مشروع طقاقات .. من تخاويني ؟؟

[الذاهبة]

توطئة :

مواطنة سعودية .. نفسي عالية أبية .. ولدت لعائلة بدوية .. و عشت حياة هنية

ورثت عن أبي قدراته العقلية ..و من طبائع أمي اخترت الحنية .. أكملت دراستي الجامعية ..

و حصلت على وظيفة رسمية .. معلمة في إحدى القرى الشرقية .. قبلت بها فمازلت شابة قوية

كتبت لكم همومي اليومية .. خذوها واقرأوها بروية .. وقسموها إلى مقاطع جزئية ..

فلست مسؤولة عن تدهور النفسية ..



قال الله تعالى : (( و تحبون المال حبا جما))

كما هي حال اغلب النسوان .. أحب السوق و التبضع أحب الشراء و أحب الأكياس المملوءة بالحاجيات

أحب التكشخ أحب المجوهرات و تستهويني الساعات أحب الملابس أحب الأجهزة أحب الأثاث ..

اختصار لكم و لعيناكم .. أحب كل شيء فيه دفع فلوس

آآه يا قلبي .. يا محلا القروووش

صحيح اني موظفة ولله الحمد و استلم راتب شهري و الله يعز الحكومة

لكن تخيلوا معي كيف تخطيط ميزانيتي المسكينة .. سائق النقل ياخذ ثلث الراتب

و الربع للشغالة .. والجزء المتبقى ما بين فواتير للجوال و تنانير زيتيه للمدرسة و قطية الفطور ..

ولاني لم ارتضي واقعي ولم تعجبني هذي الحال المايلة .. قررت في جلسة ودية فكرية مع نفسي الموقرة و قررت

ماهو آت :

لازم أزيد من دخلي الشهري ..

للامانة يا أصحابي .. الأفكار التجارية مازالت تنساب واحدة تلو الأخرى

و تقول وين بس اللي ينفذ .. دققت و فكرت و قارنت .. ووجدت ان أنسبها و أسهلها و اكثرها قابلية للتطبيق هي :

أشتري و أبيع في الأعشاب و الخلطات ..يعني البساطات أذكى مني ولا أنظف ؟؟ هه

وبالفعل رحت للعطار و جبت من عنده خياش .. شي كمون و شي أعواد دارسين و شي أعشاب خضرا معفنة مالها

اسم ، و شي طحالب دبوسية ..

و بديت أطحن و أغلف و أبيع على المدرسات و قريباتهن .. و اللي ما تشتري تتفرج .. طبعاً ما كنت أنسبها لنفسي

عشان يثقون البنات أكثر بي كنت أنسبها لعجوز وهمية و يابنات لكل داء دواء .. و الحمد لله كانوا زبايني

أكثر من شعر وائل كفوري

صحيح أني اصبت بحساسة بالأنف و الصدر ، و مت من كثر العطاس و احمرار العيون .. بس ولو

التجارة شطارة و مهارة و بهارة .. هه

في يوم كبيس .. طاح بين يدي تقرير كامل ن الأعشاب السامة و مضارها

و عمليات النصب و الاحتيال للباعة المتجولين و البائعات مجهولات الهوية .. و التلوث الكبير و الأمراض النسوية

والتليف الكبدي و الفشل الكلوي ووو

واقلبيـــــــه !! يعني انا منهم .. وربي ما نويت أضر أحد بس كان ودي

أزيد من دخلي و أحط لي رصيد محرز بالبنك هالدنيا ما تنضمن .. عاد أمحق من ربح ..

في الشهر يالله أطلع بخمسين ريال .. و نصها دين بعد ..!!

قطعتها و حرمت على نفسي اعود لهالتجارة .. و الله ما أبيع ذمتي عشان ريال ..!!

