المساعد الشخصي الرقمي

مشاهدة النسخة كاملة : تحية عسكرية للمنتدى من طيرة البـر ( صـورة ) !!


ثامر الناصر
11-02-06, 03:58 am
السلام عليكم ..

هلا والله بكل الاحباب هون بالمنتدى >> مسوي لبناني على هالفجرية !:14[1]:

تفضل وخذ راحتك >> هذا شعار القسم .. وانا عاد اباخذ راحتي تقل اسولف على خواني خربانه خربانه http://www.buraydh.com/forum/images/smilies/19.gif

مالكم بالطوالة ..

اليوم مسكت حنا واهلي وطلعنا والله للبر الجو حلوو .. والارض ممطرة ماشاء الله تباركـ الله قلنا فرصة ماتفوت الصراحة .. المهم ضفينا قشنا انا واهلي ومعنا ناس ( ماعليكم منهم ) وطلعنا 5 سيارات ورى بعض >>كاشتين والا رايحين نهاوش !!:D

وقلنا ياولد يمدحون ابلق الصراحة . تعرفون الناس كلها بالطرفية .. بس حبينا نخالف هالمرة قلنا ابلق ابلق يالله .. ودوس لم ابلق الصراحة يوم وصلنا هناكـ ماتوقعنا ان الارض كذا .. الارض خضراء كلها وربيع وفياض وخيرات ماشاء الله والله يديمها نعمة ان شاء الله ..

ووصلنا ابلق ( اللي مايعرف ابلق .. تقع شمال بريدة بطريق الوطنية >> دور الوطنية عاد )

وفلينا فرشنا وبدن الايدين والرجلين اتصافق الصراحة من البرد القارس هناكـ .. ماتعودنا هالبرد >> يااااي

يوم وصلنا الى هالربيع بوجهنا >>>> صورة على الطاير قبل ماننسى :

http://brbrbr.jeeran.com/د4.jpg

ياحظه اللي طالعن ظهره ( اشتهر شكله هههههههه )

وجلسنا وشبينا الضوية وصارت الجلسة انما ايه الصراحة .. بس البرد لازال يوجع شوي :6[1]:

وبدوا هالبزران يتمشون بهالربيع والفلات ولعب .. والشيبان بدوا يجمعون بسباس وقريص >> مالي خلقه انا <<

ومن بين هالبزارين صورنا لكم بنت اختي الدومي ( تصغير ديما ) >> التدليع اكبر من الاسم نفسه :b3:

صورتها وهي تطق للمنتدى تحية ( كلاكـ ) وكانت الصورة رهيبة الصراحة وهذي اللقطة :

http://brbrbr.jeeran.com/د1.psd.jpg

بس نبي نجازيها التحية باليمين ماهي باليسار .. >> لاتفوتكمـ الفروة عليها بس هههههههههههههه قولوا ماشاء الله

المهم وبدينا نتمشى بالمشروع >> نسيت اقولكم .. حنا الحين بمشروع الشيخ صالح السليم

والصراحة مكان رائع .. وجزاه الله خير على فتحه للمشروع للمكاشيت والناس وهذي من عادات الرجال ..

المهم وانا امشي .. والا اللي يجرني مع ورا >>> نانر البب دين <<< اتحدى اللي يفهمها له ريال .. ؟؟

وهذي اللقطة التالية في وقت كلام بنت اختي ( ياحبيلها ) :

http://brbrbr.jeeran.com/د2.psd.jpg

عاد واحنا جالسين ومابقي الا شوي على الروحة مسكت على هالصورة وتصدقون حاولت اكثر من مرة عليها ويالله ضبطت .. يقاله ضابطه الحين ههههههههه ( مسوي الشماسي بالتصوير ! ) واليكمـ اللقطة :

http://brbrbr.jeeran.com/د3.jpg

يقالي جايبن الكاميرا سحاحي هههههههههههههه:19[1]: بس ولله الحمد ضبطت ..

