يا هل الشعر دوكم لغز جوابه فيه

[برق1]

هذا لغز ولّفته أمس وجبته فرحن به
ويارب يصيد الجواب أول مشارك


أنشدك عن ضامر ٍ ما شالت ردوفِ=تمشي على سنها ولا لها اطرافِ
فالسّـن هو ر ِجلهـا والسن ملهوفِ=تركض ولا بارحت بالركض ميقافِ
والعين في سـِـنّـهـا ولا بها شوفِ=تجمع بحبل اللقا ما بين الاطرافِ

[سامي]

اعتقد يا أستاد
انه الدنيا والله اعلم

[الكربوني]

حررررام عليك

برق

أنا قلت ...لعله خلاااص عرف يقدر أهل الرمعات اللي هنا
وجايب لغز

على سنع ...

**
ياررررررب
يكون جواب اللي قبلي صح ..

[برق1]

ابو ضيف :
الصراحة يبدو فكرك بعيد وصافي ما شاء الله تبارك الله
لكن ما لك لوا


***


الدمار الشامل :
ها ها ها , الله يخلف
معليش قلنا لضيف : ما له لوا
ترى قلت لكم اللغز جوابه فيه يعني لا تروحون ورا الخيال البعيد
ترى المقصود شي محسوس تلمسه وتشوفه , وليس معنوي

[خراب السفينة]

طيب انا استسلم من اليوم الصبح وانا ادخل واطلع ماعرفت

يعني بالعربي((قيم اوفر

المهم

لا تطول علينا بالجواب


تحياتي

[سامي]

معليش اخوي خراب السفينة...عطو صنداح فرصة..
....
...
..
.
يمتكن....... يا أستاد.( المغزل) او (الابرة)

[برق1]

خراب السفينة ! هه ! الصبر قميل , ما يصير تستسلم بهالسرعة
بودّي أعطيك فرصة كم يوم تدخل وتطلع لين تجاوب لكـن ...
يا حسافة راحت عليك وعلى الدمار الشامل
يعنـي تـرى الذيب اللـي اســمـه
أبــو ضــيف 8 8
ج
ا
ب
ه
أنا كنت خايف منه من أول رمعة
صح لسانك يا ضيف
هو الإبره
فالابرة :
سنها الحاد هو رجلها وعينها اللي هي الفتحة في سنها ولكنها ما تشوف فيها
والابرة في مكينة الخيـاطـة تركض ركض الويل لكنها تظل بمكانها ما تعداه
حتى لو كانت بإيد الخياط تمشي وهو ما تعدت مكانه في يده .
شكرا لتشريفكم إخوتي الكرام وإلى لقاء في لغز جديد
إن شاء الله

[البراق999]

مسكين مالي حظ دخلت متاخر وشكار برق1 على اللغز وتسلم

[الكربوني]

ماشاءالله مبروووك
لــ ابوضيف

**

ياحبيلك
يابرق وياحبيل الغازك .....

بصراحه ماأمزح معك .... تعجبني جداً الغازك ....
حتى إني أكتبهم بورقه خارجيه ...

وامسك تحدي على الربع ....

**
ننتظر جديد منك ... وهالمره لاتقول ( الجواب في اللغز نفسه ) ... عطنا الجواب صررريح ....


>>>>>> طبعاً تدري إني أمزح .....

[برق1]

هو صحيح يالبراق ؟
ما أدري لا تصير سالفة خراب السفاين
خيرها بغيرها والوعد اللغز الجاي إن شاء ربي , ابدأ التسخين من هالحين


الدما الشامل :
لا يصيرون بس ما جاوبوا ولا لغز ؟! إذا كان كذا أنصحك تشوف لك ربع غيرهم ( أمزح )


شكرا لثنائك يا غالي و يا ( حبيــــــــــــــــــــــــــــــــلك )