بدون زعل .. نقد للمواضيع المكتوبة في منتدى بريدة

[خالد الحربي]

السلام عليكم يا أهل منتدى بريدة ..

مشرفين و أعضاء وزوار ..

عسى الفطور اليوم زين :)
(( قبل الدخول في الموضوع بقولكم هالذكريات الخاصة ))

بقولكم ذكرياتي الخاصة مع منتدى بريدة :)

وهي ذكريات أمتدت لأكثر من أربع سنوات ونص ..


البداية كانت دعوة من قبل المقرود السكب روح الشفق (( محمد الحربي مدير مكتب جريدة الأقتصادية في القصيم ))

قالي تعال لمنتدى بريدة وشف صوري اللي انا مصورها ..

كان طاف في التصوير وقتها .. وكل ما شاف شجرة ولا لوحة صورها :)
كان على بداياته الصحفية

بقولكم سر عنه .. حتى يدي كان يصورها .. طاف بعيد عنكم :)

وما خلى من البشر والحجر إلا وصورة .. حتى مره شاف جرادة على حصاة وكان بسيارته .. ما دريت إلا وهو ماسك بريك ومن قو المسكة قلت صدمنا

ما ودي أكمل عشان ما يزعل علي

المهم ..

شفت مواضيعه اللي تحوم التسبد .. كلها صور حشرات وسيارات وشوارع :)

قلت ما بدهاش لازم أسجل بهالمنتدى ..

أول أسم سجلت فيه كان أسمي توني بلير :)

وقتها سببت ضجة هائلة في هالمنتدى .. بسبب هالأسم
وكانت علي رقابة شديدة من قبل المشرفين
أي نعم كانت مشاركاتي دون المستوى المأمول .. بس كنت أبي أكسب شهرة بأي طريقة ..
وكل مواضيعي كانت موجهة ضد هالمنتدى ومشرفينه .. والكثير من الاعضاء .
وأي موضوع كنت أكتبه كانت عدد القرآءات بساعة وحدة تصل للألف قرآءة .. (( وهذا عبدالله الحلوة يشهد ))

وكنت حاط المشرفين أعداء لي .. مافيه موضوع إلا وأسفل فيبهم (( مع الأعتذار لهم ولكل شخص ناله شيء مني ))
وكنت مكون حزب أو لوبي معي .. كان من ضمنهم الله يذكره بالخير (( أبو الطيب .. والسكب روح الشفق .. والرمادي بس على خفيف )) ..

وطبعا بما أن أسمي كان توني بلير .. كانت الرسايل تجيني بالهبل .. أكثرها تطالبني بتغيير أسمي .. وقله كانت تؤيد مواضيعي

وأمام الضغط المتواصل من المشرفين والأعضاء .. قررت أغير أسمي من توني بلير إلى إقلاع حتى الضياع ..
بس الأسلوب ما تغير .. والهجوم على المشرفين وخصوصا المشرفات ما تغير .. :)

وكانت الإدارة لابد أن تتدخل لوقف (( المهازل اللي كانت بمواضيعي )) سواء بالحذف .. أو تحرير .. وآخر العلاج كان توقيفي ..

(( ولا أنكر أن السكب روح الشفق كان بصفي بقوة عند أي إيقاف يصدر لي )) .. وأبو الطيب كان له دور بدعمي (( الطيور على أشكالها تقع )) ..
وطبعا أغلب مواضيعي كلها خربشات وخرابيط (( مال أمها داعي )) .. هذا تراه أعتراف مني
وأغلب المشرفين كونوا حزب ضدي (( طبعا لهم الحق ولا ألومهم من اللي جاهم مني ))

ومع أزدياد مواضيعي (( التافهة )) .. كان الإقاف النهائي صدر ضدي .. (( خسارة كل مشاركاتي الــ 500 راحت ))
ومع هالإقاف أبتعدت عن المنتدى فترة 6 شهور ..(( يقالي زعلان )) ..

وبعدها هالفترة الطويلة .. كلمني السكب وأبو الطيب وأثنين من المشرفين عشان أرجع لهم
وبما أن أسمي السابق موقف نهائي .. سجلت بنفس النك بس بمد شوي ..

وأول موضوع اكتبه كان عن المنتدى والإدارة والمشرفين والأعضاء بهجوم .. (( أو طبيع ما يجوز عن طبعه .. الطبعة الثالثة :) )) ..
وكان أستقبال من الأخ الفاضل (( السعودي )) لموضوعي برحابه صدر وتفاعل ..
وبما أن هالشي ما يعجبني .. قررت أزيد في جرعة النقد والهجوم .. وقليل من المواضيع الجادة
كتبت كم مشاركة وكم موضوع عن مواضيع مكتوبه بالمنتدى .. ما لقيت إلا وهاك التوقيف يصدر ضدي بسبب موضوع كتبته عن مشرفة (( الله يذكرها بالخير )) .. موضوع كان سخيف شوي ..

وكان الفراق بيني وبين هالمنتدى لمده امتدت لأكثر من سنة ..

وبما أن الشاعر يقول (( وما الحب إلا للحبيب الأول )) ..
قررت الرجوع .. بطلب من السكب .. وكانت هذي الرجعة الثالثة .. (( واللي انا فيها الحين )) ..
بس عقب ما عقلت ومسكت أرضي .. قررت أني ما أتعرض للمنتدى ولا للمشرفين ولا للأعضاء بسوء ..
وبما أن يدي مقروصة ..وفيها (( حتسة )) .. قررت أني أنتقد بعض المواضيع المكتوبة في هالمنتدى .. بس بدون تجريح لأحد .. (( ومثل ما يقولون النقد هو الهدف للوصول للبناء )) ..

بصراحة ..

جلست اناقز بين أقسام المنتدى .. ولقيت أن أغلب المواضيع .. مالها سنع ..أو مكررة .. أو منقولة .. أو الفكرة هي هي ما تغيرت .. مافيها جديد .. ولا مفيد .. أو ما تناقش فكرة .
وإذا كانت فيه فكرة ممتازة لنقاش .. الأغلبية تهاجم صاحب الفكرة ولا تناقش الفكرة أو الرأي ..

وأكثر الأقسام في هالمنتدى اللي مواضيعهم منقولة أو مالها سنع .. هو قسم النكت والطرائف .. في هالقسم 98% من المواضيع منقولة أو مكررة .. وعليه أقبال كبير .. (( وانا أعتبر هالقسم من وجهه نظري أنه مضيعة للوقت بلا فائدة تذكر ولا ينقاش أفكار أو يطرح رأي)) . بعض المواضيع الردود تتجاوز الألف وأكثر ..

ويأتي في المرتبة الثانية .. القسم العام .. هالقسم مواضيعه المنقولة أو المكررة أكثر من مواضيعه اللي تحمل صيغة الكاتب نفسه .. حتى الردود على هالمواضيع لها نفس التكرار .. (( يسلمو على هالموضوع الطيب ))

وقسم المرأة .. (( له جاذبية هه :) ))
ممكن المواضيع المنقولة مفيدة لمن تحمل صفة (( نون النسوة )) ..
بس انا عندي أستغراب من بعض اليوزرات الرجالية .. اللي تكتب مواضيع تخص المرأة .. مثل الثياب .. أو (( الجزدانات النسائية )) .. أو الملابس الداخلية .. الخ من المواضيع اللي تختص في المرأة بسسسسس
كيف رجل يكتب مثل هالمواضيع ؟ .. أحد يقنعني ؟

القسم السياسي .. له وضعه الخاص .. حتى لو كان الموضوع منقول . بس مع الأسف أغلب الردود تكون هجومية أكثر من كونها عقلانية على كاتب الموضوع ..

القسم الرياضي .. أعتبر هالقسم منبع التعصب المقيت سواء بالمواضيع أو الردود .. وش الهدف من مواضيع تجرح في اللاعب الفلاني أو النادي الفلاني أو رئيس نادي .. لكل شخص ميول رياضية (( والرياضة أخلاق )) بس مع الأسف اكثرية اللي يكتبون بهالقسم لا تعترف في هالمبدأ .. (( كنت أعتبر ان عندنا رياضة فعلا .. بس بعد وفاة الأمير فيصل الله يرحمه .. غسلت يدي من الرياضة السعودية سواء أندية أو منتخبات ))

بقية الأقسام .. تتراوح بين جيد ومقبول ..

طيب قل يا إقلاع وش الهدف من هالموضوع ولا تكثر الحتسي ؟ .. (( ترى هالسؤال انا أسأله لنفسي :) ))

الهدف بكل تأكيد .. هو تميز منتدى بريدة عن بقية المنتديات .. سواء بالأعضاء أو المشرفين أو المواضيع والردود ..
ماهو حط الموضوع لمجرد الكتابة والسلام .. أو رد لمجرد زيادة عدد المشاركات (( وياكثرهم في هالمنتدى )) ..
مثل (( يسلموووو .. ويعطيك العافية .. موضوعك جيد .. رهيب ..الخ ))
(( وانا متأكد أن أغلب أصحاب الردود اللي مثل النوعية أعلاه .. ما قروا الموضوع .. حطوا ردهم وبس ))

(( هذا مررتن من المرات حبيت أكشف أصحاب هالردود اللي ما يقرون الموضوع .. كتبت موضوع طويل عريض .. وبنص الموضوع كتبت .. اللي قرا الموضوع يكتب رقم واحد .. 80% من الردود ما كتب هالعبارة :) ))

إذا ما عندك القدرة على قراءة الموضوع لا ترد .. وإذا حبيت ترد ناقش الكاتب بموضوعه لا بشخصه ..ولا ترد عشان تشجعه .. الموضوع ما كتب إلا للمناقشة .. أو أطلع وأقرأ بس ..
(( البعض إذا كتب موضوع ويعتبره موضوع جيد .. ومتحمس لهالموضوع ممكن ينصدم ويزعل لأنه ما لقا رد واحد لموضوعه .. لا يزعل ولا يحزن او يصاب بالأحباط .. لأن بعض المواضيع للقراءة فقط مو محتاجة لردود .. وفيه بعض المواضيع تحتاج لنقاش ..))
وله نصيحة مني ..
(( حاول قدر الإمكان أن موضوعك يكون له تأثير على القارئ .. وحاول تستفزه لرد (( طبعا الأستفزاز ماهوب سب )) بفكرة الموضوع .. وأن يكون موضوعك مدخل لنقاش .. والمهم والأهم هو عنوان الموضوع .. لازم يكون غريب وجذاب.. ما تشوف الجرايد كلها المانشيت حقها عنوانه قوي .. خلك مثلها )) ..

(( ولكل اللي يكتبون يسلموووو .. ردكم يصيب بالإحباط ولا هو مستساغ .. إذا عندك القدرة رد زي الناس .. أو لا ترد ))


للادارة مع التحية ..(( شيلوا قسم النكت والطرائف .. إذا الهدف هو تميز منتدى بريدة )) ...

