اسواق العثيم,,,,,,,,,,,والخاسر الأكبر

[ابراهيم الاشقر]

يحاول كثير من التجار والمحلات والأسواق اتخاذ وسائل عديده لجذب الزبائن حتى لو كانت هذه الوسائل فيها كثير من التلاعب وطرق غير شرعيه وفيها أستخفاف بعقول المواطنين للحصول على مافي جيوبهم من مال
واخر هذه الصيحات هو ماخرجت بها علينا اسواق العثيم ببريده ( الخاسر الأكبر ) واعتقد انه عنوان صحيح بكل ماتعني الكلمه فالخاسر الأكبر هنا هو المواطن
لاأريد أن أطيل عليكم ولكن سوف أسرد لكم قصتي بأختصار ففي يوم الثلاثاء 15/9 ذهبت انا ولأهل للعثيم مول واشتريت من احد المحلات واعطاني الفاتوره لكي اذهب للكاونتر في الأسفل واختار قسيمه لكي اكشط وارى الجائزه فعلت ذلك وكانت الجائزه خصم 50 ريال من محل ( ملامح شرقيه ) وهو محل متخصص بالجلابيات النسائيه فكانت فرصه حيث ان المدام تبغى جلبيه فقلت فرصه ( أجت والله جابها ) ذهبنا للمحل وأخترنا الجلابيه وسألته عن السعر قبل اخرج كوبون الخصم وكان السعر 250 ريال فأخرجت 200 ريال والكوبون فلما شاهد الكوبون قال سوف احسبها ب 295 ريال مع الكوبون تصبح ب 245 ريال فما كان مني الا ان اذهب الى الجماعه في الكاونتر وأخبرهم بالقصه حيث ذهب معي واحد منهم الى المحل ليسأله لماذا لم يعطيني خصم فأجاب العامل ( انا لازم يبيع 250 ) والمشكله ان الذي جاء ليساعدني لم يستطع ان يعمل شيء امام رفض العامل الخصم فمزقت الكوبون وخرجت وأنا ( افايا يأمر عيش ) لاخصم ولايحزنون
هذه قصتي ياأخواني واسف على الأطاله وارجو منكم الاتنجرفو وراء الدعايات الكاذبه فأنا عمري 38 سنه لم اسمع أحد من اهلي أو أقاربي او اصدقائي ربح شي حتى انتم اعتقد نفس الشي ,,,,,,,,,,,,,,,,, والسلام ختام

[أبو حكيم]

لو تصرفت مع ادارة اسواق العثيم ... فقط لكان ذلك اولى ولكن التخفيضات عنوان يحتاج إلى مصداقية وقليل منهم صادق في ذلك



اعانك الله ..... ليتك لم تمزق الفاتورة واتجهت إلى ادارة السوق ليتم التعامل مع البائع





تقديري لك اخي ابراهيم على طرح هذا الموضوع

[الطشت]

أهلين بالجميع .

بداية سوف اختلف معك حول تصرفك الخاطى على الاقل بالنسبه لي ...... تبي تقول ليش اقولك

بس انت اصبر شوي الدنيا ماهي طايره اعرفك تبي تحط الحره فيني ( جدار الطشت قصير )

كان من المفترض ...

1- عدم تمزيق الكوبون

2- الذهاب للمسؤلين عن تنظيم هذه المسابقة


نحن نعاني من هذه السلبيه التي سوف تجعل مثل هذه التصرفات تتكرر في جميع المواسم والسبب

عدم ايقاف مثل هؤلاء عند حدهم. ( لا تفهم اني اقولك رح كفخهم ) تراي امزح تبي تقول هذا

وقتة .



وتقبل تحياتي

[ولد فطيمه]

ابراهيم الاشقر ...بدون زعل بس أنت لاتحمل من لقبك نصيب فعادة (( الشقران ))اللي على بالي بالك

(( شعب الكلب بوش وبلير )) باردين ويحسنون التصرف بعكسنا نحن العربان (( حرارة )) علي غير سنع ..

واندفاع بردة الفعل غالبا ماتكون سلبية ..

