آعتـبـركـن اخواتـي ومابـه شـيء لو أخذت رأيكن < يا عيني عـ الأدب

[هاجــــــــــد]

السلام ختام
قصدي السلام عليكم


اولا اعتذر عن اني دخلت عرض على قسمكم
بس قسم اني ما جيت الا بآخذ رأيكم < يترااجـد

ولا تحسبون بأجي ثانيه اول مره واخر نوبه .. يعني ترا اي والله اني يعني خلاص ....

المهم

الواحد بالكون يحب امه صح ولالا

وانا بصراحه ودّي اهدي لأمي هديه
من عرفته وهي تجيب لي بجامات وقمصان وشرّاب وتكميلات < طبعا هذا كان قبل سن البلوغ يوم انا بزقتن بالدعيسـه

والحين وبعد ان اينعت على القطاف < الاخ زهرة شكله
حبيت اني اشتري لأمي هديتن متواضعه
خصوصا اني آخر العنقود اللي بشجرة بيتنـا

وخصوصا ايضا امي كبيره بالسن الصغير
يعني ان شفتنّه قلتن كبيره وان شفتنّه متلبسه وكاشخه قلتن ماشاء الله منهي بنتـن له ذي

هههههههههههههه يا حبي له بس الله يخليه لي

فـ وش رأيكم وش اشتري له هديـه
طبعا لا تقولون كان فلوسك كذا ولا كذا
قولوا بس وش اجيب يعني وش الشيء اللي تحسون انه يعجـب أمي

واحتريكم عند الدكّـه *_^



هاجـد

[سيدة الحور]

السلام عليكم ورحمة الله وبركاته

أشتر له مقطع مخمر ودهن عود وعلك حريم (لبان) وحطهن بصندوق وغلفهن وحط معهن درع<<:36_2_4[1]

الله يخليه لك ويرزقك بره قل أمين.............

سانه رأعية لبس ذهب أشتر خاتم والا دلعه ولا ساعه أنت بس أجزم وتلقى المناسب له <<ورط:b3:

[ديز ابي]

الله يخليك لأمك ويخلي أمك لك .. قل آمين


خواتي .. رايكن >>> يعني مالي دخل بالموضوع

[كرباج]

طييب اخواني مايصلحون !!!

تشاااااااو

[iiigil]

مرااااااااااحب

انا اخوي الصغير اهدا امي قميص مخمل بس حلو مع شوز دس <<يعجب الأمهات ..

والقميص شراه من السدحان الكبير ....واكيد عندكم في سامره هوايل...

واخوي الكبير اهداها بيبي اباتشي

[DeWDrOp]

جب لها شي تشخص به على الحريم


جدتي تنهبل اذا جاها شي مميز

[ريــــــــــانه]

السلام عليكم ورحمة الله وبركاته

هلا هاجد ولا تعود لها تدخل خخخخخخخخخ


الذهب مناسب اذا هي تهتم فيه....

ولا دهن عود مخلط من الماجد روعه ريحته اسمه : العاذريه ...بس لزم تعرف هي تحب العطور والمخلطات ولا لا ....


والله يخليه لك


تحياتي

[رمـــ نجد ــايل]

الله يخليك لمك ويخلي أمك لك وأخواك

أنا أشير انك تجيبله

طرحه كشخه كشخه

كسوه زينه لاحظ وش ألألوان اللي تحبه

دهن عود فاخر عاد همك انت وخشمك

وخاتم عيار 24

ومهب كثيره أمك هي امك حلوة اللبن

مشاء الله هاذي الجذاعيين اللي تستحس بمه

مهب مثل غيرهم

[امرؤ القيس]

ليش تسأل الحريم بس وحنا مانعرف ؟

يااخي شف 00

اذا كانت امك عمرها بين الثلاثين والاربعين 000 جب لها طقم ذهب !! او ساعة سويسرية يعني ام 5000 وفوق لاتصبر بخيل معها ( بقيمة عددالبجامات اللي اشترت لك )

اذا كانت امك من الاربعين حتى الخمسين 00 اشتر لها فستان او عبايات او احذية يعني ماركات !