للمشرفين مع التحية (( أنتم واجهة منتدى بريدة والمرآة العاكسة له .. عاملوا الأعضاء كل الأعضاء بعدل ))

لكل الكتاب اللي كانوا في منتدى بريدة العظام .. (( مع الأعتذار أن نسيت أسم أحد ))

أبو الطيب .. تاج القصيم .. هاوي لا غااوي .. عنوان الحقيقة .. والكثير ممن فقدناهم .. أنتم أساس هالمنتدى أشتقنا لكم ياليت نشوفكم ولو بالأسبوع مره (( مانيب طماع :) )) ..

وللي معنا يكتبون .. كيف حالكم ؟ .. لا تروحون :)


تعبت وانا أكتب :)

[الذاهبة]

قررت الرجوع .. بطلب من السكب .. وكانت هذي الرجعة الثالثة .. (( واللي انا فيها الحين )) ..

الله يستر

يعني لو طردوك هالمرة خلاص تطلق !

:)



أحداث حياتك هنا في المنتدى مثيرة

و لسوء حظي ما لحقت عليك سابقاً ..


لكن ..

أعجبتنا بمواضيعك الجريئة حديثة الطبع ..

و بــ هويتك اللبنانية .. هه






**

ملاحظاتك يا استاذ إقلاع كلها صحيحة ..

لكن أحياناً ترى تحكمك الظروف .. و تلبية رغبات الاعضاء الكرام المختلفة ..



شكراً لــ موضوعك و نصائحك ..


و بالتوفيق ..

[خالد الحربي]

تصحيح ..

وكنت حاط المشرفين أعداء لي .. مافيه موضوع إلا وأسفل فيبهم (( مع الأعتذار لهم ولكل شخص ناله شيء مني ))
وكنت مكون حزب أو لوبي معي .. كان من ضمنهم الله يذكره بالخير (( أبو الطيب .. والسكب روح الشفق .. والرمادي بس على خفيف )) ..

الرمادي كان من حزب إقلاع حتى الضياع .. مو من حزب توني بلير ..

ما قدرت أحرر ..

هذا لتوضيح وعليه نصادق

[تراحيب]

(( هذا مررتن من المرات حبيت أكشف أصحاب هالردود اللي ما يقرون الموضوع .. كتبت موضوع طويل عريض .. وبنص الموضوع كتبت .. اللي قرا الموضوع يكتب رقم واحد .. 80% من الردود ما كتب هالعبارة ))


هههههههههههههههههههههههههههههههههههههههههههههههههه ههههههههههههههههههههههههههههههههههههههه
بصراحة مت من الضحك




أجل أنت توني بلير؟؟؟؟؟!!!!!!! والسكب صديقك ؟؟؟؟وأنا أقول وش سالفته هذا يدافع عنه ؟؟
وأذكر معك كان فيه وحده اماراتيه نسيت وش اسمها أظن تاتشر لا تصير فيمتو بس ؟؟؟؟؟؟

هههههههههههههههههههههههههههههههههههههههههبصراحة موضوعك مسكت

والله اشتقنا لأبو الطيب والتاج وهاوي لا غاوي


تحياتي لمصداقيتك المتأخرة شوي

[نقد التعليم]

تراني قريت موضوعك وجاز لي << تقولون محلوف عليها ترد http://www.buraydh.com/forum/images/icons/icon10.gif !


*


*


( ردي ) هذا بس ( تكثير ) لعدد مشاركاتي << تبي تصيبه بالاحباط :p

[خالد الحربي]

الله يستر

يعني لو طردوك هالمرة خلاص تطلق !

:)



أحداث حياتك هنا في المنتدى مثيرة

و لسوء حظي ما لحقت عليك سابقاً ..


لكن ..

أعجبتنا بمواضيعك الجريئة حديثة الطبع ..

و بــ هويتك اللبنانية .. هه






**

ملاحظاتك يا استاذ إقلاع كلها صحيحة ..

لكن أحياناً ترى تحكمك الظروف .. و تلبية رغبات الاعضاء الكرام المختلفة ..



شكراً لــ موضوعك و نصائحك ..


و بالتوفيق ..


هلا الذاهبة :)

الحمدلله أنتس ما لحقتي عليها ولا تسان الحين حاطتني من ضمن الأعداء :)

هويتي اللبنانية .. من هوية الحكومة السعودية :)



الظروف أي ظروف .. إذا قصدك ظروف الأعضاء اللي يكتبون مثل هالشي .. انا أعتبره هو الفشل بحد ذاته .. لأن مافيه إبداع بالكتابة.. مواضيع تكرر نفسها .. وردود ما ترتقي أبدا بهذا المنتدى ..

سؤال جاوبيني عليه ..

وش الفايدة من مثل هالمواضيع المذكورة ، أو فائدة قسم النكت والطرائف ، إذا فيه ياليت تنوريني ؟

تحياتي لتس :)

[خالد الحربي]

(( هذا مررتن من المرات حبيت أكشف أصحاب هالردود اللي ما يقرون الموضوع .. كتبت موضوع طويل عريض .. وبنص الموضوع كتبت .. اللي قرا الموضوع يكتب رقم واحد .. 80% من الردود ما كتب هالعبارة ))


هههههههههههههههههههههههههههههههههههههههههههههههههه ههههههههههههههههههههههههههههههههههههههه
بصراحة مت من الضحك




أجل أنت توني بلير؟؟؟؟؟!!!!!!! والسكب صديقك ؟؟؟؟وأنا أقول وش سالفته هذا يدافع عنه ؟؟
وأذكر معك كان فيه وحده اماراتيه نسيت وش اسمها أظن تاتشر لا تصير فيمتو بس ؟؟؟؟؟؟

هههههههههههههههههههههههههههههههههههههههههبصراحة موضوعك مسكت

والله اشتقنا لأبو الطيب والتاج وهاوي لا غاوي


تحياتي لمصداقيتك المتأخرة شوي

وش أنت من لحية ؟ :)

ذكرني .. إذا أنت مغير أسمك علمني ؟ .. بلتسي أنك كنت من ضمن الأعداء وانا ما أدري :)


السكب تقدر تقول قريب و صديق .. بس بالمنتدى يدافع عني .. وفي الحياة حرب بيني وبينه (( لعانة مني ))

تاتشر .. ما اعرفها .. منهي ذي ؟! (( أهب يا أنت للحين تذكر )) :for3:

لو ترسل رسالة خاصة وتعلمني من أنت أكون ممنون لك :)

[خالد الحربي]

تراني قريت موضوعك وجاز لي << تقولون محلوف عليها ترد http://www.buraydh.com/forum/images/icons/icon10.gif !


*


*


( ردي ) هذا بس ( تكثير ) لعدد مشاركاتي << تبي تصيبه بالاحباط :p







نقد التعليم :)

يا حظي أجل موضوعي جازلتس :)
أجل أبشري باللي يسفل بوزير التعليم .. ويخلي عيونه ما تنام الليل :)

وبعد حتى مدير لتعليم في القصيم :)

لو تبين بعد مديرة مدرستس .. وكل المعلمات اللي ما تدانيين :)
وش تبين بعد ؟:)

بس لا تسوين مثلهم .. لأني ما أتوقعها منتس بلتسي أنتس تبين تردين رد ثاني غير هالرد :)

تحياتي لموروك الكريم

[تراحيب]

لست لحية ولا شارب ؟؟ ولم احتك بك أبداً في السابق لكن كنت اتفرج من بعيد لأني ((خوافة )) وأنت كنت شرِّي ((قوه ))

عموماً أنا من محبي هذا المنتدى لذلك اعرف المميزين ممن كتبوا فيه


تحياتي لك

[alnesf1]

السلام عليكم يا أهل منتدى بريدة ..

مشرفين و أعضاء وزوار ..

عسى الفطور اليوم زين :)




وعليكم السلام ورحمة الله وبركاته

<<<<<<<<<< شبعان من السبوسه وشرب التوت هههههههههه والحمد الله


كان طاف في التصوير وقتها .. وكل ما شاف شجرة ولا لوحة صورها :)
كان على بداياته الصحفية

ما ودي أكمل عشان ما يزعل علي




هههههه وشــ بقاء ماقلته فضحة الرجل هههههههههههه



شفت مواضيعه اللي تحوم التسبد .. كلها صور حشرات وسيارات وشوارع :)




خوش مدحه ههههههههههههه


أول أسم سجلت فيه كان أسمي توني بلير :)




خوشــ اسم خخخخخخخ لا وعدلته لااردي منه اقلاع حتي الضياع



وكانت الإدارة لابد أن تتدخل لوقف (( المهازل اللي كانت بمواضيعي )) سواء بالحذف .. أو تحرير .. وآخر العلاج كان توقيفي ..




ماينفع بك الى كذا هههههههههههههه لا تزعل امزح



قررت الرجوع .. بطلب من السكب .. وكانت هذي الرجعة الثالثة .. (( واللي انا فيها الحين ))




يالله حيه من جديد وان شاء الله تكون صفحه جديده


جلست اناقز بين أقسام المنتدى ..




من اولها مناقز ؟؟؟؟

مالحظاتك كلها صحيحه وجميله

ولاكن ارضاء الاعضاء دائمآ صعب

تحيتي لك

[مباشر]

بصراحه مدري ليه أستمر في القراءه الى لآخر حرف تكتبه . أنت نوعيه نادره ؟

بس فيه شي واحد ........للادارة مع التحية ..(( شيلوا قسم النكت والطرائف .. إذا الهدف هو تميز منتدى بريدة )) ...

