قصيدة خيانة واحد يشكي لولد عمه (قوووووية)

[هامة حاسوبية]

السلام عليكم ورحمة الله وبركاته

قريت هالقصيدة القوووووية وحبيت تقرونها



http://www.4img.com/ar/up/06/12/21/7cc980b0f894bd0cf05c37c246f215f3.gif


ثلاث سنين انا اخطط لهذا اليوم يـا بـو سعـود
تيسّـر حالـي و جاهـز اوفّـي وعـدي بوقتـه

و فجأه جتني تتعـذر .. تقـول تأخَـرَت لوعـود
و انا مستغرب و اسمع كأنـي وعدهـا خنتـه !!

حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه

و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!

كنت ف يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته

و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه

صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه

سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه

و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه

و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه

و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !

تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه

انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه

عسى بفستانها اشواك .. و في ثوبه عقارب سود
و نار ٍ تحرق الكوشـه و تحـرق بيتهـم حتـى

و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه

علي اهون اذا ماتوا ولا بنفـس السريـر رقـود
ترى صعـب ٍ علـي اتخيـل اللـي مـا تخيلتـه

عسى قاع الثرى يقسى و يتحول صخـر جلمـود
و حفار القبـر يرفـض يسـوي فـوق مقدرتـه

ترى دفنة عديم الذات تلـوع حتـى كبـد الـدود
و من خان العهود و مات تعافـه حتـى مقبرتـه

عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه

انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه

مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه

و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه

انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه

و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه

ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!

ثلاث سنين انا اخطط لهذا اليوم يـا بـو سعـود
وتوافق من كلام اخته .. و صـوره ( 4 ف 6 )

[عوض البشري]

صح لسااان الشاااعر


واشكرك اخوي على النقل الجميل


لكن لي مآخذ كثيره على القصيده


اولا نحن في السعوديه ولله الحمد تحكمنا تقاليد الاسلام العظيمه التي نرى آثرها على عفاف بناتنا وابنائنا

وماصدر من الشاعر في القصيده اعتقد انه يدل على انه ليس من ديار الحرمين الشريفين


وخير شاهد على بعض الابيات التي قد تسئ سمعة الشاعر هذا البيت:


و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه



البيت وااضح ومفهوم


على العموم اتمنى ان تدوم نعمة الاسلام علينا وعلى كافة المسلمين


وتقبل مني خالص الود والتقدير

[هامة حاسوبية]

معاك حق شاعرنا

نفس ملاحظتي بالضبط

وعموما الشاعر إماراتي

القصيدة فيها مآخذ بس فعلا قايلها شاااااعر

عرف يعبر وبقوووة عن مكنونه

تسلم على المرور الطيب والله

[وليد الطريقي]

يضل التعبير الصادق سمة الشاعر وقد اجاد بنظري في تلك القصيدة رغم ما فيها من قسوة ودعوات قوية

[هامة حاسوبية]

::وليد الطريقي::

تسلم على المرور ورأيك الجميل اللي أتفق فيه معاك

[حايمتن تسبدي]

رااااااااااااااااااااااااااااااااااائعه بس أقشعر جسمي من دعواته حرام عليه
لو يحبها من جد يتمنى لها السعاده

[هامة حاسوبية]

والله ياوخيتي الغيرة تقطع القلب ترا

بس من جد الواحد مهما بلغت غيرته يظل محبوبه بعيونه ويخاف عليه

حتى لو انحرم منه

إييييييييه ياشييييييييين الفرقا وأنا أختك

المهم مشكوووووورة على رفعة المعنويات احم