تسجيل الدخول

مشاهدة النسخة كاملة : ابغى مساعده في الغسيل!!! لوسمحتوا

the tiger
24-08-06, 04:33 am
السلام عليكم


من اجل الوظوح

انا الان بمكان لايتوفر


فيه محلات المغاسل


ولا اعرف مكاييل


الغساله من صابون ونيل


النيل


ارجو المساعده
الذاهبة
24-08-06, 07:08 am
طيب تبي تغسل في طشت ؟

ولا تبي تستخدم غسالة ؟

كهربائية عادية ولا توماتيك ..


ترى يفرق لازم نعرف أول
الشامخة
24-08-06, 07:37 am
معاها حق أختي الذاهبة يفرق من غسالة لغسالة ياليت تحدد 000

الله يكون بعونك
مبحوحة الصوت
24-08-06, 07:45 am
تبي اغسل لك ياخلفهم

الله يخلي لكم الحريم بس ماتشكرون اخ منكم ياالرييايل

ههههههههه


الذاهبه والله انك فزعه

طيب تبي تغسل في طشت ؟

ولا تبي تستخدم غسالة ؟


اختيارات

كهربائية عادية ولا توماتيك ..


نوع الغساله ؟ حدد

يامال العافيه يالذاهبه والله الحين تسنتس غسلتي له


ههههههههههههههه
الذاهبة
24-08-06, 07:51 am
يابنات قطع قلبي ..

لازم نعلمه ..

و بعدين بمهد له الموضوع عشان ما ينصدم إذا تشققت يدياته من الصابون ..

:)
the tiger
24-08-06, 07:56 am
مشكورين على التواصل

الغساله تشبه فرن المخبز

له باب مع الجنب

ودي الله يعدي عنكم


اعرف مكيال النيل

لاني لعبت فيه امس لعب

وحاس علي اثيابي


وصارن زرق

كانهن مراييل بنات المتوسطه


وابي بعد اللي تحطونه بالعاده بالغساله


ويخلي الملابس بهن ريحة شمبو


لاني قظيييت امس علبة الشمبو بالغساله


وشكرا

ان الله في عون العبد ماكان العبد في عون اخيه


اتمنى الرد باسرع

وقت لاني ماعندي ملابس

وانا عزوبي وساكن بحالي بعيد عن اهلي

عشان الدراسه !!!!
فارس الميدان
24-08-06, 07:58 am
لو سمحت اخوي العزيز انت في اي مكان عشان بحاول اقتبس فكره لك حلوه ؟


حدد في اي مدينه او بلد ؟؟؟

فـــــــــــ الميدان ـــــــــــارس
مبحوحة الصوت
24-08-06, 08:05 am
وابي بعد اللي تحطونه بالعاده بالغساله


ويخلي الملابس بهن ريحة شمبو


لاني قظيييت امس علبة الشمبو بالغساله

النمر انا متعاطفه معك تدري ليش؟ لاني بعمري ماغسلت واتوقع اذا

تزوجت تبي تصير لي نفس حالتك


وعندي توقع ثاني لحق الريحه على قولتك الظاهر والحديث للشغاله _ ان اسمه كمفرت

طيران رح اشره
سماءنجد
24-08-06, 08:09 am
السلام.. حلوه الردود
من وصفك باين إنها توماتيك وهذي مهنا زين الغسيل فيها
شوف الصابون حسب طمالت( وساخة) ثيابك وأنصحك تستخدم اريال تراه يخلي الثياب يلقن وإذا كان عندك بلايز وبناطيل لاتحط صابون حط شامبو حتى مايصيرن جفسات ..
اما اللي يخلي ريحة الملابس حلوه هو ..وش يسمونه ياربيه..إيه اعتقد ملين المهم اسمه كمفورت يخلي الريحة تجنن ويسهل الكوي
إيه بعد ترى المكاييل ومقدار الصابون موضح على علبة الصابون
أما النيل فأعتقد إنه لازم تحطه في قطعة شاش وتغطه فقط وتشيله لاتخليه يذوب
مع تمنياتنا بغسيل يلق بياض
الذاهبة
24-08-06, 08:12 am
الغساله تشبه فرن المخبز

له باب مع الجنب

يبدو انها غسالة عادية .. يعني أنت تعبي الماء و تسبع الملابس و تنشفها بنفسك ..