هذا لا أتفق معك بتاتاً يمكن قصدك الالعاب ههههههههههه كم عمرك وكم وزنك وأرمي الجحه ولعبة السجن ومن اللي بعدك الخ الخ

[انسان ثاني]

الاخ الغااالي : اقلاع حتى الضياااااع



ا قلع وووا صل الا قلاع اتنمنى لك دوما الابدااع في سماااء الاقلاع موضوع فيه جهد وحياااة كفاااح


صاحبها الكثير من الاحداث والاضطربات المفجعة خاصة وأنت تحمل اسم



مثير يحمل مدلاولات بعيدة الا فق


قرأت المشوار وتحيااتي لصبرك اتمنى ان تقبل مروري تحيااتي لقلمك ودعواتي لك بان تقدم الجديد وأن


تبتعد عن بلير وبوش هههههه



دعوواتي لك باالتوفيق دمت اخا عزيز و تقبل مروري

[تراحيب]

نقد التعليم :)

يا حظي أجل موضوعي جازلتس :)
أجل أبشري باللي يسفل بوزير التعليم .. ويخلي عيونه ما تنام الليل :)

وبعد حتى مدير لتعليم في القصيم :)

لو تبين بعد مديرة مدرستس .. وكل المعلمات اللي ما تدانيين :)
وش تبين بعد ؟:)

بس لا تسوين مثلهم .. لأني ما أتوقعها منتس بلتسي أنتس تبين تردين رد ثاني غير هالرد :)

تحياتي لموروك الكريم



انت ما تخاف يمسكون صديقك محمد الحربي ويضغطون عليه عشان يجيبك ويعاقبونك على سب الوزير والمدير؟؟؟

[خالد الحربي]

لست لحية ولا شارب ؟؟ ولم احتك بك أبداً في السابق لكن كنت اتفرج من بعيد لأني ((خوافة )) وأنت كنت شرِّي ((قوه ))

عموماً أنا من محبي هذا المنتدى لذلك اعرف المميزين ممن كتبوا فيه


تحياتي لك


بغيت أطيح بمطب :)

وش هالبراءة :)

تراني ما كنت شري على الأعضاء بس كنت شري على المشرفين والمشرفات خاصة :)

تحياتي للمرور الثاني لك :)

[خالد الحربي]

وعليكم السلام ورحمة الله وبركاته

<<<<<<<<<< شبعان من السبوسه وشرب التوت هههههههههه والحمد الله




هههههه وشــ بقاء ماقلته فضحة الرجل هههههههههههه





خوش مدحه ههههههههههههه




خوشــ اسم خخخخخخخ لا وعدلته لااردي منه اقلاع حتي الضياع






ماينفع بك الى كذا هههههههههههههه لا تزعل امزح





يالله حيه من جديد وان شاء الله تكون صفحه جديده




من اولها مناقز ؟؟؟؟

مالحظاتك كلها صحيحه وجميله

ولاكن ارضاء الاعضاء دائمآ صعب

تحيتي لك

يالله حيه ..

تراني الحين صرت حبيب ومؤدب .. بس شراني على أكثر مؤسسات الدولة :)


بغيت انسى :)

غيرت ألأسم لإقلاع لعده أسباب ..
إقلاع عن واقع مزيف فيه الكثير من الفساد المنتشر .. لضياع بين عالم غير موجود إلا بقصص ألف ليلة وليلة :)

ألف تحيه وود لمرورك الكريم

[خالد الحربي]

بصراحه مدري ليه أستمر في القراءه الى لآخر حرف تكتبه . أنت نوعيه نادره ؟

بس فيه شي واحد

هذا لا أتفق معك بتاتاً يمكن قصدك الالعاب ههههههههههه كم عمرك وكم وزنك وأرمي الجحه ولعبة السجن ومن اللي بعدك الخ الخ

الله يعلي مقدارك .. آمين .
وهذا شرف لي أنك تقرأ لي :)

(( أدهرت المجاملات )) أمزح :)

صدقني إذا قلت لك .. مافيه أي فايدة من قسم النكت والطرائف .. حاولت أجدت فائدة وحدة ما لقيت غير كلام عادي كله منقول ..
والألعاب هذي اللي ذكرتها .. هي مضيعة للوقت .. وهدر لكل طاقة ... وتساعد على الكسل .

أتفق معك بوجود النكت والطرائف .. بس بحالة وحدة .
إذا كان هالقسم يعطي قيمة حقيقية ..
مثل طرائف في تاريخ الأدب العربي .. أو قصة طريفة حدثت مع الكاتب نفسه .. أو نقلها عن أحد الأصدقاء والأقرباء .
لكن بها الشكل والأسلوب غير مجدي ولا له هدف ..

ألف تحية وود لشخصك الكريم :)

[خالد الحربي]

الاخ الغااالي : اقلاع حتى الضياااااع



ا قلع وووا صل الا قلاع اتنمنى لك دوما الابدااع في سماااء الاقلاع موضوع فيه جهد وحياااة كفاااح


صاحبها الكثير من الاحداث والاضطربات المفجعة خاصة وأنت تحمل اسم



مثير يحمل مدلاولات بعيدة الا فق


قرأت المشوار وتحيااتي لصبرك اتمنى ان تقبل مروري تحيااتي لقلمك ودعواتي لك بان تقدم الجديد وأن


تبتعد عن بلير وبوش هههههه



دعوواتي لك باالتوفيق دمت اخا عزيز و تقبل مروري

الله يسلم يد كتبت هالرد اللي أخجلني وخلاني أشعر بمسؤولية أكبر ..

وأشكرك على دعواتك الصادقة وأن شاء الله احاول أكون عند حسن ظنك وظن الكثيرين ..

بلير .. كانت فترة أعتبرها ماضي راح بخيره وشره ..

لك كل الود وعميق الشكر لكل حرف كتبته ...

[خالد الحربي]

انت ما تخاف يمسكون صديقك محمد الحربي ويضغطون عليه عشان يجيبك ويعاقبونك على سب الوزير والمدير؟؟؟


لا تخافين :)
أصلا يعرفوني أكثر من عرف محمد لي :)

عشرة عمر بيني وبينهم بعيد عنتس

[الذاهبة]

مرحبا عن جديد :)



إقلاع

شف

يبي يدخل بعد شوي الاستاذ عبد الله الحلوة / الرمادي

تقدر تحشره بهذي الأسئلة .. اللي أنا ما أقدر أجاوبها

في حضور الادارة الكريمة ..

إلا إذا أحالوا الأسئلة علي مرة أخرى !!



:)

هجه محترمة .. !

[خالد الحربي]

مرحبا عن جديد :)



إقلاع

شف

يبي يدخل بعد شوي الاستاذ عبد الله الحلوة / الرمادي

تقدر تحشره بهذي الأسئلة .. اللي أنا ما أقدر أجاوبها

في حضور الادارة الكريمة ..

إلا إذا أحالوا الأسئلة علي مرة أخرى !!



:)

هجه محترمة .. !

هلا الذاهبة :)

عبدالله الحلوة قرا الموضوع .. ويومنه قراه عض ثوبة ومسك سكة طريق المشرفين يركض :)

شكرا لتس ولتفاعلتس :)

[Miss_Autumn]

http://www.buraydh.com/forum/upload/WWELLCommE43.gif
.
.
.
إقلآع.. :)
.
والهجوم على المشرفين وخصوصا المشرفات
^
^
يعني حضرتكـ متعصبـ رجـآليـ..؟!! ولا مـآ تأيد كونـ المرأة مشرفهـ أو شالقصهـ..!؟؟ :D
..

هو قسم النكت والطرائف .. في هالقسم 98% من المواضيع منقولة أو مكررة .. وعليه أقبال كبير .. (( وانا أعتبر هالقسم من وجهه نظري أنه مضيعة للوقت بلا فائدة تذكر ولا ينقاش أفكار أو يطرح رأي))
^
^
صحيـ ح .. لكنـ هالاقسـآمـ مـآ قتلهـآ غير المنقولـ...والمتكرر..! يعنيـ يمكنـ لو كـآنتـ الموآضيـ ع من جهـد الأعضـآء..كـآنـ صـآر فيهـ انعـآآآشـ شويـ..!
.
القسم الرياضي .. أعتبر هالقسم منبع التعصب المقيت سواء بالمواضيع أو الردود .. وش الهدف من مواضيع تجرح في اللاعب الفلاني أو النادي الفلاني أو رئيس نادي .. لكل شخص ميول رياضية (( والرياضة أخلاق )) بس مع الأسف اكثرية اللي يكتبون بهالقسم لا تعترف في هالمبدأ .. (( كنت أعتبر ان عندنا رياضة فعلا .. بس بعد وفاة الأمير فيصل الله يرحمه .. غسلت يدي من الرياضة السعودية سواء أندية أو منتخبات ))
.
القسم الريـآضيـ المفروضـ اذا استمر على الحاله اللي هو فيها الحين يغيّـر اسمهـ إلى>>قسم الهوشآت والطقآق واللسآن ابو مترين ونص.. :)
.
القسم هذا رايح فيها من بعد الالعاب والمسابقات..
.
.
بقية الأقسام .. تتراوح بين جيد ومقبول ..
.
شبقيت!؟ غير الاقسام اللي فيها جهد الكاتب نفسه [ تقريبا ]..مثل بريده الخاص والكتّـآبـ..وخيمة الشعر..

والجرافيكس والسياحه والاقتصادي..!؟؟ هذولي يغلب عليها جهد الكاتب نفسه..و يقل فيها المنقول> عدا خيمة الشعر
.
للادارة مع التحية ..(( شيلوا قسم النكت والطرائف .. إذا الهدف هو تميز منتدى بريدة )) ...
^
مـآ اقول الا الله يعينهم عالاعتراضات اذا طاعوك وشالوه .. :D
.
.
على فكرهـ..اتووقـ ع موضوعكـ يصلـ ح يكونـ بالشكـآويـ والاقترآحـآتـ...فمن محتوآهـ واضح انهـ إشـآرة تنبيهـ..!
.
.
وعقبـآلـ الطردهـ الرآبـ ع ــهـ..والعودهـ المليونـ..!!!!!
.
.
تحيتيـ..!
.
:)
.
.
.
http://www.buraydh.com/forum/upload/SESOO654.gif

[ضمير بريدة]

تحياتي ، أنا عضو جديد ، أعشق الصراحة وأمقت الوقاحة ، وبالصراحة مع أنفسنا أولا ومع مجتمعنا ثانيا نبدأ طريق التغيير الايجابي

يشرفني الرد على ما كتبه أحد الأعضاء المميزين في السابق . تحياتي لكل أخي قلاع ولكن دون ضياع بإذن الله .

[خالد الحربي]

http://www.buraydh.com/forum/upload/WWELLCommE43.gif
.
.
.
إقلآع.. :)
.

^
^
يعني حضرتكـ متعصبـ رجـآليـ..؟!! ولا مـآ تأيد كونـ المرأة مشرفهـ أو شالقصهـ..!؟؟ :D
..


^
^
صحيـ ح .. لكنـ هالاقسـآمـ مـآ قتلهـآ غير المنقولـ...والمتكرر..! يعنيـ يمكنـ لو كـآنتـ الموآضيـ ع من جهـد الأعضـآء..كـآنـ صـآر فيهـ انعـآآآشـ شويـ..!
.

.
القسم الريـآضيـ المفروضـ اذا استمر على الحاله اللي هو فيها الحين يغيّـر اسمهـ إلى>>قسم الهوشآت والطقآق واللسآن ابو مترين ونص.. :)
.
القسم هذا رايح فيها من بعد الالعاب والمسابقات..
.
.

.
شبقيت!؟ غير الاقسام اللي فيها جهد الكاتب نفسه [ تقريبا ]..مثل بريده الخاص والكتّـآبـ..وخيمة الشعر..

والجرافيكس والسياحه والاقتصادي..!؟؟ هذولي يغلب عليها جهد الكاتب نفسه..و يقل فيها المنقول> عدا خيمة الشعر
.

