|
بالنسبه للشركات تراه معذوره
لأن اهم شي عنده الربح وتبي تسوي مثل غيرها من الشركات بالمجالات الثانيه لاكن اللوم على القطاعات الحكوميه اللي المفروض انها تكون مراقبه لهالشركات |
اقتباس:
اما من ناحية الكبت... فيمكن ويمكن اقول انها ازمة الرجل والمرأة لدينا ربما فقدان الانثى وكونها غريبة عن عالم الرجل عندنا جعل الشباب يبدو مثل المسعور وهو يبحث عنها.. وهذا ممكن يكون طبيعي وغير غريب كوجود.. وليس كسلوك لكن الغريب هو سلوك الفتاة نفسها وكون الفتاة هي من يبحث عن الشاب ويتابع الاعلانات والفضائيات لاجل الاتصال بالشباب.,. هذا هو الغريب والمسالة باتت اكثر من ظاهرة يعني ان يطلب الشاب.. هذا من اول ماطلع التلفون وحنا نسمع به الي تغير هو ان تبحث الفتاة ..؟؟ هنا السؤال ؟ ليش..؟؟ ووش السبب..؟؟ ووش الي تغير فيها..؟؟ |
اقتباس:
حياك اخوك تويكس انت شفت...؟؟؟ اعصار مهوووووول سيزلزل الاستقرار العاطفي وربما يترك اثاره على الاسر مستقبلا... ياااااااااااااااااااااااااااااارب سترك |
اقتباس:
امين الله يستر علينا والمشكلة مو في كثرة الجوالات وانتشارها المشكلة في توظيفها توظيف سيء من مغازل ومعاكسات وازعااااج لخلق اللله |
اقتباس:
اهلا بك ومرحبا اخي خط احمر |
اقتباس:
اهلا بك وطرررررح رائع ومتزن وفعلا لنا دورنا في تربية الابناء لكن هذا لايكفي.. وان كانت التربية مع المتابعة قد تقلل من المشكلة لان الرقيب وان بذل جهدا كبيرا الا انه لابد له ان يغفل وممكن يراقب في البيت لكنه لايعرف ماذا في الجامعة مثلا ومن تقابل البنت وربما تتعرف على بنات يزين لها المعاكسة وربما تكون تجربة واحدة تؤدي الى تجارب قد تدفع البنت شرفها ثمنا لها الاب والام مسؤولان.. لكن ليس بدرجة كاملة اولا لصعوبة المراقبة الكاملة.. وثانيا لان الابناء يريدون مثل اقرانهم هذا بخلاف ان بعض من يعاكسن متزوجات وفي بيوت ازواجهن خاصة اذا كان الزوج من اصحاب الاستراحات والسفر يعني المسالة بدون قرار ومتابعة من وزارة الداخلية والشؤون الاجتماعية لن يكون لها حل ناجح وستسمر تدمر وتفتك بالفتيات.. قبل الشباب |
اقتباس:
عاااااد تبن.....؟؟؟؟ باين ان البنت بقرة والا عنز.. ومو من حق شركة الاتصالات تبحث عن الربح على حساب الاخلاق ومقارنة بالفضائيات مختلف لان الفضائية ليست منا بينما الشركة منا وبنا.. وفينا ويجب الا تغلب الربح على فساد الاخلاق شكرا لك اخوي رحال |
شي طبيعي وعادي
ياخوان العلاقة بين الذكر والانثى من قديم الزمان وليس غريبا أن يهتم أي منهما بالاخر وسمعت من الدكتور السويدان ان اول جريمة قتل حصلت في الارض كانت بسبب التنافس على بنت كما ان قصة سيدنا يوسف دليل كبير على فتنة المراة وانه هم بها وكاد ان ينقاد معها ولذا فان الرجل يبحث عن الطرق التي توصله للمراة والمراة كذلك وان كانت اقل نعم هناك زواج وعلاقة شرعية لكن يبقى الشي الغريب مطلب ومحبب للنفس وانا كشخص عشت مرحلة الشباب والمراهقة قبل اكثر من 15 سنة عشت بحث الشاب عن الفتاة من خلال الترقيم والاتصال على الهاتف وتعرفت على فتيات بالهاتف لاني كنت استجيب لشي طبيعي فيني كانسان مع اني اعرف انه خطا ويمكن يقول احد هل ترضاه لاخواتك وعلى فكره اتوقع ان اخوات الشخص المغازل اكثر البنات التزام لانه بيكون موسوس في سلوكها وبالتالي يحميها ومع اني مارست العلاقة مع البنات من خلال الهاتف قبل النت وقبل الجوال كان اكثرها بري