منتدى بريدة - ضجيج الفرح .. شاركونا !

إن كنت تسأل يارفيقي وش الراي

تبغى السعادة خذ كلام يقيني

تتبع القصة وتفهم لمعناي

إن كان لك قلب لبيب فطين

أول وانا ضايق من أسباب بلواي

على هموم الوقت ربي يعيني

قد كنت ضايع ماعرف وين ممشاي

تايه مااعرف اشمالها واليمين

تعبت أدور للسعادة بدنياي

واثر السعادة سر يالغانمين

دورتها بالمال ماصاب مرماي

لو زاد مالي دوم قلبي جزين

وايضا السفر مافاد لو تكثر خطاي

نفسي ولو سافرت لازم تشيني

أضحك مع الأصحاب واخف بكاي

حزين دايم دمعتي وسط عيني

واليوم من فضل المولى طاب مسعاي

زانت وكنت اظنها ماتزين

لقيتها بالدين وافهم لمغزاي

وايضا السعاده في رضا الوالدين

وانا على رب المخاليق شكواي

عساه يجعلني من الفايزين

يالله انا طالبك حقق لي مناي

واجعل لنا بالدين حرز مكين

إن كنت تسأل يارفيقي وش الراي

تبغى السعادة خذ كلام يقيني

تتبع القصة وتفهم لمعناي

إن كان لك قلب لبيب فطين