^
مـآ اقول الا الله يعينهم عالاعتراضات اذا طاعوك وشالوه .. :D
.
.
على فكرهـ..اتووقـ ع موضوعكـ يصلـ ح يكونـ بالشكـآويـ والاقترآحـآتـ...فمن محتوآهـ واضح انهـ إشـآرة تنبيهـ..!
.
.
وعقبـآلـ الطردهـ الرآبـ ع ــهـ..والعودهـ المليونـ..!!!!!
.
.
تحيتيـ..!
.
:)
.
.
.
http://www.buraydh.com/forum/upload/SESOO654.gif

هلا :)

تفاولين علي :)

تراتس قريبة مني الشرقية كلها على بعضها مافيه فرق بين المدن :)

عاد الهجوم ماهوب على كل المشرفات .. المشرفات واجد بس فيه مشرفة كنت ما أقدر أقولها شي ذكرتيني فيها ..

يوه نسيت أسمها كان على بالي (( الله يلعن الشيطان )) .. عبدالله الحلوة أحلق علي ذكرني فيها ..
سألته قالي (( ههههههههه يعني انا اللي اعرفها )) ..
الحين ذكرتها الله يذكرها بالخير .. المشرفة أسمها شقردية ((أحس أنها مثل أمي :) ))
كنت أستحي منها ما أكتب إلا لمني شفتها طلعت من المنتدى :)



انا قلت الله يسلمتس الأقسام البقية تتراوح بين الجيدة والمقبولة .. اكيد مو بالمطلق :)

(( على فكرهـ..اتووقـ ع موضوعكـ يصلـ ح يكونـ بالشكـآويـ والاقترآحـآتـ...فمن محتوآهـ واضح انهـ إشـآرة تنبيهـ..!))

هالموضوع شامل ما يختص بالأقتراحات .. وهو لكل الأعضاء مو لإدارة بس :)

شكرا لك ولمرورك :)

[خالد الحربي]

تحياتي ، أنا عضو جديد ، أعشق الصراحة وأمقت الوقاحة ، وبالصراحة مع أنفسنا أولا ومع مجتمعنا ثانيا نبدأ طريق التغيير الايجابي

يشرفني الرد على ما كتبه أحد الأعضاء المميزين في السابق . تحياتي لكل أخي قلاع ولكن دون ضياع بإذن الله .


الله مير أنه يحييك بيننا .. عبدالله الحلوة قم صب القهوة :)

الشرف لي بردك وصراحتك .. وان شاء الله تكون لبنة بنائه في منتدى بريدة ..

ألف تقدير وود وورد (( مخلوع من الشوك )) :)

[فور يو]

بصراحة ..

جلست اناقز بين أقسام المنتدى .. ولقيت أن أغلب المواضيع .. مالها سنع ..أو مكررة .. أو منقولة ..

أو الفكرة هي هي ما تغيرت . . مافيها جديد .. ولا مفيد ..

_______________


حتى الردود على هالمواضيع لها نفس التكرار .. (( يسلمو على هالموضوع الطيب ))





الأخ اقلاع حتى الضياع

انت فيما كتبت اعلاه تنتقد المواضيع ذات الفكره المكرره ...

موضوعك هذا تم طرحه عشرات المرات ( نفس الفكره ) بعدة صيغ ...

اخي

كيف تنتقد شي ما ..؟ وتقوم بعمله ..؟

__________

تقديري للكل .

[خالد الحربي]

الأخ اقلاع حتى الضياع

انت فيما كتبت اعلاه تنتقد المواضيع ذات الفكره المكرره ...

موضوعك هذا تم طرحه عشرات المرات ( نفس الفكره ) بعدة صيغ ...

اخي

كيف تنتقد شي ما ..؟ وتقوم بعمله ..؟

__________

تقديري للكل .

هلا فور يو :)

ذكرتني بشي جيد :)

المدرس يوم يشرح المادة ويكررها لطلابه أكثر من مرة وش نسمي تكراره ؟


فيه مواضيع تحتاج لتكرارها .. لأن البعض ما فهم .. وعشان يفهم لازم نعيد ونزيد :)

أتمنى أن الفكرة وصلت لك :)

[البرحيه]

اررررررحب
اجل يامل الظيم كل هالشهور ماغير تدوج بين العربان وحنا نحسبك غادي ..........الخ






موضوعك هذا .........
من تحت مكرر
ومن فوق جريش رفلى :b3:









شكراااااااااا

[الشماسي]

بما أنه بدون زعل ودي أنت لاتزعل من كلامي الي بقوله

هل هذا الموضوع اعادة جديدة لمحاولة لفت الانتباه للعضو اقلاع أو توني بلير
يعني دعاية لك بأنك (كنت) مجرد ماتضع موضوع يتهافت الأعضاء لقراءتة
وحالياً صرت (نكره) وتبي الناس تعرفك مثلاً؟؟

كأنك بكلامك تقول ((تكفون أدخلوا لمواضيعي مثل ماكنتو تدخلونها أول))


ومن باب نقد المواضيع
أذكر مواضيعك تهجم واتهامات,,, شيء مانختلف عليه
وأكثر شيء أضحكني بمواضيعك
ذاك الموضوع الغريب جداً ((مابقى إلا فصخ سـراويل))
والأغرب أنه لم يحذف ؟؟ وقد حذف قبله موضوع لك ,,, كان اخف من حدة كلامك في هذا الموضوع!!
وكان الموضوع وصاحب الموضوع في ذلك الوقت مكروه على حد علمي وعلى حسب كلامك الأن يامستر اقلاع

فدام أنه تم ايقافك فالمفترض تكرار ايقافك اذا ثبت واكتشفوا انك نفس العضو دخلت بأسم ثاني
بس ماقلت لنا بما أنه تم طردك كيف تسمح لك كرامتك بتسجيل الدخول مرة أخرى؟؟

كذلك لا أنسى أنك قمت بتفسير كلام لأحدى الأخوات (المشرفات) بمنتدى بريدة
وحولته (بالعنّوه) إلى تفسير ثاني بسبب (لفت الأنتباه لك وهذا لاغبار عليه طبعاً)
هل أنت ماتدري أن منتدى بريدة كان ولازال يسمح لك مع عموم الأعضاء بأن تختلف معهم
بس ماعدا (البنات) الاختلاف بحدود لعدم جرح المشاعر
أو أنك مدفوف وصرت بأثم المدفع مثل مايقولون ,, على اعتبار أنكم قروب ثلاثي على حسب كلامك ,, وصرت أنت (البزعه) عندهم في ذلك الوقت!!


مايستفاد من كلامي أن اقلاع جاي ينتقد المواضيع حالياً ويتفاخر بقصته (القبيحه) بالماضي!!!
والله شيء مخجل في حق منتدى بريدة خصوصاً اذا كان الانتقاد جاي من طرفك يامستر توني بلير


ومثل ماقلت انت بدون زعل!! لاتزعل يامستر طوني

ومع التحية

[نقد التعليم]

الشماسي والله ياأنت شاااااايل بقلبك على اقلاع http://www.buraydh.com/forum/images/icons/icon10.gif

عاد من زين هالماضي اللي ذكره ( يومنك تتهمه بلفت الانتباه ورغبته في معرفة الناس له ) :eek:
بالعكس اشوف كل اللي قاله يخلي ماضيه ( جربان ) يدعو لتجنبه وليس العكس ( مثل منتب تقول ) :eek:

أي نعم كانت مشاركاتي دون المستوى المأمول .. بس كنت أبي أكسب شهرة بأي طريقة ..
وكل مواضيعي كانت موجهة ضد هالمنتدى ومشرفينه .. والكثير من الاعضاء .
وأي موضوع كنت أكتبه كانت عدد القرآءات بساعة وحدة تصل للألف قرآءة .. (( وهذا عبدالله الحلوة يشهد ))

وكانت الإدارة لابد أن تتدخل لوقف (( المهازل اللي كانت بمواضيعي )) سواء بالحذف .. أو تحرير .. وآخر العلاج كان توقيفي ..

وطبعا أغلب مواضيعي كلها خربشات وخرابيط (( مال أمها داعي )) .. هذا تراه أعتراف مني

ومع أزدياد مواضيعي (( التافهة )) .. كان الإقاف النهائي صدر ضدي ..


أي لفت انتباه والولد مستلم ( روحه ) تهزئ وتكفيخ ( شكله متهاوش هالمرة مع روحه ) :eek:

أتخيل اقلاع ( عقب ذا الموضوع ) إذا جاء يسوق سيارته يقعد ( بمرتبة ) وروحه ( بمرتبة ) من قوّ الزعل اللي بينهم :eek:


اقلاع معليش فيه سؤال يقرقع بقلبي من زمان ....

في عام 2000 هل كان لك يوزر في منتدى الشسمه ذاك وذاك << ايقالكم مشفرررررر :p
( لأني شبهت على اسلوبك كثير ) http://www.buraydh.com/forum/images/icons/icon12.gif




وبرضه ردي ذا اعتبره ( رجاحة ميزان ) تعبّر به علبال ماافضي وأرد رد سنع !


برررررررررررب

[خالد الحربي]

اررررررحب
اجل يامل الظيم كل هالشهور ماغير تدوج بين العربان وحنا نحسبك غادي ..........الخ






موضوعك هذا .........
من تحت مكرر
ومن فوق جريش رفلى :b3:









شكراااااااااا


هلا :)

أجل موضوعي مثل الجريش :)


هما المطاوعة دايم يرددون الكلام نفسه .. هذا انا أسوي مثلهم :)


شكرا لتس

[المتزن]

إييييه .. الله يالدنيا يا إقلاع .. بصراحة ماله داعي تقول هالعلوم هذي الله يهديك .

لكن فعلاً أذكر انك مسوي قلق للمشرفين وخصوصاً يوم تنشر صور اجتماعهم أمام جميع الأعضاء في منتدى السوالف والطرائف !!! .. لكنك بصراحة ضريت السكب هاك الحين لأنهم اعفوه من الإشراف بسببك لأنهم اتهموه إنه هو اللي معطيك الصور !!!!

لكن أشوى رجع على طول للإشراف !!!!

وشلون ما أدري ؟؟!!

لا يصير أنت اللي رجعته بس ؟؟!! :)

====

لكن السؤال اللي محيرني .. وشلون يدخل الرمادي معكم في اللوبي وهو متوذي منك ؟؟؟!!!

أبفهمها ذي .