الصراحة أني تحطمت ،و فكرت بشيء ثاني .. جت في بالي فكرة مشروع بيع خضار و فواكة

و نسقت مع والدي يفتح لي كشك صغير أمام منزلنا ، و اتفقت مع أخي اللي قاعد ينطر الوظيفة

بدل ماهو عاطل باطل يبع لنا الخضار و له نسبة .. نسبة تحت :)

..لكن بعدما استخرت قتلت المشروع قبل ولادته .. و ياعزتي لمن كان راس ماله في الخضار و الفاكهة

.. لو تخرب عنده ضاعت كل قروشه

أو يضطر ياكلهن و يؤكل زوجته كوسه غصب ..

ممممممم .. بعد عمليات عصف ذهني فتاكة .. و استشارات عائلية و اقليمية .. و قطت وجه و زعبلة

لمعت في راسي فكرة جهنمية ..

هو الصراحة مالي السبق فيها .. و كل خلق الله طايحين بها و ماشين لله الحمد ..

أكيد عرفتوا .. أبي أدخل سوق الأسهم ..

تمسكوا يالهوامير .. إني قادمة ..

و بكل فخر دخلت سوق الأسهم و سويت جميع الاجراءات صحيحة..طبعاً قايلة لكم

الانسان الشاطر هو اللي يتحرك و يعدد مصادر رزقه ولا يعتمد على وظيفة الحكومة .. :)

المهم أني جمعت لي راس مال ولا أحد يسألني من وين جبته رجاءاً

لان ماعندي استعداد افشل نفسي .. و جبت بطاقة مباشر بعد و فتحت محفظة و كل يوم وانا داخله فيها

أشوف من جاهم من لفاهم وش أخبارهم

<<<انهبلت

المهم إني الآن في وضع الاستعداد و الله لا يعوقني بشر ..

لكن صابتني الخيبة يا أحبتي من حيث لا أحتسب ..

أحاول أشبك النت .. مرة مرتين خمسين مرة اطلب الاتصال .. ولا يشبك الخط ..

وش السالفة .. جميع الخطوط مضغوطة .. حاولت أتصلت بجوال نت .. يشبك بس ما يفتح ولا صفحة

فما بالك صفحات البنك اللي عليها تشديد أمني ..

بعد جهد جهيد مسك الخط و اتصلت .. بس وشو عقبه الساعة السابعة مساءاً .. قد تعشت الهوامير و نامت ..

نومة أهل الكهف..

و حيث أن المؤمن لا يلدغ من جحر مرتين .. جيت من باكر و شبكت الخط من الثانية ظهراً و بقيت

إلى جانب كمبيوتري و بس اسمي عليه أخاف يقطع النت فجأة .. طبعاً توصياتي استقيها من إحدى صديقاتي الخبيرات

فتلقيت منها اتصال متفقين عليه من قبل .. وبتقول لي عن السهم اللي لازم اشتريه اليوم :

* مرحبا ، شوفي اشتري بـ *&&||#^~~~
*ياهلا .. معليش ياقلبي يقطع الجوال ما سمعتك ، وش أشتري وين
*أقووول ضروري تشترين في *&&||#^~~~
* عم بيأطيش..ماعم بسمع شي <<< تستخف دمها تبي تروق الجو
* يا بنت أقول لك &&||#^~~~ }}[[ [[ زين ? فمان الله .

وشو ياربي وش قالت ؟

حسبي الله عليكم يالاتصالات لا انترنت زي الناس ..لا جوالات زي الناس .. لا خطوط هاتفية زي الناس

لأ .. وحطوا في بالكم حنا أغنى دولة عربية و أكبر مخزون احتياطي في العالم

أقول ليتكم تسنعون لنا شبكة خطوط زي اللي حولنا ، عجزين توفرون لنا امكانيات و تقنيات عالية .. !!


توكلت على الله و اخترت شركة وشريت سهمها و الله لا يخسرنا .. وبعد ثواني اتفاجأ

كمبيوتري معللللق و المحفظة معللللقة .. يعني قولوها صريحة : مانبيكم تشتغلون و خلاص !!

ياربيه .. بع بع بع لابوك لابو الاتصالات لابو سامبا لابو الجماز لابو جده ..


