تسجيل الدخول

مشاهدة النسخة كاملة : ياهاوي الغاز الشعر جاك البيت

برق1
23-04-06, 03:07 am
عَـود ٍ باثر عَـود ٍ وكمـِّـين عَـود ِ=شيبان حِـمل ٍ بالبراري تبارى
تعاقبت شيل الخطر لاجل فـود ِ=ومِـن يداعب هامها يطير نارا
الكربوني
23-04-06, 03:20 am
هههه
ماعليش استاذي ...لكن

بصراحه ... عجزت اقرأ اللغز ..وافهمه .... هههههههههه أنت لو قايل شكل اللغز بالحركات كان هو بنفسه صعب ..

**
الحين لك خيارين ::
1\ إما انك تعلمن ومااحد يدري بجواب اللغز >>وتراه اريحلك

2\ او تشرح اللغز ..... وتقول اول وثاني حرف من الجواب ...
د . سداح
23-04-06, 12:00 pm
الله العالم إنه عودان الكبريت
د . سداح
23-04-06, 12:05 pm
طيب بعد إذنك أخوي برق 1

جملة مفيدة مشهورة تحتوي على 24 حرف غير منقوط

اللي عمره فوق 23 سنه لا يجاوب
برق1
23-04-06, 06:09 pm
الدمااااار الشامل : هه ! صحيح انك دمار
الله يخلف على امك اللي هذي ذهانة ولدها

طيّب يا ناس ما فيه اذهن الدمار الشامل يجاوب ؟

ها ها ها

الله يقلع شيطانك على هالحكي
تبي الصدق : فطست ضحك , وترى العتب على العجلة , لأني حمست البيتين بلحظة البارح وارسلتهن , يعني مش حالك ولا تدقق

وعلشان عيونك دوك بعض الشرح :
عود : شايب
باثر عود : شيبان صافين
بالبراري تبارى : تلقاهم دايم بالبر صافّين وصعب جدا تشوفهم بالمدن
تعاقبت شيل الخطر لاجل فود : هم واحد ورا الثاني ينقلون شي خطير لأجل ان فيه فايدة للناس
ومن يداعب هامها يطير نارا : اللي يحاول لمس روسهم يروح طشاش ( شاة امس )د

يالله عاد يالذيب لا يسبقك أحد
برق1
23-04-06, 06:20 pm
اخوي سدّاح والله الرمعة قوية وذكية , لكن تبي لك شوين

ولي طلب : أول قل : تم , ثم عطني اذنك : ترى لغزك قوي ومفيد وممتع ويهواه الجميع , ما هذا مكانه , مجرد مشاركة في لغز ثاني , ليتك تفرده بموضوع مستقل , بدل ما تدفنه هنا ما يشوفه الا اللي يهوى ألغاز الشعر
وشرايك تحطه هناك علشان نركّض وراه لين نصيده


والله يا أنت حوّمت كبدي ببايك هذا , وععععع , ما أدري وشلون أبتعشى الليلة
لكن خلّـه تكفا - والله يعين على مقابله - علشان من شاف خشته من الشباب اللي يدخنون يحرّم الدخااان طول عمره
الكربوني
23-04-06, 07:01 pm
اييييييييييييه

قل كذا من اول

تعني الكبريت ...

>>>>>>> يقالي ماشفت الجواب ... ههههههههههه


ياحبيلك يابرووووق .... الله يخلف على اميمتي ... وجدتي ومرت ابوي ... توك تدري...

**

طيب تكفى عطنا لغز ...يستاهل تفكير ....
انا لو انا داري ان الجواب عودان كبريت كان مااشغلت نفسي بالتفكير >>>>> اتحداك تفهم وشقلت

ياحبييييييييييييلك
استاذ برق .....

طيب تكفى نبي .... ثاني .... ومادري سداح طررح لغزه بمكان ثاني ولانجاوب هنا
برق1
23-04-06, 08:40 pm
أيييييييه هي من اول كذا !!!

أنا وشاسوّي بك هالحين ؟!

ومن قال لك ان اللغز انحل ؟

أقول يالدمار الشامل !!!!!! تراني صرت حول أصدّق انك . . . . . . . . خلها على الله

أقول لك صعب تلقاهن بالمدن وتقول لي عودان الكبريت ! عودان الكبريت يخطرفن لك أول ما تدخل أي بقالة بكل شارع , وشلون يصير صعب تلقاهن بالمدن ؟!
بعدين تراهن شيبااااااان يعني كبااااااار حيل

توكل على الله ودوّر جواب اللغز ولا تخلين اعصّب واكسر كمبيوتري
الكربوني
23-04-06, 09:25 pm
اصبر علي ....

