...!!!....

من يقول مثلها مثل غيرها من الحريم الحريم الباقيات ضيوف وهي العروس و فيه فرق وفرق كبير بعد


غريبه العروس اولى بالرقص من الحضور !! ماسمعنا بذلك في الملل الاولى و لو كانت اولى ما استنكرناها و لا صارت موضه انبدعت هاليومين


ما كل ما ينتقد حرام بل ماهو ايضا خارج عن المالوف و عن الطبيعه و طبيعه المراه وخاصه العروس الحياء



الحياء اللي سمعنها عن الرسول صلى الله عليه وسلم وهو رجل : كان رسول الله - صلى الله عليه وسلم - "أشدَّ حياءً من العذراء في خدرها؛ فليست لانها عروس افضل من الرسول في لتنزع الحياء بل هي على ابواب خدرها يتوجب منها حياءا اشد وحتى لو صار بينها و بين زوجها وقت الملكه كلام و قلت الكلافه بينهم مااعتقد تنشال الى درجه انها ترقص قدامه من اول ليله ولو قدام الناس اشد واشد بعد .. قال زالت الكلفه قال .. هذا رجل له هيبته و له حضوره مهوب من ليله زواجها قدام العالم تخق وتهز وسطه يعني اني عروس ... سبحان الله ما ادري كيف انقلبت الايه .. عشانها عروس عادي انها ماتستحي!!


لاتكبرين السالفه حبوبتي لا قبه و لامئذنه هذا واقع و الردود المستنكره مامشوا بكلامي كلن طرح وجهه نظره

عادي حنا تنناقش و الاختلاف لايفسد للود قضيه لكن مع ذلك مش مهضومه ابدا عروس تتهزز تقل خبله ليله زفافها

مين الاثنين ؟؟ ان شاء الله العروس و العريس ؟؟ و كلهم يهزون على خفيف خخخخخخ لا يصير جوال وعلى الصامت
والله اذا هضمنا ان العروس تهز شوي وهي واقفه يعني بس شاله الطق ونفضت كتفها يمين ويسار و هي بمكانه فما اضن اهضم ابو شنب يهز وسطه قدام الحريم وهو عريس بعد .. الله يخرب بيت المرجله لو بايدي كان اروح احلق شنب ابو الشباب هذا و احطه تحت كعب كنادره الله لايقولها لو رجلي يرقص عند الحريم واكبره كبراه والله مايردن الا بيت ابوي من القاعه مباشره

ههههههههه
آيه العروس والعروسه ..
والله عــاد وش يدريني حنــاء عايلتنا كـــذا مافيها شيء

بــس عــاد إذا أنتم غير .......مــا أقول شيء ..:)

الحفل كله من أجل العروس , فمن باب أولى تكون هي أولى بالرقص من غيره , وله حريه التعبير عن فرحته بأي طريقه كانت , مادامها ما خرجت عن اطار الحلال ..

اقتباس:

غريبه العروس اولى بالرقص من الحضور !! ماسمعنا بذلك في الملل الاولى و لو كانت اولى ما استنكرناها و لا صارت موضه انبدعت هاليومين

عادي جدا ...

هذولا انتم كل جديد لازم يحارب , أمس طلع لنا التلفزيون وحورب من كل الجهات ومع ذلك تلقينهم بالوقت هذ1 شئ عادي جدا أصبح اللي ما عنده تلفزيون هو اللي شاذ وخارج عن المألوف ..

وتشوفون بعدين أن تستنكرون اللي ما ترقص بعرسه وتستغربون فعله ..

اقتباس:

ما كل ما ينتقد حرام بل ماهو ايضا خارج عن المالوف و عن الطبيعه و طبيعه المراه وخاصه العروس الحياء...

والحياء واقف على العروس , إذا صرت تنتقدين رقص العروس لانه ينافي الحياء فمن باب اولى انك تنتقدين هالحريم المتنقبات والمتكحلات في الأسواق , اللي خرجن عن أصول الحشمه ..

لكن العروس لما تتجرأ بليلة عرسها وتهز له كم هزه خفيفه مااعتقدت أنها سوت شئ غلط ..

مقياسنا يا حياتي حلال وإلا حرام ,, مالنا شغل بطبيعة وما طبيعه أجل على كذا مستحيل البنت تمكن نفسها للرجل بليلة الدخله لان طبيعتها تستحي ,..

اقتباس:

عادي حنا تنناقش و الاختلاف لايفسد للود قضيه لكن مع ذلك مش مهضومه ابدا عروس تتهزز تقل خبله ليله زفافها

أكيد رقص العروس راح يكون ناعم جدا جدا ..وموب معقوله راح تهز وتناقز بفستانها المنفوش ,, هي يالله بالله تشيل فستانها عاد وشلون ترقص به رقص مناقز ..

أشكرك أختي ..

يقول المثل (فإن لم تستح فاصنع ماشئت)لوفيها ذرة حياء كان استحت من الرحمان الي من عليها بالزواج موب رايحه تجيب ام لسانين تطقله وتغني هذا إذا ماصار فيه موسيقى بعد وإلا متعريه
وينها عن عائشه رضي الله عنها التي استحت ان تشرب اللبن في ليلة زواجها (الكل اعتقد يعرف قصتها)
هذا وهو شرب فما بالك بوجه ابن فهره سراحه مغسول وجهه بمرق والله مع اني سمعت اشنع من كذا الله المستعان وصدق المصطفى صلى الله عليه وسلم (ولو دخلو جحر ضب لدخلتموه)

وينكم عن المصاريا والسورايا اكثر من يستانس العروس تموت من الرزح

عني انا مااحب ان العروس تردح وان لزموا عليها فهز خفيف بس تمتر المنصه موب زين

طيب <<< يعني كل رجالكم يرقصون بعروسهم! .. عجزت اتخيل , شكرا حبوبتي

اما من باب اولى فكثري منها وانا اختك!!







هيييييييييييييه لحظه ام الشباب و ين رايحه امسكي بريك شوي خير ان شاء الله لاتخلطين الحوا بالبسباس وش جاب ذي لذيك !!!!







شايفتني الاخت مكتوب على بطاقتي مصلحه اجتماعيه , انا فرد من مجتمع انقد ما ارى فقط لا ماتملين انت علي و لا ما يحتمه علي واجبي كمصلحه اجتماعيه



مقياسنا حلال و حرام صح لكن ماخرج عن الذوق العام ممجوج و اختلاف العادات لا يحتم علي التسليم بها و ادربي دميجتي واقول عادي و مقبول انا ماعجبني و فلانه و فلانه من المداخلين و لنا حق نطرح راينا







العفو حبوبتي

لا تتحمسين قوه حبوبتي ترى المساله مهما كانت ابسط من انفعالك

الله يديم علينا الحياء و لاينزعه منا عفوا حبوبتي