اذا كانت امك من الخمسين حتى الستين 00 اشتر لها سجادة صلاة واشرطة دينية لابن باز وابن عثيمين رحمهم الله

اذا كانت من الستين حتى السبعين 00 اشتر لها قرع ونجد وكوسة وقرصان

اذا كانت من السبعين حتى الثمانين 00 ودها لمكة ويكفي

اذا كانت من الثمانين حتى التسعين 000 والله لو تسويبه اي شيء تبي تقولك ايه وش عقبه !!


الله يخليه لك ويخليها لك 00تراها مداعبة ====> واحد خايف

[عزف الحقيقة]

اخي العزيز00هاجد00

اهلا بك00

ليس هناك شيء أجمل واعظم من الهدية00بالهدية تملك القلوب الصماء00وتترنم القلوب البكماء00

للام دهن عود فاخر000سجادة صلاة مع علمي ان امك يمكن عندة خمسين سجادة!!! لذلك سو له سجادة بواصفات

عاليه شبه تفصيل00

جب له شحنة من الكاكاو والبساكيت والفيشار يعني جب له ( شرط ) عشان توزع على البزران00

والاجمل خذها للعمره خطافية0

اتمنى لها ولك طول العمر0

لك الود0

[خـــــــــــــــالـــــــــد]

اخي هاجد


الله يخلي لك الوالده ويطول في عمرها

احسن هديه للامهات الكبار ..

اما ذهب خاتم وما انصحك الذهب غالي هاليومين

او ساعه

او دهن عود

و سارسل لك على الخاص اسم مخلط تلقاه بالسوق اشتريت منه هديده لوالدتي وبعض بعض قريباتي

[السنترال]

اشتر لها شنطة وبوك طقم من النخيل وتكون هادية طبعا وعموما احسن هدية برك لها وتقبل تحياتي

[هاجــــــــــد]

< هذا المستخدم تورّط ما يدري وش يقـول

أولا اعتذر عن الشباب اني ما دخلتهم بالموضوع
بس بصراحه نسيت انكم اخواني
بس اخاف تغارون وتقولونا امك امنا وشوله تشري له وحنّا لأ
عاد قلت الاخوات ارحم منكم خخخخخ

< ما يمديك تلف



:: سيّـدة الحـور ::
تسانه راعية ذهب اشتري له خاتم ولا دلعه ولا ساعه < الاخت ساعه خاطمه بالسالفه
لكن مهب مشكله ،، وتسلمين على مباردتـك ..


:: ديز أبي ::

امين يارب
ولا اشوفك داخلن عرض هنا f10


:: كربـاج ::
تصلحون ولا تخربـون خخخ
عطنا اللي عندك يا بعـدي


:: انسه مطنّـشه ::
الله يخليه لكم
شوز دس < انا قلت يقطع ام الهديّـه الغاليـه
هههههههههههه
أثاريـه.. تشـوز دس
يعني نعال كوبيـه خخخخ ( أعزكم الله )


:: DeWDrOp ::
يخلي لك ربي جدتك
والله والعالم إني بأطق لأمي فياقـرا مرسيدس 2012 < هههههه


:: ريّـــانـه ::
لاصار قسمك هاوشي < بزع الولـد
العاذريه ؟؟
ورا ما اشري له طيب الثمامه اطلـق :)
تسلمين على مبادرتـك ..


