احبك رحت ادور في قواميس البشر كلمات,,عجزت القى كلمات تستريح بصدر كلماتك,,

[حايمتن تسبدي]

السلااام عليييكم

تفضلو بقراءة هذي القصيده واحكمو عليها بأنفسكم







فـــــــــجــــــر الجـــــــروح !!!

كذا يعني ؟؟ كذا فجأه...تغير كل شي فات...؟؟؟
كذا زالت مواثيق الغلا والحب من ذاتك ؟؟

كذا كنتي كذا صرتي كذا خيبتي الهقوات ؟؟
كذا والا كذا ضيعت دروبي خطواتك ؟؟

انا مل الامل فيني يدور للشفاه اصوات...
عجز صوتي يناديلك تعب قلبي من سواتك..

نصيتك والوفا زادي..رحلتي والقلوب شتات..
مصايب والرجا خايب تقود خطاك رغباتك..

كبيره طعنتك هذي ..!! تعودتي على الطعنات؟؟
غريبه حيل ذا المره ولاهي مثل طعناتك...!!!

سالتك بالذي خلى عيونك تذرف الدمعات...
تكف الدمع لاتجني على خديك دمعاتك..

انا ماقد خبرت اني تعمدت اجرحك بالذات..
وانا ماهمني غيرك اعيش من اجل مرضاتك..


سرقتك بالزمن لحظه وعشتك بالفراق اوقات..
ولا ادري وش بقى لي بالعمر من دون لحظاتك..

احبك رحت ادور في قواميس البشر كلمات ..
عجزت القى حروف تستريح بصدر كلماتك..

احبك ياندى فجر الجروح ونشوة العبرات..
احبك كلمه تبكي معانيها على شفاتك...

تظنين الوفا كلمة عجب واصل الوفا وقفات..
صغير الشي في ظنك يصير اكبر معاناتك..

تردين الخطا يمي تزيدين الالم شرهات..
وانا صمت الشقا فيني حكى من كثر شرهاتك...

توالت كلها فجاه تعاظم بالحشى صدمات..
يجي يوم وتتوارى شمسنا من ليل صدماتك..

ذكرتك والدروب اللي تعانق دمعتك بسكات..
وانا مازلت اسافر بين نظراتك وظحكاتك..

ذكرتك وانطفى حجر الكلام وذابت الشمعات..
سهرتك واستفزيت النجوم بليل خصلاتك..


تعالي واذرفي دمعاتك على قلبـ(ن) كثير مات..
تعالي وخذي الباقي يفيد لوقت عوزاتك...

تعالي لاتخلين السنين المقبله تقتات..
من افراحي ولحظاتي وطرباتي وسجاتك...

تعالي وواعديني لاشقا لاكذب لا غلطات..
ترى ماللصبر باقي على كذبك وغلطاتك..

تغيرتي ولا ادري وش جرى وش غير النيات ؟؟؟
سالتك واعتكف برد الجواب فـ معطف اهاتك..

تقولين انت في راحه واقول من القهر هيهات..
انا لا جيت للراحه ... تطردني مسافاتك ...

[ابو هليل]

تقولين انت في راحه واقول من القهر هيهات..
انا لا جيت للراحه ... تطردني مسافاتك ...

أخي الكريم

أحاول أن أطبق هذه الأبيات مع اسمك فلا أجد بينهما توافق أبدا

فالأبيات لا يأتي بها إلا مبدع

فلا عدمنا ابداعك

ودمت سالما معافا

[حايمتن تسبدي]

مشكوووووووووور على مرورك

مو مشرط يكون اسمي حلو عشان اجيب اشيا حلوه
على فكره
ياكثر اللي بالمنتدى اسمائهم روعه لكن ماعندهم ماعند جدتي

اهم شي المضمون وليس الشي الظاهر

[البراق999]

اختي حايمتن تسبدي

مشكوره على القصيده وسلمت يمينك عليها

بانتظار نزف قلمك اختي الغاليه
دمتي بالف خير وعافيه

[عبدالعزيز عبيد العدواني]

الله الله الله فعلا السحر بين الحروف و الجمال يخرج مع الكلمات



أخي الكريم أناشدك بالله أن تخرج بإسمك الحقيقي أو أن تخرج بمعرف يليق بهذه الحروف إذا كانت لك القصيده و أهنئك على هذه


الفاتنه و أهلا بك بيننا شاعرا نفتخر به


لأن والله حرام مثل هالقصيده لا يعرف صاحبها


تحياتي لهذا الجمال

[حايمتن تسبدي]

القصيده مب لي القصيده منقوووله

ومشكورين على المرور

[عاشقة الصمت]

مشكووره خيتوو
من جد ولا اروووع
يسلموو

[روح الصمـــــت]

رائع ....... :)

وبإنتظار المزيد .

تحياتي لك .