زوجك بيعرس عليك وش بتسوين؟؟؟؟

[بنت الشرقيه]

قلنا نسوي اسئله واجوبه ووجدت هذا الموضوع الي يفتح النفس




اليوم المشؤم وزوجك بيتزوج لا محاله والليله سيدخل قفص الزوجيه الثاني
اين ستقضين هذا اليوم ؟ 24ساعه وش تبين تسوين فيها؟

:36_1_18[1
كيف ستقابلينه بعد العرس ؟يعني بعد24الساعه

:36_1_18[1
هل تودين مشاهده الزوجه الثانيه ام ترفضين اي صله بها ؟

:36_1_18[1
هل ستخبرين اولادك بأن ابوهم بيعرس ؟ وخصوصا اذا كان مغبي عليهم العرس؟

:36_1_18[1
اطرحي جوابك بكل راحه وصراحه

[iiigil]

ياويل قلبي وش هالموضوع لا انشالله لأجعلنهو مسبة بين العرب ... لو يفكر بس في هالموضوع ...

بصراحه لا اخفيك ان اجزم اني لو يصير هالشي مادري وش بيصير فيني لاكن انا احب اتخيل

وابجوب على الأسئلة.....


اين ستقضين هذا اليوم ؟ 24ساعه وش تبين تسوين فيها؟

ابقضيها معه اصيح واترجي واهوش واهدد ويمكن استخدم اسلحته هالي هو مصرح على باله ((كليب اخو الزير سالم))


كيف ستقابلينه بعد العرس ؟يعني بعد24الساعه
سأقبله بكامل زينتي ((كوده يهون )) لأني ان ابعدت تهنى بالمدام وانا لا يمكن اخليهم


هل تودين مشاهده الزوجه الثانيه ام ترفضين اي صله بها ؟

اااااااايه وابهزئه وبصبحها بنطله وامسيها بثانيه,,,,ماهيب بعيده اشوه وجهها


هل ستخبرين اولادك بأن ابوهم بيعرس ؟ وخصوصا اذا كان مغبي عليهم العرس؟
لا لعل الموضوع ينتهي ومأحد درى وان مأنتهي سأخبرهم بحاجتين انهم سيعيشون معي عند يمه ...

وابوهم جاب ماما ثانيه تجيب نونوات ثانين مايبيهم النذل


مع العلم اني مجرد تفكير ماافكر بالموضوع بها البصاطه لانه مصيبه

ولو فكرت بعقلي اتوقع اني ابذبحه قبل لا يسويها ,,,,,,,,

مشكوره الموضوع مروع مسلي

[كرباج]

الله يوفق كل واحد ناوي على الثانيه ومستعدين بالعانيه :for2:

تشااااااو

[الامبراطوره]

يعطيك العااافيه اختي الغاليه
على هذة الاسئله وطرحك


لكن بتوقعاتي مهما قالت وتكلمت المرأه بما سيحدث فيما بعـــــــــــد
قد يكون حقيقي فغـــــــــــــــــالباً مايكون خيالي او عكس حقيقة الفعل عند السؤال


فسبحان الله نحن نعيش في هذا المجتمع ونرى كيف تتغير الزوجه عند زواج زوجها للأفضل
وقد يكون للأسوء وقد تنتهي حياته حينذاك

فلووو سئلت قبل الزواج لكانت عكس مافعلته حالياً

فالله ينزل السكينه على قلوبهن وتتغير ردودهن او تكون عكس ذلك


تحياتي لك

[iiigil]

كرباج الله لا يعطيك عافيه >>>ان ما سحبت العانيه


شفتو يالحريم ان ما يخرب الرجال الا بعضهم ,,,,

اعرس ولك عانيه مانتب كفو اتحداك تعرس,,,,,,,,,,,,

[مقبل المقبل]

الشرع محلل اربع وبعدين حريمنا ماشاء الله عليهن ماتقعد تزين المره الا بالوقت

الضايع واحيانا بعد ماتخلص المباراه (مدمن كوووورررره) وبعد ماتدري انه بيعرس عليه

وينه من اول يوم هو مقابله 24 ساعه !!!!!



من عندي انا عانيه وابوصله بعد للقصر

[كرباج]

كرباج الله لا يعطيك عافيه >>>ان ما سحبت العانيه


شفتو يالحريم ان ما يخرب الرجال الا بعضهم ,,,,

اعرس ولك عانيه مانتب كفو اتحداك تعرس,,,,,,,,,,,,

:) :) :)

تشاااااااو

[ميدوو]

كرباج انا ابعرس الأولى والثانيه بليله وحده تبي تعطيني عانيتين ؟؟؟ خخخخخخخخخخ



كيف ستقابلينه بعد العرس ؟يعني بعد24الساعه
سأقبله بكامل زينتي ((كوده يهون )) لأني ان ابعدت تهنى بالمدام وانا لا يمكن اخليهم


هل تودين مشاهده الزوجه الثانيه ام ترفضين اي صله بها ؟

اااااااايه وابهزئه وبصبحها بنطله وامسيها بثانيه,,,,ماهيب بعيده اشوه وجهها


هل ستخبرين اولادك بأن ابوهم بيعرس ؟ وخصوصا اذا كان مغبي عليهم العرس؟
لا لعل الموضوع ينتهي ومأحد درى وان مأنتهي سأخبرهم بحاجتين انهم سيعيشون معي عند يمه ...