ماعليه ..

أول شي ..

لا تجمع كل الملابس مع بعض ..

يعني البيض لحال و الملونة لحال ..

و الفنايل و السراويل ما تغسلهن مع الثياب ..

يفضل أنك تجمع الثياب لحالهن ..

و إذا حطيت ملابسك بالغسالة .. صب عليهن ماء لحد ما يغطيهن ..

و لا تكثر كمية الصابون عشان ما تجيك حساسية من ريحته القوية ..

يعني تقريباً ربع الكرتون الصغير ..

و إذا كانت ملابس داخلية عادي تضيف نقطتين كلوركس .. مو تكثر ..!!

أما الثوب فلا تغسله إلا بالتايد ..

اعرف مكيال النيل

النيل ما تحط منه إلا قليل مرة مرة مرة

سواء سايل أو جاف .. حاول تضيف نقطة وحدة و بس

لأنه لو كثرت بتخرب ملابسك ..!


وابي بعد اللي تحطونه بالعاده بالغساله
ويخلي الملابس بهن ريحة شمبو

اسمه ( لينور ) أو ( كومفورت ) ..

تلاقيه مع الصابون و مواد النظافة ..

هذا تضيفه بعد ما تسبع ملابسك من الصابون ..

تضيف نقاط منه في الماء .. و تشطفهم زين ثم تنشفهم ..





ياربيه .. الله يعينك .. و الله ما اظنك تبي تصبر ..

شوف ترى الموضوع مرررررره سهل بس حاول تطبقه زين ..
الذاهبة
24-08-06, 08:14 am
سماء نجد ..

أنتي تقولين باين أنها توماتيك ..

و انا عقبك أقول .. باين أنها عادية

أقول عاد الصراحة باين أننا سنعات مرررررررررة !!
عقل حر
24-08-06, 08:15 am
بسيطه

اسال شغالتكم يمكن تفيدك
the tiger
24-08-06, 08:56 am
ياحليلكم حليلاه

والله اني ولهت على امي

الوحده بكم فزعتة فزعة الف رجال

انا وادي اعرف الواحد اذا ماجمل مع اخوياه


قالوله انت بك من فزعات الحريم

يعني انه مافي فزعه


ولكن انتم عكستوا

هذي الظاهره عند بعظ الناس


ومشككككككككورين

!!!!!


قبل اشوي


ابشركم طلعن ملابسي من الخباز (المغسله شكله تقل مخبز لان الفتحة مع الجنب )


بس صارن تقل خياش


خشنات بالمره


شعري صار انعم منهن !!!!


تصدقون


ولا ادري ليش
بريدة.. معشوقتي
24-08-06, 09:21 am
الحمد لله على السلامة يا... بالعربي(( النمر))..

تروح وترجع لنا بالسلامة..

نصيحتي لك ...أحسن لك من تعب الغسيل والطبخ .....* أسمع بيني وبينك ترى يمدحون ""زاواج المسيار "" يمدحونه بالحيل%%
دور لك على بنيت حلال تخدمك وتحشمك وتبلعك وتوسع صدرك وتونسك.
بس لا يدري أحد**

