مع او ضد وليه؟ .. جاوب بصراحه

[هايدي الجميلة]

سلاااامون عليييييييكم


رأيت أحد المواضيع الذي أعجبتني فكرته


فأحببت نقله لكم


وفكـرتهــ كالآتي ،،،


الفكره ان تطرح سؤالا ويقوم العضو الذي بعدك بالاجابة عليه


كما تطرح الإستفسار عن السبب


من خلال الاجابه بــ (مع أو ضد ) ولماذا.....ومن ثم طرح سؤال جديد


يقوم العضو الاخر بالاجابة عليه ووضع سؤال اخر وهكذا


وتكون الأجابة كالتالي:


مع .....أو ضد ....لأن .........


ومن ثم طرح السؤال التالي


وتبقى الاجابه للعضو اللي بعده و هكذا ،،، ..


يعـــني في كــل مرة...


يجــااوب العضــو على السؤال الســابق


ويطـرح سؤال من عندهـ ..


وتكوون كل إجاابهـ على حســب وجهة نظـر الشخص


مع ذكــر المبـــرر


وأنا ببدأ الموضوع بسؤالي للذي بعد


انت مع او ضد سواقة البنات ؟وليه؟؟

[نـدى الورد]

مشكوره هايدي موضوع حلو



أنا مع سواقة البنت للسياره حتى ما يتمننون علينا الشباب


أنت مع أو ضد السفر خارج الوطن؟ وليه؟؟

[هايدي الجميلة]

تسلمي حبيبتي

وجوابك يبرد السبد


انا مع السفر خارج

علشان نتعرف على ثقافاتهم و نشوف الاشياء المشهوره

.................................................. .....

مع او ضد منع الزوج زوجته من الخروج؟؟وليه؟؟

[ماركو]

ضد المنع ولكن خروج الزوجة يكون بحدود


لان الزوجة لها حق الخروج لقضاء حاجاتها وزيارة اقاربها....


هل انت (مع او ضد حزب الله) ولماذا ؟؟؟

[العصلى]

ضد.............. لانهم شيعه أكيد بكون ضده لانهم يكرهوننا
هل أنت (ضد او مع دخول البنت عالم النت ) ولماذا؟

[الشامخة]

مرااااااااحب

أنا مع دخول البنت عالم النت وذلك لسبب بسيط انه احنا في عصر العولمه وانتهى عصر التحجير والأفكار المتحجره ان

البنت تعزل عن العالم الخارجي خوفا عليها وعلى سمعتها وألخ من التبريرات على ذلك التفكير المتحجر والمتخلف

وبهذا لا أعني أن البنت عليها الانفتاح التام فمهما كانت البنت تظل تلك البلورة الناعمة التي يتطوق الكل لملامستها

ولكن التربية السليمة والثقة المعقولة والتوجيه المتابعة للسلوكيات يوجد لنا فتاة ذات شخصية مستقلة محافظة

ومع ذلك ملمة بكل جوانب الحياة

شكلي طولتها صح ههههههههههه

سؤالي :

انتم مع الحب قبل الزواج أو ضد ولييييييييه ؟؟؟

[فهـــــودي]

مدري


والله


طيب انت تحبن وليه ؟؟ :f5:

[سفير الغرام]

اكيد فهودي


وانتم يالبنات ما عندكم الا السواقه والطلعه من البيت هذي سواليفكم



الي بعدي


تحب اكل الجح بعد الفجر ولماذا


سؤال صعب يبغاله واحد ذكي


للتواصلdob_113@hotmail.com

[الجــوري]

ضد اكل الجح على هالفجووور لانه يجيييب العييييد


مع او ضد خروج البنت لحالها .؟؟

[معشي ذيب فستق]

مع خروجها لحالها للمقبره بس


الي بعدي

انت مع او ضد زواااج المسيااار

[غض النظر]

مع في الغربة وضد في الديرة




طيب انت




مع او ضد البنات اللي يستخفن دمهن فوق ؟؟؟؟

[منى ليزا]

انا ضدك وبقوه لانك استخفيت دمك وبزياده بعد


مع او ضد اقامه صداقات مع الجنس الاخر

[غض النظر]

منى ليزا

لا تصيرين داخلة بمعرفين وانتي كنتي وحدة من البنات اللي فوق ؟؟؟؟؟؟؟


لاني ماأطريتك اولا

وثانيا نحن البشر اكيد كل واحد منا راح يقيم صداقات مع الجنس الاخر عن طريق الزواج

لكن انتي من وين راح تلاقين جنس اخر يقبل بالصداقة ؟؟؟؟؟؟

يامنى ليزا زمانها

[معشي ذيب فستق]

طيب وين السؤال تسمح اسئل عنك



مع او ضد تعدد الزوجات

[مياسة]

ضد,,لانه راح يتعب..
وحده وعساه يرتاح..لان الحريم مو زي اول ...راضيات ما يقولن شي...
الزمن الحين تغير..
ويا عساك تصرف على بيت واحد((وقت ومال)

سؤالي؟؟
مع او ضد تعيين المعلمات بالقرى البعيده<<<زمله:(

[الشامخة]

بصراحة لو قلت ضد بيتوهقون المعلمات ماراح يتوظفون وإن قلت مع بصراحه يقطعني قلبي على اللي يمشورون كل

فجر وعصر لا والله اني اصيح برمضان من كثر ماأنا شايله همهن الله يوفقهم ويساعدهن ويجعله بميزان حسناتهن

سؤالي :

مع أو ضد استخراج بطاقة أحوال لنا إحنا البنات ؟؟؟ ولييييييييييييييييييييييييه ؟؟




:x3:

[معشي ذيب فستق]

مع تعيينهن علشان انبسط اذا شفتهن يشقن
ويتعبن

مع زواج صبوووحه * والاضدها


الفنانه صباح عطوني عمرها وارموني بم خمس

[هايدي الجميلة]

ما شالله وانتم يالتماسيح على كيفكم هي

واحد يقول ضد خروج البنت لحالها

والثاني مع زواج المسيار في الغربه وضده بالبلد {{ ولا عندك طاري بالبلد بعد



وبالنسبه لصبووحه

انا مع لانها خاربه خاربه فخلينا نعميها خخخخخخخخخخ


وعمرها اتوقع اممممممممم 150 خخخخخخخخخخخخخ

تدري ليش

شوف هالصوره وانت تعرف

)

(

)

(

)

(
http://www.l22l.com/l22l-up-4/c341934ade.jpg


[line]

تدري من اللي جمب صباح

تتوقع مين؟؟


فكر شوي




بعد فكر




تتوقع امها؟؟








ولا جدتها ؟؟








ولا مين يا ترا؟؟










تيب خلاص بقول















(( هاذي بنت صباح))


تصدقون عاد


اللي يشوفها يقول امها

لكن الله يعظم اجرها من هالعمليات الله يجيركم

عرفت الحين ليه قلت 150

لان بنتها يعني اعطيها 80

الام وش بتصيرر؟؟؟؟؟؟؟



عاد طولتها

والسؤال للي بعدي


مع او ضد سفر التماسيح لحالهم برا للسياحه ؟؟ وليه؟؟

[العصلى]

هل انتي (مع اومع اومع طرد التمساح الى فوقي) وكثرو من التصويت؟
ياليت تركزون على كلمة (انتي) لان السؤال موجه للصبايا فقط

[العصلى]

ضددددده وبقوووووه...وليه صياعه على الفاضي
سؤالى فوق

[البراق999]

يعني مااجاوب انا والا ايه يالعصلي اذا كان السوال موجه للصبايا بعدين وش معني البنات يقال لهم صبايا وحنا يقالنا تماسيح

[مياسة]

الله يرجكم رجاً مبرحاً....كالعاده وشنت الحرب بين التماسيح والسحالي..
يا حبيلكم وهواشكم..تراني مع الخيل يا شقراء
خخخخخخخخخخخخ:)

[الجــوري]

وين سؤالك ياحلوووه

[الشامخة]

أنا بصرااااااااااااحة ضد وضد وضد وضد سفر الرجل لوحده خارج المملكة إلا إذا كانت طبيعة عمله كذا فأنا بكون أول إنسانه أسانده وأشجعه مادام انه بحدود المصلحة العامة


جاوبوااااااا سؤالي تكفون :

شباب وصبايا انتم مع أو ضد استخراج بطاقة أحوال لنا إحنا البنات ؟؟؟ ولييييييييييييييييييييييييه ؟؟

[عبدالله30]

انا مع استخراج البطاقىة للمرأة00

انتم مع او ضد 00توظيف نساء في دوائر حكومية تحتاجها النساء00مع العلم ان الرجال قد يؤدون نفس ذالك الدور بلا مشاكل ؟؟

[الجــوري]

انا ضد توظيف النساااء

هل انتم مع او ضد ان البنااات يطلعون جوااالات؟؟

[عبدالله30]

لا لست ضد تطليع جوال للبنت0

انتم مع أو ضد الزواجات العائلية؟

[الشامخة]

أنا والعياذ بالله من كلمة أنــــــــا !!!!!

مع توضيف النساء ومع أمتلاك البنات الجوالات ولكن !!!!!!!!!!!!!!!!!!!!!!

تحت الملاحظة والرقابة ولا اعني بذلك اقتحام خصوصياتها

سؤالي :

انتم مع أو ضد موافقة الأهالي لقيادة الشباب الأقل من السن القانوني ؟؟؟؟؟

[عبدالله30]

انا الان ضد ذالك00ومستقبلا لا ادري00

انتم مع أو ضد00سفر العائلة للخارج0

[ابوكادي 1420]

أناضد عمل المرأرة (بالكليه ) = يعني عموما
لأن عملها خارج المنزل أفقدها أهم وظيفة لها (وهي تنشأة مجتمع صالح)
مو يطلعون عيال خدامات وهم صغار وإذا كبرو سلق بالشوارع


و السؤال
هل أنت _انتي

سعيد في حياتك . وما هو أقرب طريق للسعاده؟

[الشامخة]

[align=center]أخوي عبدالله أنا من مشجعي السياحة الداخلية ونسبة 10000%100 بغض النظر عن اني امتلك وطنييييييية رهيبة لديرتي ديار العز والرفعة إلا أني وبفضل من الله ثم بجهود مملكتنا الحبيبة ألقى انها محترمة خصوصية العوائل فمن المستحيل مشاهدة مناظر (((( مش ولابد)))) تنحرج علشان تفهم أطفالك التصرفات الغريبة اللي تمارس في أكثر دول العالم هذا شي بينما الشيء الآخر هو انه لا أجد اي تقصير من مسؤلينا تجاه أماكن العوائل بالذات000


هل انتم مع أو ضد زيارة الفتيات لبعضهن والدراسة سوياً في بيت إحداهن ؟؟؟؟ وليييييييييييه؟؟

[فهـــــودي]

مع

لانه صديقته

بعدين بقوولك شي بذنك (( ترى الخط مايشاااف الا بالدربيل ))


ان مع او ضد سياقة الحريم للسيارات ؟؟ ليــــــــــــه؟؟

[معشي ذيب فستق]

مع قيادتهن

















................ بشرط فصل البريك








والله ياهن يضرسن علي ياربع علموهن انا نمزح

[هايدي الجميلة]

زين اشوا مير تمزح

تيب وين سؤالك

انا بسال عنك

مع او ضد معشي الذيب فستق ؟؟ وليه ؟؟

[مياسة]

معه لان دمه خفيييييييييييييييف..ويحب يطفش البنات....
مع او ضد مياسه؟؟؟؟<<<<=والله سؤال ماله داعي هع

[العصلى]

مممممممممممع وبقوه ياقمر
مع او ضد وجود خادمه بالمنزل؟ وليه؟

[ديز ابي]

أولا .. أحب اشكر هايدي الحلوة على الموضوع الحلوو



انا ضد وجود الشغاله بالبيت .. لأنها تعود البنات الكسل ..



مع أو ضد تعدد الزوجات ؟؟؟؟

[هايدي الجميلة]

مع اذا كان حل لمشكلة

ضد اذا كان احداث لمشكلة {{ وهذا الغالب ..


مع او ضد دخول البنات قسا طب ؟ وليه ؟؟ {{ سؤال محيرني

[غض النظر]

مع او ضد دخول البنات قسا طب ؟ وليه ؟؟



من اي كوكب انتي .............. مافهمت شي

[مياسة]

غض النظر قصدهاااا مع أو ضد دخول البنات قسم طب؟؟وليه
طبعاً انا بجااااوب...:)
انا ضد..لان كل عمرك بيروح دراااااااسه هذا غير انك لازم تسافرين برا تاخذين دورات وندوات واختلاطات ...
وبعد لازم يكون لك خبره طوييييييييييله بالمهنه عشان تحققين السمعه بالوظيفه..((يعني لا صرتي ختياره<عجوز> قالوا عنك الناس مشاء الله عليها دكتوره جيده...))

ولا راح تستمتعين بحياتك مع زوجك وعيالك..لان عمرك نصفه دراسه ..ونصفه الثاني شغل بالمستشفى..
حتى وان صرتي بالبيت جو لمك أهلك وأقاربك والجيران...ضرسي يعورني...بطني يمغصني خخخخخخخخخ:)

سؤالي...مع او ضد اكل المطاعم دائماً؟؟وليه

[غض النظر]

مع اكل المطاعم والسبب ...................





















........لعدم تدهور وضع المستشفيات وطرد الدكاتره بسبب عدم وجود مرضى









طيب مع او ضد المشرفين ؟؟؟؟؟؟

[معشي ذيب فستق]

معهم وهو تكليف ليس تشريف والله يكون بعونهم على الثقلى مثلي بس يوسعون صدورهم






مع اوضد الزواج المتأخر والزواج المبكر ووااااي

[فهـــــودي]

احول السؤال للي بعدي

[معشي ذيب فستق]

يجاوب عليه الي قبلي

[هايدي الجميلة]

اوك اللي قبلك اللي قبلك ما اقدر اكسر كلامك دعشي {{ ايه واضح تعلثي بس خخخخخخخخخ

................................................

[كيفي ... قصيميه !]

خلاص انا راح اجواب


انا ضد الزواج المبكر....

بما انني بنت ابجاوب بخصوص البنات
باعتقادي من الافضل انها تخلص الجامعه ولما تتخرج تكون اعقل واثقل من قبل وقد المسؤوليه...



سؤالي
سؤالي
والله ما ادري وش اقول

بس بما اننا بالزواج

طيب هل انتـ/ـي مع او ضد زواج الاقارب ؟؟

[هايدي الجميلة]

اممممممممممممم

ضد مثل ما يقولون الاقارب عقارب خخخخخخخخخخخخ

والواحده ودها تغير شوي يعني تصير حمولتها ناس جديدين علينا والتغير مطلوب خخخخخخخخخخخخخخ


ياللي بعدي ..

مع او ضد الاماكن العامه تكون عوايل ؟ وليه؟؟

[العصلى]

ضد ..... ليه اذ كانت كلها عوائل شبابان وين يذلفون
مع او ضد يكون سواق بالبيت ؟؟ وليه ؟؟

[نـدى الورد]

مع حتى ما يذلونا الشباب

مع أو ضد .. العلاقه بين البنات والشباب؟

[العصلى]

ضده وبقوووووووووووووه
سؤال فوق (وحده سودانيه ولله السودانيات احسن منك انتي وجهك)

[معشي ذيب فستق]

مع او ضد الزواج من تركيبات اجتماعيه مختلفه

[فهـــــودي]

شنهووووووووووووووووووووووووووووووووووووووووووووووو وووووووووووو<<< كويتي الاخ

[>>مــخــربــهــا<<]

ضد الزواااج من تركيبات اجتمااعيه مختلفه لأنه يبي يتورط مهب فااهم لهم زين لأن غير مجتمعه

طيب ضد او مع اللي يحب وهو متزوج ؟؟ وليه ؟؟










تحيتــــــــــــــي للجميـــــــــــــــــــــــــــع

[فروووحة]

طبعا ضد

ليه يتزوج دام قلبه مع وحده ثانية

واذ هو صدق يحب يتزوج حبيبته

سؤالي

هل أنت مع أو ضد متابعة البنات لمباريات كرة القدم؟؟؟

[فهـــــودي]

شي عاددددي

مدري ليه


طيب ضد او مع السفر للخارج؟؟

[الجــوري]

مع السفر ل الضروره



مع او ضد ان البنت تسكن عند اهل زوجها بعد الزواااج؟؟؟؟؟؟؟؟؟

[بنت البدائع]

لا اكيد وبقوووووووووووووووووه ضد السفر للخارج

حتى لو كان دراسه ...؟؟؟

لان فيه غربه وفراق الاهل والحبايب واسبااب كثيره؟؟؟؟

[هايدي الجميلة]

بنت البدايع وين السؤال تيب

اتوقع ان نصك او ثلاثت ارباع نوم وانتي تكتبين

وذلك لسببين

الاول: انك ما حطيتي سؤال

الثاني: انك ما جاوبتي على سؤال الجوري انما جاوبتي على سؤال فهودي اللي جاوبت عليه الجوري

خخخخخخخخخخخخخخخخخخخخخخ

ولهذا فمن هذا المنطلق سوف اجيب على سؤال الجوري اللي يقول:

مع او ضد ان البنت تسكن عند اهل زوجها بعد الزواااج؟؟؟؟


ضدين مو ضد واحد

علشان البنت تاخذ راحتها في بيت زوجها

بعد هي ناقصه رجل وحموله بعد خخخخخخخخخخخخ


السؤال للي بعدي..

مع او ضد هالاسهم اللي هبلت بالناس ؟؟ وليه؟؟

[معشي ذيب فستق]

ضدهن وبقوه


لأن الناس يبون فلوس من الهوا والنتيجه يبي ياكلون هوا


لو طلب منك صديقك هذا الطلب
مع او ضد تسخير معرفك لخدمة اصدقائك

[هايدي الجميلة]

يؤؤ شكلك متعقد من الاسهم معشي ههههههههه


بالنسبه لسؤالك ما فهمت قصدك

فـــــ الخيار الاول" اما انك توضح اكثر

الخيار الثاني : او يجاوب اللي بعدي لاني ما فمهت السوال

خخخخخخخخخخخخخخخخخخ

[فهـــــودي]

وين السؤال يا هايدي

والله انتي الي كلك نوووووووم


خخخخخخخخخخخخخخخخخخخخ

[معشي ذيب فستق]

اوضح اكثر

لو طلبت هايدي من بيتر ان تكون مشاركاته بالمنتديات من اجلها يقول ماتريد قوله ويحاااتف من لاتطيق ويثني على من تريد


او بيتر طلب من هايدي نفس الطلب

[هايدي الجميلة]

اها تقريبا فهمت

يعني هو على حسب الصديق

اذا كان قرييب مرره واعرفه واعرفه اطباعه ما عندي مانع ..بس بحدود..

اما اذا كان اي صديق والله ما عندي طاري خخخخخخخخخخخ


....

مع او ضد كثرة الاصدقاء ؟؟ وليه ؟؟

[الخاطوف]

مع كثرة الاصدقاء ؟؟؟ بس يصيرون نقوه
مهوب كلن من تعرفت عليه يصير صديق
فيه فرق بين الصديق والزميل
سؤالي مأدري اللي بعدي يقدر يجاوب عليه والا مايقدر
السؤال
ايلا متى وانت خافل ايلا متى والدنيا تلهيك؟؟؟ ومتى تنوي ان تتوب؟؟؟

[....الأمير....]

