قصة جني حصلت معي(اللي قلبه رقيق لايدخل)

[احمد المالكي]

والله يخوان قبل مااشرع في القصه احب اقول لكم ان القصه هذه حقيقه والله انهاصارت معي انا شخصيا
قصه فيها رعب شويه
في ليل هادي وسماء صافيه رحت اانام لحالي فوق السطوح حق البيت وكان هذاالشي في الديره وديرتي بني مالك التابعه للطائف تقع جنوبه 150كيلو عاد الجو مايحتاج هناك
المهم يالربع
كنت جالس اسولف مع شباب وشاهي وشبة نار في اعلي جبل عندنا في الديره
رجعت البيت حدود الساعه 1بعد منتصف الليل وانا فيني نوم واجد قلت ماني راقد في البيت ابروح انام على السطح يعني ابخليها نومه خلى
لان الجو كان مره زين
عاد الحين اخذت فرشي وطلعت وفرشت الفراش وجالس اناظر النجوم بالدربيل واتفرج في خلق الله تعالى
راح الوقت وغلبني النعاس ونمت الحين
بعد مرور ساعتين تقريبا على نومتي
الا والشرشف اللي انا كنت متلحف به ينسحب من فوقي بحركه رهيبه وبنكبس كله عند رجولي قمت انا الحين برجعه عليه من بردفي جسمي احس براد يعني مثل لو انك تفتح افريزر وتكون قباله
انا مستغرب وش ذا البرد والجو هادي
ناظرت الساعه واشوفها الا وهي 3 وربع تقريبا
اسمع صوت كلاب الله يكرمك تنبح بقوه وكانت قريبه مني حييييييييييل
المهم يالربع
يوم اني رديت ابرجع الشرشف عليه الا اشوف حجاره تنحذف علي من كل صوب لكن ماتصيبني
انا الحين مستغرب مندهش مابعدني خفت قلت يمكن يكون مقلب من حد اخواني
قلت اطلع ماني خايف منك 000ماحد يرد عليه 0000000000هنا صارت المشكله
تذكرت ان الباب كان مقفل من عندي هنيه ايقنت انها جن جن جن جن جن جن جن جن جن جن جن جن جن جن :36_1_18[1
وقسم بالله يخوان انه ضحك هاك الضحكه اللي شعر جسمي كله انتصب يوم سمعتها ضحكه بحياتي كلها ماسمعت مثلها تمنيت ان الارض تنشق وتبلعني ذاك الساع يووووووووووه يووووووووووه
الحين كل شي فيني تجمد والله اني احاول اقرأ سوره قرأنيه ماقدرت ابي اقول شي ماقدرت ابي اسمي ماقدرت
الحين في هذه الاثناء بصري شاخص في زول الشخص ذا اشوف خياله ذو شكل طويل مره مااشوف الاخيال مرررعب
انا بموووووووووووووووووووووت من الموقف اللي انا فيه
شوي يخواني الا ويده تقرب من الشرشف يوم شفت يده عليها شعر كثيف مايل للون الرمادي انا
في هاللحظه غشيت مادريت عن نفسي الا وابوي في الصباح يصحين لصلاة الفجر
قمت ماني قادر اطلع لابوي خفت يكون هوالجني وياخذني معاه
ماصدقت الا يوم سمعت الاذان
سميت بالله ثم صحيت
وجلست بعدها شهر كامل ماانام بالخلى
لاعاد الحين عادي


وسلامتكم والمعذره في التطويل


على فكره تررررررون بني مالك مشهوره بالجن لان فيها جبال عاليه وغابات شجريه
كثيفه

[بن يمين]

بسم الله الرحمن الرحيم

الحمدلله على السلامة

المره الثانيه لاتنسى تقرأ وردك

[صدى الصوت]

اي ووالله هو صادق ( بن يمين ) اهم شي تقرأ وردك


والله صراحه موقف يخوف صراحه رحمتك


زييييين اللي مامت




الحمد لله على السلامه وماتشوف شر مره ثانيه


الله الله لاتنسى اية الكرسي قبل النوم


تحميك من كل شي



تحياتي اخوك / صدى صوتها

[>>مــخــربــهــا<<]

السلام عليكم ورحمة الله وبركاته

الحمد لله على السلامه الصراحه انه موقف يخوف لو انا في مكانك كان قد مت من الخوف

بس لاتنسى تقول وردك قبل ماتنام لانه يحفظك من كل شر وشكرا...

[أبو أميرة]

المشكله أن أهلي مسافرين ولا بالبيت غيري يعني أنواع الوسوسه الله يعنن على الليله

شكلي بروح أنام عند جيراننا بعد هالقة إلين يجون العائله الكريمة


ههههههههه

شكرا أحمد المالكي

[العناااب]

بسم الله الر حمن الرحيم

اقرا وردك كل صباح ومساء وبإذن الله بيكون كل شئ خير


ومشكور على القصه اللي صراحه تخوووف

[جريح السرب]

يابن الحلال هذا حلم أو كابوس أو جاثوم , يمكن كنت خايف ذيك الليلة وتأثر نومك بحالتك النفسية , ,,,, قل بسم الله واقر وردك قبل لاتنام ثاني مرة

[ALI 9]

السلام عليكم ورحمة الله وبركاته

عزيزي أحمد المالكي

الحمد لله على سلامتك >>>>> تو الناس

والله لايجيب مثل هالمواقف الي تطلع فيها الرجولة >>>>>> والله من الصز

ذكرتني بموقف بس مهب يخوف مثل موقفك لكنه موقف مع جن

باختصار كنت مع 2 من ربعي كاشتين في وقت مهب وقت كشته

الشاهد غرزنا بالهايلوكس واضطرينا نروح نجيب جيب ربع علشان يسحب الهايلوكس لأن الوقت كان صيف والسيارة ناشبة براس نفود ( مثولثه )
المهم قلت لراعي الجيب اسحب موتري الي هو الهايلوكس لا تخاف عليه

كنت ابيه يسحب بقوة لأن الموتر غايص بالرمل
الرجال مستحي يسحب الموتر يخاف يجيه شيء
قلت له تعال انا بسوق الجيب وأنت سق الهايلوكس
كان الجيب واقف في مكان تحت النفوق والله مافيه قدامه لا شجرة ولا شيء يوقفه
يعني الارض الي عليها الجيب متساوية
اعشق الموتر عيا يمشي
الف الدركسون عيا يلف
والله إني بكل قوتي احاول ألف الدركسون عيا
وحنا طبعا بالنهار الظهر
المهم عشق الدبل افصل الدبل لف الدركسون حركه ما تحرك ولا حركه

قلت للشباب الله العالم إن الأرض الي حنا فيها مسكونة
واحد من الربع ضحك علي
يعني حس إني موسوس وين جن وقت الظهر

نزلت من السيارة وبديت أذن وأنا ادور على السيارة
وبعد ماخلصت من الأذان
تحرك الجيب ولا كأن فيه شي
وسحبنا الهلي وطلعنا ولله الحمد

================
تحياتي أخوكم
المطنون

[احمد المالكي]

اخوي بن يمين من قراده حظي ااني ماسميت قبل لانام وصار اللي صار

[احمد المالكي]

صدى صوتها
مشكووره الى كلامك ونصيحتك

[احمد المالكي]

مخربها تسلم على مرورك
لك تحياتي من قلبي

[احمد المالكي]

ابو اميره
ررررررروح قبل ماتروووووح الرررررررررروح
ترى ابرك لك
اخاف عليك تفطس لو يطلع لك شي منيه ولامنيه

[احمد المالكي]

العناب
تسلم على
هالنصيحه
واكيد ان الذكر يحمي ويفي من الجن بأذن الله

[احمد المالكي]

جريح السرب
قسم بجلال الله مو حلم ولا كابوس
انه حقيقه شفتها بأم عيني
امامي
وبالاماريه والدليل الدامغ
اني بعدين يوم قمت الصباح لقيت الحجار اللي حذفني فيها عند رجووووووولي
ولميتها ورميتها

بعدين مهي غريبه ان الجن تخوووف الانسان
لك تحياتي

[احمد المالكي]

اخي المطنون
ابيك تصحح معلومات خووووووووويك
ترى الجن ماتظهر الا عز القايله
في الظهر
وبعدالمغرب وتالي الليل

وبعدين ممكن تكون الارض اللي انتو فيها مسكونه جد

لك تحياتي

[إخلاص]