ومع قرب المغرب متنا برد الصراحة .. وقررنا ندخل للديرة ( الخشم احمر من البرد الصراحة ) ..

وانتهت الرحلة لابلق وكانت على قصرهاالا انها رائعة بروعة المكان والجو الصراحة .. وهذا مااحببت فضحه لكمـ

وان شاء الله تكونوا استمتعتم بالهمق والقرقر الكثير هههههههههههههههه .. ومع سلطانكو يحلى الهمق ..

ودمتمـ

رفآت
11-02-06, 04:05 am
:18[1]::18[1]:

رفآت
11-02-06, 04:08 am
مـاشـــــــــــاء الله ،،


أول مره أسمع بالمشروع هذا ،،،


حطلنا كروكي <<< مشينا !!


ياحبيلها >> نانر البب دين <<

يعني:

ناضر البر زين !!:17[1]:


يـــالله وين الريـــــال !!!

السنترال
11-02-06, 04:40 am
أخي العزيز ((( سلطانكو ))) صراحة قصة طلعتكم مؤلمة جداً فيها شوي من الرعب لاكنها شيقة جداً.
تستاهل من يضيع وقته ويقراها ؛؛؛ وبصراحة تعودنا دائماً على سعة صدرك ومرحك يالمغترب ..
بس أني تذكرت واحد صديق قديم قبل تقريباً ( 5 ) سنوات يقول إذا بغيت أشرب يعني ( يسكر ) يروح لم قاع ابلق بس ما أدري هو مكانكم اللي كشتوبه ولا غيره . بس عموماً إذا كنت شفت قوارير خرش بالأرض تراهن حقات رفيقي الله يذكره بالخير ويعفي عنه .
وتقبل خالص احترامي ؛؛ ؛

SilVeR
11-02-06, 11:58 am
ما شاء الله طلعات وفلات :) ...

روعة الجو ..

والتصوير لك عليه ...


بالنسبة للغز ..


( ناصر البر زين ) :) ....



:: محبك ::

ابوصــقــر
11-02-06, 12:00 pm
مشكوووور يل سلطانكووووووووووووووووووووووووو


والله الطلعه حلوه والبب دين مره مره""""""""""""""
""""""""""""""""""""""""""""""""""""
""""""""""""""""""""""""""""""""""""""""""""""

Miss_Autumn
11-02-06, 12:15 pm
.
.

اللــــــــــه الله ... :)
.
اجل جاكمـ البر وحنـــا با بعـــد جانا....! :(
.
.
بــــــــس الربيييع ماشالله ..... ما كأنكـ داخـــل البلد... ((لا واللــه.....!!))
.
.
وتحيـــــــــــة عسكـــرية ((باليمين))خخخخخخخ ... للدووووووووووومي.... :)
.
.
:)
:)
.
.

شخصية
11-02-06, 12:46 pm
يـــــــــــاحنينوه .. ( للبنية مهيب لك :) ) ..

خـــــــــــــــالـــــــــد
11-02-06, 02:02 pm
اخي سلطانكو المغترب


ماشاء الله كشته ووناسه وربيع



امتعتنا بسويليفاتك وشوقتنا لرؤيه الربيع في ابلق

نانر البب دين

الترجمه المتوقعه

ناظر الجيب زين


يلا عاد ارسل لي الريال اعطيك رقم حسابي؟؟؟ خخخخخخخخخخ

الشماسي
11-02-06, 04:29 pm
ابلق

والله الأرض (مربعه) وممتازه جداً أحسنتم الأختيار
كم كيلو تبعد عن بريدة
وأي طريق بالضبط طلعتوا له


نانر البب دين

أتوقع

ناظر البر زين ... ولا لا !!


http://brbrbr.jeeran.com/د3.jpg

ياخي لو انا داري أنك تبي تسوي زيي
كان أرسلتلك الكاميراء بكبره >>> أنشحط :20[2]:


بس أشوف أنه مناسب لقسم الرحلات وأنت حرّ:17[1]:


ومع التحية

ابوغاده
11-02-06, 04:42 pm
يالله دايم روعه في كل شئ

تسلم اخوي الظاهر ان الاعضاء ماخلو شئ ما قالوه تسلم اخوي






























بس في شئ























اللي في الصوره الاول مين انت؟

ثامر الناصر
11-02-06, 05:42 pm
شكرا لكمـ جميعآ ..

