تسجيل الدخول

مشاهدة النسخة كاملة : خواتي العضوات ممكن خدمه لأختكم

ابو ريما الخالدي
07-09-06, 10:01 pm
السلام عليكم
كيف حاااااااااااااااال الجميع

خواتي المشرفات والعضوات الكريمات

أختي راح تتزوج أن شاء الله ....(الله يوفقها)....

أمين يارب


فهي طلبت مني أنكم تخدمونها بخدمة بسيطه

الأوهي

أنها تريد

أحسن العطور النسائيه وأدوات التجميل اللي نزلت هذي السنه 2006

أسمها اسعارها المحلات اللي تبيعها

كذالك أحسن مشغل يجهز العروسه

هذا مالدي ووفقكم الله الى ماتحبون

وعسى أيامكم كلها سعاده

وأن شاء الله نخدمكم بالمسرات

وشاكر ومقدر تعاونكن

......
قصيمي مدني
07-09-06, 10:15 pm
ماشفت فزعات مثل فزعات اعضاء هالمنتدى
اكيد راح تلاقي طلباتك بس انا ملقوف وعندي حب استطلاع وفتحت الموضوع
لكن اعذرني ياصاحب الذكريااات

بس تراك نسيت شي واحد وهو


















ماشفنا الدعوة أو مانستاهل
ابو ريما الخالدي
07-09-06, 10:19 pm
حياك الله ياالغالي
والدعوه خليها بساعتها علشان الواحد مايهرب من الدعوه بحجه
أنوار المدينة
07-09-06, 10:24 pm
وعليكم السلام و رحمة الله و بركاته

مبروك و عسى ربي يسعدها إن شاء الله

عن نفسي ويلي أعرفه

مره صار عندنا معرض و في محل كان يبيع عطور من السعوديه اسمه ( المروج ) الصراحه عطورهم حلوه و حتى إنا اشترينا كميه و هديه زواج بعد

أسعارهم على حسب ما أذكر من 60 أو 70 درهم ( ريال ) و أكثر يمكن أغلى شي 100 أو 100 وشي بس ما أدري الأسعار عندكم كيف ؟

بس صراحه عطور المروج حلوه و هم من جده على حسب ما قالوا لنا

و مبروك مقدما
ابو ريما الخالدي
07-09-06, 10:29 pm
هلافيك أختي الغاليه

وشاكر لك تواجدك

بس ابي شي من بريدة مليت من ضرب المشاوير الى الرياض

بس خلال هالفتره رحت 4 مرات ومن سوق الى سوق
الشامخة
07-09-06, 10:34 pm
مرااااااااااااااحب أخوي الله يوفقها 00 ويسعدها 00 ويجعل حياتها سعيدة 000 وعقبال ماتبشرنا انك خال 00

بالنسبة للمكياج والعطور صدقني مالها بعد الله غير (( وجوه )) اللي بالنخيل 00 وعلى ضماني 00 تروح وتقول مواصفات العطور اللي تفضلها مثلا (( مُركز أو مُخفف أو بالفواكهة أو 000)) وهم يلبون لها طلبها00

والماكياج كذلك بالنسبة للماراكات راح ينصحونها اللي يناسب بشرتها (( لونها وطبيعتها * دهنية - عادية - جافه - حساسه * ))


أما بالنسبة للمشغل فهذا بشهادة شخصية مني مضمونة 1000%100 مشغل سيدتي فيه كوافيرة القصيم الأولى(( صباح ))

موقع المشغل بالصفراء شارع المشاغل 00

أتمنى اكون أفدتها 00 الله يساعدها 00 واحنا بالخدمة أخوي أبو ريما 00 باللي تآمر فيه 00 وعسى الله يقدرني وأساعدك 00

تقبل تحياتي وخالص أمنياتي لأختكم المصون بالتوفيق والاستقرار 00 وألف ألف ألف مبروك 00
!!نوف!!
07-09-06, 10:58 pm
مبرووووووووووك والله يسعدها

1/اسماء العطورات/*فلورا نا ان قولد *وبصراحه يجنن وله طقم كامل بودره وكريم/ودس ديور الجديد -ابو فينكه -/ وكارتير الجديد الاحمر
واللور/عطر سينما/ بوس/ بانو راما . تلقا هم عند مكياجي ووجوه وبودي شوب *النخيل*.

المكياج / الكحل دورا والماسكرا المكثف دورا والارواج من مجموعه دورا و مصحح البشره ..البيس ..من بودي شوب 0

اما الكوفير / حذاري حذاري من مشغل سيدتي وخاصه صباح والله احلفلكم بالله ولا فيه اغلى من الله انه جايبينها بزواج خالتي ولا جت الا بعد صلاة العشاء بساعه ومكياجها موزين ابد ماتلتزم با المواعيد والله وغاليه على غير سنع الكوفيره الزينه في مشغل الهنوف ام ساره ومشغل رانيا احسن بعد.



والله يوفقها الف الف مبروك
ابو ريما الخالدي
08-09-06, 02:21 pm
الف الف شكر اختي الغاليه الشامخة

والله يسعد أيامك دنيا وأخره
*·~-.¸¸,.-~* القلب السموح*·~-.¸¸,.-~*
08-09-06, 03:47 pm
الف الف مبروك وعسى الله يوفقها
فيه مشغل (نواعم) الكوافيرة بسمة تونسية
اما العطور ... سينما ، وعطور ( باجنيد ) محل خاص بالعطور الشرقية في النخيل وبصراحة خيااااااااااال عطوراته..
الماكياج تحصلونها عند مروج الزهور ..وايضا وجوه وطبعا على حسب بشرة العروس
اتمنى افدتكم بشيء ولكم تحياتي
جورينا
08-09-06, 04:26 pm
ابووووووووووو ريما

الف ميرووك والله يتمم عليه بخير

دخلت بقولك ادخل على ملف بنات بريده

تلاقيه فوق مثبت اكيد بتحصل كل شي فيه من عطور

لحد ماتوصل للكوافيرة

وحبيت اضيف شي وهو

يمدحون الكوافيرة ريماااااااااااااااااا يقولون جنان مكياجه كل الي جربوه

واذا بغيت اجيب لك اسم المشغل الي تشتغل فيه من عيوني اجيبه لك تامر امر

وحنا بالخدمه لاي استفسار تبيه

تقبل مني اعذب تحيه
& جمال الطفوله &
08-09-06, 04:29 pm
الله يوفقها يارب ويسعدها ويرزقها الذريه الصالحه ..
عقبال ريما :)


طيب

بالقصيم ماعندي خبره مره بالمحلات لو تبي بالرياض مانقصر ان شاء الله ..

لي عوده باأسامي العطور والمكياج .. ومايكون خاطرها الا طيب ..


تحياااتي
الدوقـــــه
09-09-06, 07:09 am
ياهلا بأخونا أبو ريما والله ما طلبت شئ الله يوفقها ويسعدها أن شاء الله وألف مليون مبروك مقدما

أذا تبي نصيحتي أسمع من / الى عطور ماركات عالميه وأدوات تجميل وكريمات جسم وكل ما يخص العروس وبأسعار جداء معقوله هاذا محل أسمه ( السو يلم ) بالـــرياض بحي الــد يره تدخله ما تطلع الا مخلص من كل شئ وأسعارهم أسعار الجمله وترى كل الماركات العالميه الي بالرياض وهنا حتى الي قالوا لك عنه وجوه هالنصاب الي يدبل السعر ضعفين يأخذ منه بالجمله أنا والله أنصحك تأخذ أختك وتروح له يوم واحد بس لان أعرف الاسعار الي هنا كلها مأخذين الضعفين وأنا بقولك أسماء عطور وأدوات تجميل ( العطور / كنق دوم ـ أدكيت ـ كارتيه فلور ـ والله العطور كثير بس يمكن هاذي مميزه شوي ) ( المكياج كلارنس ) ( الكحل ريفلون) (الماسكرا HR ) ( والاي شدو من ماركه smashbox)


وبالنسبه للكوفيره الي هنا مستواهم يمشي الحال بس الي اتعامل معها من صالون سنتر نور ( أيناس ) في شارع المشاغل بالعرائس شئ

وأي أستفسار عن شئ أنا بالخدمه وتمنياتي لها بحياه سعيده أن شاء الله
& جمال الطفوله &
09-09-06, 10:18 am
جبت لك أسامي العطورات ..
وياويلها لو ماتشتري واحد منها عطيتها نص أسراري المفروض البنت تحتفظ فيها :b3:
ههههههه وترى اذا بتنزل للرياض بنزل موضوع ان شاء الله وصف لمحل يبيع العطورات الفرنسيه بنصف سعر السوق ..