وش لي و السوق و دوخة الراس و قضم الأظافر ، أنا ابي لي شي وناسة فلّة هيصة طهبلة

سعة صدر .. يعني وش فيها لو صرت طقاقة ..؟ و بعد فترة فنانة ..؟

الحمد لله صوت متوفر و حفظ ذاكرتي جيدة و جمس عندنا و سواق مافيه مشكلة ندبر

لا تعب لا هم لا مشاكل مع خلق الله لا مسؤوليات .. كل اللي عندي أصحى من عقب المغرب و اشخص

و اتزين و أطلع و كل ليلة بعرس .. منها أطوف القاعات و أخش الفنادق و أتفرج على البنيات و أتقهوى و اتعشى

و ورا ورا عاشوا عاشوا هلا هلا ..

و اطلع و بجيبي على الأقل 8 آلاف ريال ..

وبحسبه بسيطة خلال 3 اشهر الصيفية رصيدي 720 ألف ريال ..

و هذا غير البخاشيش ..

بفكر بالموضوع و أرد لكم خبر ..



بس لا تنسون تردون على أي جزئية تعجبكم من قرقي الوااااافر ..




* الموضوع لايحمل أي حقيقة عن ذات الكاتبة و أي تطابق مع أي انسانة تعرفونها هو محض الصدفة

[وريقات مبعثرة]

<<<<<<<<<<<<<<<<<<<<<<<<,,ما بغى يخلص ذا الموضوع قرية قرية قرية لين حسيت بخلص ونزلة السهم قلت بشوف كم بقي ............ويوم شفة بغيت ابكي ..............
بس راح ارد على الي قريت اختي الذاهبة سلمتك يداك على موضوعك الاكثر من رائع لأني قريتة كلة حلو وجميل ................ورائع بس شوي شوي طويل ..........
<<<<<<<<<<<<<<<<بلا بكش شوي هاه شوي

كل التقدير والاحترام لك اختي الذاهبة

قال الله تعالى : (( و تحبون المال حبا جما))
كلنا يالغالية مو بس انتو يالحريم
.........................شكرا على الموضوع .....................ودمتـ م

[راشد الصليحان]

نسيتي... عطورات....باريس......وجزر....مالديف

وسهرات...ملاقا....ومغارات...لبنان...!

نسيتي....كشخة اللكسز....ودوشة اليونان...!

وذاك السائق الأملح...يوديك.... للقبة...!

يشيلك...متى ....ماصوت المطوع...!

نسيتي...العلياء...وعمارة الموسى...لزوم ...الدلع

والهيســـه....!

,,,,,,,,,,,,,,,,,,,,,,,,,,,,,

الأخت الذاهبة....أعتقد أن..تلك المرأة ...التي تشكي حالتها....!

تريد المزيد...من الصرف...والفهلوة....!

لهذا...لوكان دخلها....ألوفات....من الريالات....لن...يكفيها

حتى تكون شريكة في شركة المملكة ....القابضـــة .........

دمتي بعـــز ,,,,,,,,,,,,,

[دمعــة أمـل]

هههههههههههههههههههههههههه

دخلت على بالي انك صادقة............قلت وظيفة بعد التخرج وجت لي ..........اذا كنتي صادقة تراي معك

بس تراي انا اللي بشغل لك القز على قولتهم f10...............والصوت عاد لك عليه شوي.................ونبي بناطيل وحركات عشان السعر يكون مدبول مانبي براقع ..................واذا حصل اورد وعود والله ان نصير طقاقات بالدرجة الاول...........

والله انك منسمة........انتظرك على الخاص>>>>>>>>>وحده جازمة

[قصمنجيه]

أقول تمــسكي ... و خلي "قصمنجية " هي تسخن الطيران <<<< " تسخين " ...خبرك عتيــق

و الله شوفي يا الذاهبة .... يقولون المرأة لو ملكت خزائن الأرض.. لطمعت في خزائن السمـاء ..

و من مبدأ الطمع اللي بدمي ... راح أصــف معاك ..

عـاد مثلك عارف , الشغله مضمونه وما يبي له ..

