جات بعد عامين && عتاب مسكت

[مسدح البعارين]

قصيده اعجبتني وماحبيت ابخل عليكم فيها والله رهيييبه..

جات بعد عامين تنشد كيف حالك؟..
قلت: طيب.. بعدها غمضت عيني..
خفت لا تلمح بعيني شخص هالك
اهلكه طول الغياب ومات فيني..
قلت: ابسأل،قالت: اسأل وش سؤالك؟..
قلت: يوم انك رجعتي لي تبيني..!؟؟
ويوم رحتي ليه خليتي خيالك...؟
كل ما صديت عنك يبتليني.........
الله لا يوفق عدوك وش طرالك..!؟
رحتي وكان المسا مظلم وحالك
كنت ادور فيه عنك صدقيني....
ليه صدقتي الكذوب اللي حكالك؟؟
وليه اصلاً ما رضيتي تعلميني؟؟؟
ويوم قلت لك: وش قال؟ قلتِ :وانت مالك؟
رح حد الله مابيني وبينك جاوبينــي ..
شفتي وش سوى هبالك؟؟؟؟؟؟؟؟؟؟
والا تدرين ،، اسكتي لاتجاوبيني..
وصدقيني يالجواب اللي في بالك
ما يعوض ما فقدته من سنيني..
كــل هذا وتسأليني كيف حالك؟؟؟!!..
ما يخصك زين..... ياله فارقينـــــــــــــي.......

يقولون اللي كتبها ينقال له محمد عويضه ماشالله عليه عتاب خطييييير يعجبني..

[ريــــــــــانه]

السلام عليكم ورحمة الله وبركاته
قصيده رائعه

وعتاب من قلب

تحياتي

[عيون الصقر]

شفتي وش سوى هبالك؟؟؟؟؟؟؟؟؟؟
والا تدرين ،، اسكتي لاتجاوبيني..
وصدقيني يالجواب اللي في بالك
ما يعوض ما فقدته من سنيني..


روعه ياميمي


مسدح البعارين حبيبي اشكرك على اتحافنا بالقصيدة الحوارية الجميلة والاجمل حضورك واختياراتك اللي تجبرني اوقف عندها واقراها ، وكنت اتمنى شيء من ابداعك من خيالك من قلبك الاخضر ارجوك اخوي مسدح البعارين انا من المتابعين لك جدا فلا تحرمني من فيض وجدانك اكتب ارجوك كما انت بدون ترتيب بدون تنميق كلمات وبحث عن عبارات يكفي المعنى والمقصود وقل التكلف شيء لاتتخيله.

ارجو انك تستجيب وماتبخل على متابعينك.


وتقبل مني فائق الشكر والاحترام وانا بالانتظار.

[ريداوي 2006]

شكراً لك اخي الكريم على هذا المقال

[mam999]

وانا اقرأ تذكرت اللى يقول

لما كيفه طاب وراق000 جانى نادم ع الفراق
جاى يقدّم لى حنين 000 قد نسيته من سنين
شفت دمعة في عينيه000قال لى لاتقسى عليه
ذا الهوى ماله امان 000 ذا حبيبك مهما كان

[شقرديه]

بصراحة قصيدة تجنن

رهيبه مرة مرة

اعجبتني نظم ومعنى

يعجبني اللي ما يتنازل عن شيء له

وشوله يسامحه ويصير خيخه

تروح متى ما تبي وترجع متى ما تبي!!!!!

مشكور اخوي

تحياتي

[مسدح البعارين]

هلا ريانه وانا اشهد انه من قلب

هلا بالصقر تسلم انت اروع وابشر غالي والطلب هين

تسلموووووووووووووووووووووووووووووون عالمشاركات يالربع وهالقصيده احبها وتستاهلون انزلها لكم
وحياكم الله المهم اعجبتكم