المساعد الشخصي الرقمي

مشاهدة النسخة كاملة : قصيـدة (( ســر ياقلــم)) للشاعر خالد العبدالعزيز


Shawly
19-09-05, 12:36 am
السلام عليكم ورحمة الله وبركاته

هذه قصيدة للشاعر خالد العبدالعزيز


وأتمنى أنها تعجبكم



سر ياقلم فوق الورق وارسم القاف____افخر وانا افخر وافتخر بالنشامى

مثايل جزله خفيفات وأنظاف____عشرين بيت عدهن بالتمامى

هيضت مكنون الحشى فوق مشراف____مسك التحايا الوافي والسلامى

لصاحب اللي يمه الروح تنلاف____نسل الرجال الطيبين العدامى

صالح ولد ناصر سما البدر ينشاف____النادر الوافي عزيز المقامى

رفيقي اللي لااضلم الوقت كشاف____الشهم أبوعادل ابكل احترامى

وانشد عن امي عسى مابه اخلاف____ياعلها تبقى دوام الدوامى

ام الجميع وشمعه البيت بنصاف____بروبها ياسامعين الكلامى

ياما بكتكم وازرق الدمع ذراف____ياما جفت حلو الكرى والمنامى

وياما غرف قلبه من الخوف غراف____ومن خوفه ترجف صليب العظامى

نصيحه من واحد قلبه انصاف____امه توفت قبل وقت الفطامى

واليوم يلهف ثومت القلب لهاف____العي سما يلعي كسير السلامى

واقند سماذيد عوى واهرف اغراف____ تسمع لصدره يوم يقنب حطامى

الهم زاد وصار بالعين ينشاف____ وابوي مات وزاد وقتي ضلامى

وجدي عليهم وجد منشاف ماعاف____عقب المعزه عاف داره

وشامى عقب المعزه شاف في وقته اخلاف____دينه ثقيل ومن على الوقت هامه

وهاذي هي الدنيا سمي ناس واعجاف____نصبر على دبره ولي الانامى

ياعلهم مع الصحابه والاسلاف____في جنه الفردوس ضل وسلامه

في رحمه منزله تبارك والاعراف____نسقيها ميد القاع وابلى الغمامى

صلاة ربي عد محرم وطواف____على النبي الهاشمي الإمامى


وسلاااامتكم...

ثامر الناصر
19-09-05, 03:03 pm
مشكور اخوي على النقل ..

وصح لسان الشاعر

ودمتمـ

Shawly
19-09-05, 03:23 pm
العفو اخوي

ديز ابي
20-09-05, 08:05 pm
مشكور اخوي عالقصيدة الحلوة ..

Shawly
21-09-05, 12:14 am
العفو ويعطيك العافية على مرورك

~§(عطر الحكي)§~
21-09-05, 12:50 am
قصيده ولا أروع

لكن هل انت من محبي الشاعر خالد؟

Shawly
21-09-05, 01:33 am
هذااا من ذوقك أخوي عطر



<<< ماعندي الا هالقصيدة هذي بس

وياليت كان فيه احد عنده قصايد له يعطيني

~§(عطر الحكي)§~
21-09-05, 04:49 pm
والله يالغالي فيه كثير

لكن من روائعه

دموعي دايم امسحها وهمي في حشاي اخفيه
واجامل خايف عاذل بهرجاته يكويني

تعبت من الهوى قلبي يبي خلانه وانا ماأبيه
بعد ماطاع قول العواذل طاح من عيني

ترك قلبي به همومي وخلاني وانا مغليه
ومن اجله صار من يسوى ولايسوى يطريني

ترى من مات محبوبه تجيه الناس وتعزيه
وانا مات الامل عندي ادور من يعزيني

تصورت العمر شلون دون صويحبي اقضيه
تذكرت اللذي قد راح يوم انه مصافيني

شاااعر الغلا
21-09-05, 06:28 pm
السلام عليكم ورحمة الله وبركاته


الله االله اللله الله اللله عليك تسلم


بالتوفيق

اخوكم :شاعر الغلا

شاااعر الغلا
21-09-05, 06:34 pm
°ˆ~*¤®§(*§*)§®¤*~ˆ°واهدCC9999يك الابيااااااااااات هاذي لجميع الاعضاااء والمشرفين


في منتدى غلاااااااااااا


خـده تـقل ورد الـصبـاح جذبـتني
وعـيونها إخت المسا ورمش مارد

أشعـل لها شمع الأمل لاطفتني
أنا بـصدر الـطيــب لـي وسم عاقد

إن جـت أمور الهم ما قلت جتني
أنا النديم اللي على العشرة لاهد

كم نفس سمحة تبتسم خالفتني
مدري نـصيـب الحلم بالعسر واكد

إن كان دنـيا الـحظ أبد ما أنصفتني
كفاية حـب الـناس في جود خالد

أمسي ليالي الشوق لامن هوتني
أيام كـانـت لـي شـقـاوه ومـعـاند

أفرح قليله ومن كثيره حرمتني
لا مــر طيفه هـمـت والـبال شارد

وسلامتكم اخوكم :شااااااعر الغلاااا°ˆ~*¤®§(*§*)§®¤*~ˆ°

شاااعر الغلا
21-09-05, 06:36 pm
واهديك هذه الابيات لجميع الاعضاء والمشرفين في منتدى بريده

خـده تـقل ورد الـصبـاح جذبـتني
وعـيونها إخت المسا ورمش مارد
أشعـل لها شمع الأمل لاطفتني
أنا بـصدر الـطيــب لـي وسم عاقد
إن جـت أمور الهم ما قلت جتني
أنا النديم اللي على العشرة لاهد
كم نفس سمحة تبتسم خالفتني
مدري نـصيـب الحلم بالعسر واكد
إن كان دنـيا الـحظ أبد ما أنصفتني
كفاية حـب الـناس في جود خالد
أمسي ليالي الشوق لامن هوتني
أيام كـانـت لـي شـقـاوه ومـعـاند
أفرح قليله ومن كثيره حرمتني
لا مــر طيفه هـمـت والـبال شارد

اخوكم :شااعر الغلااا

Shawly
19-10-05, 03:41 am
يعطيكم العافية على تشريفنا

أخوي عطر <<<<< ماشاء الله عليك :) كل شي موجود عندك

عيني عليك بارده :)

DeWDrOp
20-10-05, 01:13 pm
يعطيك العافيه


على هذا الطرح الرائع

بندر الحمر
20-10-05, 09:34 pm
السلام عليكم ورحمة الله وبركاته


شكرا لك على طرحك القصيده الجميله للشاعر


وشكرا لك

وااااصل إبداعاتك

سر ياقلم في طوعنا وانت مرسال "=مثل العميل اللي يوفي

Shawly
22-10-05, 03:08 am
أخوي فيمتو - أختي DeWDrOp

تسلمون على ردوكم

وتشريفكم موضوعي :)