:: رمايل نجد ::
< يبي يقلب على البنت ...
قلتي في كلامك :: (دهن عود فاخر عاد همك انت وخشمك )
وش قالوا لك يعني خشمي غير مخصص للشـمّ .. ؟

وأيضا قلتي :: ( وخاتم عيار 24 )
شكلي بأتحارب انا وأمي
مشاء الله هاذي الجذاعيين اللي تستحس بمه << تلاحظن وتسـن البنت غلطت علي
< يبي يعلم امه خخخخخ


:: العلـقـم ::
والله يا تفسيرك بالثمنيات جاي هههههههههههه
وتسلملي والله عـ التعب والجـهـد


:: نـزف الحـقـيـ ـقـة ::
وانت بعد جبته مقصّـيـه
* مكه .. شـرط .. سجـاده < اول تفكيـر الأم
وتسلم على خطماتك يالغالي ..


:: خـالـد ::
امين يارب
عاد انت اتفاهم معك على الخـاص

:: السنترال ::
تسلم لي والله على هالمبارده الجميله منك :)
واتمنى لك ايام حلوه في هالمنتدى ( بما أنك جديد )

***

إلى كل من شاركني في اختياري للهديّـه
اسأل الله عز وجـل أن يطيل في عمر والديه وأن يرحمهما ( إن كانهم ميتين )

ووالله ان صدري انشـرح وريحتـون
وبكذا تشجعوني اني استمر على هالشيء وانا ما بديـت فيـه

وبالنسبه للهديه لا شريته وانتهيت وكل شيء علمتكم ...


وآسف على الإطالـه < أحلا يا أدب انت


هاجـــد ..

[DeWDrOp]

هاجد فايقرا


ترى عاد اصير لك ام مع امك ان بغيت

[هاجــــــــــد]

ههههههههههههه


حياك الله بأي وقت

< ماخذ المسأله بشكل عادي


هاجـــــد

[هامة حاسوبية]

::هاجــــــــــــد::

وأنا بعد تراي جدتك

هماك هاجد ولد عمر

يعني ولد ولدي

يله وين السياره >> الله ياجر الرجل تورط بالعجز

[هاجــــــــــد]

وأنا بعد تراي جدتك

هماك هاجد ولد عمر

يعني ولد ولدي

يله وين السياره >> الله ياجر الرجل تورط بالعجز

< إننننننننننننشب بتدشد الخاء < أو ماله دخـل

هههههههههه

طيب كلكم اهلي وكل شيء

*_^

[تاج طيبه]

أخي هاجد مو شرط إيش هي الهديه أهم حاجه تيجي من أحد أبنائها

تاني حاجه أي شيء تحبوا الوالده إشتريه أكيد موخساره فيها

تالت حاجه رضاها تم رضاها وماتزعلها أبدا وهادي أجمل هديه بالنسبه للأم ( مجربه )

معليش على الرد المتأخر

وفقك الله لما يحب ويرضى

أختك تـــــــاج طيبـــــه

[العبرى]

الذهب يقولون غالي الحين

بس أشوف إن دهن العود والمخلطات

هدية جداً رائـــــــــــعة وفخمة

تنفع للأم مهما كان عمره

[د.سميحه]

اخي هاجد ...... نصيحه لك ولجميع الاخوه...

الامهات يعشقووووووووووووون الاواني المنزليه.... خذها الى( الصانع) تشري اللي نفسها فيه وقل لها هديه لك.......

والسلام

[ام عزيّز]

هههههههههههههههه والله تفاعلت مع موضوعك اخوي >>>>>>>تقول متى يكبر ولدي عشان يجيب لي شيء

والله وجهة نظري انك تشري له كيسة حلويات من العليان لان الامهات يحبن الشرط على البزران... الا عاد ان تسان امك متمدنه فانت اشر لها صحن حلاو من روز >>>>>>>> من حبها للحلاو تحسب كل الناس مثلها

تشكرااااااااااااااااات

[هاجــــــــــد]

تاج طيبــه

شكرا على النصيحه يا اختي العزيزه < بدا يمون الولـد ههههههه


العـبــري
شكلي بأهدي لأمي كرتـون عبـري ومعه اربـع حبات كليجـا ههههههه عن قولت
تشكرات على دخولك للموضوع


الدختوره سميحه ..
آخذها مو حلوه
انا ودي اشتري لها هديه مفاجأه
والأخوات وبعض الاخوان ماقصروا هنا نثروا لي السوق كلله ههههههههههههههههههه


أم عزيّز
الله مير يخلي لتس عزيز ويسخروه لتس < دعاء الزوجـات هههه

وتسلمين على دخولك ولو انه متأخر بس زين انه بأول الدراسه
وان كانها واقفتن على العليان
فهو بجنب بيتنـا لو ابي اروح لمه رجليه :)

بس من ناحية حلويات ما اظن امي من العجز .. احم قصدي ما اظن امي من البنات اللي يحبن الحلويات < يخاف تدقّـه امه
وزي ما قلتوا الله والعالم اني بأشتري له دهن عود وبعض الحاجات الخفيفه


إلى كل من رد علي في هذا الموضوع

اشكره من كل اعمااق اعمااق اعمااق خزانات قلبي :)


ولا مني شريت الهديه لأمي صورته وحطيته لكم احم احم
هههههههههههه

اخوكـم
هاااجـــــد

[جناان]

ههههههههه
هاجد ما صارت هديه :b3:
شكلك تخطط لهدية عيد الفطر القااااادم على هالسرعه خخخخخخ
خلك عجل >> تقل له الهديه ههههه
الله يخليك لميمك ويخليه لكم

[هاجــــــــــد]

أصــلا ماتدرين
الله والعالم ان الهديه تبي تطلـع عماره خخخخخ ناطحت سحب
وكل اللي قلتوا بأحطهن به


قريبه الهديه الله يجيبه :)



بـي آر بـي




هااجـــــد

[وسن]

دهن عوووووووووووووووووود..من الغالي لا اوصيك..والله يخلي الوالدة

[ام المقداد]

اممممممم هديه لأمك :12[1]:
على حسب القدره الماديه..
اذا عندك اشتر لها ساعه رولكس ..فيه رخاص بخمس الآف
وحلوات..
اذا الحاله تعبانه :29_1_8[1] فمالك الا طقم زمزميات فاخره
ماتتعدى خمس مية ريال..
والله يرزقك بره ويطول بعمره..

[هاجــــــــــد]

وســن
دهن عود دهن عود < كلن يقول دهن عود وهذا الظاهــر
وجزاتس الله كل خيـر


ام المقداد يا ام مقدادووهـ :)

لا تقولين اذا عندك او ماعندك ..
مهما كان عندي ولا ماعندي
هذي امي تسوى الدنيا والكره الارضيه والكواكب الشمسيه :)

وان شاء الله تاصلالهديه
بس ادعــوو :)



هااجـــد

[~مجنونه*بس*حنونه~]

هلا والله باخوي هاجد بصراحة قريت كل الردود حقت اخواتي قبلي واجمعت ان الهدية المناسبة ستكون كالاتي <== حسن كراني يقدم درجات الحرارة :)



تشتري صندوق فخم وحلو تعبيه ورد مجفف او طبيعي اذا حبيت وتحط لها جوال محترم شف لك نوكيا الجديد شكله خيااااااااااااااااااااااااااااال ومع مخلط محترم يكون بقارورة شيك ابد و غط الصندوق وحط لها كرت اذ كانت تعرف تقرا






اتمنى اقتراحي عجبك





سي يو

[هاجــــــــــد]

الله والعالم تبي تصفي على دهن عـود ..

والجوال والله هديه مهب شينه

بس اخاف تتلقف امي وتقول وين اسلاك وقراشيع جوالي عسا ما نسيتهن بالدكّـان < خخخخخ

ومن ناحية الكـرت احطه له لأني انا بأقراه ولا هي مهب عارفتن شيء


الله يخليه لي ولا يخلين منه :)



وتسلموون والله


\


/

http://swalef7loh.jeeran.com/ha-jed.jpg