مجرد مشاركه

[أحمد النصار]

أنا أدري ان مالكم نفس على الشعر والالغاز الشعريه ..لكن أبا اشاركم بمجموعة الغاز منهن لغز ما أعرف له حل والله يصخر لي وأحدن يحله طلع براسي الشيب ماعرفت له حل ورحت لشايب عمره بالسبعين مشهور بحل الالغاز خاصه الشعريه ولكن ما عرف حله على طول من يوم قلته له قال ما ادري وخر عن وجهي بس قلت ابشر ومشيت وخليته اللغز يقول :
وشو شيً ما ينحب :واللي يحبه يعطيه 00 والى تعاطوه أثنين : معطيه أنكر مستعطيه
والالغاز التاليه اعرف حلولهن :
بنشد هل الالغاز عن بنت وغلام : تواجهو بالسوق يوم الحراجي
البنت ماتعرف قوانين الاسلام : وماتت على السنه نهار الزواجي
============
ياسامعي كانك تعرف الغطاوي : أسألك عن مخلوق يوكل مع الزاد
لاهو بحيوانن تجيه الخهقاوي : ولا هو بنباتن يقطفه كل حصاد
============
أنا ابنشدك وش عذراء ربت في بحرها المحدود: والا جف البحر عنها توفت والله الباقي
===========
شين مشيته تحت وفوق : لايمين ولايسار
بيته كبره يامرزوق : وأن أمرته امرك صار
صندوق وماهو بصندوق : رحمه لصغار ولكبار
له باب ولاهو بمطروق: اوتمتك يفتح بزرار
والبيت هذا واللي فوق : لاحمد حمود النصار
===========
اسألك عن شين رفيعن مقامه : كنك تسلم من صلاتك الا جاك
والا كثر سوى سواة الغمامه : وأن رحت عنّه ياخذ اشوي وياك
============
ويش سبعن مع عشر : قسمن خمس اقسمات
عند ناسن تستقر : وعند ناسن قاصرات
وعند ناسن ماتمر : حله وعطني الثبات
=========
وعاشت ايامكم وبرجع اكتب الحلول انكان ما احد حلهن وتقبلوا تحياتي

[الكربوني]

هلاااااااا وغلااااااا
بالحبيب
احمد

لا اصبر علينا بالحلول


...
ان شاءالله بنحاول

[الكربوني]

أنا ابنشدك وش عذراء ربت في بحرها المحدود: والا جف البحر عنها توفت والله الباقي

^^
هذا مش ممكن يكون
امممممممممممممممم .... شاي تعليقه ... الليبتونه >>>تدليعه ليبتون

**

**
اسألك عن شين رفيعن مقامه : كنك تسلم من صلاتك الا جاك
والا كثر سوى سواة الغمامه : وأن رحت عنّه ياخذ اشوي وياك

^^
وهذا والله العالم
إنه المبخره


**

**

شين مشيته تحت وفوق : لايمين ولايسار
بيته كبره يامرزوق : وأن أمرته امرك صار
صندوق وماهو بصندوق : رحمه لصغار ولكبار
له باب ولاهو بمطروق: اوتمتك يفتح بزرار
والبيت هذا واللي فوق : لاحمد حمود النصار

^^

وهذا بما إنه من افكارك حبيبي ..احمد

حاولت احله واتمنى إني وفقت فيه ....

هذا الله يسلمك
باب الكراج

**

ودي احاول باجابات مع الثانيات ...بس قلنا اخاف تقولون طماع هههههههههههه

[أحمد النصار]

يامرحبابك أخوي ابوهيله
أن جاوبت لغز واحد صح اللي هو
أسألك عن شين رفيعن مقامه الخ : هو البخور
وأجوبت الألغاز بالتسلسل من الثاني للاخير لأن الاول ما اعرف حله كالأتي :
1-بنشد هل الالغاز عن بنت وغلام الخ : هذا الضحيه الضان
2- ياسامعي كانك تعرف الغطاوي الخ :هو الملح
3- انا ابنشدك عن عذراء ربت في بحرها المحدود 00والاجف البحر عنها توفت والله الباقي هو :فتيلة السراج
4-شين مشيته تحت وفوق الخ : هو الأصنصير -اللفت-
5-أسألك عن شي رفيعن مقامه الخ : هو البخور
6- ويش سبعن مع عشر الخ : هو الصلاوات الخمس
يبقى اللغز الأول ليت من يعرف حله قاهرني وهو
وشو شين ماينحب ..واللي يحبه يعطيه .. والى تعاطوه اثنين .. معطيه أنكر مستعطيه
وتقبل تحياتي أبوهيله وعاشو الحاضرين

[بن يمين]

نبي نحـــــــــــــــاول

[الكربوني]

ههههههه

قلت باطلع ...حلال .... واثري ماعندي سالفه ...
حتى اللي تقول انه صح علي ..جيت من حوله انا ..؟؟!! هههههههههههه

يابعدي
احمد

طيب بنحاول ان شاءالله باللي تدور على حله