|
خلاص أجل إذا العمر مو دليل ليه نجدع أنفسنا على شيبان !!! وبعدين بقولك ترى تحديد عمر الزوج يرجع لعمر الزوجة ., يعني إذا عمري 25 , 26 , 27 أكيد الثلاثيني مناسب لي لكن إذا عمري 20 , 21 , 22 ,, بيكون فارق عمري بيني وبينه ضرره أكثر من نفعه ., ياشيختي لاأغلب ولايحزنون والله ماعندهم ماعند جدتي بس قلت لك تمقلي علشان يطيحون من عينك ., وش عقبه يوم جاه درزن عيال عقل ؟! مهب جود غصب الحياة ماتطيعه يطيش وفوق ذلك طايشين تراهم هه عفواً آنسة أنا لم أخلق complement ثلاثي أو رباعي بل خلقت ثنائي فقط ولن أرضى بأعلى من ذلك << بكرا إختبار وهذا تطبيق :p كوني أخلي من عمري مكمل لرجل متزوج بحجة زوجته باردة وإلا نكد وإلا مطنشة أعتبرها تقليل من شأني العالي بالحياة ., أنا وش علاقتي فيه وفي إهمال زوجته يدبر عمره ,, ياعيني والله هذا اللي يبونه رجالنا بنات يراعن تقصير زوجاتهم ., عساه يموت هو وزوجته مالي دخل فيهم :D << إشتعل الفتيل هه والله مو أكبر همي رجل في بيته هو مستقر وإلا ماأستقر !! بسألك يالغلا عمرك شايفة شاب يضحي بشبابه مع وحدة مطلقة ومعه عيال بحجة أنها عاشت مع زوج نكدي في السابق ؟! طيب ليه البنات يضحن بأنفسهم مقابل شيبان وشبابنا يسهجون بناتنا المطلقات أو الأرامل للجحيم بحجة أنه بيعيش حياته مع بنت مثله مو متزوجة قبل ., لازم نوزن المعادلات >> البنات للشباب والمطلقين للمطلقات وهكذا لو نعيش ماينظلم أحد بالحياة لكن كلاً روحي أهم ., والمفروض يقول روحي الأهم فبهذا لايقلل من أهمية أرواح الآخرين في قاموس معيشته الدنيوية ., ياعزيزتي المطلقة المفروض يتزوجها مثلها سوى معها أولاد أو بدون لكن قلت لك الرجال شافوا أنفسهم ولقوا بنات يقبلن فيهم على كثر عيوبهم ., بناتنا صارن مجرد فيران تجارب والملامة عليهن هن اللي إرتضن هالعيشة ويتحملن العواقب والإهانات ., على إن أغلب شبابنا مادخلوا مخي بس والله ماتوصل أتزوج معدد ولو كان الأفضل من نواحي عدة ماأبيييييييه الله يخليه لعياله ., أخذ شاب وأحاول أصلح شانه ومع الأيام تطيب حياتي بلا جارة بلا وجع راس ناقصة زواج ومشاكل فوقه تباً بلاه أصرف ., بالتوفيق للجميع ., أهذب تاهيه’ |
اقتباس:
سرى لا اعجب من الظالم كيف ظلم ولكن عجبي من المظلوم كيف صبر على الظلم لاوعادي تصير الوحدة منهن مزرعة جراذي بعد ومبسوطة الى متى والمرأة تشوت مثل الكورة ؟! اصحن ياما للي!!!!!!! سرى الاماتجيبين معتس كم خيزرانة ونمردغهن لمن يفيقن! |
^^ يالشيخة هن على بالهن إذا تزوجن كبارين بيدللونهن بحكم إنهن بنات صغار وهالمعلومة غلط أس مليون ., إذا يحب زوجته الأولى والله مايعدك ولاكرتون حوله لو هي عمره 60 وأنتِ 20 ترى الحب مايحكمه عمر ., أغلب اللي يتزوجن كبارين كذا نظرتهن ماله علاقة يابعد قلبي أنتِ إذا مكتوب لك عيش الدلال بتعيشينه مع شاب , وإذا ماأنكتب لك غير التعاسة فوالله مايسعدك إبن أبوه عمره 25 وإلا 30 وإلا 100 ,, آآآآآآآخ يالنوران لو يحطون سرىآ بالمحكمة لمدة أسبوع بس ويشوتون لابسين الشمغ اللي ماعرفوا يضبطون حياتنا الفوضى ماغير يتغندرون بالمكاتب مالت ,, عاد بجد ماأبي أجلدهن لو بيدي خيزرانة كان جلدت به أهلهن التافهين اللي خلوا بناتهم مجرد بضاعة رخيصة يتاجر بها تباً لهم ,, هالأجناس لازم يمسك على إيديهن مو يخلن كذا لإنهن وللإسف تفكيرهن لحظي معتمد على أطماع دنيوية ,, متى ماشبعت من هالمغريات قالت ليه أنا متزوجة شايب ؟! وتطلب الطلاق وإلا تعيش قهر ,, تأكدي ماتزوجته حب له ,, والله لو زواجهن عن رغبة داخليه بهذا الشخص أوكي بس الأغلب يتزوجن لتحقيق رغبات خارج إطار الهدف الأساسي من الزواج وعلى رأسها المال ., أتمنى التوفيق للجميع ,,, أهذب تاهيه’ |
ترى موشرط تتزوجين خليك كذا
بذا المنتدى صليح توقيع هذى وانقلى شكوى لهذا من المحذوفات ههه عيشى حياتك بمنتدى بريده افضلك بلازواج بلاهم |
اقتباس:
شكرا على النكته ###### هل بأعتقادك شاب عمره22 يرغب بالزواج وهو لايعرف المسؤليه؟ ومن فى هذا الوقت وفى غلاء الاسعار يتزوج بعمر العشرين !!!! احسبيها صح اذا تخرج كم يبغى له يتوظف؟؟ وكم يبغى له يكون نفسه ماديا لزواج ؟؟ يعنى راح يكون عمره 28 ماتأهل لزواج وترى مافيه فرق بين 28و30 واكثر الشباب يتزوج عمره من28فمافوق ولااعتقد ابدا ابدا شاب يفكر بالزواج وهو لايعرف المسؤليه هناك اباء فى عمر 40 فمافوق يرمون مسؤلية بيوتهم على اولادهم بعمر العشرين خليك بالمطلق او الارمل وش لك بوجع الراس ؟ |
تفكير غريب..