كل اللي راح نسويه , برقع ..و كحل خط السريع إلى الأذن .. و صفة خواتم

و بـ أعلا صوتك رددي ..وراا و راا ...يا لله ...ايييــوه...... " أييوه هذي بتاعت العنود "



و منهـا كل ليلة بعرس


.

[فزاع]

جاااااااااااااااااااااااااااااااااااااي طاير بحجز الوظيفة

انا سواق الجمس

اختي العزيزة //// ان يملك الانسان الطموح .... فهذا مفتاح النجاح .... واخيك ... كله طموح في تنويع مصادر الدخل الحلالالالالالالالالالالالال بإذن الله ...
عملي الحالي ............ نقل المعلمات
... محير الترمس .... القوارة ....... شري ...... عقلة الصقور...... عريفجان ساحوق ......
القرى ماهي على خط واحد بس خبرة

..... احمل رخصة عمومي (( لزوم العمل )) ........ في حال كان عدد الطقاقات واجــد واحـتـجـنـــا نـقـلـهـــم فـــــــــي (( دنـــــــه أو سيارة كبيرة ))
..... العمل لايتعارض مع عملي الحالي ............... تركيز العمل لديكم في العطل الصيفية (( واخيك في هذا الوقت من السنة عـــــــــــــــــــــــــــــــــــــــــــــــــ ـــــــاطــــــــــــــــــــــــــل ))
.... لا وبعد ازيدك من البيت شعر ... سوري ( في شبه منهم )) .... الشعر بيت ..... لدي خـبــرة الـكـتــرونـيــة (( بدون شهادة )) لزوم تشبيك السماعات ............. جهاز الاستريو ..........
..... لدي خبرة كبيرة في عمل (( الكاسيتات او السي دي )) مقاطع .... اهداءآت ..... اناشيد اسلامية .... مقاطع شعر .....
...... خبرة في أي أشي (( بدون شهادات خبرة )) .... المهم الوظيفة .
.... تكفون الله يرحم والديكم وظفوني .... تراي محتاج ويتيم .... تكسبون اجر ..

[راعي الوفاء]

طيب وانا وش شغلتي ,,,
اامممممممممممم.
\
\
\
\
\
الله يعطيتس العافية يالذاهبة.
\
\
\
\
هههههههههه

[الذاهبة]

سعيدة بتواجدكم و تشجيعكم لي ..

و يكفيني فخراً أن أراكم هنا وقد قرأتم ما خطته يميني ..

و سجلتم لي كلمات من نور ..

تبهج قلبي و تزيدني حبورا ..






وريقات مبعثرة ..

حياك أخي .. والعذر و السموحة أعرف الموضوع طويل و القرق ما ينتهي .. و على فكرة ما تراه الآن بعد التنقيح و الاختصار .. :)

شاكرة لك تواجدك أخي ، يعطيك العافية

[ام المقداد]

http://www.qassimy.com/vb/images/smilies/angry_smile.gif << شكله تبي تهاوش

تدرين وش يقهرن يالذاهبه http://www.qassimy.com/vb/images/nasser/0q1s07.gif

ان الشغلات المحترمه ماعادت تأكل عيش ..

وصارت فرقة حسب الله وشعبولا ..
والعنود وعودولا << على وزن شعبولا http://www.qassimy.com/vb/images/nasser2/sadwalk.gif
مايدرون وين يودون الفلوس فيه..
آخر زمن زمن انقلبت فيه الموازين http://www.qassimy.com/vb/images/smilies/angry_smile.gif

