فربينيا وكليجا الحريم ؟؟

[رمـــ نجد ــايل]

السلام عليكم ورحمة الله وبركاته

أخواتي أبي اللي سوت دعايه لهذا المشغل تدخل وبدون تردد

[جناان]

جاااك الموت يتاارك الصلاة ..ههههه

وش صاااير يعني هو زين والا شين >>> الحمد لله مااا سويت شيء خاافت خخخخخخ

[رمـــ نجد ــايل]

اول شي

هي أنتي اللي تمدحين فيه

ولا لا

[بتول القصيم]

ولله بعد مو انا !!!

[رمـــ نجد ــايل]

الأخت نجديه

عفوا
الحقيقه الكلام اللي أبقوله لا يمكن أن يتصلح

لأنه لا يمس ديكور أو إعادة صبغه

أو شي يمكن انه يتصلح

أللي راح أتكلم عنه يجب أنه يعرف من قبل جميع الاخوات

ان العاملات لا يجيدن العمل المهني والا الاسلوب الاستقبالي

ولا حتى إستقبال راي الزبونه.

هذي نقطه

النقطه الثانيه

واللي هي اهم شي أني الوحده رايحه تعدل ماراحت تشوه وتحوس وتخرب

فا اللي ودي اقوله

ان الشخص لا يحكم على شي ما جربه

وانا وما رأيت خير برهان .


الله يهديكم طايحين فيه تمدح قبل يفتح

وين الامانه هنا


الحقيقه الحقيقه إن أختي تدعي على شركة فرقينا واللي مدحه والعاملات

الغير مؤهلات


ولا ودي أقول وش سوو

وانا اقول (( حب لاخيك ماتحب لنفسك ))


مره أخرى أعتذر لمن يهمه الامر

[DeWDrOp]

خخخخخخخخخخخخخخخخخخخخخخخخخخخخخخخ اخيرا جا احد يبرد حرتي


اول شي الصالون اللي ببريدة مايتبع للي بدول الخليج الا بالاسم فقط




والاخت اللي تروج له ياانها مالكته ولا لحد من اهلها

لانها من سجل يسوي دعايات ويكتب مواضيع منقولة


ولايناقش في المواضيع النسائيه


واضح الهدف الدعايه

[صاحب سمو طبعي]

قطع الاعناق و لا قطع الارزاق

انا بصرحة لا استفيد من ما اقوله شي ولكن

قبل فتره وديت اختي للمشغل المذكور اعلاه

فبعد ما ركبت معي قالت بالحرف الواحد (اخيراً فتح ببريدة زي هالمشغل)

بعدين الدعايه اذا وضعت هذا اسلوب تجاري يدل على النجاح فاكبر العلامات التجاريه تضع دعايات.... واليهودي عليه لعنت الله اذا صار معه ثلاثه دولار سوى مشروع بدولار والدعاية بدولارين...........تعالي يا رمايل لا يكون عندك مشغل بس وسحبين السوق عنك !!!!!!!! امزح:a2:

ارجوا من الاخوات ان لا يكون المنتدى فيه اساءه لاحد سواءً شخص أو منشاه تجاريه

[رمـــ نجد ــايل]

أخي صاحب سمو طبعك

أنتم تطلبون أنه ما يكون في إساءه لأحد .شي طيب

لاكن ما تكلمتو عن الأمانه والشغل المحترف وأن الشخص ما يقدم على عمل إلا بعد ما يتأكد أن هذا العمل وراه شي زين ويجرب بعد إن كان السوق زين بالتالي يسوا دعايه لهذا المشروع المفتتح

وانا الحقبقه يوم اكتب الموضوع متكدره للي صار لأختي لاني معه

من الساعه الرابعه عصراً حتى التاسعه مساءً

والنتيجه × × ×

والمشكله انه مافيه إلا أنا وياه لازباين ولا يحزنون

كان ااقول بسبت الضغط .....حتى الضغط ما يوجب أني أحوس الزبونه

لاكن يخلف الله ..