**ألف ألف مبروك الله يبارك لك وعليك ويجمع بينكم بخير**
مبحوحة الصوت
24-08-06, 09:26 am
نضجن الثياب

كلووووووويش الف الف مبروك


والله وتعلمت وانا تعلمت منك


اذا ماعرفت بكتب بالنت يعلمونن الناس الفزعه

الذاهبه وسماء نجد وشرواهم
the tiger
24-08-06, 09:41 am
وش صار على طبخكم

بالمنتدى


شيكوا عليه
ămōяẻ
24-08-06, 09:48 am
علمنى

انتى باي مدينة

كان قريب لي مستعد
اجيك
واخذ اللي عندك واغسلن
الشامخة
24-08-06, 10:29 am
هههههههههههه فيك الخير عموري <<<< مسوي فيها يعني انك تعرف تغسل

الله يعينك والله انا ماادري انتم ايش تسوون بدون البنات <<<<< كأني صرت مغرورة
ملاك نجد
24-08-06, 10:54 am
حطهن بالفرن وولع الغاز ...تبي تحرقه في بيته
the tiger
24-08-06, 11:05 am
عموووري

انابجده
جلوي العتيبي
24-08-06, 11:18 am
تصدق ننكشف ايام العزوبيه اخوي تايقر


هاليومين كنت عزوبي

حطيت الصابون محل المطهر (لينور) في الغساله ..ياحياة الشقا


بس انا عندي انك لو رحت لاقرب مدينه حولكم يمديك وصلت بدل ماتنتظر شرح الأخوات

لا وماشاء الله كل وحده تجيب رأي ..الله يخلي لكن الشغالات بس يابنات الجيل الناعم

دمت أكثر زراقاً <<<مدري هي صح بس احب اللون الأزرق
the tiger
24-08-06, 11:28 am
لا ياشيخ

انا بجده ادرس

وساكن فبيت خالتي

وخالتي مومن جده

؟؟؟؟

يعني انا


لحالي كل الوقت


ومبتلش

بالغسيل والطبخ

والنفخ

؟؟؟؟؟
بندر الحمر
24-08-06, 12:17 pm
أخي الغالي التايقر

كم من واحد يتمنى حياة العزوبيه وكم من عزوبي يتمنى أن يداهم حياة الزوجيه وكم من متزوج يريد أن يعزز حياته بإمرأة أخرى ,,,,ووو,,

أعلمك إنك تقدر تستغني عن المرأة في بعض الأحيان >>شف لانطن به الحريم

كلها بريالين بالمغسله ولابهذلة

وتختصر على نفسك كثيررررررررر

((صابون 15 ريال))

و

((لينور 13ونص ريال))

و

((نير بخمسة ريال الدرزن))



وأخيرا

((نفضة كهرب قيمته عمرك))

رح لمغسلة الثياب <<يسمونها بجده ((مكوجي))

رح وغسل إللي تبي بثمن زهيد

شكرا لك ولتفاعلك في المنتدى
ابووافي
24-08-06, 02:56 pm
فيه دراسة الحين وش دراسك بجدة
the tiger
24-08-06, 10:27 pm
ماشالله

ياخ بندر

الفيمتو (جاك رمضان يبي يشفطك شفط)

توي ادري ان

النير

يحط بالغسيل


اذكره


لتمعيط الاشياء


؟؟؟؟

يمكن فيه فيه شي جديد


جاء عندكم!!!

انا مادري؟

هههههه
أنوار المدينة
25-08-06, 12:46 am
السلام عليكم و رحمة الله و بركاته

the tiger

أحسن شي لك

اشتر بالدي دائري الشكل (طشت يعني ) انزين و غسل ملابسك فيه

بكلتا يديك :) استعمل تايد في نوع منه بريحه حلوه ما عليك إلا تقرا العبوة


على فكرة اغسل الملابس و هي مقلوبة الأبيض مع الأبيض و الملون مع الملون

ترى الغسيل مره سهل ما فيه شي

بالتوفيق
the tiger
25-08-06, 05:21 am
ياانوار الدنيا

بالاصح


اقووووول ياسعد........