وتقبل تحياتي 00
المتزن

[خالد الحربي]

بما أنه بدون زعل ودي أنت لاتزعل من كلامي الي بقوله

هل هذا الموضوع اعادة جديدة لمحاولة لفت الانتباه للعضو اقلاع أو توني بلير
يعني دعاية لك بأنك (كنت) مجرد ماتضع موضوع يتهافت الأعضاء لقراءتة
وحالياً صرت (نكره) وتبي الناس تعرفك مثلاً؟؟

كأنك بكلامك تقول ((تكفون أدخلوا لمواضيعي مثل ماكنتو تدخلونها أول))


ومن باب نقد المواضيع
أذكر مواضيعك تهجم واتهامات,,, شيء مانختلف عليه
وأكثر شيء أضحكني بمواضيعك
ذاك الموضوع الغريب جداً ((مابقى إلا فصخ سـراويل))
والأغرب أنه لم يحذف ؟؟ وقد حذف قبله موضوع لك ,,, كان اخف من حدة كلامك في هذا الموضوع!!
وكان الموضوع وصاحب الموضوع في ذلك الوقت مكروه على حد علمي وعلى حسب كلامك الأن يامستر اقلاع

فدام أنه تم ايقافك فالمفترض تكرار ايقافك اذا ثبت واكتشفوا انك نفس العضو دخلت بأسم ثاني
بس ماقلت لنا بما أنه تم طردك كيف تسمح لك كرامتك بتسجيل الدخول مرة أخرى؟؟

كذلك لا أنسى أنك قمت بتفسير كلام لأحدى الأخوات (المشرفات) بمنتدى بريدة
وحولته (بالعنّوه) إلى تفسير ثاني بسبب (لفت الأنتباه لك وهذا لاغبار عليه طبعاً)
هل أنت ماتدري أن منتدى بريدة كان ولازال يسمح لك مع عموم الأعضاء بأن تختلف معهم
بس ماعدا (البنات) الاختلاف بحدود لعدم جرح المشاعر
أو أنك مدفوف وصرت بأثم المدفع مثل مايقولون ,, على اعتبار أنكم قروب ثلاثي على حسب كلامك ,, وصرت أنت (البزعه) عندهم في ذلك الوقت!!


مايستفاد من كلامي أن اقلاع جاي ينتقد المواضيع حالياً ويتفاخر بقصته (القبيحه) بالماضي!!!
والله شيء مخجل في حق منتدى بريدة خصوصاً اذا كان الانتقاد جاي من طرفك يامستر توني بلير


ومثل ماقلت انت بدون زعل!! لاتزعل يامستر طوني

ومع التحية


هلا الشماسي :)

يالله أنك تحييه :)

شوف إختلافك معي ما يسبب لي حساسية ولا يسبب لي زعل .. ولا إحراج :)

(( ورحم الله إمرء عرف قدر نفسه )) .. وهالقدر ماهوب أنا أحدده .. بل الأعضاء هم من يحددون :)
والواضح قدامي .. وبكل موضوع أكتبه (( ولله الحمد )) أن الأعضاء أغلبيتهم (( وأقصد فيهم اللي يردون على مواضيعي )) تتفق معي .. أو حتى تختلف معي هم متابعين لما أكتب .

بالنسبة أني كنت معروف .. والحين نكرة ما أحد يعرفني .. وأني جالس أسوي دعاية لنفسي ..
بقولك كلامك هذا مردود عليك .. لعده أسباب ..

السبب الأول : توني بلير جلس فترة ما تجاوزت الشهر .. بعدها غيرت الأسم إلى إقلاع وبرضه الإقبال على مواضيعي كان بنفس القدر وأكثر من الإقبال على مواضيع توني بلير .. لأن الأسلوب نفسه ما تغير .
السبب الثاني : اللهجة العامية اللي أكتب فيها .. والطريقة والأسلوب سواء بالنقد أو أختيار المواضيع ..
السبب الثالث : قوة العناوين هي اللي تجذب الزوار والأعضاء .. وأسم الكاتب له بريقه ما ننسى (( وانا مازلت على نفس الأسم )) .. لأن الكاتب له جمهوره ومتابعيه (( سواء أختلفوا معه أو أتفقوا )) ..

وبالنسبة أني أترجى الناس عشان تدخل لمواضيعي ...
أحب أقولك .. من لحظة ما دخلت لمنتدى بريدة .. كان حرصي على العناوين القوية .. لأنها هي الجاذب الأكبر لقرآءة مواضيعي .. (( مثل ما ذكرت لك )) .. (( ولا أنكر أني أخذت شهرة على حساب المشرفين والمشرفات )) .. لأن أسلوبي يختلف عن بقية الأعضاء .. (( لكل عضو أسلوبه الخاص )) .. ووممكن هالشي ساعدني أكثر ..



ومن باب نقد المواضيع
أذكر مواضيعك تهجم واتهامات,,, شيء مانختلف عليه
وأكثر شيء أضحكني بمواضيعك
ذاك الموضوع الغريب جداً ((مابقى إلا فصخ سـراويل))
والأغرب أنه لم يحذف ؟؟ وقد حذف قبله موضوع لك ,,, كان اخف من حدة كلامك في هذا الموضوع!!

التهجم أعترف أني كنت أتهجم .. وذكرت هالشي (( وقله من المشرفين يعدون على أصابع اليد والواحدة سلموا مني )) .. بس طبعا مو كل مواضيعي على المنتدى .. فيه مواضيع كثيرة كنت أنتقد تصرفات وسلبيات أجتماعية .. مثل موضوع (( ما بقى إلا فصخ السروال )) .. وهالموضوع كان عن تفتيش صار لي في أم سدرة من أمن الطرق .. وكان معي وقتها (( عبدالله الحلوة )) .. وكان فيه موضوع لو تذكر (( تكفون أبي سلف تعطوني ))

http://www.forum.buraydh.com/showthread.php?t=46912

وهذي بس عينه ما جبت الباقي ..

وكان الموضوع وصاحب الموضوع في ذلك الوقت مكروه على حد علمي وعلى حسب كلامك الأن يامستر اقلاع

شووف لو كان صحاب الموضوع مكروه من الجميع .. ما كان الإقبال على مواضيعي سواء من قراء أو ردود لها ..
(( وبدون غرور كانت أغلب كتاباتي عليها أقبال شديد )) .. ممكن قصدك مكروه من المشرفين وبعض الاعضاء هذا معك حق .. لكن الكل (( جانبك الصواب )) .. وكل كتاباتي تحظى بشعبية (( بغض النظر عن ما اكتبه )) ..


فدام أنه تم ايقافك فالمفترض تكرار ايقافك اذا ثبت واكتشفوا انك نفس العضو دخلت بأسم ثاني
بس ماقلت لنا بما أنه تم طردك كيف تسمح لك كرامتك بتسجيل الدخول مرة أخرى؟؟

لو المجرم يحاكم على أسمه كان الحين بلاوي صايرة .. يعني مثلاً .. (( فيه واحد سروق ..حاكموه على السرقة ويحاكمونه على تهم ثانية ماله علاقة فيها ؟! :) ))

الطرد كنت أستحقه مافيه شك .. والرجوع للمنتدى كان بطلب جاني من أشخاص لهم مكانة عندي ..
وطبعا الذنب أعترف فيه .. والكرامة محفوظة سواء لي وللجميع .. والرجوع كان من اجل ناس تتابعني (( حتى لو كانوا أربعه )) .. (( وأيضاً لحالة العشق لمنتدى بريدة )) ..


كذلك لا أنسى أنك قمت بتفسير كلام لأحدى الأخوات (المشرفات) بمنتدى بريدة
وحولته (بالعنّوه) إلى تفسير ثاني بسبب (لفت الأنتباه لك وهذا لاغبار عليه طبعاً)
هل أنت ماتدري أن منتدى بريدة كان ولازال يسمح لك مع عموم الأعضاء بأن تختلف معهم
بس ماعدا (البنات) الاختلاف بحدود لعدم جرح المشاعر
أو أنك مدفوف وصرت بأثم المدفع مثل مايقولون ,, على اعتبار أنكم قروب ثلاثي على حسب كلامك ,, وصرت أنت (البزعه) عندهم في ذلك الوقت!!

بالنسبة للموضوع اللي كتبته عن المشرفة (( بنت الشرقية )) .. كان فقط لتشفي منها .. (( وكنت أحتريها على الغلطة )) وما صدقت على الله أني شفت موضوعها ذاك (( إلا وحورته ولفيته .. شيطان بعيد عنكم )) .. طبعا لأن بنت الشرقية وقتها كانت أكثر وحدة تحرر وتحذف مشاركاتي .. وعشان كذا كانت حرب بيني وبينها .. حتى لو كان لي موضوع جدي لازم أدخل أسمها سواء بتلميح أو تصريح (( وأعترف أني سببت بلبلة لها في هاك الموضوع وجندت للموضوع كل طاقاتي وأهتمامي .. وأيضا من كانوا معي للهجوم عليها .. وأذكر معها مشرفة نالها نصيب من الهجوم ما أذكرها )) .. (( وإذا كانت تقرا هالموضوع .. أنا أعتذر لها )) ..


مايستفاد من كلامي أن اقلاع جاي ينتقد المواضيع حالياً ويتفاخر بقصته (القبيحه) بالماضي!!!
والله شيء مخجل في حق منتدى بريدة خصوصاً اذا كان الانتقاد جاي من طرفك يامستر توني بلير


إذا أنت تعتبر أن نقدي للمواضيع المكتوبة في منتدى بريدة .. شيء مخجل .. لكوني توني أو إقلاع .. فهذا دليل على ضيق أفق عندك .. أو فكر سطحي ما يشوف إلا أسم توني وإقلاع الماضي ..
(( النقد إذا كان في محله .. ويلمس جرح فيك أو غيرك .. أكيد رايح يتألم ))

لك كل التحية بدون زعل :)

[خـــــــــــــــالـــــــــد]

اخي اقلاع حتى الضياع .... توني بلير!!!!


يالله ياقدمك


يحيي العظام وهي رميم


تدري وش احسن شيء


هو انك ركدت وعقلت لانك موهبه وقلم يجبر على المتابعه ويثير النشاط حيثما حل

و خساره ان تضيع هذه الموهبه وهذا الحضور في مهاترات لانفع فيها


سعداء بهذا الخبر و ننتظر عطاءك

[خالد الحربي]

الشماسي والله ياأنت شاااااايل بقلبك على اقلاع http://www.buraydh.com/forum/images/icons/icon10.gif

عاد من زين هالماضي اللي ذكره ( يومنك تتهمه بلفت الانتباه ورغبته في معرفة الناس له ) :eek:
بالعكس اشوف كل اللي قاله يخلي ماضيه ( جربان ) يدعو لتجنبه وليس العكس ( مثل منتب تقول ) :eek:










أي لفت انتباه والولد مستلم ( روحه ) تهزئ وتكفيخ ( شكله متهاوش هالمرة مع روحه ) :eek:

أتخيل اقلاع ( عقب ذا الموضوع ) إذا جاء يسوق سيارته يقعد ( بمرتبة ) وروحه ( بمرتبة ) من قوّ الزعل اللي بينهم :eek:


اقلاع معليش فيه سؤال يقرقع بقلبي من زمان ....

في عام 2000 هل كان لك يوزر في منتدى الشسمه ذاك وذاك << ايقالكم مشفرررررر :p
( لأني شبهت على اسلوبك كثير ) http://www.buraydh.com/forum/images/icons/icon12.gif




وبرضه ردي ذا اعتبره ( رجاحة ميزان ) تعبّر به علبال ماافضي وأرد رد سنع !