وش رايك نتقاط انا وياتس ببيع الاعشاب واللي رجلينه يوجعنه
نبيعله زيت فرامل بخمسميه + الف مع التدليك http://www.qassimy.com/vb/images/nasser2/brows.gif
واللي تبي تطول شوشته ..بزيت القلي ندور نجمعه من المطاعم http://www.qassimy.com/vb/images/nasser2/icon1611.gif ببلاش..
ونبيعه القاروره بميه وهديه عشبة التمليس السحريه << ورق شاهي مربص
لاقضينا متقهوين انا وياتس نجمعه ببرميل http://www.qassimy.com/vb/images/nasser2/evil_2.gif ونبيعه يوكو الذاهبه مجاناً..
والله ان يغدي مالتس ماطا رجل على بيتنا ونستاجر بيت بالرياض نروحله مناوبه ..<<ماكفاهم القحش بذاhttp://www.qassimy.com/vb/images/nasser2/essen.gif
إيييييييييييه جمع القروش مايبي اثره الا ضمير حي http://www.qassimy.com/vb/images/smilies/001.gif
تسلمين يالذاهبه ومن ابداع لابداع..

[الرمادي]

اختي العزيزة الذاهبة


أشد الألم هو مايجبرنا على الضحك



فرغم الأسلوب الساخر والجميل لموضوعك إلا انه حمل معاناة الكثير من النساء في هذا العصر

فالبحث عن مالاحاجة له يفضي إلى امتطاء الصعاب من الأعمال


حتى الوظائف المحترمه كمايقولون كالتدريس وغيرها لم تكن المرأة بحاجة إليها لو ملكت القناعة


وهاأنتي تضعين أصبعك على الجرح الحقيقي


فمعظم دخل العاملات يذهب من اجل الحفاظ على ذلك العمل


خروج المرأه للعمل اوجد الحاجة إلى الخادمة والسائق والملبس الغالي وماإلى ذلك من امور لم تكن من الضروريات لو استغنت عن ذلك العمل

حتى المضاهات باللبس والزينة اتت مصاحبة لعمل المرأه



بقاء المرأه ببيتها واكتفائها بما يوفره لها الرجل هو الحل الصحيح والمطلوب




تقبلي تحياتي ,,,

[السعلوووه]

السلام عليكم ورحمة الله وبركاته

كله كوم والتنانير الزيتي كومات

انا مخططه على مشروع بعد فتره >>>>>>>>سواقة حريم

والله ياهو مكسب

سرد د رائع وجميل

ومعناة المعلمات فكره الله يستر عليهن

تدرين وش تحسفت عليه اني مادخلت طب ,,,,الدراسه و دراسنا اربع سنين وبعدها عاطلين بالبيت من سنه الى عشر سنين ... مو لو داخلة طب اصرفلي ....مير القا وظيفه اول ماتخرج ....

[خـــــــــــــــالـــــــــد]

الذاهبه

احمدي ربك اذا انت من فئه ( الرسميات )

و لست من فئه ( البند )


فاذا الرسميه يبقى لها حق التنوره وقطيه الفطور


فالبند تستلف للقطيه و تلبس من بنت الجيران

بانتظار نتيجه التفكير

[الذاهبة]

مرحبا بك استاذ راشد



شوف خلونا صريـــــــــــحـــــــيـــــن :


فيه أحد اليومين هذي يكره المال ؟

أصلا كل شيء صار بالمال .. ضمائر الناس صارت بالريال ..

ودي أكون زاهده و قنوعة .. بس ما أقدر :)

و الاعتراف ( بالفطرة ) فضيلة ..



بالنسبة للسهرات و السفريات .. هذي عاد من واجبات الزوج الحنون المطيع اللبيب :)

وشوله الوحدة تعرس إلا عشان يدلعها زوجها و يسفرها لــ ( ماليزيا )

** هذا تفكير أغلب بنات اليوم .. ولا ؟؟ **

بالمناسبة ..

حلف على رقبتي لو تحصل لي تذاكر سفرية لماليزيا .. مارحت

أكره هذي الديرة



شوكرن جزيلا راشد الصليحاني مشرف التربية و الاجتماعات

[الذاهبة]

هلا و غلا بــ حبيبة قلبي .. أول المتحمسات

بصراحة يا ريماز .. أنتي جزمتيني و شكلي خالااااص قررت و توكلت على ألله




شوفي مانيب مخليتك تحمين القرصان .. قصدي الطيران ..

