يا نـــــــوف

[محمد الناصر]

**يا نـــــوف**
يا نوف عندي من السواليف ديمة
فيها الغزل شيد أساطيل وسطور
الله عطاك من ألحلا سيل غيمة
وأسقاك من وبل المزايين ببحور
يا نوف روحي في غيابك سقيمة
وفرقاك تبني للظمى درب وجسور
يا غايتي بعدك عذاب وجريمة
أنتي دوى روحي وللقلب دكتور
إن قلت احبك .. فالمعاني ظريمة
وان قلت أعزك باح بالقلب مستور
يا بنت أنا لأجلك دموعي هشيمة
أموت بك موت العمى بشوفة النور
وأنا وكلي لأجل عينك قسيمة
كلي فداك من آخرك لأول الكور
في غيبتك ليلي سواد وعتيمة
والصبح مظلم والكوابيس بالدور
وشوفتك تسوى يا حياتي حليمة
وتسوى بنات المملكة يا غلا الدُور
مو بس احبك والصراحة حكيمة
أحبك إلا موت أحبك من شهور
وياليت قلبي يوم حبك تهيمة
وتدعيه وسطك بالمحاجير مآسور
حيثك عزيزة والمعزة كـــريمة
والكل بيد الله سواياه والشور
يا نوف شوفيني سوايا يتيمة
مدي يدك مليت من قلب مكسور
أنا طلبتك والطلايب حشيمة
والموت ولا قولة مخلا ومقهور
محمد الناصر...

[عوض البشري]

نص راااائع اخوي




قصيده جميله وصح الله لسااانك



لكن اخوي محمد



ارجوا ان تنتبه الى نقطه صغير



وهو ان من قوانين الخيمه


ان المده بين كل قصيده والاخرى هي خمسة ايام



وذلك لتجد القصيده الوقت الكاافئ لكي تظهر



ولتجعل لنا نحن القراااء مسااحه كافيه لكي نبدي اعجابنا من خلال الردود




اشكرك


وتقبل مني خالص الود والتقدير

[ناخب ابو بدر]

صح لسانك اخوي محمد الناصر وموفق انشالله

[تقهو]

صح لساانك محمد على القصيــــدهـ الراائعه


وتسلم يميــنك يابعدي والله


وارجوا انك تتحفنا بكل جديد



وربي يوفقك

[ديز ابي]

صح لسانك خيو ..



محبكـ/ عبدالعزيــــز :):)



باااااااي

[بدر البشري]

يا نوف روحي في غيابك سقيمة
وفرقاك تبني للظمى درب وجسور
يا غايتي بعدك عذاب وجريمة
أنتي دوى روحي وللقلب دكتور
إن قلت احبك .. فالمعاني ظريمة
وان قلت أعزك باح بالقلب مستور
يا بنت أنا لأجلك دموعي هشيمة
أموت بك موت العمى بشوفة النور


الأخ الكريم الشاعر : محمد الناصر

صح لسانك على هالقصيده الجزله وبإنتظار كل ما تجود به قريحتك يا الغالي


اخــوك : بدر البشري

[نواف الناصر]

صح لسانك ..يا محمد الناصر..

وعلا شانك..

قصيده جزله من شاعر مبدع...في سماء الجزاله..

تقبل خالص الود

اخوك/.

.
.
.
.هاوي قصيده

[فتى العالم]

صح لسانك أخوي محمد الناصر على الشعر والكلام الجميل والرائع

[قلبي خضر]

صح لسانك أخوي
وبصراحه أكثر ماشدني من القصيده الشطر هذا :
أموت بك موت العمى بشوفة النور

تحيـــــــــــــــاتي