برررررررررررب







نقد التعليم .. :)

ردتس هذا أوفى من ردي على الشماسي :)


(( كنت على خطأ .. وش المانع من الإعتراف بالخطأ .. مع الإعتذار ))




أي منتدى .. إذا قصدك على الإقلاع انا ما زلت فيه إلى الحين ومتواصل ..



ردودتس أصلاً كلها ممتازة :)
ورهيبة .. ومافيه مثلها بالوجود :) (( مجاملات هه )) :)

ألف شكر لك وبإنتظارتس :)

[خالد الحربي]

إييييه .. الله يالدنيا يا إقلاع .. بصراحة ماله داعي تقول هالعلوم هذي الله يهديك .

لكن فعلاً أذكر انك مسوي قلق للمشرفين وخصوصاً يوم تنشر صور اجتماعهم أمام جميع الأعضاء في منتدى السوالف والطرائف !!! .. لكنك بصراحة ضريت السكب هاك الحين لأنهم اعفوه من الإشراف بسببك لأنهم اتهموه إنه هو اللي معطيك الصور !!!!

لكن أشوى رجع على طول للإشراف !!!!

وشلون ما أدري ؟؟!!

لا يصير أنت اللي رجعته بس ؟؟!! :)

====

لكن السؤال اللي محيرني .. وشلون يدخل الرمادي معكم في اللوبي وهو متوذي منك ؟؟؟!!!

أبفهمها ذي .


وتقبل تحياتي 00
المتزن

يا الله للحين تذكر موضوع صور المشرفين :)

الموضوع كان بتدبير من السكب .. عطاني الصور وقالي أنشرها وعلق عليها (( عاد انا شراني ما أصدق أحصل مثل هالمواضيع )) .. نشرتها وجلس يوم الموضوع طيروه لي .. وطار معي السكب :)

وكل المشرفين أعترضوا على نشر الصور .. بس الغريب وأن صورهم الحين منشورة في المنتدى :)

(( شفت وشلون )) :)


الرمادي الله يسلمك .. صديق شخصي .. وكان أحيانا يؤيدني ويقولي أكتب وأكتب .. ولما أكتب يحذفه (( لعانه بس ))
عشان يبين للمشرفين والاعضاء أنه ضدي :) .. وبصراحة وقف معي كثير بس أحرجته :)

أبو الطيب .. كان يرسلي على الخاص (( قبل ما يراقبونها :) )) يؤيدني من بعيد لبعيد ومثله كثير من الأعضاء :)

السكب عطاني الصور وطار من المنتدى ورجع (( له واسطة )) :)



العلوم هذي سمها (( جلد لذات )) ..


ألف تحية وشكر على مرورك الرائع :)

[خالد الحربي]

اخي اقلاع حتى الضياع .... توني بلير!!!!


يالله ياقدمك


يحيي العظام وهي رميم


تدري وش احسن شيء


هو انك ركدت وعقلت لانك موهبه وقلم يجبر على المتابعه ويثير النشاط حيثما حل

و خساره ان تضيع هذه الموهبه وهذا الحضور في مهاترات لانفع فيها


سعداء بهذا الخبر و ننتظر عطاءك

خالد هذا أنت خالد اللي انا أعرف :)

يالله حيه (( مغبر :) ))

بس انا أستغرب أن فيه من المشرفين القدامى يرحبون فيني (( كنت عدوهم اللدود :) ))


الله يسعد أيامك .. وأشكرك بقوة على كلماتك بحقي .. أحرجتني فيها .. وتبي تخليني أركد اكثر وأكثر :)

ألف تحيه لترحيبك ودعمك :)

[خالد الحربي]

يا جماعة الخير :)

أكثر الردود ما تناقش الفكرة الأساسية للموضوع :)

انا ما كتبت ذكرياتي إلا عشان أبين لكم أني كنت على خطأ ..


تحياتي لكم

[الذاهبة]

يا جماعة الخير :)

أكثر الردود ما تناقش الفكرة الأساسية للموضوع :)

انا ما كتبت ذكرياتي إلا عشان أبين لكم أني كنت على خطأ ..


تحياتي لكم


هاهاهاهاها

يالله ابلش بعمرك ..





:)

يعني ما دخل الرمادي للحين .. هه ؟!

يعني أرد .. ؟!

[المتزن]

يا جماعة الخير :)

أكثر الردود ما تناقش الفكرة الأساسية للموضوع :)

انا ما كتبت ذكرياتي إلا عشان أبين لكم أني كنت على خطأ ..


تحياتي لكم

بس انت اللي كنت على خطأ اخوي اقلاع ؟؟!!

وهل هذا هو الخطأ الوحيد ؟؟!!

====

وبعدين وشي الفكرة الأساسية للموضوع ؟؟!!

أنا ما شفت إلا فضايح ( وهذي علقنا عليها على خفيف )

واقتراح بإلغاء قسم السوالف والطرائف ( وبهذي أتفق معك 100% )

بس عاد يبي يسمعون لك ؟؟

احلق اظافري .

وعلى فكرة :

سبق ونقدت أقسام المنتدى نقد لاذع .. بس ماش ماجاز لهم واغلقوه قبل ما أكمل !! :)



وتقبل تحياتي 00
المتزن

[عبدالله الحلوه]

رغم تواجدي في الفتره التي تواجد فيها توني بلير إلا اني لااذكره ولم يسبق لي قرأة احد مشاركاته في ذلك الوقت

عرفت اقلاع حتى الضياع من خلال موضوع بالقسم العام تضمن اقتراح لفتح البوم صور في المنتدى وذكر بأن لديه مخزون هائل من الصور سيطرحها في المنتدى ليستفيد منها الجميع وطلبت منه ان يقدم لنا مايشفع افتتاح البوم خاص بها ولكن .... الشرهه على اللي شاف منها شئ !!

فوجئت بعد ذلك بهجومه على المشرفين وبالتحذيرات التي وصلتني عن طريق عدد من المشرفين بأنه شخص ليس له هدف الا المشاكل ومحاولة لفت الأنتباه على حساب الغير

عدت إلى مشاركاته بأسم توني بلير والغريب ان جميع مشاركاته كانت بقسم السوالف رغم انه هنا يقول :


للادارة مع التحية ..(( شيلوا قسم النكت والطرائف .. إذا الهدف هو تميز منتدى بريدة )) ...



:)


طلبت من المشرفين ان يتركوا موضوعه لي وراهنت على قدرتي بتغييره الى الأفضل لكن خسرت الرهان بجداره


فكان الأيقاف مصيره بعد ان تورطت بمعرفته شخصياً :)


كل مااستطيع قوله بأنه شخص يقول مالايفعل !!

وشخص يريد لنفسه مالايريده لغيره او بالأصح يرضى لغيره مالايرضاه لنفسه

ففي الوقت الذي اشغلنا فيه في منتدى بريدة كان يدير احد المنتديات ويكتب فيه باسمه الصريح وبكل اتزان وعقلانيه

والأغرب من ذلك انه كان يطالبني دوماً بإتخاذ خطوات هو لم يفعلها هناك !!


التبرير الدائم لذلك : ( هذا منتدى بريدة )


حتى في منتدى بريدة يناقض نفسه بنفسه !!


انطلق من قسم السوالف ليأتي الآن مطالباً بإلغائه

يطرح هذا الموضوع ويستهلك ثلثي صفحته بالسوالف ثم يستغرب من تهميش الآخرين لمضمونه !!


مااقول الا الله يعين السكب عليك :)



ايه صح نسيت اتكلم عن فكرة موضوعك


بس تدري خلها وقت ثاني ويمكن بموضوع ثاني لعضو ثاني :)




تحياتي ,,,,

[المتزن]

أثرك تولف علينا يا اقلاع !!!!!!

تقول انك مسوي لوبي مع الرمادي يوم كان اسمك توني بلير , وهو يقول انه ما يعرف هاك الاسم ولا سبق وقرأ مشاركة لك ؟؟؟؟!!!!!!!!

وش هالحتسي اللي تسنه هرج ؟؟!! :)

====

أما بخصوص اقتراح إغلاق قسم السوالف والطرائف , فأنا معه قلباً وقالباً وسبق اني حاولت أشرشح هالقسم لكن ما خلون أكمل .



وتقبل تحياتي 00
المتزن

[خالد الحربي]

هاهاهاهاها

يالله ابلش بعمرك ..





:)

يعني ما دخل الرمادي للحين .. هه ؟!

يعني أرد .. ؟!


دخل الرمادي وقرا الموضوع أكثر من مرة :)

ورد أخيراً .. وناوي له على شراً مستطير بعيد عنتس (( بالرد طبعاً )) :)

أكيد كل رأي له أهميته ولا وشوله انا حاط هالموضوع :)

[خالد الحربي]

بس انت اللي كنت على خطأ اخوي اقلاع ؟؟!!

وهل هذا هو الخطأ الوحيد ؟؟!!

====

وبعدين وشي الفكرة الأساسية للموضوع ؟؟!!

أنا ما شفت إلا فضايح ( وهذي علقنا عليها على خفيف )

واقتراح بإلغاء قسم السوالف والطرائف ( وبهذي أتفق معك 100% )

بس عاد يبي يسمعون لك ؟؟

احلق اظافري .

وعلى فكرة :

سبق ونقدت أقسام المنتدى نقد لاذع .. بس ماش ماجاز لهم واغلقوه قبل ما أكمل !! :)



وتقبل تحياتي 00
المتزن


المتزن :)

انا دايم بكل كتابة أكتبها لازم أجيب سوالف .. عشان تعطيني مدخل للموضوع :)

يوم قفلوا موضوعك أكيد أنه ما أعجبهم .. أول لازم دهن السير (( طبعا بالمدح لهم مثل ما سويت انا في البداية )) :)
ثمن تعرج على اللي تبي تقوله .. :)

شف بس وشلون أبي أرد على عبدالله الحلوة :)

تحياتي لك

[خالد الحربي]

عبدالله الحلوة ..

(( جيت برجليك .. أجل قدرت أستدرجك .. جاك الموت يا تارك الصلاة )) :)

(( وقسمن تمسح الرد .. أشكيك عند الرمادي .. )) :)



************************************************

رغم تواجدي في الفتره التي تواجد فيها توني بلير إلا اني لااذكره ولم يسبق لي قرأة احد مشاركاته في ذلك الوقت

صح ما تعرفني بذاك الوقت .. وانا أستدركت الأمر .. :)


عرفت اقلاع حتى الضياع من خلال موضوع بالقسم العام تضمن اقتراح لفتح البوم صور في المنتدى وذكر بأن لديه مخزون هائل من الصور سيطرحها في المنتدى ليستفيد منها الجميع وطلبت منه ان يقدم لنا مايشفع افتتاح البوم خاص بها ولكن .... الشرهه على اللي شاف منها شئ !!