والا من المفترض ان تقوم بهذه الخطوات كحل (( قطعي )) فيما لو لم تطبق اقتراحات الطشت وابو حكيم

اولا \\ تذهب للمحل وتختار القطعة التي تريد

ثانيا \\ تفاصل البائع على السعر بحيث تخفضه مثلا من 250 الي 200

ثالثا \\ وبعد ذلك تخرج الكوبون وتدفع المبلغ أي 150 ريال مع الكوبون
ر
ابعاً \\ تقفي (( تروح )) متأبطاً ذراع صاحبة الحسن والدلال غير معابيء بمن يهرول خلفك

خامسا \\ تستنجد بحراس الامن لو أصر على متابعتك

وبذالك تكون صاحب الحق وهو المطالب ..

فما فعلته قمة في السلبية ... ولم تستفد ولم تفد غيرك ...

فنحن لابد من أن ندرك أننا نعيش ضمن مجموعة نحمل مشاكلها وهمومها ومطالبين بمعالجة السلبيات قد

الامكان .....

لو أن لقبك أبراهيم الاشهب لما حصل ما حصل

ما عليش يا أبراهيم الاشقر ستأكل غيرها وعند أذا لن ينفعك(( شقارتك )) وستلجأ (( للشهابة )) لتأخذ

حقك ...!!


تحيات ولد فطيمة للجميع ... مع كأس شاي ربيع أكسبرس (( أخاف )) يروح بالكم لكأس الملك أو كأس ((

الثلج )) اللهم أقبل صيامنا وقيامنا (( اذا قمنا )) الله يتوب علينا ..

[شقرديه]

هذا الموضوع عطانا دروس مجانية كيف تحصل على هديتك من محلات العثيم

انا من حيني ما اشارك بالمسابقات

اعرف خظي زين

من يومه يومه وهو يتبطح ومن ردى لأردى

ما فكر يوم يقوم على حيله فكيف ارجيه يمشي مثل حظوظ الناس!!

شكرا لكم

[الاسكافي]

السوال الذي يسدح نفسه::::::::::


مـــاحـــكـــــم هــــــــــذه المــــســــابـــــقـــات الــــتـــي نـــراهـــــــا فـــي تــلــك الــــمـــحـــلا ت

[الطشت]

أهلين بالجميع .


مرحبا بالشقردية ...شقردية .........شقردية ...........شقردية ......... على ايش الاسم ... وانتي

متشائمة الى الحد.............

اقترح تغير الاسم الى ...................... مقدر اقول صراحة خايف ..... من خاف سلم ( بعدين

يكون حظي ردي معك زي حظك ويكون التم المتعوس على خايب الرجاء ) .

اتوقع ماباقي تقولين ( وين ارح الزمن كله جروح )

اكيد نزلت دمعتي تعاطفت معك....

بس يالشقردية حظك احسن من غيرك انتي حظك يتبطح ويمكن يتعدل ........

المشكلة اللي حظه مدفون ببطن حوت والحوت بالبحر والبحر عميق وانا ماعرف اسبح ......


قلت لنفسي ( انطم مثل الخلق ) يعني اللى يشوفنا يقول ناس مبسوطه وحنا ( الله بالخير ) خلك

عايش مع الخلق ( موت مع الناس عيد ) خوش عيد بس حنا نردد بعض الامثله نعزي انفسنا ...

ولا الله يعلم بالحال ...........

حقيقة يالشقردية انتي ( نخجرتي الجروح )

طيب اذا قام حظك رايحة تطبقين خطة ولد فطيمة ( وتحطين خمسة بالهجوم ) من شأن تحققين

نتيخة . حشا رايح تقولين هذه مباراة ماهو تسوق

اقصد تلوفين باقي الفلوس بوجه العاملين (( وتمقطين )) هاجه للبوابه وهندي بساقه يقول

شقردية شقردية انا بعددين فيه مشكلة مع كفيل وانتي معطيته ( الصقة ) يعني مطنشته بأذن

عجن واذن طين .بالاخير تلتفتين عليه وتقولين والله لو ماتذلف لورك الشغل ..... يرد عليكي

ويقول انا شقردية مايبغى شغل انا ابعى فلوس....... الله يعينك وشلون تتفاهمين معه .....

نصيحة اذا رايح يصير لك خلي حظك يتبطح احسن بدون مشاكل

هذا ولكم تحيات الطشت