إشتراكـــي أوشكــ على الإنتهــاء .. بماذا تنصحونني ؟؟؟

[العندليب]

السلام عليكم :)


اليوم تقريباً أوشكــ إشتراكي بالــ DSL على الإنتهاء حيث غلق سنة كاملة ..


كنت مشتركــ بأول نت (( سنة )) الحين وش تنصحوني فيه .. يعني من اللي جرب شركة وشافها زينه ..


مع السعر إن حصل .. أبي سرعة 128 أو 256 (( 6 شهور ))


منتظر آرائكم .. ولكم مني الحب والتقدير ..


محسوبكم ابو شهد :)

[فهـــــودي]

265 احسن


اول نت


_________________


انا استخدم

سيبيريا

265

[غريب الدار]

سعودي نت 128

مافيش اي مشاكل عندي

[العندليب]

فهودي .. ودنا لو حصل تعلمنا السعر عن السبيريا .. ووشلونها معاكــ ؟؟

[العندليب]

أخوي سليمان بكم سعرها ؟؟

[غريب الدار]

أخوي سليمان بكم سعرها ؟؟


آخر ماأخذت أخذت 3 شهور ب 450

اول كان الشهر ب 180 الحين ب 150

اذا تاخذ 6 شهور يعطونك شهر مجاني << هذا الي اذكر


بالتوفيق يابوشهد

[مايحتاج اسم!!]

هلا ابو شهد
كل عام وانت بخير

شف ياعم خذ اي اشتراك حتى لو مكتوب عليه(مخابز الرفيعه):4_1_107v[
اهم شي لا تقرب اول نت

اشتركت معهم حوالي سنتين ...وكل ما تذكرت هالسنتين يضيق صدري:6[1]:
ما ادري وشلون صابر عليهم كل هالمده:15[2]:
تقطيع ...سرعه زي وجييههم... موضفين لك عليهم...يعني عادي يرد عليك موضف اول مره يسمع بـ dsl:5[1]:


الحين لي اقل من شهر مشترك بسعودي نت 128 بـ 150 ريال الشهر
والمده ذي تسوى عندي كل السنتين اللي بأول نت


الا اذا انت هاوي لاغاوي....اسف اقصد هاوي شقى فخذ اول نت وتمتع بـ(دباشة) الاشتراك


تحيهــ لكــ

[ميدوو]

سعودي نت وبس والباقي خس :)

[المتزن]

شبكة نت مهوب شين .

وأنصحك بأن تأخذ اشتراك شهري ( مرة سعودي نت ومرة شبكة نت وبعدين تجزم على حداهن )



وتقبل تحياتي 00
المتزن

[المجمعة ديرتي]

اقول خلك مع اول نت


امسك مهبولك لايجيك اهبل منه

[روعة مشاعر]

كان إشتراكنا أول نت 256 ولا نواجه أي مشكله

تحولنا لــ شبكت نت برضه 256 ولا أنواجه مشكله لا بالسرعه ولا بالإنقطاع

يعني الشركتين حلوات


وسعر أول نت للشهر الواحد سرعة 256 بــ 270

وشبكت نت 3 أشهر + نصف شهر مجّاني نفس السرعه بــ 850

يعني الأسعار متقاربة

[العندليب]

أخوي سليمان يعطيك العافية .. وما قصرت .. :)

[:: ابعـاد ::]

سيبيريا ممتـــــــــازهـ

الإشتراكـ السنوي بـ 900 ريال


موفق

[كفايه عذاب]

جربت كل شي 00000افضل شي اول نت وبعدين نسمانت وثم شبكه نت 000والباقي وع واذا كان ودك تدعي علي خذ سيبيريا00

وشكررررررررررررررا

[العندليب]

ابو عبدالعزيز ياهلا والله وغلا :)


أنا ععندي أول نت وجاء فترة قرابت الشهر كرهت النت بسبته :( لكن الحين عال العال .. وما دعاني لكتابة الموضوع إلا لإكتشاف الجديد فقط ..


وماراح أجدد مع أول نت ودي أغير وأشوف :)

[العندليب]

ابو سليمان مراااحب الباقي إذا هن خس فرهيب والله الخس مفيد <== فاهم غلط :)

يا حبيلك بعد ..


حاط في راسي إلى هذا الرد سعودي أو سيبيريا :)

[العندليب]

أخوي المتزن :)

يمكن سعودي أجربها خاصة بعد شوركم بها ..

تحيتي لكــ ،،

[السعودي]

سعودي نت مميزة وطيارة إذا كنت تستخدم بروكسي رقمي
212.118.133.140
ومنفذ : 8080

فبهذا البروكسي يتحسن التصفح + سرعة الداونلود

وإلا في الأصل فالبروكسي لسعودي نت في حالة عدم توفيقك مع البروكسي أعلاه هو :

proxy.saudi.net.sa
منفذ : 8080

[العندليب]

شاكر للجميع .. إبداء رأيهم وتجاوبهم السريع ،،،

[العندليب]

الف شكر ابو إبراهيم .. وإذا إشتركت بالشركة سأستخدم ما نصحتني به :)

[ابو ريما الخالدي]

والله جربت سيبيريا وزي الزفت الله يكرمكم

ثمً جربت أول نت منذ 10 شهور سرعة 256
وزي الحلوه بس عيبها الوحيد الأتصال يبطي مايمسك يعني ممكن 5 أو 6 محاولات وبعدين يمسك معاك
وأحياناً وهذا نادر جداً يمسك على طول

بس تهون عند سيبيريا القهررررررررررر

[طـمـوح]

سعودي نت سعودي نت سعودي نت :)

تحميل صاروخ وتصفح رائع وأسعار رخيصه

[ماجد الأول]

سعودي نت ما جربتهالكن شكلها مثل الكامري
كل العالم مجربينها :)
أنا شخصيا مشترك مع زاجل اشتراك محدود التحميل
روعة ما عليها كلام
لكن تصلح للي مثلي ما يحمل كثير
أما اللي يحمل كثير يمكن بيومين يخلص اشتراكه
شهر 256 حد التحميل 1 جيجا بـ 145 :)

مع التحية

[العندليب]

تم التجديد مع أول نت بعدما بلغت الأصوات لأول نت 3 .. وسعودي 1 اللي هو أنا <== التصويت بيني وأخواني :)

[العندليب]

شاكر للجميع .. مشاركتهم ..

:)

[طـمـوح]

أعتقد أن أصوات سعودي نت أكثر من صوت واحد !!

[العندليب]

أخوي طموح أنا لا أقصد هنا .. وضحت أخي أنه التصويت بيني وبين إخواني :)

[خالد7]

ما عليش لو جاءت متأخرة يا أبو شهد
عليك بـ سعودي نت أنا مشترك ثلاث شهور مفتوح سرعة 180 بــ 450
بالنسبة للمشاكل
وجدت مشاكل في بداية الأمر إلا أن السعودي أعطاني أرقام بروكسيات لسعودي نت وبدأت التنويع بينها عند حدوث مشاكل
ودمتم سالمين