اين الرادع لهذا الظالم في مستشفى الولادة والاطفال ببريده؟؟؟

[جنتل]

السلام عليكم ورحمة الله وبركاته

اسعد الله اوقاتكم في كل خير...


جميع الخدمات المقدمة من هذا الكيان الصحي ممتازه وتسعى لراحة المرضى المنومين فيها
وتضعه كهدف اساسي لها..

ومن هذه الخدمات ( التمريض السعودي ,قسم شؤون المرضى المتمثل في بعض الموظفين
,قسم الخدمة الاجتماعية النسائي,قسم التغذيه ,والنظافه العاليه المتطلبه في الاماكن الصحيه)
باستثناء مدير ادارة مسؤول إذا رأيته غرتك لحيته وثوبه القصير بصفات ال(ملتزم ويخاف الله)
يتصف بصعوبة التعامل وال(تفلسف الزائد) تحتار ماذا يريد؟
عمله بلا عمل تجده كثيراُ في كل مكان في جميع المكاتب وفي الطرقات وحتى الأقسام,حتى الامن يتدخل في شئونهم
ومهمته التسلط على الموظفين وقطع ارزاقهم سواء بنقلهم خارج
او داخل المستشفى, وإذا أردت أن تتطلع على عمله اليومي فتجده ملقى على عاتق كل من يديرهم وينسب العمل بعدها إليه..
يتصف بالتعالي على اي موظف اصغر منه وممارسته الجبروت عليه مما يؤدي ذلك
(لتطفيشه) لهذا الموظف مع العلم ان جميع المسؤولين يقفون امامه مكتوفي الايدي لايعملون
حياله اي شيء يردعه عن هذه التصرفات الغير مباليه بمشاعر الموظفين مكتفين بلغة الصمت
مما يجعله يتمادى اكثر في هذه التصرفات المشينه
لكنه نسي ان فوقه رب لايرضا بالظلم ..
تذكران الدنيا دواره يوم لك وعشرة عليك
راقب الله في تصرفاتك ولاتتجنى بحق الضعفاء من الموظفين الاقل منك
ولاتنسى ان الدين المعامله اكسب محبة الناس وابتعد عن كرههم لك..




والله على ما اقول شهيد...

[خالد التويجري]

واجد اللي مثله؟؟؟؟؟؟؟؟؟؟؟؟؟!
من تقصد؟!

[عنوان الحقيقة]

يقولون مطبخ خليفه يضبط الرزيزه

[فليت بن قنه]

الله يستر على نساء المسلمين



الدعوى شدلي واقطعلك


بس دور لك واحد واسطة عندهم وشف وش يصير لك

[جنتل]

حياكم الله

بريداوي ياخوي لو كنت موظف هناك بتفهم وهي طايره

[السـامر]

انا ماني موظف لديهم

ياليت اذا كنت واثق من كلامك انك تشهر بالمذكور

فالتشهير أقل عقاب يجب أن يأخذه

[عبد الرحمن]

لاتعليق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ميلاف2005]

صحيح ماحد يحكم عن بعد ولكن مانسمع في المجالس من اشخاص قريبين من هذا المجال او بالاصح في مستشفى الولاده والاطفال كثير من يقول كل واحد مدير اداره في المستشفى مسوي نفسه مدير؟؟؟؟حتى ان فيه حراس امن سابقين0ومعقبين0يعني بالاصح غير مؤهلين علميآ(يعني بالخبره)ماسكين ادارات بالستشفى؟؟.مع العلم ان المستشفى ملئ بالكوادر الموهله علميآ0000مأدري ليش كل هالطيبه الزايده من رجل فاهم وقيادي مثل الدكتور الصايغ السكوت على هذه الأشياء التي وبلا شك انها ستؤثر على مكأنته كمدير ناجح يشهد له الجميع00؟؟؟ ام هو يأخذ راي منهم اقل منه؟؟؟لا اعتقد هذا00اما الشخص المقصود بالموضوع استبعده من الموضوع لانه بصراحه عقليه نظيفه؟؟؟؟لو مايدخل نفسه باللي يعنيه واللي مايعنيه؟؟؟؟؟؟؟؟؟؟؟؟؟؟؟؟؟؟؟؟؟؟

[الكوري]

هل هو نفس الموظف الذي تكلم عنه في موضوع آخر على الرابط التالي


هنا هنا هنا (http://forum.buraydh.com/showthread.php?t=56911)


