منتدى بريدة - أختبر نفسك انت مرجوج ولا لا؟؟

اقتباس:

المشاركة الأصلية كتبت بواسطة سكرانه ضحكته (المشاركة 4401607)

[frame="7 80"]
الســــــــــــ عليكم ـــلام..

شخباركم؟؟

هل أنت مرجوج ..؟

وإذا كنت كذالك .. ماهو مستوى رجتك ؟

للإجابة على هذه الأسئلة ماعليك سوى اجراء هذاالاختبار

السؤال الأول:

* انت توك قايم من النوم وطفشاااان و وااااصلة معك .. << من الونااسة قمت تغسل وجهك وتفاجأت بنملة تبي تدخل خشمك .. ما هي ردة فعلك؟؟

1- تمسك النملة وتفعصها بإصبعيك وأنت تكركر ومستانس و تقول:
والله يا أنتي نملة منسمة تبين تخترقيني..هع هع هااااااي..
2- توخر النملة عن وجهك و تنتفها وانت تشتمها.
3 - تخلي النملة تدخل خشمك.

السؤال الثاني:

* رااااجع من المدرسة أو الكلية او العمل..المهم وتلقى الواااالده سرحانة في الصالة تفكر وش تصلح بكرة إذا بغت تسيير في الضحى على أم صويلح..ماذا تفعل؟؟
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول:
الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى ..
تقول لها : قلبي تولع فيك.. حب ورثته من الجدوووود
هع هااااااااااااااااااي والله تسحيبة يمة.
2- تجي بشويش من ورى أمك وهي سرحااانة وتصرخ في أذنها وتقول :
مساااااك الله بالخير .. وطبعاًهي بتنفجع وبتقول وجع الله يمسيك بعصا إن شاء الله.
3- تطلع غرفتك وماتسوي شيء.

السؤال الثالث:

*انت توك مقيل وماخذ لك قيلولة على كيف كيفك ونااازل الصالة
وتشوف خواتك الصغااار عند سبيس تون طااايرة عيونهم .. ماذا تفعل؟؟

1- تجي يعنني وتغطي عليهم التليفزيون <*****< أحلى
2- تجي يعنني بتشبك شاحن الجوال وتقوم تفصل الفيش.وتقول : أوه آسف.
3-تقعد تتفرج معهم.

السؤال الرابع والأخير:

* بعد العشاء اشتهيت تويكس ونزلت تشتريه من البقالة
ولقيت سيارة خويك عند باب البقالة :

1- تنسم كفراته الأربعة. << ودي ازين هذي
2- تسلم عليه وتلزم عليه يعزمك على العشاء.
3- تشتري له تويكس معك.

النتيجة:

9 - 12
أنت مرجوووج جداً ..
حالتك خطيرة .. وقد تتحول رجتك إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

<<<< قسم قسمااات اني موب مرجوجه قوووة
بس يمكن مرجوجة كثيــر

يللا ورونا مستوى رجتكم ولحد يدخل ويتثيقل علينا الكل يرد.. [/frame]

يسلمووووووو

طلعتي الفضايح المستورة و طلعت مرجوجة

<<<< نقاله قبل عاقله