ام البراء ..

أول مره أسمع بالمشروع هذا ،،،

هذا ياخيتي قبل الكوبري حق طريق حائل وجامعة القصيم فيه مفرق يودي للوطنية .. تمشين من عنده 23 كمـ بالضبط وتحصلين المشروع على اليمين ( دليتي الحين ) يقاله هي اللي تسوق >> ماعليكـ روحي مع الذاهبة تراها نمبر ون سواقة ..

يعني:

ناضر البر زين !!


يـــالله وين الريـــــال !!!

تدرين وش الزين بكـ .. انكـ قطعتي الريال وخطفتيه قبل الشفوحين هههههههه ماشاء الله مبروكـ لك الريال وان شاء الله عقبال ماتحطينه بالاسهم .,. كم رقم الحساب .. ؟


السنترال ..

شكرا للاطراء منكـ .. بس خربتها بالاخير .. الله يكفينا شر خويكـ يالغالي .. قاضين هههههههه..

والله يهدي خويكـ وجميع المسلمين ان شاء الله من كل سوء ..لا ماشفنا شي ولاقوارير .. الا قوارير الطيور اللي يصادن بس .. واحد برئ !


د/ المعتصم ..

ياويلي مايعرف يجامل بالتصوير .. بس اعجبتني صراحتكـ .. لاني مالي بها الحقيقة ..

بالنسبة للغز ..


( ناصر البر زين )

ناصر والا راشد .. قصدكـ ناضر صح .. بس اكلت النقطة .. والاجابة صحيحة بس الريال من راح لام البراء ..

قلها تعشيكمـ به تراه يكفي ههههههههه ..


ابو صقر ..

هلابكـ يالغالي ..ايه والله البب دين مرة .. والله يديم هالنعم يارب ..


*+*Miss*Autumn*+*

هلابكـ .. ايه والله ولله الحمد البر رائع بالفعل .. والربيع ماشاء الله .. لايفوتكـ يالله يمديكـ ..


شخصيـة ..

تسلم والله >>>>> واحد وده ان ياحنينه له ههههههههههه .. اهلا بمروركمـ يالغالي ..

ودمتمـ

جناان
11-02-06, 09:24 pm
شكلنا تأخرنا
وراااحت الجايزه لام البراء خخخخخ

وجلسنا وشبينا الضوية وصارت الجلسة انما ايه الصراحة
والله وناااسه هذا اهم شيء >>>شوقتنا لروحة البر :rolleyes:

سلم على الدومي يمليحته مشاء الله
وتسلم سلطانكو دااايم تحرنا بالصور
هين ابجيب الاسبووع الجاي صور رحلتنا > وابحركم به :g5:

العندليب
11-02-06, 11:54 pm
رحلة ممتعة .. زينتها صورة تلكـ الأميــرة ((الله يخليه لأميمته)) ..

ابو وليد .. تقرير رائع .. ناقصه صورتكــ ..

ثامر الناصر
12-02-06, 02:22 am
شكرا لكمـ ..

خالـــــد ..

شكرا لكـ والله يخليك يارب .. واكيد البر وناسة الصراحة .. بس برررررد ياي يقرص ههههههههه

الترجمه المتوقعه

ناظر الجيب زين


يلا عاد ارسل لي الريال اعطيك رقم حسابي؟؟؟ خخخخخخخخخخ

سبقتكـ بها ام البراء .. >>>>>> قايل لكمـ تقاسموا هالريال كلكمـ ههههههههههههه


الشماسي ..

هلابكـ يابو صالح ..