مشكلة كبيرة إذى أن الحديث عنه لأن معنى ذلك أن الكلام لم يحرك ساكنا

[khaled251]

كلللللللللللللللللللللللللللللللللللللللللللل قوي فية الذي اقوى منه اللة سبحانة وتعالى يمهل ولايهمل اللة يستر علية يمكن تجيه اعقوبه

[جنتل]

حياكم الله والف شكر على مروركم

هو نفسه الي يتكلمون عليه بالرابط ياخوي(الكوري)

مدير الخدمات المساندة بالمستشفى

حسبنا الله عليه ونعم الوكيل

[@ ابتسام @]

السلام عليكم ورحمة الله وبركاته



اخووووي تطمن دائما هذه الاشكال المتزمته لا تبقى

[البرو]

الله يستر اللحيه أن تكون قناع


الله يستر مانصير مثل بعض الافغانيه تلقاوه اللحيه الى سروه وهو اللعن خلق الله




ماقول الا الله يستر

[الماكر]

اخوي الجنتل أنا موظف في المستشفى وأعرف هذا الشخص جيدا .. عرفته قبل أن أتجاوز أول سطرين من موضوعك .. صدقني أنت قلت بما فيه .. بل المصيبه أنه مافيه لايمكن وصفه بحكم أنه يتجاوز الحدود ..
شكرا لك وسأرسل أسمه لك على الخاص ..
شكرا لك .. ونتمنى أن لانرى مثيلا له في أي دائرة حكومية ..
" ولله في خلقه شؤون "

[الطلقه]

نامل من الاخ زيد الزلفاوي (الطويل)

التدخل السريع فثقتي به عمياء

[دواس]

لاتعليق..........
لكن اتمنى من ادارة المستشفى انهاء الموضوع سليما قبل التدخل من قبل سلطه عليا
عشان مايصيب المستشفى مثل العراق اخر وقت صدام يوم رفض التفتيش وتدخلت امريكا الى وصل الى ماهو عليه الحين

[راشد الصليحان]

الصراحة والشهادة للــه هذا الرجل أعرفه زين !!

وكثير من يعرفه بالعمل ,,,يقول عنه الآتي ,,,

رجــل إتضباطي ....حريص على العمل ....محترم

متدين ...يحب الجدية ...لايحب أهل الميوعة ...!

يرفض الإخلاق السيئة !!

المهم عنده المصداقية بالعمل لايعرف المحسوبيات !!

طبعاَ ولا أزكية لأن الكمال لله وإذا أخطأ طبيعي هذاطبع البشر !

أما الذين يحاربونه لهم أهداف !!

أولها يريدون الحضور والإنصراف بمزاجهم ( يلعبون ) وهذا الرجل يطبق النظام على نفسه

وعليهم !!

وثانيها رواسب عنصرية عند بعض الموظفين وهؤلا هم المرضى في هذا الزمان !!

لذا لن ينظر لمثل هؤلا الناعقين ,,,,!!وسلامتكم

[جنتل]

مشكور ياخوي راشد على ردك بس اتمنى انك ماتقول شي الا وانت متأكد منه
على قولتك انضباطي من اي ناحيه انضباطي؟؟؟؟قصدك في اوقات الدوام يجي بدري ويطلع بوقت خروجه
اوكي اناغ معاك بهذي بس الشي هذا اجباري له ولغيره يعني ماسوى شي غريب
الحاجه الثانيه تقول انه متدين صحيح اذا شفته يعطيك وجه المتدين البريء
وهو الله اعلم فيه ولاتصدق كل من قصر ثوبه وطول لحيته انه متدين لا بالعكس الغالب يحطونها ديكور
او للمهابه بس

الحاجه الثالثه على قولتك الي يحاربونه لهم اهداف وهي من ناحية الحظور والانصراف
هو ماله اي دخل بحظور الموظفين وانصرافهم لان هذا من شغل المتابعه وبرضو هو مدخل نفسه في هذا الشي يعني غصب يبي يحط نفسه بكل مكان
وياليته يخلص شغله ويطلع شغله كله معطيه غيره يخلصونه له للمعلوميه هو ماعنده مكتب
امانه قد شفت مدير خدمات مسانده ماعنده مكتب؟؟؟؟؟

وين شغله ووين اوراقه ووين المحافظه على اعماله وين الملفات والحاجات المهمه


تحياتي لكم...