وابوهم جاب ماما ثانيه تجيب نونوات ثانين مايبيهم النذل



إن كيدهن عظيم ههههههههههههه


انا بس داخل ابشوف وش الحييل الي تسويها الحريم عشان تقص على زوجها وما يعرس



[line]


اختي بنت الشرقية بس ودي لو سألتي سؤال قبل هذي الأسئله


وهي ليش زوجك يبي يتزوج ثانية عليكي ؟<<<<<<السؤال ليس موجهة لبنت الشرقية بل لكل من ينتمي لعالم حواء :)



موضوع قوي اختي بنت الشرقية لا تحرمينا من هذي المواضيع الي تحشري فيها الحريم :)

[ام المقداد]

اعوذ بالله من هالموضوع اللي يسد النفس والتنفسhttp://www.qassimy.com/vb/images/nasserqassimy/ama222zed.gif
مانب مشتهيتن آكل لمدة خمس دقايق اففففف http://www.qassimy.com/vb/images/nasserqassimy/Sugarw065.gif
بس مضطرين نجاوب لعيون بنت الشرقيه http://www.qassimy.com/vb/images/nasser/hq1surt.gif
ياربيه http://www.qassimy.com/vb/images/nasserqassimy/s2222222ad.gif

اين ستقضين هذا اليوم ؟ 24ساعه وش تبين تسوين فيها؟
بلاشك اقضيها بالحوش اسوي تمارين التحميه لإستقباله http://www.qassimy.com/vb/images/nasser/039fff.gif
ولابد من الاستعانه بعربجيات الحاره مثل
آنسه مطنشه وشقرديه وسيدة الحور وام البراء..http://www.qassimy.com/vb/images/nasserqassimy/csdsd14g.gif
الباقيات كلهم ياي يمكن يدقونن انا من اللحسه http://www.qassimy.com/vb/images/nasserqassimy/Sugarw015.gif
شفتييييييي وشلون عاد لاقضينا منه عطيناه http://www.qassimy.com/vb/images/nasser2/m_tt.gif وقلنا له رح ياقلبي للجديده ..
***
كيف ستقابلينه بعد العرس ؟يعني بعد24الساعه
تش وام التشاتش http://www.qassimy.com/vb/images/nasserqassimy/o2222h.gif
ولايبي يجيتس بعد 24 سنه كثري منها والله يانتي تسمعين بالتفائل http://www.qassimy.com/vb/images/nasserqassimy/Sugarwa011.gif
***
هل تودين مشاهده الزوجه الثانيه ام ترفضين اي صله بها ؟
اي والله ودي بها http://www.qassimy.com/vb/images/nasserqassimy/40ghr21.gif
***
هل ستخبرين اولادك بأن ابوهم بيعرس ؟ وخصوصا اذا كان مغبي عليهم العرس؟
لامانب معلمتهم الا عقب ..لأن نفسياتهم بتتأثر
ولاودي يشوفون ابوهم بهالصوره http://www.qassimy.com/vb/images/nasser2/giljotiini.gif
***
تسلمين على موضوعك المر الله لايجيب شر..
اقول كرباج وميدوو
لايكثر الحين كل ذا حسد..
آخذين عمادة العزاب بالمنتدى http://www.qassimy.com/vb/images/nasser2/wheelchair.gif
ومنقهرين ودكم كلن يعرس..
ورا ماتبدون حالكم بالخير لاياما للغنيمه http://www.qassimy.com/vb/images/nasser2/sneaky.gif

[iiigil]

وهي ليش زوجك يبي يتزوج ثانية عليكي ؟؟؟؟؟؟

لانه غبي ومغفل لو فكر

ايه اي رجال يفكر يعرس بثانيه غبي

وهذي شهاده من احد المعددين ,,,,,

امسك عنزك لايجيك اعنز منه ,,,,,,,,,

[بنت الشرقيه]

بنات بسم الله علينا
الله لايجيب ذي الليله الي يعرسون رجالانا علينا
بس انا حبيت اعرف ردود افعالكم

وابجاوب عن نفسي



اليوم المشؤم وزوجك بيتزوج لا محاله والليله سيدخل قفص الزوجيه الثاني
اين ستقضين هذا اليوم ؟ 24ساعه وش تبين تسوين فيها؟