اكيييييييييييييييييييييييييييييييد ضد لانه يتعب وفيه اخطار كثيره طيب



مع اوضد البلاستيشن؟؟؟؟؟؟؟,.

[المرجهنه]

لالا معه اكييييييييييد

لانه يصلح لتفريغ الضغوطاات النفسيه


مع او ضد العدساات الاصقه؟؟؟

[مـــاريـــا]

ما فيش مشكلة .. نوع من انواع التجميل ,,,لا اكثر ولا اقل ,,

مع او ضد التباهي والاسراف في الاعراس والمناسبات,,,

[الدوقـــــه]

هلا وغلا انا ضد تعيين البنات برى المدينه الي هي ساكنه فيها لاسباب عديده نذكر منها الحوادث الشنيعه وطبعا الطرق يالله لك الحمد والشكر جلد00 وغيرررره لاني ما ابي اطول عليكم 000 لان هالموضوع بذات صار مثل قضيه فلسطين ماله حل 000 السؤؤال للي بعدي ؟ س / مع أوضد منع الشباب دخولهم أماكن العوائل بكل منطقه مثلا الاسواق والمنتزهات ؟ 000000 تقبلوا تحياتي 000

[معشي ذيب فستق]

مع اوضد وحده تجاااوب على "مع اوضد" ولا تسئل سؤال

[الكوينينه]

ضد لأنه مسحوب منها حق التصويت بالبلديه :f5:

مع او ضد زواجك ممن تكبرك سنا؟

[معشي ذيب فستق]

مع الزواااااااااااااااااج

لأن عقلي براسي ان اعجبتني لو كانت اكبر مني وحده تكبرني انشالله بعشر سنين


الله يرجك انت واسمك منين جبته يا مستر زيتوووووونه



مع اوضد زواااج العقارب قصدي القرايب وليه

[مـــاريـــا]

انا ضد زواج الاقارب ,,,

يسبب الكثير من المشاكل ,,,والحساسيات بين الاهل ,,,

0
0
0

مع او ضد ,,,

كشف المرأة وجهها ,, في السفر ,, وحتى ولو كانت دولة عربية ,,

[توتي]

انا عندي ديمقراطية
تسوي اللي تبي تكشف او تغطي ولو اني افضل ان تغطيه



س- انت انتي
مع او ضد وجود صالات السينما بالسعوودية

[....الأمير....]

ضده طبعا لانه يتعب وفيه خطر كبيييييييييييييييييييييييييير

(أخاف عليهم)
مع او ضد البلا ستيشن؟؟؟؟؟؟؟ظ

[....الأمير....]

معليش على الخطأ

بس ضد لانه منكر كبيييييييييييييييييييييييييييييير

مع اوضدالطلعات الكثيره

[مـلاك الصمت !]

ضد الطلعات الكثير لأنها تسبب لي ملل

اللي بعدي

مع أو ضد

السفر للخارج

[هايدي الجميلة]

هذا السؤال ثالث مره اجاوب عليه

مع .. علشان تعرف ع ثقافات الدول الثانيه

واطباعهم و .. و .. الخ



مع او ضد اللي 24 ساعه مقابلين الكمبيوتر؟؟ وليه؟؟

[نسيت اسمي]

مع 00لانه متعه اني اقعد على النت 0000





مع او ضد تسطير البنات ؟؟؟؟؟

[الشامخة]

لا طبعا 00

مع أو ضد الدروس الخصوصية ؟ ولييييييييييييه ؟؟؟

[هايدي الجميلة]

مع لكن مو في كل المواد

يعني تكون بالمواد اللي تصعب على الطالب.. علشان يعتمد ع نفسه اكثر..

.....

