|
[align=right]
المرأة هذه تعتبر كنز دفين الحصول عليها ضرب من الصعوبة متى يجتمع زين ومال ـ مواصفات ليمتد ـ لذا الرجال يتسابقون عليها تسابق الجياد في المضمار ومستعدين لبذل الغالي والنفيس للحصول عليها وماألومهم ماعلى الرجل إلا يجيب ثيابه وخلقانه ويدخل عليها .. أعرف واحدة ماأشغلوها الخطاب بعد وفاة زوجها إلا لما توظفت واشترت منزل .. بصراحة أستغرب من جرأة البعض ، وطريقة العرض هذه بتقديم القربات والشفاعات ، لعل القلب يلين .. فلا أخالفهم برغبة الزواج منها ، فالكثير له رغبة بل أخالفهم بالطريقة والله إنه لشيء مخجل الباب موجود فاطرقه دون هذه الحيل .. إذا إجتمع في الأرملة صغر السن والجمال والمال ـ يعني على سنقت عشرة ـ فباعتقادي إن إختيارها للرجل أصعب من لو كانت بكر .. هذا كله كوم ونظرة النساء وجفاؤهن منها كوم ثاني ، فهو الأصعب والأقوى على نفسها كل وحدة من هالمسكينات تهرب منها خوفا على حياتها ولكن كما صدمها رجال المجتمع فلتنصدم من نساؤه .. وهذا حكم المجتمع ـ للأسف ـ على الأرملة والمطلقة .. انصحيها بألا تترهب ، فكل جنس محتاج للآخر وبشدة ولكن الله يعينها على اختيار الرجل المناسب .. بالمناسبة تراي ماأحب المرأة الزينة واللي عندها فلوس بس أحب الأجر :).. ولنرى من الأمير الذي ستختاره سندريلا .. [/align] |
[align=center]غالبية الرجال بس بيتذوق,,
هوايته التذوق لانه متمرس وتعود على اللعب هذا غير انه لاعب وصاير كابتن بهالأشيــاء مع ناس غيره آخذ المرأه مجرد جاريه ,, الأرمله بمجتمعنا اذا مالقت اولاد ذيابه يحمونه ويعلمونه ويوجهونه مهما كان عمره انجرفت ورى كل شيئ وكل خطه مدبره لأنهن آخذات الرجال أنهم أجاويد وهو ياخابر وراه خير وبيتمكن منها, اللي اعجبني واحد توفى أبوه وجاء مطوع وتقدم لأمــه أول مافتح باب بيتهم لقى المطوع واقف عند الباب وبعد الحداد مباشره اللي أعجبني بالولد يقولي أول ماشفته تفلت بوجهه ومسكته مع لحيته قلتله اشوفك واقف عند بابنا أحرقت بلحيتك قبل وجهك ,, قليل اللي يسدد ويقارب,, [/align] |
تكفين ياوضوح توسطي لي عندها وأنا شاب وعمري خمس وعشرين بقراطيسي وجامعي بس ماتعينت للحين ومستعد اطبخ واكنس واسبع المواعين .. اهم شي القى صدر حنون . تكفين ياوضوح وحلاوتك محفوظه إذا تعينت بالوظيفه اكزها لتس مع ام محمد . >>ضمن العرس
على فكره ياوضوح كل اللي يشجبون ويستنكرون ترى سعابيلهم تقوطر على ام محمد |
^
خن بط انت غير مؤهل لها أنا اللي أصلح خخخ تراي عريس لقطه ..اخت وضوح قولي له يسلم عليتس البل عشقي ويقول انا لها ...والله ماتندم تراي ناوي لي على الثالثه خبرك ودي بوحدة جميله بدون طمع صراحه مسكينه الارمله من كل النواحي اذا طاحت عينه بعين عياله تفطر قلبه واذا احد ساعدهم نفس الشيء دائما تكون حساسه حتى لو كان الناس يخدمونه من قلب بدون مصالح الله يفرج له ويصلح عياله |
اقتباس:
فعلاً ... لاتعليق !!! حين يكون هذا هو تفكير الرجال فـعلى الدنيا السلام ،، أتمنى لها حياة سعيده وهادئه بعيداً عن الرجال وأن تسعد بماوهبها الله به من مال وابناء والبيت الخاص والسائق الخاص كافيان فنصيحه لا تقدم على هذه الخطوة بعد زوجها لأنها سوف تنصدم ! الرجل الحقيقي رحل ،، ، تقديري ؛ |
|
ياقلبي يالحرمه عندنا ماتطلق ولا تترمل الاويجتمع عليه النطيحه والمترديه ....
