حلى خطير

[رموز]

http://www.w6w.net/users/16-06-2005/w6w_2005061603512757208513351f.gif




قطعي كيك العائله شرائح خفيفه ورصي بالكاسات ممكن تحطي طبقتين من الكيك اذا سويتيها مره خفيفه
تحطي بالخلاط (حقت العجن مو الجك)
1علبه بسكوت شاي (مطحون) + 1/2 علبه حليب نستله (كبيره) + 4 حبات كيري + 1 قشطه تاج او اي نوع + 1 بكت دريم ويب + 1/2 كاسه مويه او حليب سايل بس حطي شوي شوي بس علشان ينخلط الخليط يعني ممكن اقل من النص
وصبيه الخليط فوق الكيك
تسوي حمام مائي
2 جالكسي ساده + 1 سنكرس + 1 مارس + فنجان قهوه حليب سايل وشوي زبده ورشيه على الوجه مو تسوي طبقه خلي الطبقه الوسطانيه تبان
وحطيه بالثلاجه

[ام المقداد]

يعطيك العافيه رموزه اليوم عندي عشاء
بسويه بإذن الله واخبرك النتيجه..
شكله سهل ويواجه.

[خـــــــــــــــالـــــــــد]

الله يعينن على اختي اول ما دخلت المنتدى وقفت على راسي تبي تروح لمطبخ المنتدى

و جبته لنفسي طلبت حلا و جتنا قائمه طويله من الطلبات

فاذا ممكن .. وشو كيك العائله ,, الغريبه حتى اختي ماتعرفه تقول اسال رموز

والف شكر مني و من اختي على هذا الحلا يبدو لذيذ <<<<<<<< مايدري وش السالفه بس يقلد ام المقداد واخته

[بنت الشرقيه]

مساء الخير

حلا شكله لذيذ بس على قوله الاخ خالد
وشو كيك العائله
ممكن نستبدله باي نوع ثاني

تحياتي

[ام المقداد]

هلاااااااااااااا رموووووووووووز
الله يبيض وجهك قولي آمين..
حلى كشخه مره ويواجه..
حطيت بدال كيك العائله سويس رول
بني وفانيلا طبقتين وطلع فخم مره..
الطبقه اللي فيها سنكرس وجالكسي ومارس
استغنيت عنها <<علشان آكلها بعدين مع القهوه :c8:
وبدالها بشرت جالكسي وذريت كاكاو بودره ..
طلع خيال بس ليتي اعرف انزل صور اوريكم كيف صار..
وميزته لو يصير عندك عشى ولاتدرين الاعقب المغرب يمديك
يزين ويجمد.
استبدلوه بالسويس رول او كيك سانيتا اللي يجي بقصدير..

[جناان]

شكله لذيذ ..ومجرب من ام المقداد ..اكيد روعه ..

يسلموووووووا ..رموز ..

[الغضارة]

صراحة جداً لذيذ

بس انا ما احب الطبقة الاخيرة إلى فيها سنكرز علشان كذا اعوض عنها بمبشور الفلك وتطلع الذ

وسلمت يداك

[iiigil]

مراحب يعطيك العافيه

بس احطه في بيلسان او كاسات عادريه

[رموز]

هلا بكم اسفه على التأخير

كيك العائلة اي كيك مستطيل ويفضل امريكانا

اللي شوكولاته بالفانيليا

او السويسرول يمشي

هلا بك ام المقداد اجل جربتيه متى تعزميني عليه

<<<< تراها مغثه

[ام المقداد]

هلا والله برموزه..
هذي الساعة المباركه
بس خلي شقرديه تجمعنا << تبي تورط شقرديه دايم :c8:

[رموز]

اهم شي اكل انتي والا شقرديه مايهم بس اكل
<<< شعارها اكل وبس

[البراق999]

مشكوره اختي زموز على هالوصفه الرائعه وتسلمي يالغاليه

[رموز]

اهلا وسهلا البراق
لاشكر على واجب

[شقرديه]

رموووووووووووز ام النذاله

اجل انا موب مهم

ام المقداد

الله يحييكم بس ماعرف اسويه

يعني صارت العزومة عندك

<<< ودها تنعزم

تحتح

[هامة حاسوبية]

مشكوووووووووووره ::رموز::

بعطيه أختي تسويه >> كالعاده

[رموز]

هلا فيكم

شقرديه يابت تعودي من الحين ليوم الخميس

تراي فاضيه الخميس