مع او ضد دخول الشات للولد و البنت ؟ وليه؟؟

[الشامخة]

ضد تمااااااااااااااااما 0000

لأن الشات بصراحة فيه تجمعات فوضوية 00 وألفاظ لا أخلاقية 00 والرقابة تكاد تكون معدومة 00

أنا أرفض تماما الشات وعلى مختلف الاعمار 000

مع أو ضد تطويييييييييل فترة الملكة للبنت ؟؟؟؟؟؟ولييييييييييييه

[....الأمير....]

معه طبعا لأنه لا زم يكون بينهم تعارفعشان ما يصير بينهم خوف يوم العرس

طيب مع اوضد سواقه الشباب بدون رخصه ولييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نسيت اسمي]

طبعااا لااااااااااااااااااااااا

لاننا صراحه نبي عيالنا موب فاضين يمسكونهم00وبعدين اللي مامعه رخصه لايسوووق 00


امممممممممممممممم مع او ضد مشاركة البنات في المنتديات ؟؟؟وليييه؟؟؟

[الشامخة]

معها طبعا أولا لأني بنت ثانيا التعارف والثقافات وتبادل المعلومات لا تعرف الحدود 00

[هايدي الجميلة]

تيب

وين

سؤالك

شامخه؟؟؟

مع
او
ضد
ان
الشامخه
ما
كتبت
سؤال؟
وليه؟
خخخخخخخخخ

[الشامخة]

ضد هههههههههههههههههههههههههههههههههه

آسفه والله نسيت <<<<< اللي آخذ عقلي ..... يتهنى فيه ..

عموما بعوضك سؤالين ولا تزعلين !!

الأول :

مع أو ضد امتلاك الأطفال ( 9-12) جوال ؟؟ لييييييييييييييييييييييه ؟؟؟؟؟؟؟؟؟

الثاني :

مع أو ضد امتلاك البنت شريحة بدون اسم ؟؟؟ وليييييييييييييييييييييييييييييه ؟؟؟

تكفوووووون ركزوا على ليييييييه ؟؟؟

[هايدي الجميلة]

هههههههههههههههههههههه

شاطره
خخخخخخخخ

الاول:

مع..لان هالعمر مو بزر ما يهتم باغراضه وعلشان الطلعات اذا طلعنا سوق ولا ملاهي مانبلش ندورهم كل واحد ومعه جواله وخاصتن بمكه انواع الضياع فنعطيهم جوالات اصرف..


الثاني:

مع..لانه مافي فرق بين شريحه باسم او بدون الا اذا كان في نيتها شي..ومافي فرق بين الولد والبنت بعد
يعني الولد اذا امتلك شريحه بدون اسم غير لما تمتلك البنت شريحه بدون اسم!!..ليه كيذا نظرتنا دايما ..البنت عيب والولد لا!!


سؤالي..

مع او ضد كبت البنت والتفرقه بينها وبين اخوانها الاولاد؟؟ولييييه؟؟

[عبدالله200]

اكيييييييد ضد هالتصرفات لان مثل هذه التصرفات


تعود على هالبنت بنتائج عكسيه و تسبب لها حاله نفسيه


<<< <<< ابو الشباب بدء يتفلسف و اكملكم

وبعدين تبلش لما تصير اختك نفس خخخخخ اللهم لا شماته << قلب هههههه


طيب ياللي بعدي ياهلا بك و مرحبا فيك


انت ضد او مع هالأماكن الترفهيه و الاسواق اللي مبلشينا عندها


عـــــــوائل عـــــــوائل عـــــــوائل عـــــــوائل عـــــــوائل


<<<<<< متعقد من كلمت عـــــــوائل عـــــــوائل ههههههههههههههه


تشاااااااااااااااااااااااو

[هايدي الجميلة]

ضد,,بس مو كل الاماكن يعني يصير فيه شوي لان الشباب صراحه مزعجين<<خربتها خخخخخخخخخخ

وعلشان ما يتعلثون هالشباب ويقولون بنسافر برا كل شي وعوايل مافيه مكان نروحله..


تيب..

مع اوضد سفر الشباب لحالهم برا للسياحه..وليه؟؟