السلام عليكم ورحمة الله وبركاته


ذكرتني بقصه حصلت معي
كنت نيمه في غرفتي بسلام الله
وما دريت الا ورجلي تسحب على طول صحيت ورفعت راسي اشوف مين اللي مسك رجلي وكيف والغرفه مقفوله
وشفتهم واحد كبير ماله رجلين ولا ايدين وراسه ووجهه نفس وجه مرت أخوي بس الفرق شعره قصير
ومعه اربعه مادري خمسه مثله بس احجامها صغيره ولا لها راس
وكلها لونها اسود
((والله العظيم اني ما اكذب))
ولما اقول اعوذبالله من الشيطان الرجيم الصغار تنط للسقف وتختفي اما الكبير ينط بالجدار
ثم بعد اشوي الاقي الكبير يطل بوجهه علي وهو مبتسم
وبعدين يدخل والصغار تنزل ثم اقول اعوذ بالله من الشيطان الرجيم ونفس الشي يحصل
وعلى هالسيره لمين أذن الفجر
صليت وقريت وردي وقريت قران ولا عاد شفتهم مره ثانيه ولله الحمد
بس صاروا يسببون لي اذى من حين لاخر وانا اطنشهم كانهم ما خلقوا
اللهم لا تسلط علينا بذنوبنا من لا يخافك فينا ولا يرحمنا

[جريح السرب]

السلام عليكم ورحمة الله وبركاته


ذكرتني بقصه حصلت معي
كنت نيمه في غرفتي بسلام الله
وما دريت الا ورجلي تسحب على طول صحيت ورفعت راسي اشوف مين اللي مسك رجلي وكيف والغرفه مقفوله
وشفتهم واحد كبير ماله رجلين ولا ايدين وراسه ووجهه نفس وجه مرت أخوي بس الفرق شعره قصير
ومعه اربعه مادري خمسه مثله بس احجامها صغيره ولا لها راس
وكلها لونها اسود
((والله العظيم اني ما اكذب))
ولما اقول اعوذبالله من الشيطان الرجيم الصغار تنط للسقف وتختفي اما الكبير ينط بالجدار
ثم بعد اشوي الاقي الكبير يطل بوجهه علي وهو مبتسم
وبعدين يدخل والصغار تنزل ثم اقول اعوذ بالله من الشيطان الرجيم ونفس الشي يحصل
وعلى هالسيره لمين أذن الفجر
صليت وقريت وردي وقريت قران ولا عاد شفتهم مره ثانيه ولله الحمد
بس صاروا يسببون لي اذى من حين لاخر وانا اطنشهم كانهم ما خلقوا
اللهم لا تسلط علينا بذنوبنا من لا يخافك فينا ولا يرحمنا

لاحول الله , شكلهم يلعبون سلة . بعدين هذي أحد حلقات ( جوسس ) في قناة ديزني لاند , مسلسل مرة حلو , بس كله سحر وأشباح , :b3: :b3:

[جريح السرب]

جريح السرب
قسم بجلال الله مو حلم ولا كابوس
انه حقيقه شفتها بأم عيني
امامي
وبالاماريه والدليل الدامغ
اني بعدين يوم قمت الصباح لقيت الحجار اللي حذفني فيها عند رجووووووولي
ولميتها ورميتها

بعدين مهي غريبه ان الجن تخوووف الانسان
لك تحياتي
عز الله مامرينا مع ديرتكم أبد ,, قااااااااااااااااااضين

[خـــــــــــــــالـــــــــد]

اخي احمد المالكي


ماجت شاعريتك عبث

هذا من لعب الجن باعصابك



انا وقف شعر راسي يوم قريت

شفت يده عليها شعر كثيف مايل للون الرمادي



و يالله دام الموضوع عن الجن


هذي قصه حصلت لي بعد انا بس ارحم من قصتك...

في يوم صيفي قائظ كنا جايين مع الاهل من المنطقه الشماليه


و من القراده اضطررت للتوقف لحاجه ما


ابتعدت عن الاهل عند احد جسور التصريف


و الا ذيك السواليف و الضحك الغريب


حولي مب قريب مره


سميت بسم الله بيني وبين نفسي و ارهف اذني الا والله سواليف و ضحك

حاولت اشغل نفسي واطمنها ان الجن مايطلعون في القوايل وربط الله على قلبي وعقلي مع ان صوت السواليف والضحك يقترب


الى ان غادرت المكان بهدوء ولم اخبر اهلي الا بعد مات وصلنا بريده بيومين لان معنا مبزره خفت يخافون


و الى ساعتك استغرب وش هالشجاعه و البرود اللي جاني ساعتها

[إخلاص]

لاحول الله , شكلهم يلعبون سلة . بعدين هذي أحد حلقات ( جوسس ) في قناة ديزني لاند , مسلسل مرة حلو , بس كله سحر وأشباح , :b3: :b3:

تتطنز؟؟

تدري ان الطنزه مد باليد

انشاء الله يروحون من عندي لمك ويلعبون معك سله :b3: :b3: :b3:


بس امانه لجوك الله يخليك اكتب وش صار معك بالتفصيل... :d4:

[osamh]

أعصابك أحمد المالكي هههههههههههههههه

[احمد المالكي]

اخواني اعذروني انا بعدني ماقريت ردودكم لانه اذن الفجر الحين بجده
وعندي بكهر الاربعاء اختبار
اسمعوووووووووا
برجع لكم
بعد الاختبار
انتظروني

[جريح السرب]

تتطنز؟؟

تدري ان الطنزه مد باليد

انشاء الله يروحون من عندي لمك ويلعبون معك سله :b3: :b3: :b3:


بس امانه لجوك الله يخليك اكتب وش صار معك بالتفصيل... :d4:

ههههههههههه أبشرك جو عندي ذيك الليلة وأول ماشفتهم مقبلين , قلتلهم اصبروا ترا انا مااحب كرة السلة , المهم ذاك الكبير رئيس الشلة قال ( علييييينا ) يالله عادي مهيب مشكلة , وجي يقلب سريري الى طاولة وحول ذولاك القزمان لكرات صغيرة , وبدينا نلعب أنا واياوه بلياااااااردو :b3: :b3: لمين اذن الفجر ,,, ياسلاااااااااااام ,, ونااااسة ,,
تكفين تكفين اذا جو عندك قوليلهم يكررون الزيارة ,, تراني حبيتهم وطلعوا احسن من الفيلم حق ديزني لاند هههههههههههههههههههه ,,
بسم الله الرحمن الرحيم علينا :29_1_6[1]
,,
أوص ترا بديت خاف ,, من جد ,,,,, يمه وش ذا :d4:

[احمد المالكي]

جريح السرب
تعليقك مرررررررره حلو عجبني

[احمد المالكي]

لاياجريح سم الله ومر
وبعدين تراهم معاك في كل مكان

[احمد المالكي]

هلا اوسامه ههههههههه
انا مو معصب من شان اهدددددددددددددي

[إخلاص]

طيب لا تصدقون انتم حرين
:12[1]:
بس يا ليت نبطل سخريه
:b3:

[mam999]

اخوى احمد ثانى مرة سم وخل عنك الدرابيل
ام شعر رمادى هذي عندنا بنجد يسموها الشيفه
انا حصل لي موقف ومن يومها ماانام الا اسمي واقرأ اية الكرسي
قد سمعتوا بجن مصري ؟؟

اقروا قصتى وبعدها تعرفون ان فيه جن مصري
بسم الله الرحمن الرحيم الله يقاصرنا ويقاصرهم بالاحسان
الموقف انعزمت انا عند عمي بديرتنا ونمت عندهم باحدى الغرف المخصصة للضيوف
انا وانا صغير اخاف انام بالظلماء ماانام وانا صغير الا واللمبة مولعة
ولما توسدت الوسادة وقبل ماغفت عيني سمعت مصري يكلم زوجته وهم عند اذني يقول لزوجته قومى ياست قولي للراجل يقوم عن ابننا ؟
انا خفت ولكن زلبت الصوت
وتكرر الصوت مرة ثانية
صراحه خفت

رفعت الوسادة
والله يااخوان طلع من تحتها صارور صغير
يوم راح ماسمعت هالصوت وسميت
وبعدها حرمت انام عند عمى وخصوصا ان هذه الغرفة كانت مراح للغنم قبل مدة وقض بعض جدرانها وحطها غرفة لمبيت الضيوف

[mam999]

اخوى جريح السراب ماله داعى التطنز
سم بسم الله واقرا الاوراد
وترى فيه جن مساملين وجن شياطين فسم بسم الله وتحمد لايجونك صدق

[الكربوني]

إنا لله
شاللي جايكم على الجن
بسم الله الرحمن الرحيم

توني جاي من سالفة الأخ ( هين هين ) في قسم الرحلات عن كشتتهم والبعير اللي يضحك ...>> دعاية للموضوع

وهالحين ... وارد بني مالك ... جاب هالسالفه ...

**

اخي
احمد

ستر الله على قلبك وعقلك .... والله يحفظنا واياكم من كل مكروه ...

[الكربوني]

ماشاءالله

انتم هنا وكل واحدن بعد جايبن سالفه

بنت بريده
وخالد
وابوعبدالرحمن

ربط الله على عقولكم ....

[احمد المالكي]

هلا بك مشرف صدقني انا معاك باللي حصل
بسم الله عليك

[احمد المالكي]

اخي الدمار الشامل
اجدع لك سالفه وترانا راح نسمع لك
مشكوور على تواجدك ياغالي