[رمـــ نجد ــايل]

واللي ألله كاتباً له رزق .... فرزقه بيمشي لا يعترظ له مقال ولا شي

وإذا الله ماكتب للشخص رزق فلو يحط دعاية بأكبر شارع ببريده ما رزقه الله وهو وما كتب الله له

[الافق]

أحسنت أختي رمـــ نجد ــايل .. بإختيار العنوان ...

فربينيا وكليجا الحريم ؟؟ !!
صدق الحريم مايوخذ منهم كلام أو رأي .. فهذه أحدى أخواتي كانت تمدح هذا المشغل في السابق
عند إفتتاحة وقبل أسبوعين ذهبت إليه .. وأخذت تسبه بعدها..



ولكم تحياتي

[رمـــ نجد ــايل]

أخي الأفق

أنا والله ماقهرني إلا أنه يمدح قبل يشتغل

وقريباً .....وقريباً

ولا شفت إلا

خربيطاً ....وخربيطاً

والعجله شينه في أي امر كان لاكن ماعلى المشغل شره .؟؟الشرهه على

اللي أخذ بكلام أحد احسب الناس مثلي

لا يمكن امدح شي إلا بعد التجربه

منب من إذاعة يقولون

أما أخي الأفق

قولت الحريم ما ينوخذ برايهن بشي

لا الله لايهينك ينوخذ وينوخذ بعد .....لاكن راي مره عن مره تفرق

[أفكار مبعثرة]

وعليكم السلام

: )

..

الأخت رمايل نجد أسعد الله صباحك بكل خير
حقيقة هالني موضوعك وقوة طرحك ونقدك للمشغل
أخيتي لاأعلم كيف أحاكيك

ألا تدركين عظم الخطأ الذي ارتكبتيه بحق هذا المشغل وبحق صاحبته
أترضين أنت تكوني بمثل هذا الموقف

أكرر ماقاله أخي مسبقا
قطع الأرقاب ولاقطع الأرزاق

من ناحية نقدك على الدعاية المسبقة
فهذا شئ طبيعي

من فن الدعاية والإعلان أن يكون سابق لأوانه وينذكر فيه كل مزايا المشغل
ليه على بالك بيدخلون ويسبون فيه


ومو من غلطة وحده تدخلين وتسبين المشغل وتنتقديه ومو من حقك أصلا

كل مشروع لازم يكون فيه أخطاء في البداية
يعني خلاص اذا غلطوا مرة وحده على حسب كلامك
يقفلون المشغل
كان ماصار بهالدنيا مشاريع

لكل جواد كبوة ياعزيزتي

لاتأخذين عليهم من غلطة وحدة

واذا احتفظي فيها لنفسك او لمن تعزينهم بس ماتدخلين وتشهرين فيهم

المشغل مايحتاج دعايه معروف وله ميزاته وكثير يشهد فيها ويعتبر مميز بالنسبه لبريده وعلى كفاءة عاليه

ومتعوب عليه على فكرة فوق ماتتصوري


تحيتي لقلبك

شكرا

[المتزن]

بصراحة الموضوع واضح منه كمية الألم والحرقة .. لكن الله يكون بعونك يا رمايل نجد ويكون بعون أختك .

أنا زوجتي وبعد افتتاح المشغل بيوم أو يومين سوت زيارة " تفقدية " لتتأكد مما قيل عنه .. وخرجت بانطباع سلبي ليس عن المشغل ولكن عما قيل عنه هنا .

فالكلام الذي قيل عن المشغل هنا , مختلف تماماً عما رأته زوجته هناك .. لدرجة أن زوجتي قالت يمكن نكون مخطين بالمشغل !!!

طبعاً وبحكم أن الكتاب بان من عنوانه ( بالنسبة لزوجتي ) , فلم تتهور ولم تقم بعمل شيء .


الرسالة التي أود أن أقولها هنا هي :

الدعاية ( وليس الكذب ) أمر ضروري ومطلوب في التجارة .. ولكن الدعاية أحياناً قد تنعكس سلباً على المشروع التجاري .

بمعنى , لو انه ماكان فيه دعاية هنا .. كان السوء اللي بالمشغل صار طبيعي عندنا .. بل بالعكس يمكن راح نشوفه بنظرة ثانية ( على انه أحسن من غيره )

فالمشغل لو لم تكن له دعاية ( فخمة ) هنا , لما قامت رمايل نجد بانتقاده بهذا الشكل ولما تفاجأت أنا بكلام زوجتي عنه .

يعني صارت دعاية المشغل , وبال وشر عليه وليست خير .



وتقبلوا تحياتي 00
المتزن

[رمـــ نجد ــايل]

وعليكي السلام أخت أفكار مبعثره

ألا تدركين عظم الخطأ الذي ارتكبتيه بحق هذا المشغل وبحق صاحبته

وهل تدركين عظم ما أرتكبنه في حق أختي المسكينه بعد حملاً ونفاس متأملتاً بالتغيير الى الأحسن ومفاجأت زوجها بالأجمل وبدلاً من مديحتها قام بتأنيبها
بعد ما قمن به تلك العاملات من تشويه . وتخريب وعدم تفنن بالعمل .أترضين أنت تكوني بمثل هذا الموقف
وهل ترضين للزبائن التجارب الفاشله ؟قطع الأرقاب ولاقطع الأرزاق
واللي دفعته اختي اليس جزء من رزقها من فن الدعاية والإعلان أن يكون سابق لأوانه وينذكر فيه كل مزايا المشغل
ومن فن الكسب الحلال الصدق بالقول والعمل ومو من غلطة وحده
لا لا لا لا لا لا وحده ولاثانيه ......توبه
ومو من حقك أصلا

أجل انا غلطانه وحنا اللي متظررين جسدياً وشكلاً ونعتذر ومن حقك أنتي تمدحين شي ويتوهقون خلق الله
ويتظررون علشان ما ينقطع رزقك <<<والله العظيم وين تصرف ذي

كل مشروع لازم يكون فيه أخطاء في البداية
إييييييييييه حبيبتي يصير فيه أخطاء لاصار ثوب ولا مكينه ولا رسمه ولا نجاره
مهب إوادم ونقول خيره في غيره لما يتعلمون
بس ماتدخلين وتشهرين فيهم
لا الشهره ولا الغيبه على الأقل يتعدلون شوي ويعيدون تأهيلهم هذا إذا كانو سبق وأن تعلمو عفواً
المشغل مايحتاج دعايه معروف وله ميزاته وكثير يشهد فيها ويعتبر مميز بالنسبه لبريده وعلى كفاءة عاليه

ومتعوب عليه على فكرة فوق ماتتصوري

إذاً وشوله الدعايه لا صار معروف ومميز بس خليتي وحده تعرف عليه لانه أصلً ماتعرفه وتقوم تزوره وتسبه

كان إكتفيتي باللي يعرفونه والحمد لله وصدقيني إذا هو معروف ومشهودله بالتميز ..ما راح يتأثر من وحده

والكتاب باين من عنوانه الله يهديك

والنار ما يوجسه إلا واطيها بس خللي عنك

تحيتي لكي

[رمـــ نجد ــايل]

فالمشغل لو لم تكن له دعاية ( فخمة ) هنا , لما قامت رمايل نجد بانتقاده بهذا الشكل ولما تفاجأت أنا بكلام زوجتي عنه .

