى بفنجال قهوة قديم أو جديد
لأخترت القديم
سبحان الله له طعم مختلف
أما الفنجال الشفاف ماأرغبه كثير مدري ليه؟؟؟

أختي فاطسه من الضحك أنا شاكره لك المرور

مرحباً بالأخ أعرابي
يقول المثل (اللي ماله أول ماله تالي)
شي جميل أن الشخص يتحفظ ويتمسك باأشيائه القديمه
مع أجبار الأيام بتغيرها إلى الجديد
وهذا رمز من رموز الأصاله

أخ أعرابي أنا شاكرررره لك المرور

ذكرتيني بأول ماغيرت غرفتي سواء مكانه أو الأثاث تقريباً قبل عدة شهور..

في بداية الأيام ماكنت أعرف أنام خصوصاً ان سريري الأول مقاس120 والجديد 150 يعني حسيت نفسي ضايعه فيه ..
وبوقت الاختبارات عييت أنام في الغرفه الجديده لان النوم يعيي يجي وانا بحاجة اي ساعه ..

اما الحين ... الحمدلله ماابيع به ولا أشري وتأقلمت معه بشكل ..

بس أمك مالها حل الا انكم تصبرون عليها لأنها مصيرها تبي تتأقلم مع الوضع ويصير الجديد عندها هو المفضل ..

فعلا قديمك نديمك ولكن بعض الاشياء والبعض لا


شكراا لك اخي

هلااااااا وغلا بطيوفه
من ناحية حب القديم
بالعكس أنا أفضل القديم بأشياء معينه مثل بعض التحف القديمه
لكنـ المشكله من يتمسك بالقديم وهو ماعاد يجدي أستعماله في هذا الوقت..

طيوفه أنا شاكررره لك المرور