صح انا أقترحت هالأمر .. وقلت إذا تبون تحطون صور أفتحوا قسم جديد لألبوم الصور .. وما أنكر أني قلت لك رايح أشارك فيه بكل الصور اللي عندي ..
بس أنتم رفضتم وقتها فتح قسم لصور .. (( وبعدين ما كملت عندكم بسبب الإيقاف عشان أقدر أنشر الصور )) :)
(( أحرجتك صح :) ))


فوجئت بعد ذلك بهجومه على المشرفين وبالتحذيرات التي وصلتني عن طريق عدد من المشرفين بأنه شخص ليس له هدف الا المشاكل ومحاولة لفت الأنتباه على حساب الغير

عدت إلى مشاركاته بأسم توني بلير والغريب ان جميع مشاركاته كانت بقسم السوالف رغم انه هنا يقول :
المشاركة الأصلية بواسطة اقلاع حـتى الضياع
للادارة مع التحية ..(( شيلوا قسم النكت والطرائف .. إذا الهدف هو تميز منتدى بريدة )) ...

ما سبق أني كتبت بقسم الطرائف إلا موضوعين بس .. وكان لهم هدف أكيد .. وعلى فكرة هالموضوعين فكرتي انا مو منقول .. ماهوب مثل كل المواضيع اللي فيه كلها ملطوشة ومكررة .. وفارغة من أي مضمون :)
أما بقية المواضيع اللي موجودة لي في الطرائف نقلت من قبل المشرفين (( حاقدين علي بعيد عنكم )) :)

أيه صح تذكرت .. انا حطيت موضوع عن (( طرائف من شعر العرب )) ... وأعتقد أن هالموضوع له قيمته ..


طلبت من المشرفين ان يتركوا موضوعه لي وراهنت على قدرتي بتغييره الى الأفضل لكن خسرت الرهان بجداره


فكان الأيقاف مصيره بعد ان تورطت بمعرفته شخصياً

من ناحية تورطت صح أنت تورطت .. وأحرجتك معي .. بسسسسسس (( بقية البسسسس في آخر الرد )) :)


كل مااستطيع قوله بأنه شخص يقول مالايفعل !!

وشخص يريد لنفسه مالايريده لغيره او بالأصح يرضى لغيره مالايرضاه لنفسه

ففي الوقت الذي اشغلنا فيه في منتدى بريدة كان يدير احد المنتديات ويكتب فيه باسمه الصريح وبكل اتزان وعقلانيه

والأغرب من ذلك انه كان يطالبني دوماً بإتخاذ خطوات هو لم يفعلها هناك !!


التبرير الدائم لذلك : ( هذا منتدى بريدة )


حتى في منتدى بريدة يناقض نفسه بنفسه !!


ما فهمت قصدك من عبارة (( كل مااستطيع قوله بأنه شخص يقول مالايفعل !! ))

إذا كان قصدك على مطالبتي بإلغاء قسم الطرائف من منتدى بريدة .. بغض النظر عن المنتدى تبعي .. أكيد فيه فرق .
وأنت قلتها في عبارة (( هذا منتدى بريدة )) ..
إذا كنت تعتقد فيه مقارنه بينه وبين أي منتدى ثاني .. هذا هو قمة الفشل و (( دفن الرأس بالرمل )) ..
بكل بساطة اجاوبك ..
(( منتدى بريدة هو الصورة لمدينة بريدة .. واجهه له .. وبما أنه المنتدى الرسمي .. أكيد لازم تكون نوعية الأقسام والمواضيع اللي فيه تكون ذات مضمون له قيمته .. بعيد كل البعد عن مواضيع تافهة مالها أي قيمة تذكر .. ))
لازم يكون هالمنتدى له تميزه عن بقية المنتديات الثانية .. اللي مالها هدف إلا جمع أكبر عدد من المواضيع والمشاركات ولا يهمها المضمون ولا المحتوى ..

وبما أنك تقول أني أكتب بأسمي الصريح في منتداي .. وبكل أتزان وعقلانية .. أكيد لازم أكتب فيه بأسمي الصريح وبمواضيع ذات طابع جدي .. بعيد عن اللهجة العامية . لأني انا المسؤول عنه .. قدام الأعضاء أكيد ..
وطبعا أشارك بكثير من المنتديات الثانية بأسلوب مختلف وأغلبها بنفس أسلوبي في منتدى بريدة ..
واعتقد أن اللهجة العامية محببة أكثر من النحوي والفصيح .. أسلوب مبسط مافيه أي تعقيد ..
ونقطة ثانية ومهمة جدا .. كل منتدى يخاطب عده شرائح بعده دول ..
ما أجي مثلاُ في منتدى فيه اعضاء وزوار من عده دول عربية واكتب لهم مواضيع عامية .. لأنه يتخطى النطاق المحلي ..
عكس منتدى بريدة مثلاً .. تقريباً كل الأعضاء سعوديين وقله خليجيين ..

عرفت الفرق الحين :)


انطلق من قسم السوالف ليأتي الآن مطالباً بإلغائه

يطرح هذا الموضوع ويستهلك ثلثي صفحته بالسوالف ثم يستغرب من تهميش الآخرين لمضمونه !!
قسم الطرائف جاوبتك عليه مافيه داعي لتكرار :)

لكل شخص أسلوبه وطريقته بطرح الموضوع .. مثلاً انا يوم ذكرت هالشي كله على شان أدخل للموضوع الرئيسي ..
أنت تسميها سوالف مالها (( داعي )) .. وانا أرد عليك أن هالموضوع كتبته على شان (( أعترف أني كنت على جانب كبير من خطأ كنت أسويه ..وبعد على شان أعتذر من اللي صارت لهم مواقف (( بايخة معي )) .. وبعد كيف تعرفت على منتدى بريدة .. مافيها شي .. وأعتقد أن الموضوع متصل في بعضه البعض ..كتبت موضوع ثانوي عشان أصل للموضوع الرئيسي .. هذا كل مقصدي )) ..


ايه صح نسيت اتكلم عن فكرة موضوعك


بس تدري خلها وقت ثاني ويمكن بموضوع ثاني لعضو ثاني

أحسنت على الرد الأخير ..



أجي الحين لتورطك معي على قولتك :) ..
بعض المواضيع كانت بدعم منك .. انا أطرح عليك الفكرة وأنت توافق عليها ..
وبعدين أستغرب أنك أنت أول شخص يعترض عليها قدام المشرفين .. ويوقفني بسببها :)


(( وش تسمي هذا .. تناقض !! ))


(( تهقون أني زودت العيار حبتين :) ))

عبدالله الحلوة .. تحية لك .. ولردك ..
وأعتز بمعرفتك ...

[خالد الحربي]

أثرك تولف علينا يا اقلاع !!!!!!

تقول انك مسوي لوبي مع الرمادي يوم كان اسمك توني بلير , وهو يقول انه ما يعرف هاك الاسم ولا سبق وقرأ مشاركة لك ؟؟؟؟!!!!!!!!

وش هالحتسي اللي تسنه هرج ؟؟!! :)

====

أما بخصوص اقتراح إغلاق قسم السوالف والطرائف , فأنا معه قلباً وقالباً وسبق اني حاولت أشرشح هالقسم لكن ما خلون أكمل .



وتقبل تحياتي 00
المتزن


شفني رديت عليه .. :)

يمكن أنه كان ناسي وذكرته :)

بس أغلب الظن أنه يبي يهرب من اللي صار ..

وقلت وذكرت أن الرمادي كان من حزب إقلاع مو توني بلير :)

تحياتي لك يا طيب :)

[تراحيب]

إييييه .. الله يالدنيا يا إقلاع .. بصراحة ماله داعي تقول هالعلوم هذي الله يهديك .

لكن فعلاً أذكر انك مسوي قلق للمشرفين وخصوصاً يوم تنشر صور اجتماعهم أمام جميع الأعضاء في منتدى السوالف والطرائف !!! .. لكنك بصراحة ضريت السكب هاك الحين لأنهم اعفوه من الإشراف بسببك لأنهم اتهموه إنه هو اللي معطيك الصور !!!!

لكن أشوى رجع على طول للإشراف !!!!

وشلون ما أدري ؟؟!!

لا يصير أنت اللي رجعته بس ؟؟!! :)

====

لكن السؤال اللي محيرني .. وشلون يدخل الرمادي معكم في اللوبي وهو متوذي منك ؟؟؟!!!

أبفهمها ذي .



وتقبل تحياتي 00
المتزن






والله المتزن صادق اقلاع هذا شخصية غريبة كيف يقدر يسيطر على هالشخصيات ةيلعب في المنتدى على كيفة
لا وبعد ما يخاف لا من المدير ولا الوزير


من انت يا اقلاع ؟؟؟؟؟؟؟؟؟؟؟

[خالد الحربي]

عبدالله .. نسيت أقول شي مهم ..

تذكر موضوعي يوم أحط صور للمشرفين ومن ضمنهم انت ؟

والسكب قال لك بعطي الصور لإقلاع ويحطها ويعلق عليها .. ووافقت ورحبت في الفكرة ..
حتى أنت شفت الموضوع بعد ما حطيته .. وتركته ولا حذفته ..وأخذ فترة نص يوم .. وحذف ..
وبعد أحتجاج المشرفين وزعلهم .. أنكرت أنك وافقت على الموضوع :)

لتذكير ليس إلا :)

[خالد الحربي]

والله المتزن صادق اقلاع هذا شخصية غريبة كيف يقدر يسيطر على هالشخصيات ةيلعب في المنتدى على كيفة
لا وبعد ما يخاف لا من المدير ولا الوزير


من انت يا اقلاع ؟؟؟؟؟؟؟؟؟؟؟

انا الله يسلمك .. واحد أمشي بالشارع من عند سيارة الفورد .. شفتني ؟ :)

[عبدالله الحلوه]

اخي العزيز اقلاع


منتدى بريدة يهدف في المقام الأول ان يكون صوره عن بريدة بعيداً عن المثاليات وبعيداً عن التلميع الممجوج

يجب ان يكون منتدى بريدة يمثل بريدة كماهي ويرسم صورتها التي نريد ان تكون عليها مستقبلاً


نعم يجب السعي إلى رقي الطرح لكن لايجب انكار وجود السيئ منه فهو حقيقه لامناص من الأعتراف فيها والأعتراف بوجودها يمثل بداية مرحلة العلاج


وقسم الطرائف يمثل رغبه وتوجه فئه كبيره من اعضاء المنتدى والذين يمثلون بطبيعة الحال فئه من اهل بريدة ولا ارى بأن العلاج يكون ببترهم من هذا المنتدى بل بمحاولة الرقي بطرحهم ومعالجة سلبيات تواجدهم من خلال تطوير القسم



بعض المواضيع كانت بدعم منك .. انا أطرح عليك الفكرة وأنت توافق عليها ..
وبعدين أستغرب أنك أنت أول شخص يعترض عليها قدام المشرفين .. ويوقفني بسببها


هناك فرق كبير بين التأييد والدعم وبين اعطاءك الحق بطرح موضوع لايحمل مخالفه لقوانين المنتدى

لم اعترض ابدا على موضوع لدي القناعه بصحته وان كان هناك اعتراض فقد يكون حدث بسبب تحول الموضوع لاحقاً جراء ردودك الخارجه عن صلب الموضوع وهذا حدث كثيراً في مواضيعك فإذا كان صاحب الموضوع لايرغب بالحفاظ على موضوعه فكيف نحافظ عليه نحن

واستغرب قولك بأني اول شخص يعترض عليها امام المشرفين !!!