والله الأرض (مربعه) وممتازه جداً أحسنتم الأختيار
كم كيلو تبعد عن بريدة
وأي طريق بالضبط طلعتوا له

ايه والله الارض زينة الصراحة .. وماتبعد الا 30 كمـ عن بريدة فقط .. ارخص ههههههههههه

والطريق هو من عند طريق حائل ( الكوبري ) باتجاه مشروع الوطنية قبل المشروع بـ 3 كمـ على اليمين .

ارض رائعة ومخضرة الحقيقة وفياض ماء فيها ماشاء الله ..

أتوقع

ناظر البر زين ... ولا لا !!

صحيح .. بس يالله يمديكـ على ربع الريال من ام البراء هههههههههه امسن فالكـ ..

بس أشوف أنه مناسب لقسم الرحلات وأنت حرّ

ماأخفيكـ اني كنت ابحط الموضوع هناكـ .. بس قلت مادام فيه قرقر كثير .. وسواليف خلنا نحطه هنيا والله .. والرحلات ماابطيت منزلن موضوع فيها .. قلت اخاف مااعطى وجه انزل كل شي فيها ههههههههه خلنا نجرب السواليف هنا ..


ولد يسوى بلد ..

هلابكـ اخوي الغالي .. الاهم هو مروركمـ ..,


اللي في الصوره الاول مين انت؟

لا انا اللي اصور وشلون يصير انا ههههههههه .. هذا اخوي الصغير ..


ودمتمـ

جلنار
12-02-06, 04:10 pm
صور زيييييينه ..



بس هذي ديما .. طيب ريماا وين !!



مااا صورتها مع اختها ...


وبعدين ليه ماكزيتو لنا من ((( القريص والبسباس ))) ^_^

إحساس رسام
12-02-06, 04:12 pm
مشا ألله الأرض مربعة.........


الله يديم عليكم بصحة والعافيه ........ إنشاء الله..


مشكوور أخي سلطانكو على الفضيحه ههههههههههه...

ثامر الناصر
13-02-06, 02:31 am
شكرا لكمـ ..

جناااان ..


شكلنا تأخرنا
وراااحت الجايزه لام البراء خخخخخ

شوية تأخرتي .. الحين ام البراء اشترت بالريال وانتي تقولين ( شكلنا !! ) ..,

شوقتنا لروحة البر

يالله وش مشغلكـ .. شغلي ورحي للبر >>>>> قصدي قولي لابوكـ شغل وقووة للبر ..

سلم على الدومي يمليحته مشاء الله
وتسلم سلطانكو دااايم تحرنا بالصور
هين ابجيب الاسبووع الجاي صور رحلتنا > وابحركم به

ان شاء الله يبلغ السلامووو .. ويالله بانتظاااار الصور لكشتتكمـ .. ياجنااان .. وحرينا بها هههههههههههه


العندليب ..

رحلة ممتعة .. زينتها صورة تلكـ الأميــرة ((الله يخليه لأميمته)) ..

ابو وليد .. تقرير رائع .. ناقصه صورتكــ ..

هلا ابو شهـد .. الله يخليكـ .. والله يخليها لامها ان شاء الله آمين ..

وش رايكـ نشبكـها مع شهد ه :) ..

اجل باقي صورتي هههههههههه ناوين فيني مثل الرجال الدكتور هههههههههههههه ..

ودمتمـ

ثامر الناصر
14-02-06, 11:44 pm
شكرا لكمـ ..

جلنار ..

طيب ريماا وين !!

هلابكـ اختي .. بالنسبة لريمااا ماتحب الظهور الاعلامي الحقيقة ههههههههههه


وبعدين ليه ماكزيتو لنا من ((( القريص والبسباس ))) ^_^

كم رقم البريد .. او لوحة سواقكمـ اوقفه واعطيه القريص ههههه


احساس رسام ..


مشكوور أخي سلطانكو على الفضيحه ههههههههههه...

اي فضيحة الله يستر يارب ههههههههه.. شكرا لمروركمـ اخي الغالي ..

ودمتمـ