مطلوب شقة للأجار عاجلا بأي مكان ببريدة .. فزعتكم شباب !! [الأرشيف]

مشاهدة النسخة كاملة : مطلوب شقة للأجار عاجلا بأي مكان ببريدة .. فزعتكم شباب !!

أبن مريم

13-11-06, 10:44 pm

السلام عليكم ورحمة الله وبركاته .

ارجو الفزعة العاجلة في البحث عن شقة للتأجير في أي حي ببريدة بشرط أن تكون جيدة وأن لا يتجاوز أجارها السبعة آلاف وخمس ....

وفق الله من اجتهد معي وساعدني ..

الذاهبة

13-11-06, 10:48 pm

مرحبا ابن مريم

تبي شقة عزوبية ولا عوائل ؟

بعدين يمكن يمكن ما يحصل دور أرضي .. يالله يالله تحصل أدوار علوية بــ 7 آلاف

بندر الحمر

13-11-06, 11:00 pm

أخي الغالي

أتوقع ان فيه في حي المنتزه الشرقي شقه بهالسعر تقريبا

الموقع بالضبط

جنوب دوار حي البشر والمنتزة

داخل الحاره (( في المنتزه الشرقي ))

على بعد 50 متر عن الشارع فقط

أتمنى أن أكون قد أفدتك

الكربوني

13-11-06, 11:20 pm

أبن مريم

13-11-06, 11:29 pm

اختي الذاهبة

شكرا على اهتمامك وفزعتك أعريد شقة للعوائل لشخص عزيز ناوي على الزواج وحفيت رجلينه ما لقى
وعادي لو بدور علوي أهم شي زينة وبهالسعر

أخي بندر الحمر

الله يبارك فيك .. ابقوله على الي قلت عليه وهو يشوف على الطبيعة بس لو كان فيه رقم هاتف يمكن يسهل عليه المهمة لو ما دل !

بانتظار باقي الفزعات

أبن مريم

13-11-06, 11:41 pm

؛
؛

والله يابن مريم طلبت الفزعه

وودنا نخدمك بعيوننا

بس بصراحه ... مو منطق بأي جهة من بريدة ...!!
ياليتك لو تحدد على الأقل الجهة ..تبي شمال ... شرق ..
والشقة عزاب ولا عوائل ...
ومدخل خاص ولامشترك ..
أما قولة جيدة ..تراها واسعة كلن والجود بعينه شئ ...

أنتظر ردك وأبشر ان شاءالله باللي يرضيك ...

نخدمك بالافراح يالغالي ..

بس صدقن ما قلت بأي جهه الا من شي شفناه وحنا ندور بدون نتيجة يا طايلة يا قاصرة !!!!!

طبعا مطلوبة لواحد يبي يكمل نصف دينه وهو من النوع المحافظ الي ما يبي شي مشترك <<< حشا مصاريا !!

وجيدة يعني زينة يعني نظيفة شرحة برحة على قولة اخواننا المصريين مهيب مدهولة ومنتهي عمرها الافتراضي زي بعض الي شفنا وقلبت كبودنا منهن !!!!

ولا تنسى نبيها بحدود السعر المذكور الله يوفقك , أما ليش بأي مكان فلأن الأسعار متفاوته حسب المناطق .. يعني ممكن بالجنوب أو الشرق نلقى زينة وجديدة ما سكنت أبد بسعر وحدة مدهولة بالشمال !!!!

فأنا خليت المجال مفتوح بناء على رغبة خويي الله يوفقه ويوفقكم أجمعين

موبايل

13-11-06, 11:51 pm

عندي شقة مناسبة بس الله يخلف ب7600 نتمنى نخدمك مستقبلاً

الكربوني

14-11-06, 12:00 am

؛
؛
الله يوفقنا واياك واياه ...

وبالمبارك ان شاءالله .... وبيسرها الله ...