العطوراااااات الفرنسيـه ..
عطر( euphoria) مع اللوشن من كالفن كلين ..
وعطر(Contradiction) من كالفن كلين ..
وعطر ( ( and ever ( Forever من كريستيان ديور .
وعطر ( ألين ) بالعلامه لونه بنفسجي غامق وغطاه ذهبي << لايفوتهاااااا .


ومن محلات( أجمل ) 1/ عطر أصال << هذا برائحة المسك .
2 / عطربخاخ كمبودي أصلي ... بعد من محلات أجمل مو ذاكره أسمه بس حلو ..


وعندك من محلات ( بودي شوب) طبعاً لها فروع بالقصيم في سوق العثيم
1 /مجموعة الفانيلا ,,
2 /مجموعة المسك الأبيض ,,
3 / مجموعة مون فلاور ,,
حلووووه مررره وأحسن مافي بودي شوب هالمجموعات ..

وعندك محلات ( نكتار)في سوق العثيم على ماأظن .. طب وتخير بس قول لصاحب المحل نبي مجموعة عرائس ..

وعندك محلات( نعومي ) فيه عطرين .. 1 / عطرshaza مع اللوشن.
2 /عطر bambi مع اللوشن << لايفوتهاااا ..

هذا اللي يحضرني الأن ..وأخترت لك أفضل العطورات من كل محل ومافيه أي بنت مقبله على الزواج الا وتشتريها ..
لي عوده مع المكيااااج ..
ودعواتي لها بالتوفيـــــــــــــــــــق ..

تحياااتي .

& جمال الطفوله &
مبحوحة الصوت
09-09-06, 10:57 am
انا بعطيك عطورات رووووعه

من محل وجوه اللي بالنخيل

اول واحد جنفر لوبيز

برتني الجديد

اسكادا الجديد الاخضر

اليت الجديد عليه رسومات حريم ببنفسجي

فيري سكسي العنابي قديم بس حلوو

بيوو مو ديور تراه ابيض دائري مرره رايق

كل هالعطور ثابته ريحتهم



واذا بتروح للرياض ترى فيه محل المصباح يبيع بسعر الجمله خذهم من هناك

ترى ينزل بالسعر واجد 00


الله يوفقها وجميع بنات المسلمين
ابو ريما الخالدي
10-09-06, 09:37 pm
*·~-.¸¸,.-~* القلب السموح*·~-.¸¸,.-~*

فراشة نجد

& جمال الطفوله &

الدوقـــــه

بحبوحه


الف الف الف شكر لكم مني ومن أختي الغاليه

التي والله العظيم عندما قراءة ردودكم رفعت يديها الى السماء بدعاء لكم بالستر والعافيه

فالف شكر لكم والله يسعد أيامكم
بنوتة الحنان
14-09-06, 06:06 pm
<<< يوم شافت ان الدعوى بتدعيلي قالت مالي عنه :)
ابي تدعيلي اختك ان الله يتمم اللي براسي ويسهله على خير


عندك العطور محل وجوه لاتعداه عندهم تطب وتخير من العطور الفرنسية اللي تخرش العقل

ايضا اللوشنات وخرابيط الجسم وحركات المعرسات (هي ابخص ) تلقاه عند ذي بودي شوب

وبعد المكياجات تروح لمروج الزهور اللي بشارع الصناعة تسألأهم وهم يعلمونه بكل شئ
او الحميد نفس الشئ بشارع الصناعة تقوله بس ابي مكياجات عروس

وهو يعطيه اللي عليه الطلب ويبخص كثيييييييييير بالطلب ( انت يالحميد ) ويطيح بالسعر الشئ الكثيييييير

ترى محله صغير لكن كل شئ عنده

هذا اللي عندي :)
اتمنى انها تستفيد
الله يوفقها ويسعدها بالدنيا والاخرة

بنوتة الحنان مرت من هوووووووونا تشااااااااااااااو :)