المساعد الشخصي الرقمي

مشاهدة النسخة كاملة : قضبة حلق


البنت المملوحة
05-03-02, 06:30 pm
ابقول لكم هالقصة واتمنى أنها تدخل في قلوبكم البسمة
اشين شي في الحياة انك تلقى ناس بثرين يعني يقضبون الحلق المهم مرة من المرات كنا بروح لعرس وماصار العصر ‘إلا واحدى القريبات متصلة ماعمرها أتصلت (ان كان معكم بالسيارة سعة ياليت تمرونا أنا وعيالي الصغار )طبعاًقالت الوالدة أن شاء الله وعلى هالخشم ..............مريناهم ورحنا للعرس واستانسنا ويوم جينا نرجع بدت فصول المسرحية ؟؟؟
طلعنا حنا والوالدة والأخت العزيوة (قريبتنا)ومعها بنتها بس والولد ماتدري وينه ويم ركبنا السيارة قالت ببرودة للبنت وين أخوك ؟ البنت والله مادري !!بسرعة روحي ناديه وحنا كلنا مترززين في السيارة راحت البنت حوالي ربع ساعة وما رجعت لحظات والولد جاي قالت ياولد وين أختك ؟؟قال ماشفتها سوت فيها حل وقالت بسرعه رح ناد أختك راح الأخ ونطقها كلنا حوالي ربع ساعة ثانية وجت البنت تدربي راسها ؟؟؟؟يمها مالقيت أخوي """"""الأم ضاع وجهها وقالت بسرعة روحي ناديه توه رايح يبغى يدورك أخيراً تدخل الأخ اللي جايبنا وقال لا ياخالة مايحتاج ترسلين البنت مرة ثانية (قم ياأحمد رح ناد الولد وأحمد هذا أخوي أبرد من الثلجة راح الأخ وطقيناها ربع ساعة ثالثة تدخلت الأم يقالها مستحيةان ياوليدي رايحة أناديه لكن أخيراَ تفتق مخ أخي السائق عن فكرة جهنمية وتلحلح وذهب الى بواب القصر وقال لو سمحت ناد على فلان وفلان ورجعوا الثلاثة بسرعة فائقة وما رجعنا الي بيتنا الى نص الليل بعدما ابتلينا بعائلة بثرة واخوة باردين برودة القطب المتجمد

الكوماندو
05-03-02, 08:09 pm
والله مشكله . :(
انشاء الله ما تشوفون من البثاره غير ما شفتو انتم وجميع من يقراء هالرد .
وعلى فكره مشكلة البثارة محد يسلم منها . بس الواحد يحاول يفك روحه ويقصر تحمل البثاره للناس اللي تستاهل .


و لا انسى ..... اهلا وسهلا بالمملوحة , ولو انها جت متئخره بس كنت باجازة زيك
:)

البكيراوي
05-03-02, 10:08 pm
هههههههه قصة حلوووة

والمرة الثانية ربطوا رجلين البزارين ببعض !!

تسلمي على هذه القصة الطريفة

الذهبي
05-03-02, 10:13 pm
هههههههههههههههههههههههه
الف الف شكر لك على هذه القصة اللي تقطع المصارين :D :D :D

قم بس قم
06-03-02, 01:28 am
حيا الله البنت المملوحة


بس الظاهر انتس حارة قوووووووووووووووة
الله يعين رجلتس:D :o


ترا مثل هالسواليف تصير بس تبين الصدز انتن يالحريم تكسرن الخاطر:(


يعني تنطقن بالسيارة بالبيت عادي:D


أقول انتي رهيبه على هالموضوع وسالفة روعة وتشكرين

وتستاهلين جائزة التفوق الاسبوعي

وهي عبارة عن شرايط جدايل من محلات الاخوين بجيزان:D

كزي احد يستلمهن




الف مليووووووووووون شكر على هالموضوع اللي من جد رووووووووووووعة

البنت المملوحة
08-03-02, 02:00 am
اولا حبيت اقولكم اني استانست يوم شفتكم رادين ومعليش الأطالة لاني عندي مشلغل كثيرة (يعنني مهمة)


شكراً قم بس قم والله مانب حارة لكن وش رايك بالي تصير معه هالحالة ويكون بعلمك كنت ميته من الضحك يوم ذيك السالفة وأما الشرايط فمشكور عشان أحطها لطالباتي والله يحييك مرة ثانية


المستنر2002 مشكور اخوي


البكيراوي وحنا مالنا شغل غير نربط ونفكك....حالة والله وشاكرة لك على اهتمامك

الكوماندوز هلا بك مشكلة البثر انه نشبة ولا تقدر تسلم منه