بـــــ ااااااااااااااس هذا الكلام

لذلك احذر واحذر من المبالغه في مدح شي بقصد الترويج له او حتى الافادة فكيف ستفيدى غيرك بشىء لا تعلمى عنه ؟؟

[ماميتو]

انا رحت للمشغل على هالدعايه الله يهديها اللي مسويته قلت اشوى يعني يكفي تجارب علينا كنت اتعامل مع شهد واحس انه احسن مشغل ببريده يوم سمعت الدعايه بسرعه رحت للمشغل اول دخولي له ديكووووووور حلووووو قلت خلاص هذا اللي نبيه شي يفتح النفس خلصنا من الديكوووور وكان زبايييين زحمه اول ماقصيت شعري بدت العامله تسب بشهد وشغل شهد مع اني مرتاحه اكثر لشهد خلصنا صدقتها وقالت وحده انا توني جايه خصيصا من قبل الشركه (( امحق نصب )) من المدينه .... والثانيه قالت انا جايه من الكويت قلت خلاااااااااااااااص بسسسسسس هذولا شي
انتهينا ولله الحمد من القص طلعت حلوه والله مب شينه القصه جينا للصبغ ......... الله لايوريكم لو شغالتنا مسويه الصبغه كان احسن شكل ...... صار شعري جميع الالوان اللي تبونه ولحسن حظهم طلع علي كانه موديل جديد يعني تدرج الالوان مع انه هي الغلطانه ماتعرف تسوي صبغ ....... توهقنا فيها بزواج طلبناها كنا طالبين عاملتين لان عددنا كثير والعامله الثانيه احسن من اللي جت ....... ومن معاملتهم اللي تحوم التسبد جت وحده والثانيه اللي تبع المحاسبه (( الله وكبر هالمحاسبه )) مع العلم المحاسبه ماتبدر شي بالشعر .... جت اللي مانبيه قلنا وين الثانيه قالت هذي التعليمات انه بس وحده تطلع من المشغل (( ورطونا )) خلصنا من المكياج جت بالتسريحه والللللللللله مااكذب عليكم اني نص التسريحه انا اسويه وانا اشبكه ....... وش هي تسوي ماادري (( مع العلم شرطوا انهم اذا طلعوا من المشغل ياخذون دبل السعر يعني اذا صارت 200 صار 350 بعد المكاسره )) وييييييييين اللي يقولون فيه بدبي فرع ........... وترا جايبين عامله جديده تتعلم فينا ............
......

[صوغة]

السلام عليكم ورحمة الله وبركاتة
اختي رمال الخليج 0000
انا من الناس اللي راحوا للمشغل وتعاملت معهم وجربت شغلهم وما شفت من اللي تقولينة شئ00
بالعكس كان الاستقبال و الشغل من احسن ما يكون 000
انا من البكيرية وكانت اختي عروس وكان شغلهم روعة ومواعيدهم مضبوطة تحسهم يهتمون فيك كانك واحد منهم ما كان همهم انك تدفعين فلوس وبس كان همهم انوا الشغل يعجبك وترجعين مرة ثانية والحين كل قرايبنا اللي في البكيرية ما يروحون الا هناك والشغل عاجبهم حيل00
والله انا مالي اي مصلحة اني امدحهم او اني مكلفة عنهم لاكن المكتوب شئ قوي يعني السالفة مب شكلة شفل شين شئ اكبر واللي مكتوب شئ مو معقول 00000000
اختي لي ملاحظات على طريقة نقدك للمشغل يمكن سبقني كثير لها:
اولا: اختي الخطى وارد 00
فية اطباء يخطئون بتشخيص الامراض عاد مو بلون صبغة او طريقة معينة لرسمة عين او 000
(مالة داعي كل هالضجة)

ثانيا : عنوان الموضوع (فربينيا وكليجا الحريم ) تحسسيني انك قاعدة بمجلس الضحى اللي بحيكم 000
حنى الحين بمستوى ارقى من هالعبارات يا ر يت يكون اسلوبك راقى 00

00000000000 (شئ بخاطري وقلتة) 00000 00000

[ريــــــــــانه]

السلام عليكم ورحمة الله وبركاته

صراحه انا صديقتي صبغت عندهم الصبغه مو شينه بس شعرها صار ليفه ومتكسر مررره مدري ليش..........