ومايتعدى كلام وسواليف وبعد ظهور النت كان التواصل اخذ طريقة ثانية بالاول كنت اتعرف عن طريق التشات وبعد الملل تعرفت عن طريق المنتديات والماسن وقليل منها من تطور لاتصال هاتفي اما عن الفضائيات فكان لي تجربة مع قناة اظنهم الغوها الحين من عرب سات ونايل سات كانت تحط ارقام تعارف مباشرة (شاب من الرياض يبحث عن بنت ) ويحط رقم جواله، كان هالكلام قبل ثلاث سنوات او سنتين.. وفعلا سويت الحركة هذي وحطيت رقمي مع عبارة شاب سعودي يبحث عن التعارف الي حصل شي مفروض يفرحني بس والله اني تنكدت اكثر يوم شفت كم البنات الي يتصلن شي مو طبيعي.. وانا اتصل على وحده يكون بالانتظار اكثر من اربع خمس.. وكلمت ذيك الايام اكثر من 30 بنت من الرياض والقصيم والمدينة وووووو.. وكانت تجيني مكالمات من دول عربية وافريقية بس ماكنت اعبرهم الغريب ان اكثر البنات اعمارهن من 18 الى 22 وهو مايعني انه عمر المراهقة وفيه بنات كانت تتصل لاجل المادة وتقعد تتكلم عن ابوها المريض وقسط معهد الحاسب الي مسجلة فيه وتلميح ومرة تماديت مع وحده تالمت يوم عرفت انها عندها استعد تبيع جسمها عشان حفنة دراهم ايضا ممن تكلمت معهن وهذا مهم للمتزوجين كثير متزوجات ويشتكن من جفا ازواجهن فهو اما مسافر مع اصحابه او سهران بالاستراحة وكثير منهن يقسمن انه ماكان لهن علاقات قبل الزواج بس الزوج هو الي اجبرها على هالشي الغريب الي لاحظته مع كثير من البنات خاصة غير المتزوجات اول ماتعرف انك متزوج ترفض تكلم معك وبعضهن يبررن انها تحترم حق زوجته مع اني استغرب اذا كان قصدها ان تكون هذه العلاقة تنتهي بزواج وعشان كذا تبحث عن غير متزوج لانه صعب انها تبدا حياتها بعلاقة عن طريق المعاكسة طبعا انا والحمدلله متزوج ومرتاح بزواجي واللي خلاني اخوض ذيك التجربة هو ولادة زوجتي واحساسي بالفراغ 40 يوم وكان هدفي التسلية ولان الرقم اللي بالفضائية ذاك اليوم استفزني وخلاني احاول اتعرف وش الي يصير بعده وانا اوافق ان الوضع خطير ومهب طبيعي رغم ان مسالة المعاكسات والمغازلات موجودة من زمان يوم مافيه جولات ولاحتى تلفونات عادية يمكن تكون اقل بس من واقع اني كنت عايش مرحلة المراهقة بشكل منفتح عندي قصص وحوادث مايمكن احد يصدق انها تصير في بريدة سواء حصلت لي او لبعض الزملاء الي مماثلين لي في الهواية الخطيرة ويمكن وقتنا كان اهون لان الزواج كان متيسر وشروطه مو صعبة لكن الحين بتزيد المسالة لان سن الزواج تاخر بسبب المصاريف وبحث الطرفين عن الشي الي ينقصهم وهو العاطفة دون حساب للعواقب |
كلامك جميل
طيب اخوي عندي استفسار .. واذا ودك تجاوبه فاهلا وسهلا وسأكون من الشاكرين واذا ماودك فالامر بين يديك انت حر الان اذا تزوجت المرأه وولدت وقت النفاس اذا كانت عند اهلها الزوج كيف يعيش حياته ؟ انا اتكلم عن الرجال الناضجين من 30 وفوق.. |
ع فكره حبيت انوه ترى سؤالي لواثق الخطوه والي يبي يجاوب حياه الله :)
|
اقتباس:
اهلا بك ابو صالح وشلون يعني معذورة..؟؟؟ حتى لوكانت تبي الربح فهذا لايعني ان تهدم الأخلاق..؟؟ ومعك ان اكبر المسؤولية على الحكومة في وزاراتها المعنية |
اقتباس:
كلام السويدان ممكن وان كنت سمعت كلام ثاني عن قصة سيدنا يوسف عليه السلام وان الهم ليس المقصود به الهم السيء وفعلا علاقة الرجل بالمراة تبقى محل بحث من كلا الطرفين لكن انضباطها بالقيود الشرعية اسلم واسعد اقتباس:
انت تتكلم من خبرة فيما يبدو قصدي خبرة ممارسة سلوك المعاكسات لكن في كلامك الأخير عن اخت المعاكس انا اختلف معك لان المعاكس سيكون اقل غيره على اخواته لانه يفعل ذلك مع مثلها.. ولذا فقد تنجرف اخته مثله وربما يعاقب ايضا بها اقتباس:
فعلا كااااااااااااااااااارثة ومصيبة ان كانت البنات بالكثرة التي ذكرت لان المعروف عن البنات انهن افضل من الشباب وابعد عن الشبه والمفاسد لعل في كلامك شيء من المبالغة.. وشخصيا اتمنى ان تكون فعلا مبالغة........!!!!!!!!! [quote=واثق الخطوة;2304378] ايضا ممن تكلمت معهن وهذا مهم للمتزوجين كثير متزوجات ويشتكن من جفا ازواجهن فهو اما مسافر مع اصحابه او سهران بالاستراحة وكثير منهن يقسمن انه ماكان لهن علاقات قبل الزواج بس الزوج هو الي اجبرها على هالشي quote] الغريب بالفعل ان يكون هذا السلوك من متزوجة يفترض بها الا تورط حياتها بامور قد تدمرها وربما تدمر مستقبلها ان اشيع ان طلاقها بسبب المعاكسات اقتباس:
فعلا كلامك فيه شي غريب..!! يعني لها الدرجة البنات غبيات عندهن تخطيط للزواج عن طريق المغازل؟؟؟ لانه مو معقول ان وحده بهالسلوك.. وتصير مثالية لها الدرجة..؟؟ الجزئية هذي اضحكتني ... اقتباس:
برضه .. مو صح الي سويته حتى لو من باب العبث لانك ممكن تضر غيرك وزوجتك والده لك وله.. واحترامك لها يخليك تكون وفي لها اقتباس:
برضه النقطة هذي اتوقع فيها مبالغة وان شاء الله مايكون كلامك صح صرااااااااحة كلامك بقدر ما اثرى الموضوع الا انه فتح قدامي تفكير ثاني.. اشياء فاجئتني.. وخلتني احط ايدي على قلبي خوف من المستقبل |
اقتباس:
اقتباس:
بجاوب قبل يرجع اخونا الواثق بنفسه اولا بعض الرجال اساسا برنامجهم مشغول حتى وزوجاتهم بالبيت يعني بيكون له ربع بالاستراحة او الشقة يجتمعون ويقضون وقت وهالنوع ماعليهم مشكلة لان وقتهم مقضي من قبل وولادة زوجاتهم تريحهم اكثر من حن الزوجة ورنها وبعض الرجال يكون مرتب نفسه اول ماتولد زوجته.. على اقررررب طياره ومايجي الا وهي قريب رجعته.. وهذا ياسعده اذا كانت ولادتها بالعطلة.. بيلقى احد يخاويه فيه ازواج بيكونون عند زوجاتهم وقريبين منها .. لان طبعهم اصلا من النوع البيتوتي وهالنوع هو الي بيحس بمعاناة ووحده وفراغ كبير هذا الي اعرفه من الشباب .. والي بيزود حياه الله |
اقتباس:
|
[quote=المعروف;2305776]
كلام السويدان ممكن وان كنت سمعت كلام ثاني عن قصة سيدنا يوسف عليه السلام وان الهم ليس المقصود به الهم السيء وفعلا علاقة الرجل بالمراة تبقى محل بحث من كلا الطرفين لكن انضباطها بالقيود الشرعية اسلم واسعد انت تتكلم من خبرة فيما يبدو قصدي خبرة ممارسة سلوك المعاكسات لكن في كلامك الأخير عن اخت المعاكس انا اختلف معك لان المعاكس سيكون اقل غيره على اخواته لانه يفعل ذلك مع مثلها.. ولذا فقد تنجرف اخته مثله وربما يعاقب ايضا بها فعلا كااااااااااااااااااارثة ومصيبة ان كانت البنات بالكثرة التي ذكرت لان المعروف عن البنات انهن افضل من الشباب وابعد عن الشبه والمفاسد لعل في كلامك شيء من المبالغة.. وشخصيا اتمنى ان تكون فعلا مبالغة........!!!!!!!!! اقتباس:
كررت اكثر من مرة كلمة مبالغة وانا اقسم لك بالله ان ماذكرته لك صحيح وحدث كثيرا معي ويمكن كثير من الاعضا عندهم مثل هالاشيا ويقدرون يفيدون به اكثر وماقول الا الله يهدي الجميع بنات وعيا |
| الساعة الآن 10:55 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة