رائع جدًا موضوعك ..
لا هم إلا هم العرس ولا وجع إلا وجع الضرس ..
سبحان نفس تساؤلاتي ونفس نظرتي ..

اقتباس:

فلو قلت لأحد أنك تريد أن تتكلم معها حتى تعرفتفكيرها وترى مدى توافقك معها وتوافقها معك حتى تتخذالقرار الصائب لرماك بنظراته التي يتطاير منها الشرروالإزدراء ووصفك بأبشع الأوصاف ك علماني ملحد فاسقالخ هذا إذا لم يتهور ويضربك أو يقضي عليك إذن كيف لي أن أختار شريكة حياتي وأم أولادي وأنا لا أعرفها ولا أعرف تفكيرها ولايحق لي رؤيتها

أكيد ..
شدعوى ترا المسألة بس زواج وعشرة عمر وشراكة حياة .. بس !
عشان كذا ما يحق لك ولا يحق للبنت إنكم تشوفون توافقكم مع بعض !!
أما لو سيارة .. بيت .. فستان .. إي صراحة المسألة صعبة
ويحق للواحد يشوف مدى راحته !!!

اسمع أخي الكريم ،
مشكلة مجتمعنا أنه يقدس مبدأ ( النصيب ) !
طيب حبايب كل واحد وبياخذ نصيبه ، بس فرق بين التوكل والتواكل !
ربي قال ( اسعَ يا عبدي واسعى معاك ) مو خل زواجك على عماك
بحجة النصيب بعدين تبي تتوفق !!
وأقسم بربي الحاصل في مجتمعنا هو قمة التواكل حقيقة ..
والنتيجة حالات الاختلاف وعدم الانسجام بين الزوجين .. !
ومثل ماقالت الأخت الكريمة عالأقل انتوا يالشباب بيدكم
اختيار الشكل اللي يعجبكم ..
البنية حتى شكل شريك المستقبل مو بيدها .. !

أتمنى صراحة تكون في منطقية أكثر في زواجاتنا ..
يعني مثلًا بعد السؤال والحرص عن الشاب والبنت ..
اتكون فيه مكالمات جادة يتكلم فيها كلا الطرفين عن
شخصياتهم ونمط معيشتهم وتطلعاتهم
وتتبين طريقة التفكير تبعًا لذلك ..

جلست مره مع الماما وكنت أعدل وأبدل في أزواج أخواتي ..
أقولها .. يمه شرايك مو فلان ينسجم أكثر مع أختي فلانه ؟؟
وفلانه يصلح لها أكثر فلان ؟!!
وكانت أمي تقول .. أي والله صادقه ..
بعدين تزفني زفه محترمه بحجة إن هذا النصيب !!

اختصار كلامي ،
1_ نظرتنا للنصيب لازم تتغير ويكون معاها عمل ومنطقية مو كل واحد
يخطب أي بنت ويلا بتوفق وهذا نصيبي اللي مكتوب لي !
2_ الصدق من كلا الطرفين في التحدث عن شخصياتهم وتطلعاتهم
(قبل العقد ) !

أكاد أقسم لو تحقق ذلك لنجحت كل الزواجات !
شكرًا جزيلًا أخي الكريم .. بجد استمتعت بالموضوع .