ياحبيبتي المسألة ماتبيلها ذكاء.. هالثلاثيني والاربعيني يوم هو شاب وهو طايش.. وبعدين من قال ان الثلاثيين متزوجين..ذاك زمان اول.. الآن اغلب الثلاثيين ويمكن اربعينيين ماتزوجوا.. والشاب وان كان طايش افضل من المعدد العاقل.. لأن الشاب يتزوج عشان يستقر ففي الغالب يحاول يعدل سلوكه خاصة اذا صار له اولاد.. اما المعدد فغالبا يتزوج عشان يغير لأنه مستقر وعنده زوجة واولاد فهو ماهو بحاجة الى الاستقرار.. فان زانت امورك معاه ولارماك عند اهلك رمية كلب ورجع لزوجته واولاده.. ماتلاحظين ان الطلاق عند المعددين اكثر بكثير من الشباب.. وممكن يطلق مرتين وثلاث ماعنده مشكلة.. الزواج من معدد مغامرة كبيرة .. فيااما يطلقك..اوبافضل الحالات تعيشين بمشاكل لهااول ومالها آخر.. بيدك بدايتها لكن نهايتها لايعلمها الا الله وممكن تمتد كل حياتك.. وشوفي اللي حولك واحكمي.... |
والله بلشنا
اذا صار الواحد رجال محترم قلتوا صعب وشين وحساس واذا صار الواحد حبيب وقلبه مفتوح قلتوا هذه رصه ويلعب عليه طيب وش نصير ,,,, عشان ترتاحون |
شوفي يا بنت البدايع
أنا قلت لك بالسابق (( من شب على شيء شاب عليه )) إلا ما شاء الله العمر ليس محصور على نضوج الرجل من حيث العقليه أو تحمل المسؤوليه نضرب أمثله هنا من حيث العقليه الرجل المغزلجي تأكدي يابنت البدايع أن الرجل المغزلجي راح يدوم على هذا المنوال من الغزل لحد ما يتوفاه الله إلا ما شا ءالله خلاص سلك هذا الطريق وسيكمله لحد ما يقع في المحظور أو يهتدي حتى لو يتزوج جميلة الجميلات لن يتخلى عن وظيفة الغزل مهما بلغ به الأمر من أشده تحمل المسؤوليه من بدايه دخول الرجل في هذه الحياة يتضح لك مراسم تحمله للمسؤوليه فيه شباب أعمارهم للحين ما توصلوا لسنة (( 15 )) وهم قمه من قمم تحمل المسؤوليه في جل شؤونها وفيه رجال تعدت أعمارهم (( 30 )) سنه وهم غير قادرين على تحمل مسؤوليته لوحده كيف إذا كان معاه شريك بهذا من مر على حياة قاسيه وذاق من مرارة هذه الدنيا وهذا المجتمع تأكدي بأن هذا الشخص على قدر من تحمل هذه المسؤوليه ولو قلتي له (( لك وإلا للذيب )) راح يرد عليك بتطبيقي بفعل وليس بكلام تنظيري كما يقال (( يخسى الذيب )) وهو ما عنده ما عند جدتي الشاهد العمر ليس من أساسيات المرجله أو تحمل المسؤوليه هي على حسب ممن هو حولك من أهل وأصدقاء أعرف أعيال خاله لي قسم أن امهم هي اللي تشتري لهم الملابس بس مدري بعد ما تزوجوا تشتري لهم أم لا لو تكزه أمه للبقاله وتقوله أشتر لي سنكرس أو مارس كان حمر وجه وبلش بعمره ووده أن يستعين بصديق يعني بإتفهه الاسباب غير قادر على تحمل هذه الأمور من المسؤوليه هذا رأيي والله أعلم |
عجبى منك يابنت البدائع
تتركين المستقبل , وتعيشين في الماضي تفضلين الكهوله وتصفطين على الشباب؟! تختارين الزبيب وتتركين العنب؟؟!!!! :ash: |
اقتباس:
الله يسمع منك مانقول شي أنا تكلمت بواقع ماأظنك تجهله وفيه نسبه كبيره من الصح الشكر لك .. |
اقتباس:
قصدك اللي اعمارهم 30 وشويات :29_1_16[1 معقووولة الزوجه الثانيه لم يعد لها حاجه ضرورية !! اجل ليش بازع بعمرة ومتزوجها الشكر لك .. |