انا جاي عجل هالحين ...عندي مشيوير ...

**
انت بس جيدن تهزأن ...


ههههههههههههههههههه الله يقطع بليسك يابرق ....

اصبر ان شاءالله راجع لك
برق1
23-04-06, 10:11 pm
الغالي الدمار الشامل : نسيت أقول لك يالذيب ان هالشيبان واقفين واحد ورا الثاني بالبران ليل نهار شايلين الحمل الثقيل
وتسلم على روحك العذبه
بعدين تراني فاهم كلامك يوم تقول اتحداك تفهمه لكن يبدو انك هوّنت عنه ,,, صح ؟ ها ها ها
الكربوني
24-04-06, 04:38 am
ههههه ياحبيلك ..

وتراك نسيت تعلمن الحل وشو ... ههه

**
بصراحه جاء في بالي .. مواصير الضغط العالي ...بس عارف إني مو حول الجاده

**
حبيبي بررررررق ههههههه ...تراي عجزت وبكل فخر اقولها ....

انتظر اجابتك ....
برق1
24-04-06, 03:06 pm
صح لسانك
جــــبــــتــــهـــــا
نـــــعـــــم
هـي
أبـراج
كـهـربـاء
الضغط العالي
وطيت بطنـهـا
لــيـــش
بـعـيـد
عنها
الكربوني
24-04-06, 08:35 pm
:36_1_5[1]

لا مش ممكن أكيد ...بتهزر معاي ...

معقووولة يكووون صح ....

تراي يوم اقوله مافكرت ....؟!!!!

**

شف واللله حررررام عليك ..يكون مقلب .....

بجد والله صح ...
برق1
25-04-06, 01:58 am
ما شاء الله , هذا وأنت ما فكّرت !
أكيد صح
وطبّقها على اللغز وإذا فيه شي ما ينطبق عليها اذبحن
قلت شيبان لأنها كبيرة جدا
قلت شيبان حمل لأنها أصلا مصنوعة لحمل أسلاك الكهرباء الضخمة الثقيييييييلة
وقلت أنها تشيل الخطر لأجل ان فيه فايده , لأنها تشيل الكهرباء وهو خطر على الناس لكنه مفيد
وقلت بالبراري تبارى وتتابع على شيل الحمل لأنها صافة أسطر منتظمة كل برج يوصل الكهرب للي بعده , وهي تنقل الكهرباء بين المدن لذلك تجدها خارج المدن


عاد سو تسخين لمخك علشان يستعد للغز الجاي إن شاء الله
الكربوني
25-04-06, 07:32 pm
هههههههه

تراي ادور رقبك ... ههههههه ياحبيلك

اجل
مبرووووووووووووووك ( علي ) ...


**
بصراحه لغز حلووو وفيه تحدي كبير >>>> يوم حله بدأ يدعيييييي...

**

استاذي ...

ايه اولاه تكفى ..ودنا بمثل هالاللغاز اللي تخلي الواحد ينبسط برفقتك قبل إنه يشغل مخه...

فرفقتكم والسوالف معكم ... مكسب لي ...

يعطيك العافيه
برق1
26-04-06, 01:47 am
أشكرك يالغالي على اللطف

لكن وين سداح ؟! عطانا الخامس
يبدو ان المدرسة ماسكينة , يمكن مخرب شي من فصل خامس ب

ومادام عطانا الخامس فلغزه ذا رايح اضحّي به هنا وماني منتظر نقله :
المشكله ان سداح قاعد يتشرط ! يقول اللي عمره فوق 23 سنة ممنوع من الجواب , لكن الحمد لله انه ما يعرف كم عمري
شف يا سداح : أنا رايح أكوّن لك جملة من أربعه وعشرين حرف ويمكن انها تصير أحسن من الجملة اللي في بالك :

اشرايك يجملة :
(( لعل الله حرس سداح وحماه الحسد ))))
د . سداح
26-04-06, 02:48 am
أخوي برق 1

مبدع والله مبدع

أنا موجود

الجمله اللي كتبتها حلوه

لكن الحل هو

جمله مشهورة تتكون من 24 حرف غير منقوطة

لا إله إلا الله محمد رسول الله