لألأ

أبيك تدقين على ( الأورق - org )

تعرفين ؟ ولا تعلمي عزف عود

و أكيد نبي بناطيل و تسريحات .. لو نجي ببراقع و طيران و مايك حق الحراج .. كان والله ماحد يطلبنا

المهم تولمي حبوبتي

[جلوي العتيبي]

انا اقول وش سالفة سوق الأسهم مدحدر !!!!
شوفوا أنتم تهتمون بالموضه بالشكل بس أسهم وهم ...والله ماتصلح لكم

<<<<<<يتخيل زوجته تتابع الأسهم وهو يناظر خخخخخخخخخخخخخ

المراءه من وجهة نظري خلقت لتعيش هانئه مرتاحه حتى وإن عملت تعمل عمل مريح ووضع المعلمات والغياب المتغاضى عنه خير شاهد

<بداء ينق

وبالتوفيق لكم في المهنه الجديده بس هاه تراها مهنه شاقه وتبي حنجرررررررررره صح

والله يعينكم على الحجوزات

بس راعونا بالأسعار

[الذاهبة]

الله الله الله

والله متحمسات البنيات ..


اتشرف بلقائك أختي القديرة قصمنجية ..

و اسعدتني مشاركتك معي ..

لكن سؤالي ..

الكل يبي يسخن الطيران .. مالسر ؟؟

من ودها تطق أجل ؟

:)

بعدين مانبي براقع يا قصمنجية .. ماحنا دقه قديمة .. حنا * * * * *




تقبلي فائق التحايا القلبية .. و الوعد : سوق الجردة غدينا نلقى عندهم

[البرحيه]

.. و الله ما أبيع ذمتي عشان ريال ..!!


انا عكستس ابيع عادي .. تموت كل الروادع قدام القروش

مثال بسيط

بسوي حصر الموظفات .. قطاع حكومي .. تعلمي :b3:
باخذ من اثر هم وعمل لهم عمل كل نهاية شهر رواتبهم يحطونها بيدي


مب أي وحدة بس اللي تنطبق عليه الشروط
واهم شرط .. النوعيه هذي >> السعيكم ........ووووووووه..<<.تقعد على الكرسي

الأستاذة مارغريتا

قومي اكتبي التاريخ و الماده والموضوع


الطالبه.. ايزابيلا

خالة وشو الموضوع..


الأستاذة مارغريتاا

لتهميز (( عملي ))



الطالبه.. ايزابيلا .... من اول السنة وحنننننننننننا ناخذ هالدرس


الأستاذة مارغريتا

على شحم

بعيد درس تهميز المواطي ..


:c4:


وومجرد تجريد كامل ظاهر امام العامة انها اول ما تقتنع انها لازم ترتاح وتعطي غيرها الفرصه ...بفك عنها






مصدر اخر .. افكر فيه
بصير برحية الشروخة.. تيمنن بالعقليه الأقتصاديه المهمله الشيخة (( نوير الشروخة...

...........

وبعد ما اكون ثروة خلال سنه كحد اقصى اروح كندا او اميركا واخذ جنسيه واجي يم دولتي ووووتوظف براتب كنديه او مريكيه
حركة من حركات اللي بالي بالتس..........


يانا بالتوفيق



يالذاهبة تسلمي

[الذاهبة]

مرحبا أخي فزاع

بصراحة ربنا

أنا تفاجأت من خبرتك الرهيبة في القرى حقت المعلمات

اعترف :

انت تسوق بمعلمات و تبي تسوق بطاقات بالليل ؟

أشجعك على طموحك و يبدو اننا نبي نتعاون معك :)

شرفت موضوعي أخي ..

[الذاهبة]

مرحبا راعي الوفـــــــــــاء

اشكرك للمداخلة ..

أنت نبي نستحدث لك وظيفة .. يمكن سكرتير ؟

تسجل مواعيد و تستقبل العربون .. شي زي كذا :)

[الذاهبة]

هلا و غلا أم المقداد الكريمة ..


وصارت فرقة حسب الله وشعبولا ..
والعنود وعودولا << على وزن شعبولا
مايدرون وين يودون الفلوس فيه..