بس تأكدت انهم يتعلمون بنا للآسف


ومتي يصير ببريده مشغل زين؟؟

[شمـ بريدة ـوخ]

ومتي يصير ببريده مشغل زين؟؟
ردد ياليل مااطولك
بس الحمدلله انا مب راعية مشاغل
والا كان الحين مسويه حيص بيص :D

[رمـــ نجد ــايل]

أخت صوغه

الله يهنيك بهم

وبعدين يا أخوات الاحظ إن كل اللي مدح المشغل أسلوبه واحد لذالك وشوله اللف والدوران والتسجيل من جديد

صدقوني أن كتابتي ونقدي للمشغل ما راح يضره بشي إذا كان هو متميز

ولا ذوقي أرقى من المشغل

وياروح ما بعدك روح

كتبت في عجاله

[صوغة]

اختي 00000
اعصابك 000
انا قلت تجربتي بكل صراحة 000
واذا كان لي مصلحة من مدح المشغل زي ما قلتي 00
فاكيد اختي لك مصلحة من طرح الموضوع والابداع في الرد علية !!!

[صاحب سمو طبعي]

بصرحة الموضوع اخذ اكبر من حجمه
حنا كل ما تقدمنا خطوة قدام نرجع خطوتين ورا
بمثال الكاتبه صاحبة الموضوع ............علم
النقد لا يكون بهذه الطريقة وما اشوفه تجريح
قد يكون لهدف ما!!!!!!!!!!!!مثل ما قالت اللي قبلي..............(صادتها):36_2_4[1]
ادخل هذا الموقع اجد تشويه مستهدف لمشغل وادخل موقع اخر لبريدة اجد تشوية لمطعم علماً انه من احسن المطاعم
فهذا لا يخرج من سببين اما حقد او غيره
او اتمنى ان تكون الثانية فالاولى نرجوا من الله انها بادة إلا من (!!!!!!!!!!!)
ان كنتي تريدين الايضاح اظن وصلت بشرح المفصل ،وان كان المشغل منافساً فالقد اخطاتي الطريق وكلاً رزقه معلقاً على بابه
( اخواتي نصيحة اخ اتقن دعوه قد تستجاب)

[رمـــ نجد ــايل]

أخت صوغه / وأخـــــ ت صاحب سمو طبعك

لاحظو انكم تغلطون بتفكيركم وظنكم السيئ

أقولكم أختي متظرره بشره ولا طز بالصبغه والقصه ودافعه فلوس قبل لا نبدى بأي شي وهذا أكبر دليل على أن همهم الكسب السريع ولو لم تكن الزبونه راضيه 100% عن الشغل

تقولون لك مقصد من سب المشغل

على بالك أني أبمدح كذب زي غيري

ولا همه غير أنه يكسب وبس

لا والف لا

[الذاهبة]

مرحبا رمايل نجد ..

لا فض فوك يا شيخة ..


1 . أول مرة بحياتي أسمع وكالة فربينيا .. و مادري وين بالضبط ؟؟ يقولون بالخليج بالخليج ..

يمكن قصدهم تحت البحر .. الله اعلم !

2 . الموقع مو واضح أبد و الجدار أبيض و اللوحة مالهم بيضاء و جاي بالركنه .. ولا كلفوا ارواحهم بتعليق لمبة ولا شرايط ولا حيا الله شيء عشان يبرزه للناس ..

3 . الله يازين كوافيراتهم .. مخمخ و مشمش ,, أعرف الكوافيرات هن الواجهة للمحل .. أما وحده قرعه و الثانية فقر دم .. و الثالثة شعرها عظم .. و النفوس خايسة و الوعود خرطي .. و الشغل الله بالخير .. شغشغة ..

4. أجمل مافي محلهم هاك السمكة اللي عند الباب .. يا حلوها .. صنع بديع السماوات و الأرض .. مو صنع هالبشر ..




ولكن تبقى الدعاية حق مشروع للجميع .. و يبقى لنا إظهار الحقيقة أينما كانت ..