يحسون انه منكسره وهو الشهم اللي يبي يطلع من مصيبه الطلاق والترمل هالنموذج اللي ذكرتيه ..اعرف كثير كذا بس مطلقات ... والله مايحقرون انفسهم ..يجون ويخطبون وهذا وسع وجيههم وحده قريبتي توفي زوجها وعمره 18 سنه <<<قسم كل زملاء زوجه اخطبوها باليوم اللي طلعت فيه من العده .. |
أناأقول من وجهة نظر
بصراحة المفروض تعطي الرجل شهادة شكروعرفان لأنه جاءيبي يتزوجه على شان الأطفال اللي عنده فيه أحد يتزوج على حرمه ومعه بزارين بالله عليكم كيف يقضي الحياة الزوجية معه ومع البزران وان صال احد البزران على الزوج وبدايهاوش ويسبب مشاكل بالبيت ويقول إطلع عن بيتناوش تبي عندنا ومن هاالمشاكل تعتقدون هذه حياة لاتقولون المال هو اللي يرغب ومن هاالكلام الفارغ يحليلك حريم الوقت ذهينات وعارفات كل شي آخرالمطاف أقولها وبصراحة اللي يتزوج إمرأة ومعه كومة بزران الله يعينه إلاإنه يبي يحتسب الأجرمن الله فهذاشي ثاني الأخت المشرفة وضوح الرجال أهم شي عندهم الراحة النفسية وأخبرِزميلتك الأرملة إذاهي تبي الأجرتقعد بيته ولاتتزوج أبد نهائياً وتربي إعياله وتفتح لهم بعض المشاريع الصغيرة ويعوضه الله بالجنه |
[align=center]^
أبو فارس ..الرجل ماوافق يتزوج مثل العالم والناس ..! هذا يبغى يسّير طال عمرك ..،؛ لي عودهـ بإذنن الله ؛[/align] |
اقتباس:
اي والله صدقت همتهم الدنيا في المقام الأول ! بالنسبة للموضوع اولا الحمدلله انها تعمل وهذه نعمة كبيرة لها ولأولادها لأنها لو كانت بدون وظيفة كيف يكون حالها وغالبا العمل ينسي ويخفف المصائب التي تقع على النفس سبحان الله . اما بالنسبة لمنبوذة تنبذهم مثل ما ينبذونها والحمدلله ولا اعتقد ان كل اقربائها ينظرون اليها نفس النظرة..الناس دائما تصدر طاقات سلبية إتجاه الشخص الذي يكرهونه اوللشخص الموجب (الإيجابي) حتى يثبطونه . صدقيني:17[1]: |
[align=center]
بفهم ليش انا اشــــارك وصاحب الموضوع مآ يعقب على ردي ؟ وش سويت لكم انا ..؟ خاصه مواضيع المشرفين!! ماعجبكم ردي احذفوهـ مو تتجاهلونهـ مو اول مره تصير لي تعقبون على كل الــــردود واذا جـــاء ردي تتجــــاهلونه وتكملون على البـــاقي لايصير بس ردي هو اللي يقطعكم وماعندكم وقت لــــــه ؟ [/align] |
اقتباس:
كوني بخير. |
|
|
هذا الواقع للأسف! وستتوالى عليها العروض الى الدفنه ..طالما هي موظفه ولديها بيت ومال! هذا قدر النساء الوحيدات في مجتمع صممه الرجل لنفسه ,, وليس للأنثى سوى بعض التفاصيل , اعانها ربي وكفاها شرهم ,, |
| الساعة الآن 08:49 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة