لغز واللي يجاوب له جائزة محرزة000!!!!!!!!!!!!!!

[امرؤ القيس]

واحد متزوج وحدة وعندها أموال طائلة ووده يارثها بس كيف !! فكر انه يقتلها ويأخذ تلك الاموال وفعلا قال اسافر انا وياها للخارج وهناك اقتلها لا منشاف ولا من دري !! وسافروا وبعد فترة صعدوا جبل ودزها وأثرها في خبر كان

رجع هو ومعه الجثة وصلوا عليها الله يرحمها 0 ومسك القضية ضابط وحصل دليل على ان هذا الشخص هو القاتل !!

ممكن تقولون وش الدليل اللي حصله الضابط ؟؟؟؟


الجائزة محرزة ياجماعة

[~مجنونه*بس*حنونه~]

هلاوات اخوي العسل وش علقموه الله يصلحك :)




سو اغراءات وقل لنا وش هي الجائزة <-- تسنه تعرف الحل




بس اللغز ياخي مبهم لمح شوي :)



تحياتي

[امرؤ القيس]

اهلا بالمجنونة بس برضه حنونة وشلون تجي ماأدري !!! خلصك فلمك ولا بعده يا سندريلا منتدى بريدة تراي امزح معك تقعدين تزعلين !!!

الجائزة قلنا لكم محرزة بالحيل وهي عبارة عن مشتريات بقيمة 0000من محلات اخونا اكار شوكولانا للحلويات من حساب اخوكم العلقم

نقرب لكم شوي بس شوي!!!

الرجل هذا مايخاف الله ناوي النية الشينة قبل السفر راح للخطوط وحجز هو وزوجته وراحو ورجع لحاله وهي جت بالشحن الجوي !!!

اكثر من كذا مافيش!!!!

[جناان]

جيتك بالجواب يالعلقم ...

وهو الله يسلمك ...حجز له ذهاب واياب ...

اما زوجته حجزلها ..ذهاااااااااااااااااااب ...فقط لانه ناوي من قبل على عدم رجعت المسيكييييييينه...

يالله وين الجاااااااااااااااايزه..

[هامة حاسوبية]

ياسلاااااااااااااااام عليك ياجنان

من عندي الإجابة صح 100 %

[العندليب]

هههههههههههههههههههه حلوه والله أحس إن إجابة جنان 100% وكل شي يصيــــر ....

[امرؤ القيس]

اهلا بالجميع 000الاخت جنان 00والاخ عمر
ماشاء الله عليك جنان00
افتكينا من نجدية 2 وجت جنان ماراد الله تنامين اليوم !!!!!!!!

الجائزة باذن الله مشتريات بفيمة 200 ريال من حلويات الاخ اكار وشوكولانا وذلك بعد التنسيق مع المحل غدا تذهبين يا اخت جنان وتشترين منه بأي مبلغ وتسترجعين الباقي 00

فقط انتظري التنسيق معهم


اخوكم العلقم

[امرؤ القيس]

انتظروا اللغز القادم 0000000000000000

قريبا على شاشة منتدى بريدة والجائزة برضه محرزة!!!!!!

اخوكم العلقم

[البكيراوي]

لغز جميل

واجابة ذكية

بس هالتنكة دامه يبي يارث هالدراهم

وش يضره لو حجز تذكرة عودة

[نجديه 2]

ايش الخيانه هذي ؟؟!!!!!!!!!!!!!!!!!!!


ليش ماقلتولي فيه لغز ؟؟؟؟؟ :for1:


انتظر لغزك ياعلقم والجائزه انا متبرعه فيها لهايلكس يصلح فيها الددسن :b3::f8:

[هامة حاسوبية]

الاخ عمر


احم احم أنا أم عمر ...

جناان لي 100 ولك 100 شرايك ؟؟!!

[جناان]

العلقم لك الى قبل الععععععععععععععععيييد بخمس ايام ...تعرف علشان حلاو العيييد...ههههههه

..البكيراوي ..خله احسن جابه الله على قرووونه ...خخخخخخخخ هذي النيه الشينه ..

ياحبيبلك يام عمر مادري ليه انتي داخلتن قلبي ..>>>> احلفي

تذكرينن بصديقة عزيزه وهم اسمها ام عمر....والله اني صااادقه

وبالنسبه للجايزه تفداك كلهااااااااااا ...بس خليها تجيييييييييييييييي ....

[هامة حاسوبية]

تسلمين ياجنااان يابعد الدنيا الله يجعلك في الجنان آمين

[امرؤ القيس]

تحية طيبة لجميع المتفاعلين والمتفاعلات معنا وأتأسف من ام عمر الذي اخطأت باسمها ولم اكن اتوقع ان النسوة مجتهعات عند الاخت مجنونة بس حنونة وينتظرن ريحة سؤال او لغز وحنا يا الشباب كل واحد باستراحة نفسي نفسي !!!! مبروك للاخت جنان الفوز مرة اخرى 000

اللغز القادم اليوم سيأتيكم باذن الله الساعة ال 11 بتوقيت مدغشقر !! وينهيبه ذي ما ادري!!

اخوكم العلقم

[امرؤ القيس]

الاخت العزيزة جنان تحية طيبة 00

الآن بامكانك الذهاب لحلويات اكارشوكولانا وشراء بقيمة 200 ريال او باي مبلغ منها واسترجاع الباقي لك

وتقولين للمحاسب انا الفائزة بجائزة منتدى بريدة سواء انت او من ينوب عنك بسرعة لاتطير

اخوك العلقم

[جناان]

الله مير يرجك يالعلقم .... رحت لمهم وفرحه ودخلت عليهم وكلي ثقه ....:for6::b7:

قلت ممكن اكلممممممممممم المدير ...

ومير كل اللي بالمحل يفزون ....ويطيرون بي ويقولون لي سمي طال عمررررررك...!!!

وانا رافعتن خشمي ابي المدير وما اكلم احد الا ليما يجي المدير ....ورجيت اللي بالمحل ...:for4::D

والناس يطالعون في ويقولون في سرهم :e5: ايه هذي شكلها .....مليانه ...!!!!!!؟؟؟


ومير يجي المدير ....طايرتن بشته وراه من الخبه ....ههههه يحول ...:a1:

قلت له انا :f8: جايتك من طرف العلقم .....!!!فزة بمجموعة مشتريات منكم ...!!!:g5:

انا قلت كذا .... عقبها :for1::for9: الدنيا صارت حمراااااااااااااااااا ومااشوف شي ....


الاوانا في الشارع ....وش القصه مااااااااااااااااااااااااادري ..:b6:


وش القصه يالعلقم ....!!!!!

[امرؤ القيس]

تحية خاصة لك جنان 0000

وش دعوة متى رحتي لمهم ؟ لاني جاي لمهم الساعة الرابعة والنصف بعد العصر !!

وليش تقولي انا من طرف العلقم لانهم مايعرفون العلقم 00قلت لك قولي انا التي فزت بمسابقة منتدى بريدة اسألي المحاسب ؟

تراها محلات بريدة تقعدين تروحين للي بالرياض!!!


ارجو الافادة عن ما تم ؟

اخوكم العلقم

[بندر الحمر]

السلام عليكم ورحمة الله وبركاته

أخي العلقم لغز يفقع المخ

بس يمكن يكون هو نفسه الضابط

محاوله لغيرها

[هامة حاسوبية]

العلقم وين لغز الساعة 11 ترا الساعة هالحين 1 ونص ؟؟!!

[نجديه 2]

العلقم ماشاءالله عليك مواعيدك مضبوطه !!


كم الساعه الحين بتوقيت مدغشقر ؟؟!! :e2::b3:

[alnesf1]

السلام عليكم ورحمة الله وبركاته

وتقولون الغاز من وراي <<<<<<<< وشدعهوه عاد يا الجيد ههههههههه

[امرؤ القيس]

اشكركم على الحماس والشكر موصول للاخ فيمتو والاخت ام عمر والاخت نجدية 2 والاخ alnesf1

الاخت نجدية انت ماتعرفين مدغشقر تراها بعيدة مرة يقولون لاصلينا الظهراليوم هم يصلون الظهر حق امس!!!


لغز اليوم 0000

ثلاثة حكم عليهم بالقتل قالو لهم سوف نعفو عنكم بشرط واحد !!

الشرط00 سنأتي بأربع طواقي 00اثنتين منها باللون الابيض 00واثنتين باللون الاسود وسنأخذ واحدة منهن ونلبسكم الثلاث الباقي دون معرفة اللون المأخوذ 00

المحكوم عليهم سيصفون زي الطابور بحيث الاول لايرى شيئا الثاني لايرى الا الذي امامه الثالث يرى فقط الاثنين الذي امامه 00


المطلوب من منهم سيتكلم ويقول لون الطاقية التي عليه دون ان يغلط ؟

نريد الحل بالتفصيل ليفهم الجميع 000 الجائزة كذلك محرزة من اخوكم العلقم

[جناان]

الجواب والله اعلم ....

اي واحد منهم ينزل الطاقيه ويشوفها بعينه ......:e8: ثم يقول اللون دون ان يخطيء ...

شكلى بهالحل جبت العيييييييييييييد ...!!!!

[نجديه 2]

السلام عليكم ورحمة الله وبركاته


كل واحد فيهم سوف يرى لون الطاقيه ويقول لونها دون أن يغلط !!

[امرؤ القيس]

شكرا لمروركما الذي اسعدني جدا 000

اول مرة اشوف الاخت جنان والاخت نجدية 2 لايستطيعا ان يحلا سؤالا 00

حاولا مرة اخرى انشاء الله تصيبا الحل 00


ملاحظة سيرفع اللغز غدا وسأتي بلغز آخر باذن الله000

اخوكم العلقم

[جناان]

تف تف تف تف تف ....................بسم الله علينا ..شكلنا اتنحتنى والا ايييييييييييييييييييه .....

عين ومصلت على النبي ...>>>>>>>>>> مصدقه انه عبقريه ....... هههههههههههههه


شكل اللغز بهههههه بلا بدليل انك تبي ترفعه دون ان تعرف له حل ...!!!!!!!!!!

خلنا نحاول يمكن يفتح الله علينااااا ...

طيب انت قرب الجواب اشويه ....صوغننننه ...


يالله قبل تجي ام عمر ..ههههه

[نجديه 2]

السلام عليكم ورحمة الله وبركاته


الثالث هو اللي راح يقول اللون ومايغلط لأنه شاف الأول والثاني !!


يعني إذا إفترضنا إن الأول أخذ طاقيه بيضاء والثاني أخذ طاقيه برضه بيضاء أكيد الثالث راح تكون


معاه طاقيه سوداء !! وراح يقول اللون ومايغلط .. ولكن إذا أخذ الأول طاقيه بيضاء والثاني أخذ طاقيه سوداء


هنا الثالث كيف يعرف ؟!! ( ممكن الثاني يأشر له أو يعمل له حركه يعرف فيها اللون !! أو يتبادل مع الثاني


وياخذ طاقيته :for11:


اتمنى إجابتي تكون صحيحه !!

[هامة حاسوبية]

لا تخافون أم عمر معكم بس ماتعرف بالألغاز الله يخلف عليه ... أعرف للرياضيات أكثر من الألغاز !!

الثالث بيعرف دائما لون قبعته إلا إذا كان واحد من اللي قدامه لابس بيضاء والثاني سوداء

العلقم وضح شوي

[امرؤ القيس]

شكرا لكن يا أخوات على ها المشاركة الفعالة 0000

ونقول جنا ن ونجدية وام عمر اثر المسألة كلها اعلامية توكن تبينن يوم جاء صبه واحقنه طلعتن اي كلام 00تر اي امزح معاكن لا تقعدن تزعلن !! الحل باقي شوي وتحللنه

انت يا ام عمر سؤاللك الرياضياتي بالطريق انشاء الله اصبري شوي


اخوكن العلقم


الشباب مازالوا نائمين ولا وشلون؟؟؟؟؟؟؟؟؟؟؟؟؟

[هامة حاسوبية]

انت يا ام عمر سؤاللك الرياضياتي بالطريق انشاء الله اصبري شوي




إيه بس لاتدقق تراي منب تخصص رياضيات بس من أيام الإبتدائي إلى الثانوي كنت عبقرية رياضيات >> إيه نشوف الوعد اللغز

[جناان]

هلا بالربع المتواجدون ....هنااااااااااااااا

ترا الجوااااااب عندي ....>>>> ايه هين ..

اثر هم يوم يلبسونهم الطواقي المذكوره ...كانو الخوان واقفين قدم مرايه وبكذا اي واحد

يطالع بالمرايه يبي يشوف نفسهههههههههههههههههههههههههههههههههههههههه ....!!!!

بهالجواب ابجيبلكم عيد الاضحى قبل اوانه ....خخخخخخخ


الصراحه احس الجواااااب خطير ....

[امرؤ القيس]

تحية خاصة للمشاركين 0000

الاخت ام عمر شكرا لمرورك الذي اسعدني وليتك تحاولين لو محاولة 00


الاخت جنااان انا اقول ليش العيد يجي بسرعة اثره من حلولك 00لكن محاولة زينة 000

نعطيكم فرصة ياجماعة حتى مايقول احد مادريت لاني ما احب العذر لاالسبب اني اكثر واحد يعتذر يعني علامة الجودة لي!!!!!! وين نجدية ومجنونة و فيمتو وسفن اب وبقية الاخوة

اخوكم العلقم

[درة الكون]

السلام عليكم ورحمة الله وبركاته

في البدايه خلوني اضحك على جنان وموقفها عند استلام الجائزه

هههههههههههههههههههههههههههههههههههه

وربي كنت اقرا ردك وميته ضحك :D

طريقة سردك للموقف مره عجبتني حتى صرت كل ما اتذكره اضحك

الله يديم عليك روحك المرحه يارب

نجي للغز

انا اتوقع ان الأول معطيهم ظهره والثاني والثالث متواجهين

وجها لوجه

يعني الثاني يشوف طاقية الثالث بس والثالث يشوف طاقية الثاني والاول

والثاني راح يقول للثالث على لون طاقيته أو العكس

وواحد منهم هو اللي يجاوب

هاااااااااه صح أو لا :g1:

[هامة حاسوبية]

أنتظر لغزي الرياضي >> الله يستر منه

[نجديه 2]

الثالث هو اللي راح يقول اللون ومايغلط صح ؟؟!!!

[امرؤ القيس]

الاخت نجدية تحية طيبة000

وينك انا اقول مايحل اللغز الاهي 00بس هذه المرة لم تصيبي ارجو المحاولة مرة اخرى !!

وبعدين مايكفي تقولي الثاني او الاول او الثالث 000لابد من السبب ليش لان كذا وكذا


مشكور على المشاركة 00


اخوك العلقم

[نجديه 2]

صباح الخير للجميع ...


ياليت يالعلقم تقرب لنا الحل شوي :for13:

[درة الكون]

أنا آسفه لمشاركتي بهذا الموضوع

لانني بكل بساطه اعتقدت انها عامة للجميع

ولم أكن أعلم أنها خاصة لعدد من الأعضاء

أكرر إعتذاري

ودمتم

[نجديه 2]

درة الكون هلا فيكي عزيزتي


من قال انها خاصه لبعض الأعضاء:for1:


اللغز للجميع ونتشرف بإنضمامك لنا


يالله ننتظر إجابتك على اللغز ولاتطولين :for12::)

[امرؤ القيس]

تحية خاصة للمشاركين0000000000

الاخت درة الكون00

لا تأسفين ولا هم يحزنون ياأخت درة الكون يسعدنا مشاركتك ويشرفنا لان المنتدى للجميع كما عودونا المشرفين انت اخت عزيزة وانضمامك الى اسرة المنتدى يزيدنا شرفا 00

الاخت نجدية 2 000 صباح النور00

المسألة استنتاج بما ان هذا ساكت اذا هذا يتكلم 00


اخوكم العلقم

[~مجنونه*بس*حنونه~]

كح كح كح وانا اقول وش به اذني من اليوم تطن واثركم تحشون فيني بذا هههههههههههههههههههههههه




ابعدوااااااااااااااااا كلكم جاكم الاعصاااااااااااااااااااااااااااااااااااااااااااار


عبقرية زماني ومكاني الحاصلة على شهادة الابتدائية والمتوسطة والثانوية في سنة وحده ثم انتقلت لاتمام تعلمي في بريطانيا لانضم للعباقرة في جامعة اكسفورد واللحين بصدد اتمام رسالة الدكتوراه وبارسل لكم تذاكر عشان تحضرون حفل التخرج :)





































اقول الله يصلحك يا اخوي العسل مالقيت غيري والله اني دبشه والمخ عندي ضااااااااااااااااااااااربه فيوزاته خخخخخخخخخخخخخخخخخخخخخخخخخخخخخخخخخخخخخخخخخ



لا امزح عليك انا حلالة الاغاز اللحين هماه تقول ان فيه 2 سود و2 بيض وشالو وحده منهن ولبسو كل واحد منهم طاقيه وكل واحد مايعرف شلون اللي عليه الثالث راح يشوف طاقية الاول والثاني وبيكتشف دايركت وش لون طاقيته ؟؟؟




لو ماطلع صح ياخي قرب لنا شوي تكفى وبعدين انا جوعانه واذا كنت جوعانه المخ عندي يوقف خخخخخخخخخخخخخخخخخخخخ





وتكفى عطني جائزة ترضية اجبر بخاطري اهي اهي اهي اعزمنا على مطعم :)





تحياتي للجميع

[امرؤ القيس]

تحية خاصة للاخت الكريمة مجنونة بس حنونة00

وكحكحة ووخروا عن ومتخرجة من جامعة الاسكيمو من كندا قلت بس رحنا وطي حلته اثر الدعوة اعلامية !!!

تراك يا اخت محشومة ومشاركتك اسعدتني وانت باقي شوي وتحلينه والله خطوة واحدة باقي !!


ولك مني جائزة ترضية وهي عبارة عن وجبة غداء تسويه الاخت نجدية من حساب الاخت جناان في بيت ام عمر على شرف درة الكون حتى نعلمها انها منا وفينا وتقديم ورقة عمل على جدول الاعمال من الامبراطورة حتى ماتزعل وبقية الاخوات 00
الوجبة هي علقم بالعسل !!!!


والشباب مازالوا يغطون في سبات عميق 00

اخوكم العلقم

[جناان]

والله هالغز جاااااااااااااااابلي الصمرقع الله يقطع شيطانك يالعلقمي ...

طول الوقت قاعده افكر فيه .....تقل ماعندي شغل الاهووووووووو ...ههههههه


واخرر حل عندي ...

ان اضابط هو اللي علم عن لون الطاقيه المختفيه ....هذا واحد ....!!!

الثاني انه لم ينجح احد وكلعم فطسوووووووووووو ....

فاصل ...

ياحليل ابوكم وش دخلني فيكم ....ورااااوه على احساااااابي هاااااااااااه ..

الا على حسااااااااااب مجنونه ...هههههههه حنا نطلعه ....وهي تحاااااااسب ....خخخخخخ

[نجديه 2]

السلام عليكم ورحمة الله وبركاته

انا في البدايه قلت ان الثالث هو اللي راح يقول اللون ومايغلط ..


لأنه شاف الأول والثاني يعني اذا الأول عليه طاقيه بيضاء والثاني بيضاء

طبيعي الثالث سوداء !!

واذا الأول عليه طاقيه سوداء والثاني بيضاء هو راح يشوف الضابط اذا عليه

طاقيه سوداء اكيد الثالث بيضاء والعكس صحيح !!


غير كذا ماعندي حل :for1:

[امرؤ القيس]

اهلين نجدية 2 ومبروك الالفية الاولى 0000000

الضابط اصلا ماله اي دخل بالموضوع 000 وانت تدورين حول الجواب لكن لم تتوصلي اليه تماما او ان شرحك له فيه شوي اعيدي الاستنتاج مرة ثانية وستصيبي باذن الله


اخوك العلقم

[نجديه 2]

طيب ممكن الثالث يتبادل الطاقيه مع الثاني وبكذا يكون شاف لونها صح؟

[امرؤ القيس]

اثرك حولنا 0000

لا تكفين قلت لك رتبي جوابك الاول مع الثاني ويطلع اشياء واستنتاجات اخرى!! يعني المسألة ترتيب فقط

اخوك العلقم

[نجديه 2]

أخر محاوله واتمنى تكون صح :for13:


ممكن الثالث يتبادل مع الأول المكان والطاقيه لأنه شاف لون طاقيته


أخاف من الصبح تغلطنا علشان تتهرب من الجائزه بس هالمره يالعلقم

الجائزه ساعه حائط علشان نشوف توقيت مدغشقر فيها :e2: :)

[جناان]

مشكووووووووووووووووووووووووووووووووووووووووووووووو ووووووووووووووووووووووووووووووووووووووووووورر

اخي العلقممممممممممممم .....

ماقصرت على هالسههههههههههجه ....خلاص انااااااااااااااااااااا ...زعلت ولا راح اشااااارك ..>>>محد حلمبك.

[امرؤ القيس]

هههههههههههههههههههههههههههههههههههههههههههه

ليش كل ها التهديد بآخر محاولة؟ 0000!!!!!! على شان قلنا حاولي مرة ثانية ؟

نبسط لكم الحل 00


اذا كان الاول بيضاء والثاني كمان بيضاء من يتكلم اكيد الثالث !! اذا

اكثر من كذا مافي الا الحل 00

الجائزة تذكرة سفر لمدغشقر للوقوف على توقيتهم شخصيا !!!!!!!!!!!!!

محرزة الجائزة يانجدية

[امرؤ القيس]

اي سههههههههههههههههههههههههههههههههههههههجة اخت جنان

تراي مشغول اعذروووووووووووووووووووووووووووووووووووووني ومواعيدي كلك

وتراك اخت عزيزة وزعلك يزعلنا والحق على نجدية هي السبب !!!!

انا نفر مسكين

اخوكم العلقم

[العندليب]

والله شكلي خطمت ... بس وين اللغز وأزهله إن شاء الله ؟؟

[امرؤ القيس]

الحمدلله على السلامة العندليب شخصيا عندنا حياك الله


وين حنا بالصفحة الرابعة دوره بها الدفتر لين تلقاه !!!!!!!!!

اخوك العلقم

[نجديه 2]

على بالك الحين بسطت لنا الإجابه انا قايله كذا من الأول :for9::for9:


الثالث اذا شاف الأول والثاني عليهم طاقيه بيضاء اكيد بيقول سوداء !!


لكن اذا كان الأول بيضاء والثاني سوداء كيف يعرف ايش عليه هنا السؤال؟!!

قلت لك يتبادلون يصير الثالث هو الأول !!!!!!!!!!!!!!!!!!!

او يلتفتون للخلف يصير الثالث هو الأول بعد ماأخذ طاقية الأول وشاف لونها :for2::for2:

[امرؤ القيس]

اخت نجدية 00ببساطة هذه العبارة فيها الحل000


لكن اذا كان الأول بيضاء والثاني سوداء كيف يعرف ايش عليه هنا السؤال؟!!

فكري شوي

[نجديه 2]

ممكن الثالث يسأل الثاني ويقول ايش لون الطاقيه اللي عليّ وبعدين يقول من غير مايغلط :for11:

[العندليب]

وين حنا بالصفحة الرابعة دوره بها الدفتر لين تلقاه !!!!!!!!!

والله إني عجاز بس شفت ردك أستحيت ولقيته ...

أتوقع الإجابه بعد ما قريت إجابات الأعضاء اللي غريبة ولا واحد أصاب الهدف >>

أتوقع طبعاً أن الشخص الأخير الخلفي وعندما يشاهد اللي أمامه بطاقية سوداء والأول بطاقية بيضاء يكون ما بقي إلا طاقيه بيضاء أخرى وبهذه يعرف لون طاقيته !!!

أعتقد ذلك ...

[امرؤ القيس]

هههههههههههههههههههههههههههههههههههههههههههههههههه ههههههههههههههه

العندليب وتقول اني قريت الاجابات !!!!!!!!!!!!!!!!!!!!!!!!!!!!!!!!!!!!!!

الاجابة ذي قايلينه الاسبوع اللي راح


اعذرني اخوي عندليب لانك رجعتني وراء صفحتين وانا مثلك عجاز !!!!!!!!!

اخوك العلقم

[امرؤ القيس]

الاخت نجدية00 ترى ابجي اوريك الصمرقع كل ماقلنا وصلتي متر ابعدتي عشرة

لاصار الاول عكس الثاني من يتكلم ؟

[جناان]

ههههههههههههههههههههههههههههههههههههههههههههه

الله يرجك اخي العندليب ...على هالحل ..اذا كان صصصصصصححححح ..

لك حااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااشي ...

[~مجنونه*بس*حنونه~]

وش الحل يا جماعه ابي انام قريرة العين :) وابي حلاوتي من المحاولات اللي قمت بها لحل هاللغز اللي صدع براسي هههههههههههههههههههههههههههههه

[امرؤ القيس]

انا مني صندوق غنم لو كان صح

وانت بس تضحكين ولا تحلين ياجنان

[العندليب]

الحمد لله ... أشوى أحسب أني سويت شي غلط ...

شكرا

[امرؤ القيس]

الاخت مجنونة بس حنونة 000


روحي نامي ونحط حقك عند الباب !!!!!!!!!!!!!

انا بي نوم وبلشت من الحلول الغلط

[جناان]

الحمد لله ... أشوى أحسب أني سويت شي غلط ...

شكرا

هههههههههههههههههههههههههههههههههههههههه

والله اني مت من الضحك ..حسيت من كلامك انا خرشناااااااااااااااااك...

لاعمرك تعود وتحاول تحل لغز...خخخخخخخ

[~مجنونه*بس*حنونه~]

لا مانيب نايمه الا لين اعرف وش الحل مو معقوله لها الدرجه حنا أغبياء نحوس على لغز انا متأكده انه حله بسيط ؟؟؟ طيب اكيد هم عارفين ان الثالث اللي بيعرف انه بينجو من الاعدام فاذا شاف اللي قدامه بالوان مختلفه بيعرف دايركت ان لون طاقيته بيضاء يعني هو بأمان وماحكم عليه بالاعدام <=== قمت تحط خيط وخيط خخخخخخخخخخخخخخخخخخخ

[امرؤ القيس]

الاخت جنان ارفقي على العندليب شوي تراه توه متعين جديد مشرف على القسم العلمي !!
لايقعد يكتبنا توصية ويفصلنا !!


الاخت مجنونة 00 لوكانت الطواقي مختلفة مستحيل يدري !!!!!!!!!!! الثالث

[جناان]

لا لا لا هذا اخينا العندليب نمون عليه >>>>>>> خافت .... ههه


واااااااااااااااااااااااااااااااخر الحلول الثالث هو من سوف يخبر باللون ....الضاهر ضربت الفيوز...:a2:

[~مجنونه*بس*حنونه~]

:b5: العلقم عطنا الحل والا بانتحر :for13:

[جناان]

لا يمقنونه متعمليهاش .....واحنا كم مقنونه عندناااااااااااااا ...هههههههههههه

[امرؤ القيس]

الاخت جنان الحل هذا قلنا غلط ليش لان تخيلي الاول عكس الثاني كيف يتكلم الثالث مايصير !!

الاخت مجنونة شكلها راحت الحنونة وسويتيها بس ما يخلصنا نشوفك تنتحرين لازم نساعدك عليه انا اخبر ان فيه عمارة بطريق الرفيعة طويلة مرة تراها وحدة بوحدة مايجيك شيء بس تموتين على طول 00!!! اسف تراي اتغشمر انت غالية على منتدانا



نجدية فقعن فيوزة وراحت تصلحهم

[~مجنونه*بس*حنونه~]

شلون اللحين بتحلونه والا مايردني الا دريشة غرفتي <=== قامت تهدد :for9:




واشهدوا يا جماعه ان العلقم هو اللي تسبب في انتحاري





:for7: <== ارحموني قمت اقول بعيوني تسذا عشان اقاوم النوووووووووووووووووووووووم ابي اعرف وش الحل :for13:

[نجديه 2]

الثالث بيقول الحل طبعاً //


اذا الأول بيضاء والثاني سوداء اكيد يتوقع الثالث ان اللي عليه بيضاء لأنهم


يوزعون بالترتيب >>>>>>>>هههههههههه الإجابه هذي بعد ماصلحت الفيوز :a2:

[جناان]

انا اللي خلوني اروح اريح هالفيوز لانهن ضربن صدق ..

لاني بحياتي ماعمري تعبت بحل لغز لهالدرجهههههههههه ...>>> الله واكبر ..


الاوين العماره اللي تقول عليها اخوي العلقم ..

شكلي ابروح اطب منهاااااااااااااا ..

وتصبحوااااااااااااا على خيييييير ..

[أنسام]

........

الردود والمحاولات حاستني ...


لكن هذا السؤال..؟

ثلاثة حكم عليهم بالقتل قالو لهم سوف نعفو عنكم بشرط واحد !!

الشرط00 سنأتي بأربع طواقي 00اثنتين منها باللون الابيض 00واثنتين باللون الاسود وسنأخذ واحدة منهن ونلبسكم الثلاث الباقي دون معرفة اللون المأخوذ 00

المحكوم عليهم سيصفون زي الطابور بحيث الاول لايرى شيئا الثاني لايرى الا الذي امامه الثالث يرى فقط الاثنين الذي امامه 00


المطلوب من منهم سيتكلم ويقول لون الطاقية التي عليه دون ان يغلط ؟



طبعا الواضح انه الاخير لانه بيشوف الاول والثاني كلهم لابسين ابيض يطلع اسود
او العكس يكونوا لابسين اسود يطلع هو ابيض
لكن الاشكال اذا كان الاول ابيض والثاني اسود ... فاحتمال يكون ابيض واحتما اسود .

سوالي هنا ..
عادي انه احد يلتفت على الثاني ...؟؟ او لازم تكون وجوههم الى الامام فقط ؟؟



أنسام

[امرؤ القيس]

ابشركم اني شريت سيارة فان وراح امركن جميع اوديكن للعمارة تطيحن منها مرة وحدة !!!

قلنا يانجدية الثالث لايمكن يتكلم ليش؟ لان الاول عكس الثاني !!!!!!!!!!!!

جنان وانتي نت اهل الخير 00اتوقع مارايح تنامين زين!!!!!!!!!!!

مجنونة شكلها سوتها وراحت تدور العمارة !!!!!!!

نجدية صلحت الفيوز وعلى طول اخربن!!!!!!!!!!

العندليب انحاش!!!!!!!!!!!!


العلقم مازال يصارع الحلول المضروبة!!!!!!!!!!

[نجديه 2]

طيب خلاص لاتزعل الثاني اللي بيقول ومن غير مايغلط :e9:

[امرؤ القيس]

الله لا يجيب الزعل !!!!!!!!!!


اكيد الثاني بس كيف يانجدية 2 ؟

[نجديه 2]

الثاني لأنه شاف لون طاقية الأول وبعدين الأول عكس الثاني وصار الثاني يشوف الثالث فعرف لون طاقيته

اكمل ولا خطأ :for9::b1::b2::d6::a8::d7::c3::a9::d3::c6:

[امرؤ القيس]

لا كملي حتى يصير الرمي له فائدة اكبر !!!!!!!!!!!!

[نجديه 2]

هههههههههههههههههههههههههههههههههههههههههههههههههه ه


وش دعوى يالعلقم كنت امزح !!!!! وبعدين الرمي هذا للسياره الفان علشان ابي امنع انتحار جنان


واللي معها >>>>>> وحده تصرف :for3: مالقيت حل :for13:


اول مره مااعرف احل لغز !!!!

[نجديه 2]

على فكره انا حليت نصف اللغز لاتنسى يعني جائزتي لمدغشقر ذهاب بس ومن غير عوده !!!!!

[امرؤ القيس]

بعد التكسير بقيمة التذكرة وحلك يانجدية لقينا ان حلك يوديك على بعير فقط !!!!!!!!

والربع شكلهن نامن وملن من ضرب الفيوز !!!!!!!!

انا ما اتوقع ان اللغز صعب الى ها الدرجة اثري عبقري يوم احله !!!!!!!!!!!!!!!!!!

[درة الكون]

باااااااااااااك

رجعت لكم

وتسلمين والله أختي نجديه والشرف لي اولا واخيرا

تسلم أخوي العلقم

بس انا اعتذرت لانك طنشت ردي تهئ تهئ وهذا اللي خلاني افكر انه خاص

على العموم صار خير

وتراني جالسه افكر باللغز وتوصلت لحل ان شاء الله انه صح

اللي يجاوب من الثلاثه هو الثاني

وأقولك ليش

لانه من المفروض ان الثالث يجاوب لانه شايف الاثنين قدامه هذا اذا كانت طواقيهم بلون واحد

لكن بما انهم يختلفون فالثالث يسكت لانه ما يدري عن لون طاقيته

فالثاني يستنتج من سكوت الثالث انه ما عرف لون طاقيته لان اللي قدامه طواقيهم تختلف

فطاقية الاول تختلف عن طاقية الثاني

والثاني بما انه شايف طاقية الاول فراح يتكلم

فاذا كانت طاقية الاول بيضاء فراح يقول الثاني طاقيتي سوداء والعكس صحيح



هاااااااااه صح هذي المرة والا لا ؟؟

[امرؤ القيس]

الحمدلله على السلامة صبرتي ونلتي 0000000000


الاجابة صحيحة 100%

ولك جائزة وتستاهلين وخلي جميع الاخوات اللي بغى ينتحر واللي ضرب فيوزه واللي واللي !!!!!!!!!!!

[نجديه 2]

الحمدلله على السلامة صبرتي ونلتي 0000000000


الاجابة صحيحة 100%

ولك جائزة وتستاهلين وخلي جميع الاخوات اللي بغى ينتحر واللي ضرب فيوزه واللي واللي !!!!!!!!!!!



لاتعليـــــــــــــــــــــــــــق !!!!!!


مبروووووووووووووووووووووووووووك يادرة الكون تستاهلين الجائزه ..

[امرؤ القيس]

ش دعوة نجدية زعلتي!!!!!!! ليش بدون تعليق

وش رايك بالحل صعب ؟؟؟؟؟؟؟؟؟؟

[نجديه 2]

على قولتك الله لايجيب الزعل !!!!!!!!!!!!!!!!!!!!!!!!!!!!


الحل سهل وتقريباً انا ساعدت في حله ؟؟؟؟؟؟؟؟؟


وشكراً لك وننتظر لغزك الجاي بس هالمره بتوقيت جزر القمر !!!!!!!!!!!!!

[امرؤ القيس]

هههههههههههههههههههههههههههههههههههههههههههههههههه هههههههههههههههههههههههههههههههه

وش خفة ها الدم عندك نجدية وش لو انتي المراعي وش تسوين !!!!!!!

ادري ان نجدية يعني نجد تحسبيني ما ادري او مقفل المخ !!!!!!!!

لاكن اللغز الجاي على شانك نخليه بتوقيت جزر الملاقيف قصدي المالديف سابقا كوريا الجنوبية حاليا والله يعينكم على ضرب الفيوز نولمو!!!!!!

اذن الفجر تصبحون على خير


العلقم سابقا العلقم حاليا

[نجديه 2]

شكراً .... ننتظر لغزك وانت من اهل الخير :)

[هامة حاسوبية]

والثاني بما انه شايف طاقية الاول فراح يتكلم

فاذا كانت طاقية الاول بيضاء فراح يقول الثاني طاقيتي سوداء والعكس صحيح





برضو مافهمت الحل ؟؟!! يعني شلون بيعرف الثالث لون طاقيته ؟؟!!

[~مجنونه*بس*حنونه~]

:o صبحكم الله بالخير جميعا





اقول يا العلقم وش هالعمارة ماتنفع طبيت مادريت الا دررررررررررررررررررررررررررررررررردب :for11: ولا صار لي شي




والف مبروك للي حل اللغز يا درة الكون ماشاء الله علي هي الذكية حنا نحوس وندوس وهي اخذته على جنب ودرسته زين :for10:





عاد يا العلقم ياخي وزع لنا شرهات ياحولي مترززين وسهرانين ومتعبين ارواحنا لو تعطينا هابي ميل من اي مطعم خخخخخخخخخخخخخخخخخخخخخخخخخخخخخ




تحياتي للجميع وبعدين وراه ماتحط لغزك الجاي في موضوع منفصل مو احسن من اننا نحوس بين الصفحات




سلملم

[جناان]

مبروووووووووووووووووووووووووووووووووووووووووووووك اخيتي درة الكون ..


العلقم ..اصلا انا عارفه حل اللغز بس كنت استهبل عليكم ...>>>> نصاااااابه ..هههههه


والله مثل مقالت ام عمر مافهمت الحل للحين ....!!!!!!!!!!

وضح يالعلقمي وبالصور ...


اللللللللللللللللللللللللللللللللللللللللللللللللل للللللللللللللللللللللللللللللللللله ..يستر من اللغز القااااااادم ..خخخخ

[أنسام]

>>>>>>> اجل حليتوه ...!!

يوووه كنت بحله بس ما عطيتوني فرصة >>>> بكاشة من جنبها .

مبررررروك لك يادرة الكون
ماشاء الله عليك جبتيها :d1:



أنسام

[درة الكون]

:for2:

اي والله ماشاء الله علي :c7:


العلقم

الله يسلمك أخوي ويبارك فيك يارب


نجديه

الله يبارك فيكِ عيوني ويخليكِ


أم عمر

هههههههههههههههههههههههههههههه

يا قلبي مو الثالث اللي عرف اقري الحل صح

الثاني هو اللي تكلم وقال لون طاقيتي كذا

عرفتي الحين؟


مجنونه بس حنونه

تسلمين عيوني والله يبارك فيكِ

والحمد لله على السلامه عاد لا تعيديها مره ثانيه تراكِ غاليه


جنان

الله يبارك فيكِ ياعسل

أنسام

الله يبارك فيكِ عيوني عقبالك :d1:

يالله يالعلقم وين لغزك الجديد ؟؟

<<--- تحمست الأخت:D

هههههههههههههههههههههههه

[امرؤ القيس]

تحية خاصة لجميع المشاركين معنا 000000000000000000

فعلا كما قالت المجنونة ابوزع شرهات ولذلك خلاص الشرهة عليكم ماعرفتو الحل يكفي يامجنونة بس حنونة توزيع او مو كذا ؟ّّّّّّّّّّّّّّّّّّّّّّّ!!!!!!!!!

الاخت درة الكون تستاهل الجائزة 000

الاخت ام عمر شكلك تفكرين بموضوع ثاني مانتي معنا من اول الدرس ؟ الثالث ماهو لازم يعرف لون طاقيته حنا نبي واحد من الثلاثة يقول اللون دون ان يغلط 00وتكلم الثاني

الاخت انسام0000 روحي كتبي مواضيع لين تطير الطيور بأرزاقها وتعالي ؟ حنا من المغرب امس حتى الفجر ورا ها اللغز لين قفل المخ بدينا مانركز بالجهاز وبديت اكتب الرد ست مرات واعيد والحروف صارت نقطة ما اشوفها وعيوني صارت تقل عيون كوري شمالي ( اقاله فيه فرق عن الجنوبي) من صغرها رغم انها صغار خلقة الحمدلله على كمال العقل!!! اهم شيء لاتنسي اللغز القادم معنا تعالي بدري ؟ بس دوري لك عمارة حولكم تطبين منها اذا حاولت مثل الاخت مجنونة والاخت جنان 000

انتظرونا مع اللغز القادم الساعة التاسعة والنصف ليس تماما بتوقيت خب روضان جنوب افريقيا اللاتينة بأسيا الامريكية


اخوكم دائما العلقم

[جناان]

العلقممممممممممممممممممممممممممممممممممممممممممممم م ..

يالله وين رحت .. زينا الفيوز ....:f8:هههههههههههههه

متحمسه ..ودي افوز على درة الكون .... علشان اوريه ذكانا شكلنا طحنا من عينه ...عقب الخلل الفني

اللي حصل ...هههه

[امرؤ القيس]

شكرا على حماسكم الغير عادي 000000000000000

والله يا اخت جناان ما رحت ولا شيء بس قلت نريح شوي ونرجع اللياقة اللي فقدناها امس من البحلقة بها الشاشة تقل مغصوبين !!! رحت للدائري الغربي حقنا يالخبوبيين ( اقاله لنا ) واخذت دورتين رجلية واتصلت على الاسعاف يجون يشيلوني من هناك!!! الحمدلله جت سليمة كمن جرح عادي !!!

لا اطيل عليكم 00000000000000000000000000000000000000000000000000 0000000000اللغز الجديد

سأعطيكم هذه المرة لغزين اثنين خفيفين !!!!!!!!!!!!!!والله ماندري عنكم

الاول00

1- كلمة تتكون من خمسة حروف فاذا حذفنا منها حرفين اثنين بقي حرف!!!!!!!!!!!!!!!!!!!!!!!!!!!!!!!!

كيف يكون ذلك ؟

الثاني 000

2- رجل فاتته صلاة واحدة فوجب عليه قضاء خمس صلوات !!!!!!!!!!! كيف يكون ذلك ؟ ولا تسألون احد المشايخ يغششكم ترا الغش حرام !!!!!!!!!!!!!!!!!!

------------------------------------------------------------------------------------------------------------------------
على الجميع البحث عن عمارة طويلة يطيح منها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

علما ان رحلة الفان ستقلع الساعة الرابعة بتوقيت حي مشعل !!!!!!!
================================================== ==========

اخوكم دائما العلقم

[نبض القلم]

مرحبا يا جماعة ..

العلقم .. أبزور خالتي قبل رمضان ومتعود آخذ معي شرط !!

الوالدة معودتن على هالطبع .. فبكم آخذ من أكار شوكولانا لو ثقلنا عليك .. ووش أقولهم يالغالي؟؟

( واثق الاخ من الفوز )!!!!


شف حل الاول /

كلمة الحرف ++++ تتكون من 5 حروف , ان حذفت منها ال التعريف بقي حرف...

وش رايك؟؟؟؟


أما اللغز الثاني , فجاري التحميل .. قصدي التفكير!!!!

[مشتاااق]

بسم الله نبضوووه هنا :)



بنافسك بكل الحتت



العلقم


اللغز الثاني :


الجواب هذا شخص نسي ان يؤدي صلاة من الصلوات في يوم من الايام وبعد ذلك نسي ماهي هذة الصلاة التي نسي ان يصليها فهنا يلزمه اداء الصلوات الخمس بنية القضاء





لايصير نبضوووه احسن مني >>>>>>>> حريم تغار من بعضهم :)




مشتاااق

[نبض القلم]

مشتااااق ...


حلوووووة مرررررة منك / نسي أنه نسي !!!

ذكرني بالشاعر النحرير الي يقول :

نسيت أنساك وانت الي ==== نسيت الي نسى ينساك
نسيت انسان نسيانــــه ==== نسى ينساك يـــا ناسي !!!!

مشتاق /

اتحداك تعيد هالبيتين ثلاث مرات بسرعة!!

[درة الكون]

صباح الخير عليكم

ما شاء الله عليكم والله وجبتوها :d1:

أخوي العلقم وين الجائزه ؟:(

وعجل علينا بسؤال جديد

نبض القلم ومشتاق خذوا هذا عشان تقسمون الجائزه بينكم ---> :c6:

هههههههههههههههههههههه

الف مبروك مقدماً:b7:

[هامة حاسوبية]

أنا وين سؤالي الرياضي يالعلقم ؟؟!!

لا يكون هذا السؤال الأول ؟؟!!

[alnesf1]

السلام عليكم ورحمة الله وبركاته

مشاء الله

حلوووووووه قبل ماشوفه ؟

يستاهلووون الجائزه

[عجولي]

يالله عاد جيبها خلنا ناكلها جو الروم

[امرؤ القيس]

اهلا بالجميع وبالضيوف الجد د 000000000000000000000000000

الاخوة الاعزاء 00 نبض القلم 00مشتاق 000

احسنتم والجواب صحيح 000
----------------------------------------------------------------------------------------------------------------------
الاخت درة الكون 00مشكور على المشاركة والجائزة اذهبي واستلميها !!


الاخت ام عمر 00مشكور على حماسك ولانك الحالك تريدين سؤال رياضيات اخليك تتحمسين شوي !!

الاخ النصف 00مايمديك حلووووووووووووه الشباب

الاخ عجولي 00دورهم منا ولا منا ولا بالدائري
================================================== ==========االاخوة الاعزاء سؤال الجائزة يأتيكم بين الحين والآخر !!! وفي كل مرة نطرح سؤال او لغز كأستراحة من وجع الرأس !!

[امرؤ القيس]

لغز الجائزة لهذا الاسبوع 00

واحد في سجن له بابين اثنين الاول عليه عسكري كلاك مرة اي كذاب !! والباب الثاني عليه عسكري صدوق مرة !!

قالو له اذا عرفت الباب اللي يطلعك برا في الشارع سمحنا لك , ولا يمكن ان يعرف الباب الا من خلال سؤال واحد فقط !!!!!!!

ماهو هذا السؤال ؟

الجائزة 100 ريال ايضا من حساب اخوكم العلقم

[درة الكون]

السلام عليكم

مشكور اخوي العلقم على مجهودك

أتوقع انه يسأل احد العسكريين ويقول اين باب الخروج ؟

اذا رد الصادق اعتمد اجابته

واذا رد الكاذب يختار الباب الاخر يعني عكس اجابة العسكري الكاذب

هااه صح أو لا ؟ :D

[توتي]

يسال الاول(الكلاك) ويقول لو اسال
الثاني(الصدوق) وين الباب وش يقووول

ثم الكلاك يعطين الباب الخطا مثلا رقم 1 طبعا
واسال الثاني نفس السؤال
اكيد راح يعطين الباب الخطا رقم 1 لانه يعرف زميلة انة يكذب

وارووح مع الباب الاخ رقم 2

[جناان]

والله حبيت امسي على الجميع ....

اما المشاركه ...مهناش .... الراس مصدع ....

ومتوقف عن التفكير الان ...لاني لو فكر ...تعبت زيييياده ...

ابتفرج عليكم ..وبسسسسسسسسسسس ..

جازلي حل درة الكون احسه صح ...

[امرؤ القيس]

تحية خاصة للمشاركين 000000000000000

الاخت درة الكون اشكرك جزيل الشكر على المشاركة وارجو المحاولة مرة اخرى 00


الاخ توتي وينك من زمان سعدت بتواجدك والحل هذه المرة بالعارضة !!! حاول لعل هذه المرة بالشبكة

الاخت جنااان مليتي ها السرع 00 ارتاحي وشرفينا مرة اخرى

اخوكم العلقم

[MiSs_7o0oRyAh]

http://www.geocities.com/miss_7o0oryah/OraNgeU.gif
http://o0ffline.jeeran.com/new_head.gifالسلام عليكم ورحمة الله وبركاتهhttp://o0ffline.jeeran.com/new_head.gif
ياسلام وين انا عنكم من زمان الغاز وحركات

اخوي العلقم عندي استفسار بسيط بالنسبة للغز هذا
هل السجين يدري مين الكذاب ومين الصادق
وللا لا ..؟؟
http://www.geocities.com/miss_7o0oryah/OraNgeD.gif
http://www.geocities.com/miss_7o0oryah/OraNgeT7yaT.gif

[الفتـ الذهبي ـى]

يالعلقم فقعت راسي


سامع جواب السؤال ................... لكن نسيته <<<<< علينا هي هههههههههههه



ابحاول..

يسألهم يقولهم هل مر مهنا احد يعني الطريق الي على الشارع... او هو حووووووووله ياخي اعرفه بس نسيته.........!!!!!!!!!!!!!!!!!!!

[امرؤ القيس]

اهلا بالجميع 000

الاخت حورية وينك الناس اكلوا عنك الحلويات والشرهات وخلوك 00

لا لايعلم ولوكان يعلم كان انتهينا من الاول !!

سؤال خاطم ؟ وشو الجرافيكس تكفين ؟ لاتقولين سؤال بايخ تراي مالي بها الاسماء ؟ وانتي جابك الله نسألك وشرفينا مرة اخرى

الفتى الذهبي وينك يا اخي تغلى علينا وبعدين قلنا له سؤال واحد فقط وانت شكلك تبي تسوي معهم لقاء صحفي من كثر الاسئلة!!!

اخوكم العلقم

[جناان]

العلقم هل يسالهم السؤال مره وحده

يعني كلهم يسمعون ولا كل بلحاله ,,,,, شكل سؤالي سؤال وحده عبقريه ....ههههههه



اما سؤالك لحوريه ..والله انك جبت اللي في بالي اسال عنه...ولزلنل ننتظر جوابها ...

[امرؤ القيس]

الاخت جنااان باين انه سؤال عبقرية !! والدليل الجرافيكس !! اثرنا طلعنا ندعي بالثقافة وقسم مستقل مشرفته وحدة عزيزة علينا ماندري و ش يسوون هناك !!! الله يخلف علي وعلى ثقافتي !! انا تراي سائل ابيكم تدرون ولا انا دراي!! (ايه هين داري , داري طل)0

جواب سؤالك ياجناان 00 قلنا ان كل واحد عند باب يعني لايسمعون السؤال جميعا ولا يلقى السؤال الا مرة واحدة فقط وعلى واحد منهم برضه فقط 00


الغريبة ان السؤال اتى بتوقيت بريدة ولا شفنا اي ازدحام !!!

اخوكم دائما العلقم

[مشتاااق]

العلقم



شوف حبيبي اطلب من واحد فيهم يسال الثاني وين الباب اللي يطلع برا


وامشي عكس اللي يقولك عليه :)




الاحتمالات :


تسال ( 1 ) الصدوق بيروح يسال الكذاب وبيقوله الباب الخطاء وهو بيقولك الجواب بلا تصحيح لانه صدوق


تسال ( 2 ) الكذاب بيروح يسال الصدوق وبيقوله الباب الصح وهو بيقولك الجواب بعد مايغير فيه لانه كذاب



علم








مشتاااق

[جناان]

العلقم تراي يوم اسال ابرفع من معنوياتك والا فيه احد

مايعرف اللي تقول عليه ....:b3: >>>> عجزت تنطق الاسم ....


وتراي انا اللي علمت حوريه ....!!! هههههههه



نجي للغز ..والله يالعلقم ان الغازك الظاهر انت تولفها ...صدق مادري منين تنبشهن

قل لاخيت وش الكتاب اللي تجيب منه ...خخخخخ

تراي مااعلم احد ....!!!!

ــــــــــــــــــــــــــــــــــــــــــــــــــ ــــــــــــ

[امرؤ القيس]

تحية للجميع 0000

الاخ مشتاق 00 شكرا للمشاركة والحل مافيه اي احتمالات هو سؤال واحد فقط 00

الاخت جنااان علينا ترفعين معنوياتي الا وش الجرافيكس علمين وعلمك بحل اللغز ؟؟؟؟؟؟؟؟؟؟

والالغاز اجيبهن من كتاب من ايام جدنا الاكبر ابو دلامة الثقفي يعني مافيه الا نسخة وحدة فقط وعندي !!





انتظرونا في رمضاااان المبارك الغااااااز روعة

[MiSs_7o0oRyAh]

http://www.geocities.com/miss_7o0oryah/OraNgeU.gif
http://o0ffline.jeeran.com/new_head.gifالسلام عليكم ورحمة الله وبركاتهhttp://o0ffline.jeeran.com/new_head.gif
هلا والله
وخزيااااااااااااااااه بس اجل ما تدرون وشو الجرافيكس
قسم كامل بكبره مرتز لكم وما تدون وشو

<<<<<<<<< شرهت على العلقم ومن على شاكلته :(

خلاص يالعلقم لا تحاول


انا اقول لا تحاول تبي تراضين تعال زرنا بالقسم
تلقاه براس العاير عن اخر اشاره لف يمين تلقة لوحة كبيرة مكتوب عليها
قسم الجرافيكس

وهو القسم اللي يهتم بالتصاميم والصور والتواقيع ووووووو وكل شي
<<<<<<<<< بدت تفلسف:)

وبالنسبة للغز جاري المحاولة والتخرص وانشالله نلاقي الحل
http://www.geocities.com/miss_7o0oryah/OraNgeD.gif
http://www.geocities.com/miss_7o0oryah/OraNgeT7yaT.gif

[امرؤ القيس]

مشكووووووووووووووووووور اخت حووووووووووووووووورية على هيك معلووووووومه

علمي هذولا اللي مايدرووون ولا فيه احد مايعرف هذا اللي تقول عليه حورية والله مشكلة ماتنترقع !!!!!!!!!!


العللللللللللللللللقم

[جناان]

العلقم فشلتنا احد مايعرف الجرافكس الله يهديك مير....

هو ياطويل العمر كراسه ومجموعة اللوان مائيه انتبه لايكون خشبيه ..:f3:



والله ياحوريه تقطر كبودنا ونعرف هالقسم ودهاليزه ...>>> طلعت الصدزه ..هههههههههه


لكن من اين البدايه وكيف تكون واين نذهب انا واخيي العلقم ..:f6::f6:

علشان نكون يوم من الايام فطاحله في هذا القسم ...>>> والله ياهي بعيده خخخخخخ

لا وبعد ناخذا الاشراف منك انتي وقطرة الندى ...>>>> نذاله ..:g5:

يالله وش رايك يالعلقم نطينها ونشارك بمسابقة التصاميم اللي معلنين عنه ..

بس انتبه جب الكراسه والالوان المائيه ....ههههههههههههههههههههه

[امرؤ القيس]

الاخت جناااان كل واحد يتكلم عن نفسه !!!

انا ادري من زمان بس ناسي اسمه بحكم ان لغتي يونانية ولا باليوناني بسيط !!

الاشراف الحين وشلون ناخذه ياجناان هو الاشراف التربوي ولا شي ثاني تراي مالي بها الامور انا انسان تبون اصنع طيارة او صاروخ ارض ارض اما تلوين على ماء صعبة مرة لاني لااجيد السباحة ولا حتى ركوب الخيل !!

الحين تحمق حورية !!! آسف حورية والله ان قسمكم احسن قسم لكن دايم اجي القاكم مسكرين مرة يقولون تصلون ومرة معزومين عند قسم الشعر ومرة كاشتين مع قسم الادبي واظنكم حتى الان بينكم لجة مع قسم المرأة !!

اخت حورية 00 لاتزعلين علينا انتغشمر معك لكن وشلون تبدأ الاخت جنااان !!!

ولا انا والله لو تنفخين بقربة منشقة اهون من اني اتعلم!!!

اخوكم العللللقم

[مشتاااق]

العلقم




جوابي واحد مافيه احتمالات



اطلب من واحد فيهم يسال الثاني وين الباب وامشي بالطريق الثاني



قول للي في الباب الاول :


لو سمحت روح اسال رفيقك وين الباب اللي يطلع برا



ولاتروح للباب اللي يقولك عليه روح عكسه




علم حبيبي






مشتاااق

[جناان]

[size=4] الله واكبر يالعلقم اجل ثقافتك يونانيه ....ايه معذور ماعندهم الجرافكس ..بهالاسم يمكن

مسمى ثاني ...خخخخخخخ

اما الاشراف فهوا الله يصلحك ..يعني نصبح مشرفين بالبلديه....هههههههه

والله ماعندكم هالمسمى باليوناني.....

والله اذا اقبلون بالمدرسه مااعلمك يالعلقمييييي ....>>>>> تحلم ان تعرف :g3:

[نجديه 2]

السلام عليكم ورحمة الله وبركاته

صباح الخير للجميع ....

حل اللغز /// يسأل واحد فيهم وين الباب الخارجي وإذا راح الشرطي يسأل يكون الباب ماعليه احد ويطلع

السجين!!! >>>>>>> مااقتنعت فيه بس مافيه حل ثاني !!

اقول يالعلقم الحين كل ألغازك عن السجن والمساجين ليش شايفنا خريجين سجون :a2::for11:

ياليت تجيب لنا ألغاز حسابيه او شعريه شي جديد وبإنتظار جديدك

[امرؤ القيس]

شكرا على مشاركاتكم الفعالة 00000

الاخ مشتااق حاول مرة ثانية لعل وعسى تصيب وشكرا للمشاركة

الاخت جنااان 00زين هذا وهو بيننا عيش وملح وحل في الالغاز ادري انك حاقدة علي ان ثقافتي يونانية بكرا تجيك رسالة من عمومتك اللي باليونان تقولين ترجمها ؟ والله لا اترجمها غلط!!!! ازيدك من الشعر بيت تراي اعرف صينية لاني دراستي الجامعية بكوريا !!!! خليها تنفعك الجرافيكس والاشراف00

الاخت نجدية2 00 هذا لا صار السجن بالهند ماعندك احد راح العسكري يسأل !!!!!!!!!!

وبعدين من قالك ان قايل انكم خريجين سجون ابد وحشا والحشا عن الف يمين ويسار بعد واذا بغيتي لغز شعري او حسابي تامرين امر !!! خليه يخلص ها اللغز وتشوفين بس وين اللي يحلون!!!

اخوكم العللللللقم

[درة الكون]

انا أتوقع إنه يسأل أحد العسكررين

فيقوله لو سمحت <-- ( ابوك يالادب :D ) لو سألت خويك وين باب الخروج وش راح يقولي؟

ولما يجاوب العسكري ويحدد له الباب السجين يختار الباب الآخر

لعلمه أن الكذب وارد

هاااه صح أو لا ؟

[جناان]

يالله تكفون جيبوا الجواب .....بسرعه قبل رمضان ....علشان ...

ابترك النت بعا الشهر وودي اعرف الجواب ....علشان ماقعد اهوجس فيه وفي حله ...>> اقاله اذا فكرت به

جابت الحل .....ههههههه

العلقم قل اول حرف من الجوااااااااااب ...والا قرب شوي اغدي الله يفتح علينا ..خخخخ

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

[الفتـ الذهبي ـى]

هههههههههههههههههههههههه


لاأحد يجاوب جا رمضان وحنا ماجاوبنا...


اويييييييييييييييييييييلك
هههههههههههههههههههههههههههههه

[جناان]

مالها الا العندلييب ...وينه عن هاللغز اللي له اسبوع مااحل ...!!!!:rolleyes:

[امرؤ القيس]

رمضان كريم ياجنااااااان




العندليب مشغول لاتشغلينة

[جناان]

... مبرووووووووووك عليكم الشهر ...

ونلتقي بعد رمضااان ان كان الله احيانا ...

حللونا وانتم بحل والف ظل ...

[مشتاااق]

هييييييييه العلقم


ماظنيت انك عارف الجواب :)
حبيبي الدعوى مو محتاجه عباقره
طبق الجواب على القصه وشوف النتيجه





مشتاااق

[نجديه 2]

كل عام وانتي بخير جناااااااااااااااااااااااان

ورمضان كريم على الجميع

ترجعين بالسلامه ان شاءالله

[امرؤ القيس]

للجميع اجمل تحية00

وانت بحل جنان 00بعد رمضان نلتقي

الاخ مشتاق00انا اصلا ماقلت انها تبي عباقرة وحلك فير صحيح وتشرفنا بزيارتك لنا

الاخت نجدية 2دعواتك مقبولة انشاء الله

[عزيزتي بريدة]

الاخت العزيزة جنان تحية طيبة 00

الآن بامكانك الذهاب لحلويات اكارشوكولانا وشراء بقيمة 200 ريال او باي مبلغ منها واسترجاع الباقي لك

وتقولين للمحاسب انا الفائزة بجائزة منتدى بريدة سواء انت او من ينوب عنك بسرعة لاتطير

اخوك العلقم
رحت وقلت انا الفائزة بجائزة منتدى بريدة مر يضحك علي راعي المحل قال قصدك نيابة عنها قلت ايه
قالت جت واخذتها من بدري لقيناها نايمة عند باب المحل>>>>>تخاف من أشكالي
ههههههههههه

[مشتاااق]

يالله قاعدين ننتظر الحل





بالمناسبة


اللغز اصلا يقول واحد رايح للرياض وفيه طريق يمين وشمال ماعرف من وين الطريق الصحيح :)




مشتاااق

[امرؤ القيس]

تحية لجميع المشاركين 000اللي ارجو ان يكونوا قد استمتعوا معنا في الايام الماضية وكذلك ارحو ان تكون اعجبتهم الالغاز وشغلت ادمغتهم 00 وحرصا على الوقت سأقوم بحل هذا اللغز هذه الليلة لان لايوجد حتى الان محاولة جيجة للحل 00

اخوكم العلقم

[نجديه 2]

السلام عليكم ورحمة الله وبركاته

( يقول المسجون لأي واحد من العسكريين ... لما أسأل صديقك

عن الباب اللي يطلع برا ايش يقول اذا علمه العسكري ؟؟ راح مع الباب

الثاني ) !!!!

[امرؤ القيس]

اهلا بالجميع 00000000000000000000000

ليتي قايل لكم من زمان انها آخر ليلة واحله !!!!!!!!

فعلا جواب الاخت نجدية2 صحيح 100%

وتستحق الجائزة على الجواب 00


والجائزة كما ذكرنا عبارة عن مجموعة مشتريات بقيمة 100 ريال

اخوكم العلقم

[أنسام]

............


مبرررررررروك عليكِ يا نجدية :D
برضه ما عطيتوني فرصة الله يصلحكم :for6:



بس سؤال ...

( يقول المسجون لأي واحد من العسكريين ... لما أسأل صديقك

عن الباب اللي يطلع برا ايش يقول اذا علمه العسكري ؟؟ راح مع الباب

الثاني ) !!!!


>>>>>>>> يعني كيف ..؟؟؟؟


>>> وتقول ما عطيتوني فرصة بعد :a2:


أنسام

[هامة حاسوبية]

مبرووووووووك نجديه 2

العلقم وين لغزي ؟؟!! >> أبلشتنا عليه وشكله مهب حالته أصلا !!

[مشتاااق]

العلقم حبيبي





العلقم




جوابي واحد مافيه احتمالات



اطلب من واحد فيهم يسال الثاني وين الباب وامشي بالطريق الثاني



قول للي في الباب الاول :


لو سمحت روح اسال رفيقك وين الباب اللي يطلع برا



ولاتروح للباب اللي يقولك عليه روح عكسه




علم حبيبي






مشتاااق




انا أتوقع إنه يسأل أحد العسكررين

فيقوله لو سمحت <-- ( ابوك يالادب :D ) لو سألت خويك وين باب الخروج وش راح يقولي؟

ولما يجاوب العسكري ويحدد له الباب السجين يختار الباب الآخر

لعلمه أن الكذب وارد

هاااه صح أو لا ؟




8


8


8


قاعدين يفصفصون حب قرع


:(








ابوووووووووووك يالشكولاتااااااااااااااااااااااااااااااااااااااات :)






مشتاااق

[الفتـ الذهبي ـى]

مبرووووووووووووووووووووووك

وتستاهل

[رمش الليل]

شوكرن الثالث يشوف اللي قدامه طاقيتين سود يعني اللي عليه طاقيه بيضاء والعكس اذا كان عليهم طواقي بيض يعني اللي عليه سودا وبعدين اذا الثالث قال اللي عليه وضح للول والثاني وش اللي عليهم صح

[امرؤ القيس]

للجميع احمل تحية 0000000000000000


مشتاق 00 اللغز له حل واحد والفلسفة الزائداة في بيتكم ليس هذا مكانه يجب ان تتعلم وتحاسب على كلامك حتى لا تتعرض لاشياء انت ومن على شاكلتك في غنى عنها ويبدو ان حماسك واندفاعك مسوي معاك لخبطة وسأعتبرها زلة لسان من زميل الله يهديه !!!!!!!

انسام وام عمر والفتى الذهيي ورمش الليل شكرا لكم واللغز القادم باذن الله رياضيات

اخوكم العلقم

[الخبوبي]

أعصابكم أعصابكم

أهم حاجة الأخلاق

وكل يصلح سيارته

عطنا لغز ام عمر وفضوها سيره

[درة الكون]

كلولولولولولولولييييييييييييييش


:for2:

نجديه 2


الــــــــــــ مبروك ـــــــــــــف

الــــــــــــ مبروك ـــــــــــــف

الــــــــــــ مبروك ـــــــــــــف

الــــــــــــ مبروك ـــــــــــــف

تستاهلين أكثر :g6:

وانت يا مشتاق ياليت تتكلم عن نفسك وبس

دام العلقم شايف ان اجابتي غلط فهي غلط

أخوي العلقم

في انتظار اللغز الجديد

[امرؤ القيس]

للجميع اجمل تحية 0000000000000

اقسم بالله العظيم ( ومن حلف له بالله فليرضى) انني احاول جاهدا ان يحل اللغز اي انسان سواء اخ او اخت 00ولو رجعتوا الى الردود فقد كنت انادي على الشباب اكثر وانني عندما اطالع الردود لاتهمني لمن تكون !!!!!!!! لان هذا القسم كالآسرة الواحدة والله اعلم 00واذا كان احد رأى ان اجابته صحيحة ولكن صيغته غير فهو يتحمل غلطه ولن اصحح اي اجابة لاحد 00بل سأذكر انه قريبا من الاجابة ولو نسيت او غلطت فانا انسان معرض للآخطاء !!


يجب من الاخ مشتاق ان يعي ذلك ولست مجبرا على التوضيح الا ان كلامه لم يمسني انا شخصيا يل تعدى على الاخرين 00ولو كان له حق فكان عليه اتباع قنوات اخرى غير هذا

الاخت درة الكون 000 شكرا على كلامك الذي انصفني واذا رأيتي لك اي حق او انا اخطأت في فهم الاجابة عليك التوضيح وانا مستعد على مايترتب عليه 00


اخوكم العلقم

[توتي]

مع احترامي لك
لا ارى اي اختلاف في جوابي عن جواب نجدية

ولا تزعل

[توتي]

يسال الاول(الكلاك) ويقول لو اسال
الثاني(الصدوق) وين الباب وش يقووول

ثم الكلاك يعطين الباب الخطا مثلا رقم 1 طبعا
واسال الثاني نفس السؤال
اكيد راح يعطين الباب الخطا رقم 1 لانه يعرف زميلة انة يكذب

وارووح مع الباب الاخر رقم 2







...............

[توتي]

رجااءا

لا تلغي الهدية
وعطها نجدية



بدووووون زعل من كلا الطرفين

[امرؤ القيس]

الاخ توتي تحية لك

كيف لا تجد اي اختلاف وانت سألت سؤالين اثنين وانا قلت ما لك الا سؤال واحد !!!!!!!!!

ليست المسألة تحقيق انما هو سؤال واحد فقط


صيغته كالتالي 00 لوسألت زميلك اوالعسكري الثاني عن الباب اللي يطلع برا ايش يقول ؟؟ اذا علمن اروح مع الثاني فقط غير كذا فلسفة زائدة مافي


شكر لك اخ توتي

العلقم

[امرؤ القيس]

الاخ الخبوبي 00 تحية لك

هذا المنظر اللي بالتوقيع للبيع ؟؟؟؟؟؟؟!!!!!!!!!!!!!!!!!!!!!!!

شكرا على المشاركة

[توتي]

مشكووووووووور على التوضيح

وانا اخطات ومنك السماح

[الفتـ الذهبي ـى]

انا ارى انها للي يستحقها..<<<<<<<<ايقالي قلت شي


مبروووووووووووووك لتوتي قبل لايزعل على العلقم وعلى نجديه..

والف مبروووووك لنجديه عاد انا مباركله قبل
ححححححححح مافي شي لي .....؟؟؟؟؟؟؟؟؟؟؟

نجدية ححححححححححححححححححمافي شي <<<<<بدا يتمصلح

هههههههههههههههههههههههههههههههههههههههههههههه

[مشتاااق]

حبيبي العلقم



الخرابيط حقتك هي اللي رح سوها في بيتكم


هنا تحترم عقولنا ولا بلاااااااااش مصاخه


لا وفيها لغز جديد بعد :)






انتي يادرة الكون



طمعاااانه بالجواب الثاني http://www.asmilies.com/smiliespic/happy/026.gif (http://www.asmilies.com)



شايفتني قاعد ادافع عنك


لا خيتو انا ادافع عن عقولنا اللي بيستهبلها العلقم

دام شايفها غلط اجل هي غلط http://www.asmilies.com/smiliespic/happy/035.gif (http://www.asmilies.com) بلاش مسخره عقول


قال ايش الجواب مختلف







العلقم اقعد بيتكم وصفصف اللي تبغاه هنا منتدى فيه ناس لها عقول لازم تحترمها






عرب يا...


مشتاااق

[امرؤ القيس]

[size=7]الاخ الفتى الذهبي 00مرورك اسعدني جدا وكلامك على العين والرأس 00



مشتااااااااااااق لا اقول لك الا

لوكنت تعلم ما أقول عذرتني
او كنت تعلم ماتقول عذلتك
لكن جهلت مقالتي فعذلتني
وعلمت انك جاهل فعذرتك

ولا يشرفني مرورك ابدا حتى تتأسف لمن اتهمتهم ّّّّ!!!!!! ولن ارد على اي رسالة منك واذا كان لك حق راجع ادارة المنتدى 0

العللللللللللللللللللللللقم

[نبض القلم]

شكرا يا العلقم ..

هذا اليوم استفدت منك درسا رائعا في التعامل مع مدعي المعرفة ذوي التعالي وأصحاب النظرة الدونية للخلق .. أولئك الذين الذين يهرفون بمالا يعرفون ..

وكنت قبل كذا معطيه ( فيس) وأناقش وأقنع أحسب عندي أحد ....!!!


ألف شكر مجددا.. وبانتظار جديدك..

[امرؤ القيس]

نبض القلم 000000000كلماتك رائعة ولها اثر في نفسي 00 شكرررررررررررا لك


العلقم

[درة الكون]

هيه انت ياللي اسمك مشتاق

هو مافي احد مالي عينك والا ايش؟ ابي افهم

بعدين راز ردي باقتباس في ردك ومشركني معاك

وجالس ترمي بالكلام يمين وشمال

هذا وش تسميه ؟


والله أعلم مين اللي طمعان :rolleyes:


يعني الا بتخلي اجابتك تكون صح ؟؟

اسمحلي بصراحه مو بس اجابتك اللي غلط

طريقة تعاملك مع الآخرين كلها غلط × غلط

وياليت تراجع نفسك و تصحح عيوبك بالاول قبل عيوب الآخرين


أخوي نبض القلم

كثير اللي نصحوك بأنك ما تعطي هذي الأشكال فيس على قولتك

بس انت الله يهديك


أخوي العلقم

تابع الغازك ولا يهمك أحد

موضوعك رااااااااااااائع وفيه من الحماس الشئ الكثييييييييير

واصل ونحن معك

[مشتاااق]

اجتمع المتعوس على خايب الرجاء




العلقم


لاتتشرف فيني ولا اتشرف فيك


لاجيت بيتكم قول اللي بتقوله


حتى محلكم لاجيته بابط عينك بالخمسميه http://www.asmilies.com/smiliespic/happy/127.gif (http://www.asmilies.com)



وياحبيلك لاحطيت لغز بالمره الجايه قول من اللي بيفوز فيه اول http://www.asmilies.com/smiliespic/crazy/016.gif (http://www.asmilies.com)







نبضووووووه




ماكفوووك المتطوره ومذهله وغيرهم جايه تستفزعين في اللي هنا http://www.asmilies.com/smiliespic/happy/015.gif (http://www.asmilies.com)


قاعد قاعد على قلبك وان ماجاز لك سوي كذا http://www.asmilies.com/smiliespic/crazy/011.gif (http://www.asmilies.com)



وانسي تفوزين http://www.asmilies.com/smiliespic/happy/014.gif (http://www.asmilies.com)






درة الكون


غصب عنك وعنهم اجابتي صح


وانا ماحطيت كلامك من شانك حاطه اثبت فيه لبعض الناس انهم مايميزون الا اللي يبغون http://www.asmilies.com/smiliespic/happy/007.gif (http://www.asmilies.com)


افهمتي >>>>>>> ولا هو الظاهر






ماقلتوا متى اللغز الجديد



يمكن لارجعوا الناس من سفرهم http://www.asmilies.com/smiliespic/happy/011.gif (http://www.asmilies.com)



سلملم




مشتاااق

[هامة حاسوبية]

أحبتي الكرام

العلقم ومشتاااق ودرة الكون ونبض القلم

تذكروا أننا في الشهر الكريم وتذكروا أننا إخوة في الله إجتمعنا هنا لنفيد ونستفيد

مهما اختلفت وجهات النظر فإن الود رفيقنا

تذكروا أننا إخوة ... وكل ابن آدم خطاء ... فلتتسامحوا

الدنيا لا تستحق أن نتباغض لأجلها ونبيع الجنان

ولعلي أسوق لكم قصة واااااقعية على عجالة ذكرتها لنا دكتورتنا في الكلية اليوم


تقول : أعرف إمرأة كبيرة ولديها أبناء كبار أدت العمرة وتفارقنا أنا وهي في مكة
فلما عدت إتصلت على ابنتها وسألتها هل رجعت أمك فقالت لا ... لماذا ؟؟
قلت : لأني حلمت بها البارحة حلم فقد رأيتها ووجهها كالقمر ومن ورائها نووووور وقد قبلت عمرتها وأنا أقول بصوت عالي السماااااااااااااااااااحة ... ثم صحيت من النوم

رجعت الأم من العمرة وكانت ذات مرة بينما زوجات أبنائها وبناتها في الصالة كانت هي في غرفتها
فرأى الجميع نووووور عظيم يخرج من غرفتها وكانوا يظنون أن أظفالهم يعبثون بالإضاءة
وبعد قليل ذهبوا إلى أمهم في الغرفة فوجدوها








ميتة










تقول دكتورتنا فسألت إبنتها بعد ذلك بم عرفت أمك
فقالت : بالسمااااااااااااحة
فليس في قلبها شي على أحد مهما أخطأ عليها وذكرت دكتورتنا لنا قصة تدل على شدة طيابة قلبها وأنها لا تريد أن تنام وفي قلبها شي على أحد ولكن لا أريد الإطالة عليكم


أترك لكم التعليق


{ وليعفوا وليصفحوا ألا تحبون أن يغفر الله لكم }


فلتقولوا بصوت واحد بلى ... بلى


وتقبلوا تحيات أختكم في الله
umomar7

[جناان]

:x2:

مساااااااااااااااااااااااااااااااااااااااء الخييييير على الجميع ..

وش هالسوالف اللي عقبييييييي ..!!!!!!!!!!!!!!!!!!!!!!!

وين الالغاز ونا جايتن طايره ابكحش كم جايزه على الطاير ....

خبركم العيد قرب وقيمة الجايزه الاوله طاااااااااااارت ...!!!

اخيي العلقم سر ولا تلتفت خلفك ونحن نثق بك ....

يالله عطنا اللغز الليله اغدين احله واخذ الجايزه ولاتصير جيتي ببلالالالالاش ..ههههههه

[امرؤ القيس]

للجميع اجمل تحية 000000000000000

درة الكون 000ام عمر 00 جناااااااان اشكركم على عباراتكم ولن انظر للخلف لان القافلة تسسسير 000000!!!!!!!!

مشتااااااق 00 كل اناء بما فيه ينضح!!!!!! بالعامية عندك00 اللي بالقدر يطلعه الملاس !!!!!!

والفزعة بالرجال مو عيب الا اذا كان لك راي اخر في قاموسك !!!!


العلقم

[الخبوبي]

وما زلنا ننتظر ...
















وين اللغز ؟

[امرؤ القيس]

الاخ الخبوبي 000000شكرا لك


الكتاب يقولون آخذه واحد !!!!!!! ماحصلته 00



العلقم

[امرؤ القيس]

اهلا بالجميع 0000000000000000000000000000000000000000000


اللغز الجديد 00000000


إذا صعدنا سلماً كل درجتين دفعة واحدة يبقى درجة واحدة ، وإذا صعدنا كل ثلاث درجات دفعة واحدة يبقى درجتان ، وإذا صعدنا كل أربع درجات يبقى ثلاثة ، وإذا صعدنا كل خمس درجات يبقى أربع ، وإذا صعدنا كل ست درجات يبقى خمس ، وإذا صعدنا كل سبع درجات لا يبقى شيء ... فكم عدد درجات السلم ...؟؟؟


انتظر اجاباتكم

اخوكم العلقم

[هامة حاسوبية]

جبت الجوااااااااااااب وييييييييييييييييييييينك يالعلقم بسررررررررررررررعة

الجواب هو ::


35 درجه


صح وإلا لا ؟؟

لاتقول خطأ لأن الرقم هذا تطبقت عليه المعادلات اللي فوق باللغز

[مشتاااق]

اخي العزيز مشتاااق



اوضحت لك الطريقه الصحيحه لعلاج الموضوع


فرجاء عدم الحديث عن الأمر هنا



تحياتي


الرمادي

[درة الكون]

هههههههههههههههههههههههههه

مشتاق والله انك مسكين

وربي ما عليك شرهه اللي هذا تفكيرك

أجل انا نبض القلم خخخخخخخخخخخخخخخخ

والله اني اتشرف اني اكون أخت لنبض القلم

اللي كشفكم وطلع بلاويكم

ومن حرتك صرت منت عارف شتسوي ولا كيف تتصرف

وبعدين اذا تبيهم يحكمون نزل ردودك كلها

مو تنقي منها اللي تبي ، واللي يكشف حقيقتك تتركه

تفكر ان الواحد ما يقدر يتصفح الموضوع من أوله ويشوف مين اللي غلط بحق الثاني

على العموم ما نبي لك إعتذار بس فكنا من شرك

هذا واحنا في رمضان

أجل لو مو في رمضان شتسوي ؟؟

استغفر الله العظيم من كل ذنب عظيم

ولا حول ولا قوة الا بالله

[هامة حاسوبية]

يانااااااااااااااااس جوابي صح وإلا لا ؟؟

خلوا الهواش عقب مانحل اللغز هذا

[امرؤ القيس]

اهلا بالاخت ام عمر 00000000000000

شرفتينا اخت ام عمر وللآسف الجواب مو صح ارجو التفكير والمحاولة ثانية 00

الاخت درة الكون 00مشكور على المرور


0000000العلقم

[درة الكون]

ام عمر عيوني

طبقت على رقمك 35 طلع غلط

لما تطلعين 5 درجات ما يتبقى شئ من الدرج

وهو قال يبقى 4 درجات

<<--- تفكر في اللغز

[هامة حاسوبية]

درة الكون ... معك حق ... هذي طافت علي

العلقم ... قرب شوي ... العدد بالعشرات وإلا المئات وإلا الآلاف ؟؟

[الخبوبي]

المراد اللغز عليه جايزه والا اشلون <<<<<< يبي دافع للتفكير



بعدين هذا رياضيات وجاك يامهنا ماتمنى وتطوف عليك يام عمر




الحامض ( العلقم ) وينه مخمر مايصحح :b3:

[هامة حاسوبية]

حرام عليكم هذي 6معادلات في 7 مجاهيل !!!

تنحل بطريقة درسناه العام في مادة رياضيات ماأدري وش اسمه !!

فوشلون بذكر الطريقة ؟؟!! >> من زين الذاكره عاد

>> من حادك تحلين اللغز

[ابوعمر]

العلقم

تم ارسال رساله خاصة لك

[أبو القعقاع]

العدد هو:119
ان شاء الله صح

[الخبوبي]

أي والله صدق ابو القعقاع

العدد هو 119


لأن :


2 × 59 = 118 ويبقى درجة ... أي اننا نصعد 59 دفعة

3 × 39 = 117 ويبقى درجتان .. أي اننا نصعد 39 دفعة

4 × 29 = 116 ويبقى ثلاث درجات .. أي اننا نصعد 29 دفعة

5× 23 = 115 ويبقى أربع درجات .. أي اننا نصعد 23 دفعة

6 × 19 = 114 ويبقى خمس درجات .. أي اننا نصعد 19 دفعة

[أبو القعقاع]

طيب أخوي العلقم وين الجائزة!!!!! أو ماتدري اني ما أفطرت علشان أحل اللغز

[هامة حاسوبية]

طيب أبو القعقاع شلون حليت اللغز ؟؟!!

على هيئة معادلات رياضية وإلا شلون ؟؟!!

[أبو القعقاع]

الحقيقة اني جربت مضاعفات السبعة حتى توصلت للحل على أساس إن السبعة ما له باقي

[هامة حاسوبية]

ماشاء الله عليك يالقعقاع

أنا أول مافكرت بكذا لأنه مثل ماقلت السبعة ماله باقي

فعدد الدرج من مضاعفات السبعة فقط لكن بحكم أشغالي جربت المضاعفات اللي أقل من 100

وعقب حسيت إن الطريقة غير منطقية لأن العدد ممكن يكون كبير جدا وبضيع الوقت كذا

ماشاء الله عليك ومبروك عليك الجائزة>> تلمح ..!! تبي نص الجائزة..!!

[امرؤ القيس]

للجميع اجمل تحية 0000000000000000

الاخ الجديد عطر الحكي جوابك صحيح واشكرك على المشاركة الاولى معنا 0

ولو كنت معنا في الاول لعرفت ان هناك الغاز عليها جوائز والغاز تكون ترفيهية كهذا اللغز 0 ولغز الجائزة نحدده بقولنا ان هذا عليه جائزة 0 نرجو المشاركة مستقبلا والفوز انشاء الله0


الاخت ام عمر 00 وتنتظرين سؤال حسابي واخرتها كذا الله يهديك 00 ولكن سنعطيك سؤال او لغز حسابي آخر لانك تستاهلين بس لازم تحلين !!!!!!!!


اخوكم العللللللللللقم

[أبو القعقاع]

الأخت أم عمر...لو كان فيه جائزة عطيتك نصفها لكن مثل ما انت شايفه!!!



الأخ العلقم مافيه اشكالية الجاي أحسن بإذن الله


تحياتي

[جناان]

لاه لاه لاه يم عمر واين النااااس مخويتنا يلعقم وين لغزي وااااخرتهاا ..!!!


هههههههههههههههه


يالله امزح معك ....مشاء الله ياابو القعقاع فلكه بسم الله ماشاء الله ...

لكن تكفون فكونا من الرياضيات ...والله انها غثه ...خخخخخخ >>> ماحبها

جيبوا الغاز شكل ثاني ...>> يقالي ابفلح في حله ...ههههههه


ننتظرك اخي العلقمي ..

[امرؤ القيس]

الاخ ابو القعقاع لك تحية ولقد اخطأت في اسمك وجوابك صحيح وتقبل احترامي


الاخت جناااااان 00 انت شفت ام عمر كل يوم مرتزة تنتظر اللغز واخرته تسأل وشلون حله!!!!

العلللقم

[نبض القلم]

الفاضل/ العلقم...

بانتظار جديدك من الالغاز .. لكن يا اخي ترانا بشهر كريم والعيد قريب .. يعني شخشخ شوي وكثر الجوائز !! فيا ليت تخلي الفواصل الترفيهية الي ببلاش لبعد العيد تكفى !!!!!!!!!

وأنت كريم وحنا نستاهل!!!!

[امرؤ القيس]

مشكوووووووووووور نبض القلم على اهتمامك بالموضوع ولقد سررت جدا بمرورك ولا يسعني الا ان اقدم لك تحية واعجابي الشديد بأطروحاتك ومواضيعك المميزة وخاصة عن تعليم البنات واعلم يقينا ان هناك فئات من المجتمع لايهمها الا الضجيج دون علم او لشيء في انفسهم فقط 00

اما لغز الجائزة فهو يحتاج لجهد ومتابعة ومتى مارأيت الوقت سانحا القيته !!

هناك لغزين سهلين جدا 00

الاول 00

رجل الزموه بدفع دية لاهل المقتول دون ان يقتله ولم يمسه !!! كيف يكون هذا؟


الثاني 00 رجل صلى الفجر ب 12 ركعة وصلاته صحيحة متى يصير ذلك؟

اخوكم العلللللللقم

[أبو القعقاع]

ياأخ العلقم سؤالك فقهي بحت أو لا؟؟؟؟

[هامة حاسوبية]

عدناااااااااااااااااااااا

ياجماعة سوري بس أنا ماأفهم بالألغاز ذي >> وش تفهمين أجل ؟؟!!

عشان أحل لغز لا تجيبون لي رياضي قلتلكم منب تخصص رياضيات >> طيب أنت اللي طالبه !!

جيبولي سؤال حاسوبي >> إيه هين بس لا تورطين !!

بس لا يصير صعب >> ماصار لغز أجل !

[امرؤ القيس]

اقدم اعتذاري الشديد لوجود خطأ في اللغز الثاني واليكم التصحيح 000



الثاني 00 رجل صلى الفجر ب 12 سجدة وصلاته صحيحة متى يصير ذلك؟

بدلا من ركعة 00 سجدة

واشكر ام عمر وابو القعقاع على مرورهم والتنويع مطلوب 00


العللللللللللللللللقم

[عبدالله30]

الله وكبر 00

حنا نلعب عليك يالعلقم وثرك هنا تلعب على هالمسيكينات!

اللغز انحل ونتهى0 ركزو جيدا في السؤال

تحياتي0

[محطة مسار]

يا حبنا لك يا العلقم


بس خبرك خريج منارات القصيم يعني ((اهليه ))

وشلون تبين أفلح

ما تنتشوون تكتير <---ترى هذي ريحت مخي من التفكير

[أبو القعقاع]

الحل عندي.......................


رجل دخل مع الإمام بعد قيامه من الركوع في الركعة الثانية فسجد مع الإمام سجدتين ثم سجد الإمام للسهو فسجد معه ثم قام ليقضي الفائت فسهى فصلى ثلاث ركعات فهذه ست سجدات فسجد للسهو سجدتين فهذه 12 سجدة....


كما أنه بالإمكان الصلاة بأربعة عشر سجدة بإضافة سجدتي تلاوة........

تحياتي

[النسيان]

والله ياخوي ابو القعقاع انك رهيب ماشاء الله عليك عيني عليك ماهي باردة ثالجة ثلج ياشين العطش هالظهر عاد
وتصدق لو انا مكان الفاضل العلقم لحلي بؤك بهدية روعة بس وش نقوووول مستر علقم مدري وراه تسذا صح اولا يام عمر ياذات الهمة التي فوق القمة :)

[أبو القعقاع]

الله يسلمك يا غريب الجواء هذا من طيبك وحسن ذاتك... ياليت كل اللي يطرحون الألغاز مثلك




والسلام

[جناان]

!!

00

الاول 00

رجل الزموه بدفع دية لاهل المقتول دون ان يقتله ولم يمسه !!! كيف يكون هذا؟


العلقم يمكن انه بخ به >>> يعني خرعه بالعربي الفصيح ....هههههه

ومن الخورعة فقد عقله ..

وانا بمكة ادعي الله اني اكون حلالة الغاز >>>>يبعده

[امرؤ القيس]

للجميع اجمل تحية 000000000000000000000

الاخ ابو القعقاع 00 جوابك صحيح واشكرك على مشاركاتك معنا ولك الف تحية


الاخت جناااااااااااااان 00 اظن لو تبخبخين لين تملين ما اظن انه يبي يموت !!!!!!!!!!!!!

واقول لك تروحين وترجعين بالسلامة ولا تنسيننا بالدعاء 0

اخوكم العللللللللللللللللللللللقم

[عبدالله30]

العزيز العلقم00

عطنا لغز ودي احله00

من مبطي مافكرت00

تحياتي لك

[جناان]

اجل حلي غلط ياله نحاول ثانيه ..


اخوي العلقم انا راجعه من السفر ..

تصدق كل اليومين اللي فاتو عندي مشكله ولم اسجل خرووووووووج ..>>> شكلي وانا مرتزه بالمنتدى..

نكته ..خخخخخ

[امرؤ القيس]

حل اللغز الاول 00

الذي دفع دية لرجل لم يقتله !!! هو انه كان يسير ومعه ماء فطلب منه رجل ان يسقيه فرفض ثم مات الرجل من العطش !!!!!!!!!! يلزمه الشرع بدفع دية لذويه 0


اللغز الجديد

طالب يدرس بالجامعة ويوجد عند بيته محطة نقل 0

تذكرة الذهاب بثلاث ريالات ----- وتذكرة الاياب بريالين فقط

جاء في اليوم الاول فأعطى صاحب الكشك نقودا ليشتري تذاكر فأعطاه تذكرتين ذهاب واياب !! دون ان ان يسأله !!

كيف عرف صاحب الكشك ان هذا يريد تذكرتين ذهاب واياب ؟؟؟؟؟؟؟؟؟؟؟؟؟؟؟؟؟؟؟؟؟؟

العللللللللقم

[عبدالله30]

اهلا00عزيزي00

ابصخن شوي00

عشان عطاه عشر ريالات؟

[نبض القلم]

أتوقع انه عطاه خمسة ريالات مفرقة .. يعني مهيب ورقة وحدة ..



3 للذهاب
2 للإياب ...

[توتي]

لان معه واحد ثاني
يعني هم اثنين

مجرد توقع

[امرؤ القيس]

للجميع اجمل تحية 0000000

مازلت سعيدا بمرورك يا اخ عبدالله 30

الاخ نبض القلم 00 جوابك صحيح وحل سريع اتمنى لك التوفيق والمشاركة معنا دائما 0

الاخ توتي 00 شكراااااااا لمرورك الذي اسعدني جدا

انتظروا اللغز القادم باذن الله من اخوكم العلقققققققم

[امرؤ القيس]

اللغز الجديد

بيت من الشعر :

انشدك عن عذراء تبين نواياك 00000 اليا طرى لك نية بينتها
يعرفك فيها من تنطحك وتقفاك0000 خاصة اليامن اليدين لمستها
واكثر مايمسكها من ايديك يسراك000 اما ارفعتها فوق او حدرتها



اخوكم العلللللللللللللللقم

[النسيان]

اخوي بشارك هالمره وعسى الله يوفق

ماهي اشارة السيارة

[أبو القعقاع]

تعجبني أخوي غريب الجواء إجابة ولا أحلى

[امرؤ القيس]

اللغز الجديد

اثنين راحو يسبحون وهم في الطريق وجدا مبلغا من المال فأخذاه وذهبا للسباحة وعندما وصلا المسبح خافا على المبلغ المالي ووجدا رجلا قريبا من المسبح فقالا له امسك هذا المبلغ ولا تعطيه اي واحد حتى نأتي نحن الاثنين فقط واذا جاء واحدا منا لاتعطيه اياه ابدا 0

فلما وصلا المسبح تذكرا ان في الكيس الذي وضع فيه المبلغ وضعا معه الشامبو!!!! فذهب واحد لاحظاره فلما وصل الى الرجل قال اعطني الكيس فقال اين صاحبك قال انظر اليه فصوت له من بعيد وقال بصوت عال اجيبه فظن الذي عند المسبح انه يقصد الشامبو وقال نعم جيبه !!!! فأعطاه الكيس كاملا فهرب به 0

جاء الرجل الذي عند المسبح فاشتكى الرجل الذي عنده الامانة على قسم الشرطة فأحظروه وقال اين الرجل الذي هرب ؟؟؟؟؟

فقال لهم الرجل جوابا اقنع به الحظور فأطلقوا سراحه !!!!!!!

ماذا قال لهم الرجل ونفذ بجلده ؟

اخوكم العللللللللللللللللللقم

[هامة حاسوبية]

قالهم : (أنا صاحب المال والمال حلال عليه)

[امرؤ القيس]

الاخت ام عمر سعدت بمشاركتك ومرورك 00 وكم اتمنى ان يكون جوابك صحيح فليتك تحاولي مرة اخرى

اخوك العللللللللقم

[النسيان]

اخوي العلقم ياخي لا اصير قاتلك قتيل وانا ما دريت بس :)

[الخبوبي]

:D:D:D:D:D:D:D

[جناان]

والله يهالغز انه مارن علي ..وين ماااااااادري ..

سياره حش مولغز ....هههههه

[امرؤ القيس]

الاخ غريب الجواء 00 وش دعوة شايفني شنب وميل العقال تراي حبيب ويوكل عشاي !!!

الاخ الخبوبي 00 تدري اني ما اعرف بالفلاشات جاي تستعرض عندي 0

الاخت جنااااان الظاهر انه يوم يمر من عندك وقف عندي !!!!!! وتعرفين انا ما اوفر على طول جبته لكم 0

اخوكم العللللللقم

[~مجنونه*بس*حنونه~]

لا حول ولا قوة الا بالله



رحنا وجينا وغبنا وصمنا وبنتعيد و هالألغاز اللي تجيب الصمرقع ماغيرتها شوي يا اخي قل لنا وش المراجع اللي نرجع له




صارت عندي عقده بصراحه عقب سالفة انتحاري :) العقل الباطن يقول لي مافي أمل تحلين ولا لغز خخخخخخخخخخخخخخخخخخخخخخخ


لا صار لغزك 1+1 = كم ؟؟؟<== هذا يمكن اقدر أحله (أمزح لا تحسبونن غبيه لها الدرجة انا عبقرية بس اخاف تصكونن عين :)






شف يا اخوي العلقم لا تحط لغز عقب لغزك ذا انا اللي بجيب اللغز واتحدااااااااااااااااااااااااااااااااااااااااااااا ااااك تحله ( اذا ما طلعت جنانوتك بحل اللغز منيب مجنونه )



بس شف الجائزة علي وهي تذكرة ذهاب بدون عودة مع اقامة لمدة اسبوع في شهار ولا انسى ترى الفطور مجاني والاطفال تحت 12 اقامة مجانية




تحياتي للجميع

[امرؤ القيس]

هههههههههههههههههههههههههههههههههههههههههههههههههه ههههههههههه

ليش يا اخت مجنونة بس حنونة كل ها التأييس انت حاولي ؟

[~مجنونه*بس*حنونه~]

اللحين س/ سؤال بالله كل الالغاز اللي تجيبها لنا انت حالها وكل لغز كم استغرق منك في الحل ؟؟؟؟:confused:



:for3:



تحياتي :a2:

[امرؤ القيس]

الاخت مجنونة بس حنونة 000 تحية لعبورك وكذلك مرورك

أخاف اقولك تصكيني بذيك العين !!!!!!!!!!! لكن فيه نصيحة لحل مثل هذه الالغاز وهي يجب ان يفهم اللغز والفكرة تكون مفهومة قبل البدء بالحل !!!!!!!!!! لان الواحد اذا حل لغز قبل استيعاب فكرته بالتأكيد النتيجة خاطئة واذا تم حله قد لايستوعبه او مايدش مخه على قولتنا 0

عموما الحل سهل مرة وازيدكم من الشعر فيلا !!! الحل موجود بداخل النص !!!! علمتكم يا الله 0


العللللللللللللللللللللللقم

[جناان]

هذا وانا مافكرت ..!!

شكل الرجل الي عند المسبح اسمه اجيبه ....ههههههه

والله فلكه هالحل ..

[~مجنونه*بس*حنونه~]

قال للشرطة هم امنوني على المبلغ مو على الكيس



لا تبطي علي بالرد صح والا لا ؟؟؟؟

[امرؤ القيس]

الاختان 00 تحية لكما

لالالالالالالالالالا ياجماعة قلت لكم الحل باللغز نفسه فيه شرط دورروه ؟

[~مجنونه*بس*حنونه~]

هذا حل أختي :
في البداية قالوا لرجل الأمانة (حتى نأتي نحن الاثنين فقط واذا جاء واحدا منا لاتعطيه اياه ابدا ).. و في القصة كان الاثنين متواجدين بحيث الاول طلب الامانة و الاخر وافقه على ذلك و بالتالي برّأ رجل الأمانة نفسه ..
أتمنى أن تكون الفكرة وصلت جيدا ..
و شكرا ..

[امرؤ القيس]

الاخت مجنونة بس حنونة 000

جواب اختك صحيح فعلا 0

لان الرجل عندما اشتكاه على الشرطة قال اين المال قاله عندي روح جيب زميلك واعطيك اياه وبالتالي الرجل اذا احظر زميله السارق وجدو معه المبلغ واخذوه منه 0
وشلون الحل صعب ووصلت الفكرة او لا ؟

اتمنى لو كان هذا سؤال جائزة حتى نعطيها لاختك وانت تروحين تطبين من برج المملكة هههههههههههه من القهر !!!!!!!!!!!!!

اخوكم العللللللللللللقم

[~مجنونه*بس*حنونه~]

ماعلي منك جت علي يوم اني حليت الللغز اول مره بحياتي جب لي جائزة من تحت الارض هذا ويقالي مواعده اختي بصحن حلا

[~مجنونه*بس*حنونه~]

:for13:


ابي امي ابي أبوي


أبي هدية

[ămōяẻ]

خخخخخخخخخخخخخخخخخخ
اللغز سهل مجنونة






































الهدية ع العلقم

[امرؤ القيس]

واحد غبي قوة

الهدية تمشي مع الدائري الشرقي وتجيك محطة النغيمشي ثم تطلع شرق من تحت الكوبري

هناك الهدية !!!!!!!!!!!!!!!!!!!!!

شكرا لمروركم وعموري انت حالف ان الهدية عليك ها المرة وانا ماودي اقطع حلفك !!!!!!! كلش الا الحلف

اخوكم العلقم

[~مجنونه*بس*حنونه~]

الله يرجك يا العلقم اول ماقريت ردك بعد عموري والله اني حسبته لغز جديد بغيت اقوم اطب في بطنك ياخي عط عقولنا بريك :for11:



حداك يا العلقم منتب جايب لي هدية اول واحد يرد عقبي هديتي عليه <=== قصمان ماينعطون وجهه:for2:

[ămōяẻ]

:cool::for1::for10::for5::for5::for5::for5::for5:: for5:
1111111111

[امرؤ القيس]

لغز جديد

من المعروف لكل متحرك صوت ولكل صوت اسم ولذلك سأعطيكم بعض الاشياء وارجومنكم تسمية اصواتها ؟

الظبي 00000 البغل00000 الجراد 00000 الجن 000000 الكلام غير المفهوم 00000 الثوب الجديد00000 الولد الصغير 0000 النائم 00000 غليان الماء 000

-----------------------------------------------------------------------------------------------------------------

اخوكم العلقم

[أبو القعقاع]

أعطيكم بعض الأصوات وإن شاء الله يكونن صح :


صوت الثوب الجديد: النشنشة

صوت البغل: الشحيج

صوت الظبي: البغام

صوت الجراد: الخترشة

صوت النائم: الغطيط أو الشخير

صوت غليان الماء: نشيش أو أزير




تحياااااتي

[امرؤ القيس]

تحية طيبة 00000000000

الاخ ابو القعقاع شكررررا لمرورك

اصوات البغل والجراد والظبي والنائم وغليان الماء صحيحة علما انك قلت ازير والصح كشيت الماء او نشيش

اما صوت الثوب الجديد فهو قريب مما ذكرت ارجو مراجعته مرة اخرى 0

بقيت اصوات الجن 0000 الكلام غير المفهوم 000000 والولد الصغير

اخوكم العلقم

[نبض القلم]

صوت الطفل .. اعتقد : مناغاة

الكلام غير المفهوم .. أعتقد : همهمة ..

صوت الجن : ما عندي خبر..


العلقم / العيد قرب .. وين سؤال الجائزة المحرزة؟؟؟ وش تحتري؟؟؟ عجل علينا تكفى بس لا يصير صعب !!

[امرؤ القيس]

شكررررا للمشاركة نبض القلم

آآآآآآآسف اجوبتك خاطئة وحاول مرة أخرى 0


سؤال الجائزة بعد الاجابة على هذه الاسئلة0

[بندر الحمر]

السلام عليكم ورحمة الله وبركاته

صوت الجن >>عزيف

صوت الطفل >>النهجه

صح أو أحاول

[امرؤ القيس]

الاخ فيمتو شكرررررا لمرورك

صوت الجن صحيح عزيف 0

اما الولد الصغير فخطأ ارجو المحاولة 0000000000

بقي صوت الولد الصغير 000 الكلام غير المفهوم 00000وصوت الثوب الجديد

[بندر الحمر]

السلام عليكم ورحمة الله وبركاته

أخي العلقم

سؤال حلو

وجواب أحلى من جنان

ننتظر المزيد من هالألغاز المثيرة

[أبو القعقاع]

صوت الثوب الجديد: الجفجفة


صوت الكلام غير المفهوم: اللغط أو التمتمة

[DeWDrOp]

ننتظر اللغز الجديد


بسرعه نزله

[امرؤ القيس]

اللغز الجيد ( الجائزة )

ثلاثة اشخاص عبروا جسر , الاول شافه ومشاه , الثاني شاف الجسر ولم يمشيه , اما الثالث ماشاف الجسر ولم يمشيه ؟؟؟؟؟؟؟؟

كيف يكون هذا؟؟؟

العللللللللقم

[نبض القلم]

عندي حلين ويا رب يصيب معي هالمررررة قبل العيد :

الحل الأول : شخص يمشي على الجسر ويدفع شخصين اثنين بعربة .. واحد من الاثنين مبصر ..والثاني كفيف ... فالأول رأى الجسر ومشى عليه .. والثاني رأى الجسر ولم يمش عليه .. والثالث لم يرى الجسر ولم يمش عليه .. وممكن يكون شايلهم بدون عربة إن كانوا صغار !!!



************************************************** ************************


الحل الثاني : امرأة تحمل ولدا في أحشائها وتمسك بولد ثاني على يدها معها .

هي رأت الجسر ومشت عليه ,, ولدها الكبير رأى الجسر لكنه لم يمش عليه لأنه محمول.. الجنين الذي في بطنها لم يرى الجسر ولم يمش عليه...


تكفى يالعلقم قل صح .. أبي هدية من زمان ما احد أهدان !!!!

[امرؤ القيس]

الاخ نبض القلم جواب رائع وكلا الحلين صحيح ولذلك تستاهل الجائزة مع مرتبة الشرف 0

الجائزة تصلك باذ ن الله 0

[امرؤ القيس]

اللغز الجدبد

منهم الاخوة الاعيان , واولاد الاخياف , واولاد العلات

[ămōяẻ]

مالي بالالغاز

جيت اسلم عليك

[امرؤ القيس]

هلا والله الله يسلمك ويخليك اخوي عموري ولندن مرة وحدة !!!!!!!!!

[عبدالله30]

هلا00

ممكن ذولا اولاد حيوانات؟