طلبات الحريم من الألف الى الياء

[MaFiA]

بسم الله الرحمن الرحيم..

الالف : ابي فلوس بروح معزومة على شاي مع رفيقتي

الباء : بكرا أبيك توديني لبيت أهلي عندهم عزيمة

التاء : ترا اليوم ماراح أسوي عشا روح جيب لنا عشا من المطعم

الثاء : ثلاث اسابيع ما طلعنا للملاهي يالله ودنا اليوم

الجيم : جيب خدامه تساعدني بشغل البيت.........(والبيت نص شقة) قهر

الحاء : حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)

الخاء : خل الشله اليوم..انا عازمتك نتعشى بره, بس على حسابك

الدال : دور لنا فله على 3 شوارع وفيها سرداب (الراتب250 دينار ) من وين ياحسرة

الذال : ذيك السنة (قبل 10 سنوات) قلت لك اشتر لنا سيارة وما شريت

الراء : روح قدم على اجازة خلنا نسافر لاوروبا ,,اووف حر

الزاء : زيد مصروف البيت هذا ما يكفي اغراض البيت (ومعظم البيزات عليها وعلى خرابيطها)

السين :سجاد البيت صار قديم ....غيره يا اخي (السجاد ما كمل له سنتين )

الشين : شيل ولدك شوفه يصيح هناك,انا تعبت من العيال

الصاد : صفف الملابس هناك منثرة,مليت وانا القط وراك

الضاد : ضبط اوضاعك..ترى كبرت المسؤولية..(توها والدة )

الطاء : طالع السيارة سكراب تفشل قديمة, نبي شبح

الظاء:الظاهر انك ما تحبنى..ليش ما شريت لي عقد الالماس اللي ابيه ( الحب بالالماس بس؟!!!!)

العين:عيوني..اليوم شفت نفنوف عند زوجة اخوي يجنن...خاطري بواحد مثله

الغين غير يا اخي اسلوبك معاي...كله برود..حسسني بحبك شوي

الفاء : فديتك حبيبي وين تبينا نسافر هالصيف؟

القاف : قدر يا اخي شوي...كل شغل البيت على راسي...تكرم وساعدني شوي

الكاف : كفاية ملينا من هالبيت متى راح تسوى لنا بيت اكبر من هذا

اللام : ليمتى بنتم محبوسين في هالبيت لا نطلع مثل الخلق ولا غيره

الميم : متى بتوديني لبنان مثل ما وعدتني قبل؟؟؟؟

النون : نبى نحجز شاليه شرم الشيخ طول الصيف ..لا تنسى

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو : ورني شطارتك و روح عند اخوك خذ منه الورث( راعية مشاكل)

الياء : يلا ايدك على 200 ريال رضاوة..لانك زعلتني وكسرت خاطري

[مشعل911]

فديتك حبيبي وين تبينا نسافر هالصيف؟

فديتك هي لازم يكون وراها شي ولا هي ماتبيك الا لفلوسك طبعا هذا مب كل الحريم الربع والهلي بس

[روعة مشاعر]

طير حوران

تأدب مع الجنس الناعم

-----------------------------------------------

تبي تشوف طلباتكم يــــ


إ/ إكوي ملابسي 0
ب/ برّدي لي العصير 0
ت/ تقلعي عن وجهي تراي تعبان 0
ث/ ثوبي وينه فيه 0
ج/ جيبي الغداء 0
ح/ حاولي ما تكلميني تراي ما لي خلق 0
خ/ خربت سيارتي من روحاتك لأهلك 0
د/دايم نايمه ؟؟ أو تكلمين بالتلفون ؟؟!!
ذ/ ذهبك ودي أبيعه محتاج 0
ر/روحي لأهلك اليوم وبكرا وبعده بسافر 0
ز/ زوّدتيها تراك 0
س/سوّي لي شاهي 0
ش/شيلي عني هالولد 0
ص/ صبرت عليك أكثر من اللازم 0
ض/ ضفّي وجهك 0
ط/ طولتيها 0
ظ/ظروفي الماليه ما تسمح 0
ع/ عبي الترامس شاهي وقهوه عندي طلعه 0
غ/غيّري ملابسي معزوم 0
ف/ فرقى عين طلبات ما تنتهي 0
ق/ قومي وجع وش هالنوم ؟؟0
ك/ كويتي شماغي الجديد ؟؟0
ل/ لاجيت من العمل ما أبغى إزعاج 0
م/ متى أحس إني متزوّج صح !!؟؟ 0
ن/ نامي أبغى أتأخر بالإستراحه 0
هـ/ هاتي نعالي 0
و/ ولّعي المكيف 0
ي/ يقولون العرس الثاني زين !!!!

[>>> عاشق سراب<< <]

يسلمووووووووووو
طير حوران
و نرجسية
يالغااااااااااااااااااااااااااالين ونستونا الله يونسكم

[فهـــــودي]

الموضوع مكرر

على الرابط هذا

http://forum.buraydh.com/showthread.php?t=83910


بس مشكوووووور

[....الأمير....]

الفاء : فديتك حبيبي وين تبينا نسافر هالصيف؟

أنا اموت على هالكلمه