تعرفين وحدة طقاقة .. عفوا عفوا فنانة

أسمها أم خالد

هنا في القصيم

كونت لها 6 فرق فرعية

و هي صارت قاعدة بالبيت

و البنات يدهرن بالأعراس

تعرفين كم رصيدها ؟؟

مممممم

ماني قايلة أخاف أحد القراء ينظلها .. :)

اللهم لا حسد بس وش تبي تنفعها هالقروش ..

؟!

لها رب يحاسبها .. و انا مالي

مشكورة يا أم المقداد للمشاركة و اعتبري مشروعك حق زيوت الشعر معتمد خالااااص

<<<< عاجبها

[الذاهبة]

مرحبا بك الرمادي القدير

يعني أفهم من كلامك انك ضد عمل المرأة

إن لم تكن في حاجته ..




شوف بصراحة ربنا كده

انا يا وحدة ودي و منى عيني اترك التدريس

الشغلة مقرفة و مقابل بزارين و هواشات مع الزميلات و تسلط رئيسات ..

و إلخ إلخ


لكن .. إذا جلست بالبيت .. وش أزين ؟

يمكن اوسوس أو انهبل أو أمرض

حتى أم العيال ممكن تنشغل مع عيالها بعض الوقت

و تفضى وقت كبير ..

و ترى عمل المراة من مصلحة الزوج على فكرة

يكفي انها تجد من تفش فيه خلقها .. غير الزوج المسكين :)


المهم بس حللنا تراي ابطق في أقرب عرس أنعزم عليه .. وبصفتك المدير الإداري

حابه آخذ إذن منك .. لا تفصلني عن العمل هون ..
تحياتي ..

[الذاهبة]

انا مخططه على مشروع بعد فتره >>>>>>>>سواقة حريم

والله ياهو مكسب

.


راعية المشاريع السعلوة

تراي صديقتك صح .. ؟؟

يمكن ما ينجح مشروعي بس خليني معك ..

الحمد لله افتكينا من الزيتي .. و لا تندمين على شيء يا حبوبتي ..

وعسى أن تكرهوا شيئاً و هو خير لكم ..

و ترى فيه بنات طب .. قاعدات بالبيوت .. لا يغرك !


تحياتي القلبية للأفكار التجارية

[الذاهبة]

مرحبا خـــــــــــــــــــــــــالــــد

الحمد لله ألف مرة

يستحق الحمد و الشكر كما ينبغي لجلال وجهه العظيم

و الله يرزقنا شكر النعم ..


خالد .. أنا فكرت و قررت خالاااااص ..

الليلة بطلع أشتري الطيران .. :)

[الذاهبة]

رد خاص للزعيم :

انا اقول وش سالفة سوق الأسهم مدحدر !!!!
مالي ذنب .. فيه نحس كثير دخلوا بعدي .. !

شوفوا أنتم تهتمون بالموضه بالشكل بس أسهم وهم ...والله ماتصلح لكم
معاك حق .. أسبوعين بسوق الأسهم أحس إني ياااااه وش خلينا للرجال ؟ صدق قلة حيا .. :)


المراءه من وجهة نظري خلقت لتعيش هانئه مرتاحه حتى وإن عملت تعمل عمل مريح ووضع المعلمات والغياب المتغاضى عنه خير شاهد
غياب المعلمات يا حرام عقب العشرة أيام صاروا 5 .. و حنا فرق عنكم .. بزارين و غثاء و أمراض و نفساااات ..
يعني ماكو رحمة بعد ؟!

<بداء ينق
خذ راحتك نقنق .

وبالتوفيق لكم في المهنه الجديده بس هاه تراها مهنه شاقه وتبي حنجرررررررررره صح
مع البحة .. أحلى !

والله يعينكم على الحجوزات
بس راعونا بالأسعار
أي عضو من منتدى بريدة .. مجاناً أول خمس اغاني !
و اغنية خاصة باسم عائلته ..



تحياتي الزعيم