جانبت الحقيقه في ذلك اما ايقافك فلا اعتقد انه تم جراء موضوع بعينه او موقف واحد وانما حدث بسبب تراكمات كثيرة وتنبيهات متعدده لم يبقَ بعدها امامنا خيار آخر سوى الأيقاف





تذكر موضوعي يوم أحط صور للمشرفين ومن ضمنهم انت ؟

والسكب قال لك بعطي الصور لإقلاع ويحطها ويعلق عليها .. ووافقت ورحبت في الفكرة ..
حتى أنت شفت الموضوع بعد ما حطيته .. وتركته ولا حذفته ..وأخذ فترة نص يوم .. وحذف ..
وبعد أحتجاج المشرفين وزعلهم .. أنكرت أنك وافقت على الموضوع


مجانبه اخرى للصواب !!

لم ارحب بالفكره وانما اوضحت رأيي فيها ولازلت اقول بأني لاارى مانعاً من طرح ذلك الموضوع (خصوصاً والسكب قال بأنه قد اخذ الأذن منهم بطرحه ) واعتراضهم على طرح صورهم كان سبب حذف الموضوع بواسطة احد المشرفين
لا اذكر هل شاهدت الموضوع ام لا فالموضوع على مااذكر طرح في وقت متأخر ولم يبقى الا ساعات قليله وتم حذفه قبل الصباح لكن ماانا متأكد منه اني لن احذفه لو رأيته إلا لسبب مقنع
كما اني لم انكر موافقتي عليه المبنيه على اخذ السكب لموافقتهم على الطرح ولا اريد اطالة الحديث عن الخلاف حول ذلك الموضوع





تقبل تحياتي ,,,,

[خالد الحربي]

هلا عبدالله الحلوة ..

(( أن عدتم عدنا .. وزدنا أكثر )) :)

ما كنت ناوي أن الموضوع يطلع عن مساره .. وحتما لازم أبين نقاط على شان أوضح موقفي .. مثل ما وضحت موقفك :

نبدأ بسم الله ..

(( جالس أسخن ))





منتدى بريدة يهدف في المقام الأول ان يكون صوره عن بريدة بعيداً عن المثاليات وبعيداً عن التلميع الممجوج

يجب ان يكون منتدى بريدة يمثل بريدة كماهي ويرسم صورتها التي نريد ان تكون عليها مستقبلاً

كلام سليم ومنطقي جداً .. وهذا هو الهدف المنشود

طيب ليه تلومني إذا كنت انا أسعى لتميزكم .. وطرح وجهة نظري ؟!!!


وقسم الطرائف يمثل رغبه وتوجه فئه كبيره من اعضاء المنتدى والذين يمثلون بطبيعة الحال فئه من اهل بريدة ولا ارى بأن العلاج يكون ببترهم من هذا المنتدى بل بمحاولة الرقي بطرحهم ومعالجة سلبيات تواجدهم من خلال تطوير القسم

هم نسبة كبيرة مثل ما قلت :) (( مسكتها عليك :) ))

الرقي بطرحهم ؟! كيف وشلون ؟!
لي الحين تقريبا أربع سنوات .. (( والحال هو الحال )) .. نفس العناوين .. نفس المواضيع .. نفس الردود :)
وأقدر أقولك وش ردود الأعضاء بدون ما أدخل الموضوع .. لأن كلها محفوظة ومعروفة :) .. وكلها إلا (( النزر اليسير لها هدف )) ..
بعدين هالنوعية من الأعضاء (( مع أحترامي الكبير لهم )) .. تعودوا على مثل هالمواضيع (( الفارغة )) .. ولا عندهم قدره (( خلاقة )) على الإبداع أو تميز بطرح أو فكر ..
مشاركات سريعة خفيفة .. والأهم وشلون يكثر مشاركاته .. وأغلبهم يحط 300 رد بساعتين .. ما تكلفه لا مجهود قرآءة ولا رد له هدف .. مشاركته يحطها ويكتبها (( بربع دقيقة )) وكلها على نفس النسق ..

أرجع الحين لكلمتك نسبة كبيرة :)
(( يعني أفهم من كلامك .. هدفك هو زيادة مواضيع وردود تنحط في أسفل المنتدى .. لزيادة عدد بدون مضمون ؟! ))

أرجع وأقولك يا (( حبيب قلب قلب قلب إقلاع :) ))
فيه أمراض ينفع معها العلاج .. (( مثلي يعني :) )) .. وفيه أمراض ما ينفع معها إلا البتر ..

انا مو ضد وجود قسم لطرائف والألغاز .. بس ضد وجود مثل هالنوعية من المواضيع والردود والأعضاء .. مالها فايدة ..
فلـــــو كانت المواضيع تستحق ما تكلمت :)
وعلى قولتهم (( الشر يعم )) .. أكيد جتكم المطالبات بحذف هالقسم



هناك فرق كبير بين التأييد والدعم وبين اعطاءك الحق بطرح موضوع لايحمل مخالفه لقوانين المنتدى

لم اعترض ابدا على موضوع لدي القناعه بصحته وان كان هناك اعتراض فقد يكون حدث بسبب تحول الموضوع لاحقاً جراء ردودك الخارجه عن صلب الموضوع وهذا حدث كثيراً في مواضيعك فإذا كان صاحب الموضوع لايرغب بالحفاظ على موضوعه فكيف نحافظ عليه نحن

واستغرب قولك بأني اول شخص يعترض عليها امام المشرفين !!!

صح كلامك أن أغلب مواضيعي وردودي كلها (( من الخوارج )) .. بس تذكر .. أن الخروج كان من البداية .. يعني من الموضوع كله خارج عن (( قوانيين .. أو رغبات بعض المشرفين والمشرفات )) .. والأعتراض يكون على الموضوع نفسه مو على الردود




مجانبه اخرى للصواب !!

لم ارحب بالفكره وانما اوضحت رأيي فيها ولازلت اقول بأني لاارى مانعاً من طرح ذلك الموضوع (خصوصاً والسكب قال بأنه قد اخذ الأذن منهم بطرحه ) واعتراضهم على طرح صورهم كان سبب حذف الموضوع بواسطة احد المشرفين
لا اذكر هل شاهدت الموضوع ام لا فالموضوع على مااذكر طرح في وقت متأخر ولم يبقى الا ساعات قليله وتم حذفه قبل الصباح لكن ماانا متأكد منه اني لن احذفه لو رأيته إلا لسبب مقنع
كما اني لم انكر موافقتي عليه المبنيه على اخذ السكب لموافقتهم على الطرح ولا اريد اطالة الحديث عن الخلاف حول ذلك الموضوع

بشهادة السكب ..

(( وهذا اللي صار )) ..

السكب كان في أجتماع مع مشرفين منتدى بريدة في أستراحة .. طبعا صورهم .. بعد ما طلع من عندهم أتصل علي (( قالي : إقلاع جبت لك موضوع يحبه قلبك عن المشرفين ، عندي صورهم في الإجتماع ..
طبعا انا ما صدقت على الله وأخذتهم منه .. بعد ما قالي انا قلت لرمادي عن نشر الصور ووافق ..
جيتك يا عبدالله في المسنجر وقلت لك .. انا عندي صوركم وبنشرها مع تعليقات خاصة لي عليكم .. قلت انت بالحرف الواحد (( ماعندي مانع أنشرها )) .. حطيت الموضوع وصارت الضجة )) ..
هذا كل اللي صار .. :)
بعدين انا ليش أدعي شي عليك ؟!
الحمدلله مابيني وبينك أي شي يخليني أتبلى عليك
صديق عزيز .. وهذا أنت معي ما شفت منك إلا كل خير :)
لو كنت شايل عليك أو صار بيني وبينك موقف .. ممكن تعتبرها تبلي :)

أو ممكن تبي تخلي مسؤوليتك من كل اللي صار :)

انا ما حبيت أن هالشي يصير .. (( بس عشان المصداقية قدام الأعضاء ذكرت هالشي )) ..

عبدالله ياملا اللي مانيب قايل ..

هات راسك أبي أمطخك عليه ببراطمي :)

تحياتي لك يا غالي :)

[عبدالله الحلوه]

اخي العزيز اقلاع


انا لا الومك لسعيك ولكن انتقد الطريقة التي تطالبنا فيها بالتميز


ثم اجدك تمسكت بـ ( نسبة ) رغم اني قلت ( فئه ) ولم اقل ( نسبة ) وهناك فارق كبير بينهما


عموماً تقصيرنا بتطوير القسم لايعني اللجوء إلى الغاءه وتهميش رغبة تلك الفئه





تحياتي ,,,,

[خالد الحربي]

اخي العزيز اقلاع


انا لا الومك لسعيك ولكن انتقد الطريقة التي تطالبنا فيها بالتميز


ثم اجدك تمسكت بـ ( نسبة ) رغم اني قلت ( فئه ) ولم اقل ( نسبة ) وهناك فارق كبير بينهما


عموماً تقصيرنا بتطوير القسم لايعني اللجوء إلى الغاءه وتهميش رغبة تلك الفئه





تحياتي ,,,,

:)

الطريقة (( والحمدلله ما فيها شي )) ..

لتوضيح .. الفئة تحسب لنسبة .. :)


انا أتمنى أن التطوير يكون للأفضل ..

لك كل التحية :)

[نقد التعليم]

احبااااااااااااااااط :(

كتبت رد وش طوله وهنق الجهاز وراااااااح http://www.buraydh.com/forum/images/icons/icon9.gif

قسم الطرائف يبي له قعدة مفصلة وطويلة ..
ولاعندي استعداد اعيد اللي كتبته << تحطمت :(

المهم خذ هالصورة ( لقيتها وانا احوس بالنت ) وعدّ كم بلكة بها ؟؟؟؟
وكل ماخلصت العدّ ابدأ من جديد الين افضي أرد ( لو عقب العيد )
وحط ببالك إنه كل مازاد عدد مرات العدّ كل ماامتلكت جدران واجد وصرت من كبار تجار الشخابيط :p

براااااااسي كلام وااااااااااااااااجد بس الوقت مايساعد .

[جوكم]

خخخخخخخخخخخخ مكتوب اقلاع حتى الضياع وتحته خخخخخخ ابو جروح يعني رجليه كله دمامين خخخخخ