بس صدقن ما قلت بأي جهه الا من شي شفناه

ههه ياحبيلك صدقت شغلة ووجع راس وأخيراً تلقى شئ وبعدها يالسعر غير مناسب وهذا الأكثر أو شقة ماتصلح ببداية زواج ..

الي ما يبي شي مشترك

هذا اللي خفت منه والا بالبال كنت باقولك هالليلة تروح تشوفه .. وموقع حلو وجديده بس مدخل مشترك ...

**
لكن ان شاءالله ابشر لعلنا نحصلك شئ طيب وبيننا الخاص إذا لقينا ..

**
ولأجل أصدقك سبعة ونصف ومدخل خاص ...هذي يبيلها تمشيط ببريدة ...
إلا ممكن تلاقي بالشماس أو حواليها تكون شقة مرممة ...

وان شاءالله ماراح نقصر معك ...

ودعواتنا لصاحبك بالتوفيق والتيسير ...

بندر الحمر

14-11-06, 12:04 am

الله يوفقك ويوفق رفيقك ويسعده دنيا وآخره

وليد الطريقي

14-11-06, 01:21 am

اذا كان يبي بالاسكان ( 1 ) دور علوي شبة جديد واجاره ( 13 ) الف ترى عندي

<<< تخصص اشتغل

أميرة بريدة

14-11-06, 03:56 am

فيه بحي المصيف قبال قصر الثريا بوابة النساء شقق جديده الادوار العلويه بسبع الاف

غرفتين ومطبخ وحمام وصاله ومسرمكه بس اعتقد كلها مسكونه

بس باقي شقق تحت سيراميك ومكيفات سبيلت واكبر من الي فوق شوي وفيها حمامين

بس اسعارها بالضبط مدرري

**اذا تبي رقم صاحب المكتب اسئل لك اخوي

هادي الطبع

14-11-06, 07:33 am

جاري البحث عن شقه بقيمت المبلغ الي معاه

أبـــو ولــيــد

14-11-06, 01:37 pm

اخوي ابن مريم قل امين الله يعين خويك المسكين على تدوير الشقة انا لي شهر ونصف ادور شقة ويالله لقيت ترا عندنا ازمة شقق ماهي معقولة لكن فية شقق بالفايزي غرفتين وصالة وحمام واحد فقط ومطبخ حلوة بس المشكلة مشتركة. المناسبه

الرأي الأول

14-11-06, 07:10 pm

ازمة فعلا ازمة وخاصة الشقق المزوده بكراج وتكون ارضيه

ابوقش

14-11-06, 07:22 pm

عطني بعض الوقت وارجع لك بالخبر وشاكر على موضوعك

جـــــراحـــــ

14-11-06, 10:37 pm

يابن مريم لقيت ولا لساء

جـــــراحـــــ

14-11-06, 10:43 pm

اذالقيت علمنا لن في شقة في الشمااااااااااااااااااااااااااااااال لكن مو بيت شقة بدورة مياة وصالة و3 غرف ومطبخ صغير وعلمن لني استفسرتلك ؟؟؟؟؟؟؟؟؟ ارجو الرد

أبن مريم

14-11-06, 11:28 pm

عندي شقة مناسبة بس الله يخلف ب7600 نتمنى نخدمك مستقبلاً

أخي موبايل

ممنوع الرقص على أنغام أنات المساكين !!!!!

كانك ناوي تقط لرفيقي هالمية فزعة منك عطنا التفاصيل .. والا خل عنك التريقة على طريقة جحا والتسعة آلاف وتسع مية وتسع وتسعين الي ما يبيهن !!!!!

أبن مريم

14-11-06, 11:32 pm

؛
؛
الله يوفقنا واياك واياه ...

وبالمبارك ان شاءالله .... وبيسرها الله ...

ههه ياحبيلك صدقت شغلة ووجع راس وأخيراً تلقى شئ وبعدها يالسعر غير مناسب وهذا الأكثر أو شقة ماتصلح ببداية زواج ..

