المساعد الشخصي الرقمي

مشاهدة النسخة كاملة : **يبه شلونك**

جناان
22-08-06, 05:03 pm
يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
وشلون المرض وياك ؟؟
بعد ماهدك بدنياك..
عساها تغمض جفونك ؟؟
تبي تدري عن احبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
يبه امي تخيلك دوم..
تغني لك مع القمرا..
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..
مراعيها .. يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكرى..
وعيا لايجي بكرى !!
يبه تذكر زمان مر؟؟
لاقالو عمر؟؟
هو احلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك


**اتمنى تعجبكم كما اعجبنتي**
ămōяẻ
22-08-06, 06:31 pm
اكيد


اعجبتنى

يالغالية روعة منك


من قائلها اتمنى اعرفه
جلكسي
22-08-06, 07:49 pm
دمعت عيني وانا اقرأها ... ثم بكيت وانا اكمل قرائتها

جزيت خيرا ياجنان وحفظك المولى عز وجل وحفظ كل عزيز لديك
جناان
22-08-06, 09:34 pm
هلابك
اخوي عموري
مقبول السعي
القصيده
للشاعر ناصر الفهد
نـــزف اصيـــل
22-08-06, 10:01 pm
شاعر قدير
وقصيدة عذبه
نقلت ..بقلم رائع

من عضو ...رائع ..بذوقه
البراق999
23-08-06, 12:13 am
سلمت يمينك اختي جنان على الكلمات الرائعه ومشكوره يالغاليه على النقل والاختيار الجميل والله يعطيك العافيه
جناان
23-08-06, 06:39 pm
جلكسي
فعلا كلمات مؤثره
صح لسان الشاعر
وسلمت على مرورك
جناان
24-08-06, 02:28 am
شرفت
المتصفح بتواجدك
نزف اصيل
متغربه
24-08-06, 07:58 am
صرااااااااااااااااااااحه كلمات تنزف حسيت بها اختي جنان
جناان
24-08-06, 05:17 pm
البراق
مغتربه
اسعدني تواجدكم