وعيني عليه باررررررده


والله انك سنعة بالحييييييل (واجد) كتييير



ماقصرتو وانستونا
أريب العرب
25-08-06, 10:49 am
أخ Tiger ( عزوبي جدة )

أنت الآن علقت في ورطة مع المتزوجين ...!!!
وأنت لا تعلم ...!!!

فإليك فحوى وتلميحات كلامهم وما تخفي صدوره أكبر...!!، فالرجال واحد يبي الكهرباء يصعقك...!!! ، والثاني يقول وين أنت ساكن أبي أجي اغسل هدومك عنك...!!! (نصيحة لا تدله مكان شقتك ) ، والثالث يبي الغاز يولع فيك...!!!!

أما النساء فبما جبلن عليه من لطف، ورقة، ورحمة ، فهنَّ أقل من الرجال، لكن لهنَّ هدف ثاني ....؟؟؟
وإليك بعض فحوى كلامهنَّ ، ما ادري وش بيسوون بدوننا ...؟!!! ، ما أظن بتصبر ....؟!!!، أيديك بتتشطب من الصابون...!! ، وأخرى أفصحت عن النوايا دور لك على بنت الحلال ...!!! (بحكم إن النساء لايستطعن إخفاء ما في نفوسهن)

أظنك عرفت ماذا يهدفن إليه النساء ....!!!

الزواج .....!!!

لا يروح بالك بعيد ....!!!! وتفهم غلط ....!!

فالمرأة المتزوجة لا تستريح ولا يهدأ لها بال حتى يتزوج آخر عزوبي بالعالم......!!!

طيب لماذا ..؟؟؟

عُد بذاكرتك إلى الوراء قليلا ...، سوف تعرف لماذا كُنت تُمطرُ بالأسئلة من الرجال....!!!
وأين أنت ساكن..؟؟؟؟، أنت قريب ولا بعيد ...؟؟؟، أنت بالاستراحة ولا بالشقة ...؟؟؟
فالنساء يعرفن بالفطرة أن العزوبي هو مصدر خطر وإلهام غير سوي للمتزوجين ....!!!
أولا: العزوبي حالته دائما تذكر المتزوجين بأيام العزوبية ،
ثانيا: استراحات وشقق العزوبية هي ملفى ومقر استضافة للمتزوجين الطفشانيين من البيوت...!!!،
ثالثا: أن العزوبي (والعياذ بالله من هذا الشخص)، والسبب في خراب كثير من أزواجنا (هذا كلام النساء)، وذلك أن كل عزوبي مسافر للخارج (للسياحة طبعا) لازم يكون معه على الأقل ثنين متزوجين...!!! (ما أدري ليش) ، يمكن ما يجسر..!!

لكن اسأل الله لك أخ تايقر أن يزوجك
البنت الخَوْد، الأُمْلود، الرَشُوف، الأَنُوف، المُعْصر، المدمجة الخصر الضَمْغَج، العَيْطَمُوس، الغَيْلم، اللعوب، العروب
وأن يجنبنا وأيك
العِنْفِص، المِنْدَاص، الصَهْصَلِق، المهراق، العَوْكل، العِفْضاج، الرَدَاح، النَكُوع.

وآسف على الأطالة

ودمت لي اخ تايقر دائما سالما
أريب العرب
الذاهبة
25-08-06, 11:21 am
ماشاء الله عليك يا أريب العريب
عز الله أنك ذيب !

آمين آمين الله يزوجكم كل أبوكم ، و يرزقكم

العِنْفِص، المِنْدَاص، الصَهْصَلِق، المهراق، العَوْكل، العِفْضاج، الرَدَاح، النَكُوع

بس أهم شي لا هي عصاقل ولا هي سمينة ..
the tiger
25-08-06, 04:23 pm
مشكور يا قريب العرب

والله انك منسم


ومابك ولا

15 هوا




اما


اسامي القطرات



والمراهم حلوه



شكلك صيدلي

؟؟؟؟


على العموم


مشكور على الدعوه


اللي بتنأط عسل


من بوووأك



اما


انتي ياذاهبه ....