هذا اللي خفت منه والا بالبال كنت باقولك هالليلة تروح تشوفه .. وموقع حلو وجديده بس مدخل مشترك ...

**
لكن ان شاءالله ابشر لعلنا نحصلك شئ طيب وبيننا الخاص إذا لقينا ..

**
ولأجل أصدقك سبعة ونصف ومدخل خاص ...هذي يبيلها تمشيط ببريدة ...
إلا ممكن تلاقي بالشماس أو حواليها تكون شقة مرممة ...

وان شاءالله ماراح نقصر معك ...

ودعواتنا لصاحبك بالتوفيق والتيسير ...

يا معود هات أم مدخل خاص بس قبل توخذ ويقعد خويي بلا عرس !!!!!

جب لي التفاصيل تكفى وأخليه يشوف هو على الطبيعة ويقرر ...

وبانتظار التمشيط بس ما ودنا بالشماس !! يعني لك عليه شوي ..

أبن مريم

14-11-06, 11:34 pm

أبن مريم

14-11-06, 11:35 pm

أخوي بندر
اخوي وليد

يعطيكم العافية ..

أبن مريم

14-11-06, 11:41 pm

اخوي هادي الطبع

بانتظارك

اخوي أبو وليد

يا ليت تعطين تفاصيل المشتركة يمكن تعجبه وترضيه

الرأي الاول

شاكر لك

ابو قش

بانتظار فزعتك على احر من الجمر

أبن مريم

14-11-06, 11:43 pm

اذالقيت علمنا لن في شقة في الشمااااااااااااااااااااااااااااااال لكن مو بيت شقة بدورة مياة وصالة و3 غرف ومطبخ صغير وعلمن لني استفسرتلك ؟؟؟؟؟؟؟؟؟ ارجو الرد

لا والله يا جراح ما لقينا الى الآن ..

اسعفنا بالتفاصيل عن الشقة الي بالشمال من ناحية الموقع والتلفون والسعر المطلوب ... بسررررعة تكفى الله لا يحرمك الأجر

أبـــو ولــيــد

15-11-06, 10:57 am

اخوي شفت دوار الننهضهة الي على يمينك يصير الشعبة الهندسية حقت المرور تمام اطلع شمال وخل الدوار بظهرك يجيك دوار ثاني صغير رح برضه شمال امش كيلو وتجيك عمارة على يدك اليسار جديدة وفخمة وفيها اصانصير بعد والله يوفق خويك

الكربوني

15-11-06, 03:33 pm

؛
؛

طيب لأجل مانقطعك ... ولحتى نشوف وان شاءالله تتيسر
شف فيه بشارع الستين الفايزيه ... بطريق الخدمه اللي به الراجحي العمارة اللي تحتها محل العودة لأجار السيارات وواجهيتها حجر ... خابرن فيها شقه وحلوووة وجديده ماسكنها غير واحد قبلك وتوه طالع غرفتين ومطبخ وصاله ودورة مياه ..ومجلس مع دورة مياه ..لها مدخلين للمجلس باب ولباقي الغرف باب ...بس مثل ماقلتلك المدخل مشترك ..

والله يوفقنا واياكم

طـمـوح

15-11-06, 05:38 pm

عندي لك شقه بالدور الثالث .. شرق مخطط الحمراء مباشرة <=== شقق الفاخرة :)

سنة كامله بـ 8000 ريال مع الكهرب والغاز والتلفون والتنظيف يومياً إذا كنت تبي

إذا كنت تبيها راسلن على الخاص

لكن صغيره هي

يعني غرفه وبنفس الغرفه فيه جلسه صغيره وفيها تلفزيون ..
وعلى جهه أخرى فرن للطبخ ودولاب صغير للأواني ودورة مياة وثلاجه صغيرة
والظاهر فيه غسالة ملابس !!

إذا كنت تبي صورة لها أصورها لك