موقع خطير يجب تغييره ....

[واحد من الربع]

شوفوا معي الوصف وتعرفون الموقع
إذا كنت واقف عند إشارة البرج
وبرج بريدة على يمينك ونادي الرائد على يسارك
و وجهتك لم الشمال ومشيت يجيك إتجاهين
واحد يمين يمر بك على بنك الراجحي والثاني يسار بإنعطافه خفيفه لليسار
مقابل مقر الجوازات السابق ، هذا هو الموقع ...
هذا الموقع إذا ما عدل بحاله راح يجيب كارثة حقيقية
عبارة عن تصادم مجموعة سيارات ... الواحدة ورى الثانية ....
لسبب بسيط وهو تجمع السيارات عند مطاعم ( السم الهاري ) ...
وكأن المكان يتسع لمواقف لهذه السيارات ...
والله يا كذا مرة بغيت أروح فيها أنا وغيري أخرها اليوم
الناس تدوس من عند الإشارة ... وتتفاجأ بزحمة السيارات عند المقاصف ...
ويضيق الطريق لدرجة تسمح بمرور سيارة وحدة فقط ....
أنا متأكد بأن الأغلبية لا حظوا الموقف لعدة مرات ....
فياليت المرور يشوف حل لها قبل لا نفقد أحد ...
والله يكفينا شر الحوادث ....

[مجرد رأي]

الله يجزاك خير على التنبيه

،،،

[ديز ابي]

كلامك صحيح اخي



بس .. !.


وش تسوي اذا كان عندك مرور نايم !.!؟


مع كل الود

ديزوو

[The Free Man]

صدقت
ياهو قاهرني ذاك المطعم هو وزباينه المتخلفين

[الحجي دحيم]

فعلا والله شي يقهر أنا سبحان الله مالي خلق أمر مع هالشارع الزفت والمزدحم
وبالنسبة للمرور ترا ماحولك أحد.

[الذاهب]

ماشفت شي من التخلف والتهور والتصديم

والمرور همه يوقف باماكن مالها داعي

[inter]

كلامك صحيح اخي

[الرأي الأول]

المفروض الترزز الى قدام جيان ينقلونه امام تلك المقاصف

[مباشر]

بدال ماهم فالحين بنقاط تفتيش وضرب قسايم ياليتهم بعد فالحين بالتخطيط المفيد وحل المشاكل اللي نواجها كل يوم .

[alnesf1]

الله يجزاك خير على التنبيه

[واحد من الربع]

شكراً لكم على التفاعل
فعلاً نقطة التفتيش اللي بعد جيان
أحس إن اللي حاطها محشش
وش الفايدة منها ...
وإذا على التخطيط الله يرحم مزنـــــــــــــــــــه
هذا تخطيط بنقالية .... مع إحترامي لهذي الجنسية لأن
عامل مزرعتنا بنقالي ..

[هين هين]

جزاك الله خير على التنبيه
مدري ويش هم لاقين بهاك المطاعم التعبانه

[عبدالله الحلوه]

صدقت اخي واحد من الربع


كثيراً ماشاهدت ذلك الأختناق امام البوفيهات وخصوصاً بالفتره الصباحيه ايام الدوام

اتمنى ان تتدارك ادارة المرور حل المشكلة قبل حدوث مالايحمد عقباه فالوضع هناك خطر جداً



تقبل تحياتي ,,,

[أبو حكيم]

لمشكلة أن الحدث غير جديد ...... من أيام بوفية أبو العز ,,,,, يعني قبل 12 سنة تقريباً والمشكلة نفسها !!!!!!



ربما بعد إزدياد التعداد السكاني لمدينة بريدة بدأت المشكلة تبرز أكثر من قبل ,,,,,,,, نحتاج إلى تعديل للشارع ,,,,

بحيث يتم تعديل درجة الزاوية للأنعطاف ....... في الشارع الرئيسي القادم من الجنوب ناحية الشمال ,,,,, والعكس

مع عمل علامات بارزة على الأرض تحدد المسار الحقيقي للسيارات التي تقف أمام البوفيهات ...... بمعنى يجب ان

تكون هناك عيون قطط ..... كبيرة الحجم أو المكورات الصفراء ,,,,, تكون بمسار موازي للشارع العام ,,,,


ودمتم ,,,,,,,,,,,,, أشكرك أخي واحد من الربع على هذا الموضوع الرائع ,,,,,

[هماي انا]

كود يصير الجندي جوعان علشان يجي ويشعثهم
نفس السالفه صارت لي امس بالليل
كذلك المحلات اللي قبلهالكن مانقول الا الله يعين

[الحواام]

كم مرة اتصل على المرور عند اختناق ذلك الشارع ولا نرى استجابة منهم
وكأن الامر عادي

( زحمة سيارات )

[ابو ريما الخالدي]

كلامك صحيح اخي


وزيد عليها المطاعم اللي عند الفاخرية اللي بعد هرفي

زحمه فوق ماتتصور ماتقدر تمشي من عند الشارع هذا

[الغالي...]

صح اخوي وانا معك بالموضوع وخاصه انه طريق رئيسي