ماشالله


فاتحتن قاعة امتحان



تراي اعرف دكتور


مصري



بتله اجيبله


خظره


تراو يقدر يساعدكم


هماو؟؟؟
أبو غازي
26-08-06, 03:16 am
داري ان مدخلتي متاخره كثير لكن ان الحل عندي وان ابو غازي
معليش
الحل عندي وان ابو هندي
امسك ثو بك واجدعه بل غساله وبعد متخلص نشفه بالشمس
ثمن على بركات الله والبسه مااحد سالك ليش ثوبك متعفط
اهم شي النظافه وان اخوك
ولتزعل ههههههههههههههه
الذاهبة
26-08-06, 03:35 am
اما


انتي ياذاهبه ....



ماشالله


فاتحتن قاعة امتحان



تراي اعرف دكتور


مصري



بتله اجيبله


خظره


تراو يقدر يساعدكم


هماو؟؟؟




عفوا ما فهمت قصدك

إذا بتريد اشرح لي
the tiger
26-08-06, 05:13 am
أنت ياللي ممتحني وش بلاك هي دباشه غلطتك وإلا جهل

؟؟؟؟؟؟؟؟؟؟

قصدي تعقيب على البيت

يووور اندر استاند ؟؟؟
the tiger
26-08-06, 05:52 am
اللي يعرف يعلمن


عندي المكوى اذا كويت

فان الملابس يلصقن ؟



راح نص فنايلي


؟؟؟؟

اربصهن ما


قبل ماكوييهن؟

ولا


وشلووون؟؟؟؟
the tiger
27-08-06, 01:43 am
عندييييييي


سؤال ؟

الحين الملابس الملونه



وشلون يغسلن


جميع ؟



طيب احط معهن ثياب ؟


او يخربن؟



يصير الثوب تقل


دفتر بنت (عشان الالوان بس)



افيييدوووني وشكرا
أنوار المدينة
27-08-06, 02:09 am
the tiger

الفانيلات تكويهن بخفه ولا تحاول تشد عليهن راح يتوسعن

بخفه مررررره و درجه الحرارة ما تكون عاليه

:)

الملابس الملون تغسل مع بعض

بس الثياب يلي لونهن أبيض لاااااا اغسلهن لوحدهن

:)

احسن شي خذلك

كانفورت للملابس الملونه لونه أزرق و ريحته حلوه
the tiger
27-08-06, 06:49 am
ياانوار


ويييين القاه


الكافووووت




بصيدليه ؟


او محلات تجمييل ؟


؟؟؟؟؟


وبالمناسبه


قلتي انتي


the tiger

الفانيلات تكويهن بخفه ولا تحاول تشد عليهن راح يتوسعن

بخفه مررررره و درجه الحرارة ما تكون عاليه



وشلووون بخفه


والمكوى كبييير


له غطى


من فوق ؟


ماقدر اشد او ارخي


كله واااحد ؟


يووور انر استاند ؟
the tiger
27-08-06, 06:49 am
الكامفرت

قصدي ؟؟؟؟؟؟؟؟
الشامخة
27-08-06, 07:54 am
و الله ان حالتك حالة الله يكون بعونك
the tiger
27-08-06, 09:02 am
ههههههههههه ا


الله يقطع شيطانك


والله بك من ام نظارات اللي تلحقن المقلا ؟؟؟؟


ياشمخمخ
أنوار المدينة
27-08-06, 03:51 pm
the tiger


تشتري الكانفورت من السوبرماركت أو الجمعيات

أهااا

على بالي تستخدم مكواه عاديه :)

عيل السموحه ما أعرف للمكواه يلي عندك

:)
the tiger
27-08-06, 11:59 pm
ايييييه

انتم من قووووم

(عيل )


والله الللف نعم


ومشكورين على الرد