اول شي بجلس في الغرفه وابكي بكاء هستيري مررره
وابطلع شنط السفر واحطها على السرير واجمع اغراضي فيها
وطبعا بيصير حوار بيننا يمكن هواش يمكن حوار هادي يمكن طقاق يمكن مايصير حوار ولا كلمات
هذيك اللحظه وطبعا
لاشفته ماهون برجع ابكي

ويمكن اكلم ابوي يجي ينقذني من هاالمصيبه
بس امي ماراح اعلمها تنغث المسكينه



كيف ستقابلينه بعد العرس ؟يعني بعد24الساعه

يمكن مايشوفني ويمكن يشوفني
بس الاكيد اني بكون منهاره ويمكن في المستشفى مصدومه
واكيد مازلت ابكي واكيد بيعطوني مهدئات ومسكنات


هل تودين مشاهده الزوجه الثانيه ام ترفضين اي صله بها ؟


مابي اشوف وجهها ولا طاريهااسمعه



هل ستخبرين اولادك بأن ابوهم بيعرس ؟ وخصوصا اذا كان مغبي عليهم العرس؟

اكيد ماراح اقول شي بس ما اعتقد انهم بهاالغباء اكيد بيحسون ان مصيبه
حلت علينا



اخيرا الله يكفينا الشر ويخلي لنا رجالنا ويبعدهم عن امثال كرباج وميدو
الي ماصدقوا على الله يجيب احد طاري العرس










وهذا قليل من كثير اكيد بسويه

[رفآت]

بنت الشرقية ،،،


من الصعب أن أتخيل نفسي وأجيب عن أسئلتكـ !!


وذلكـ لشدة الأمر علي فقط عندما تخيلت،،


ولكن لا تعلم الواحدة منا فلربما يرزقها الله التماسكـ والصبر عند وقوعه ،،


وسمعت من القصص الكثير ،،


ولا أملكـ الا أن أقول راجعي هذا الرااابط ،،للفائدة ،


http://www.buraydh.com/forum/showthread.php?t=70971


مع فائق إحترامي على الموضوع الـ:15[2]:

[بنت الشرقيه]

ام البراء جزاك الله خير

لطرح الرابط

لكن اعتقد انه عند حصول الامر لاتملك كل مرأه عن الاخرىالارده فعلها هي وحدها

اختلاف ردات الفعل هو ماجعلني اطرح الموضوع

اخيرا اشكرك لتفاعلك

[نجمة سهيل]

(( والله ياهو يبي يشوف رقعة وجهي))

واللي يهواك أهواه ..... واللي يظرب بمشاعرك بالحائط إنساه

وعياله بحلقه ولو أني أبنهبل شوي عليهم

بس والله وبالله ماخليه يتهنا


حرام عليكم على هالموضوع ........فقدت أعصابه

[العندليب]

معليش أدي إني خطمت بس >>

ولايبي يجيتس بعد 24 سنه كثري منها والله يانتي تسمعين بالتفائل

هههههههههههههههههه والله صدق .. يبيله أسبوع :)

[بنت الشرقيه]

الاخ كرباج
الله يعين مرتك عليك
ويزيدك من خيره اجل بتعينهم على العرس
شكلك بتطيح بزوجه توريك نجوم الظهر الله العالم


الاخ مقبل المقبل
اصابعك ماهي سواء الرجال شكلهم كلهم مثل بعض
ماتجيب طاري الزواج الثاني الا وكلكم تصيرون مع بعض حتى لو انكم ماتعرفون بعض
بس ان جاء الصدق ويبي يتسلف منكم حطيتوه مصخره
وقلتو عليه ماعنده قروش ويبي يعرس


الاخ ميدو و
ايوه انشب بحلق كرباج والاخ مقبل
ابي اشوف هم بيعاونونك ولا لا
خصوصا الاخ مقبل هو بيوصلك للقصر


الاخ العندليب
انت ليش متشائم يمكن يكتشف انه ماله غنى عن ام العيال وهي الاصل
ومتحسف انه اعرس
عشان كذا راجع بعد24 ساعه

-------------

عزيزاتي الله يقويكم وينصركم على من ظلمكم

الانسه مطنشه
تعجبيني من جد

الامبراطوره
الله لايلوم المره المسكينه وحالها مع الزواج الثاني

ام المقداد
عجبتني اجوبتك من جد

نجمه سهيل
ياقويه تعجبيني

تسلمون على المشاركه

[هامة حاسوبية]

أقول ياساتر وش هالهرج >> تراه عصبيــــــــــــــــــــــــــــــــــــــه

بعدين زين جذي ؟؟ >> تراه قلبت كويتي

خليتونا مصخره للرياييل ؟؟!!

ياحبهم لطااااااااري العرس والتعدد

والمشكلة إن الواحد لا خذ بس وحده ماله خلقه ولا يقعد بالبيت

من وين جت النفس الزينه والوقت للمرة الثانية مادري !!