اقتباس:
كونُ كما تحبون وعلى الفطرة التي فطر عليه الرجل كونه القوام لا تتنازلو من أجل أن ترضو النساء والله لن ترضونهن حتى لو طوعتم البحار لهن راسخة فلتكن أيه الرجل كما كنت صلب + لين = لتجتمع القوة والعقل والكبرياء لن يرضي المرأة إلا قوة الرجل وصلابته شكراً لصاحبة الطرح نــــــــوره الـجـمــعـــــــــــة |
اقتباس:
قليل تجدين من يكون مقتدر على الزواج بسن صغير متى ما قدروا يتحملوون المسؤوليه يتزوجوون وهالشي يختلف من شخص لشخص آخر ., وكل ما كان عمر الرجل أكبر كل ماكان فاهم الحياة أكثر وبالتالي راح يفهم الحياة الزوجيه وأكيد راح يكونون بعيشة ميسوره بعيده عن المشاكل .. شكري لك .. |
مثل ماانتي تعانين من الشباب بعد نحن نعاني من البنات في قل المسؤليه
في البيت أنا بالنسبه لي افضل الزواج من عمرها فوق الثلاثين . لأن فيه بعض البنات لاتقدر الحياه الزوجيه . |
والله المسؤوليه بصراحه ولا يزعل علي احد؟؟
المراءه سحبت المسؤوليه من تحت الرجل سواء هذا او ذالك فلا يملك لا مسؤوليه ولا سيطره.... |
اقتباس:
يسلمـ فمك تووني أقنع أمي .. أقوللها ياماما غذآ جآني حد متزوووج فنك ترفضين..! للأسباب المذكوره في موضوعك... >>تهئ مثتحيه<< |
[align=left]اهلا وسهلا
مووضوع رائع ولكن اعتقد العمر مو مقياس خاصة الان شي منتشر اسمه مراهقة فوق ال30 يعنى كثير سفرياته وهلما جرا فالوسط دايم مريح لكلا الجنسين والله يزوجك وبس[/align] |
[align=right]بيقوم حظ المتزوجين بعد موضوعك يابنت البدايع ,,[/align][align=right]
الغالبه من شباب الوقت هذا مايتحملون ولا مسؤولية انفسهم ,, انا أأيد الزواج من ثلاثيني ,, لكن غير متزوج ,, اما العشرينيين اصبرو عليهم الين يكبرون ,, ترى هالشعرتين اللي بوجيههم ماتشفع لهم بالزواج ,, وترى اللي غازل بأول شبابه مستحييييل يترك المغازل الين يموت ,, الا من رحم ربي ,,[/align] |
الشاب العازب والرجل المتزوج ( ومن يُدرك المسؤلية أكثر؟؟ )
العازب علية مسؤلية واحدة اما المتزوج علية مسؤليتين وشكراً |
اقتباس:
لانكذب على انفسنا ...بل لسوف تنشغل عن دراستها وعناهم شىء بحياته اولادها هل الأفضل ان اعيش مع رجل أم مع نصف رجل .. مشتت فكرة مابين الوظيفة والإصدقاء .. وزوجاته واولاده. بالعكس الان اخيه الطيش لايحدد بعمر ..فهناك من تجاوز الأربعين وطائش .. ابن اختي عمره لم يتجاوز السابعة عشرة وماشاء الله لم يمر عليه طيش المراهقة ..شفتي كيف رغم ان الأولاد بها العمر انواع الطيشان والصياعه الله يهدي الجميع اخيتي انت يبدوا انك لم تجربي الزواج بعد ..فوالله لوجربته لدعوتي الله ان لايرى غيرك ..اتعلين لماذا ..ليس كله تعلق بالرجل نفسه ..لكن من تحب اولاده وتسعى لمصلحتهم تسعى جاهده للحفاظ على ابيهم ليكون لهم وحدهم ..ويحظون بأهتمامه وتسعى كذلك جاهدة لأصلاح الأب نفسه لكي يقتدي به ابنائه .. اخيرا .. هذا رايك وانت حره فيه ولك إنسان وجة نظر خاصة به .. وانا احبت ان اعرض وجة نظري ونظر الحيطين بي |
اقتباس:
|
| الساعة الآن 01:41 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة