عجوز تتهجم على فيمتو وتدعو عليه بالموت

[بندر الحمر]

أحب أن أقدم الشكر الجميل والموصول لجميع أعضاء المنتدى

وأحب أن أطرح في طيات هذا الموضوع هذه القصه راجيا من الله أن تحوز على رضاكم وإستحسانكم

فبما أني موظف بمستشفى الملك فهد التخصصي ببريدة

وإضطررت بأن أتصل على إحدى المرضى نظرا لأنه تأخر علي موعده

وحبيت من باب المساعده تذكيره المريض بموعده

والعجيب بالأمر بأني لم أجد رقم هذا المريض إلا عن طريق المستشفى بواسطة رقم ملف المريض

وإذا بي أرفع سماعة التلفون متصلا على المريض كخدمة إضافيه للمريض لتذكيره بموعده ..

أنا ((فيمتو)): ألــــــــو

فرد علي ذلك الصوت المتحشرج لتلك العجوز المسنه

فكان ردها :وش تبي

فقلت لها : لو سمحتي أختي هل هذا منزل ........!!

فردت علي بتهجم كبير وقالت : عساك ما تحيا ((يعني عساك تموت))

فتعجبت من ردها وقلت لها أنا أتصل من المستشفى ,,,,

فقاطعتني قائلة : عساك ترقد بهالمستشفى ((يعني عساك تموت بهالمستشفى)

فبصراحه لم يبقى أمامي إلا أن أغلق السماعه وكنت أحمل جميع علامات التعجب والإستغراب

هاه وش رأيكم بهالعجوز أبي كل واحد يقول ويذكر لي موقف حصل معه زي هالموقف

محتاجين تفاعلكم حبايبي

والسلام خير ختام

ولكم جزيل الشكر والإمتنان

أخوكم من خلف سماعة التلفون الحزينة فيمتو

[العندليب]

ههههههههههههههههههههههههههه والله سو خير تلقى ضده ... عساك ماتحيى ههههههههه أعوذ بالله قوية والله ... زاد أنت لا تتصل على أحد لا يجيك أشنع ...


مشكور فيمتو على القصة الطريفة ... بس وين رفيق الوعد :(

[MiSs_7o0oRyAh]

http://www.geocities.com/miss_7o0oryah/BsmlahNew.gif

http://www.geocities.com/miss_7o0oryah/HeartNew2.gifالسلام عليكم ورحمة الله وبركاتهhttp://www.geocities.com/miss_7o0oryah/HeartNew1.gif
. . . . .
. . .
.



يابعدي يا فنتووو والله اني رحمتك


تدري ليه ردت عليك هالرد

انااتوقع انك متصل الصبح او الضحى

لان العجز هالحزة تصير النفس مهب بالحيل
وخاصة اذا صارت لحاله
تحسب كل اللي يتصل هالوقت لعاب

..

نوبة ثانية اتصل المغرب :)



.
. . .
. . . . .
http://www.geocities.com/miss_7o0oryah/HeartNew2.gifتحياااا:for12:ااااتيhttp://www.geocities.com/miss_7o0oryah/HeartNew1.gif

http://www.geocities.com/miss_7o0oryah/Sub7ankNew.gif

[الفتـ الذهبي ـى]

هههههههههههههههههههههههههههههه


عندي احساس انك ماراح تكلم بالتلفون بالمستشفى ابد

هههههههههههههههههههههههههههه



مشكور فيمتو

[أنسام]

...


أنا اتوقع أنك غلطان ... أو الاخ غير تلفونه .

صار معي موقف مشــابه .

أحدى الصديقات من المدرسة أحفظ رقمها غيباً ... ثم انقطعت عن الدراسة فما عدت اتصل كاسابق ...
أردت أن أتصل بعد فترة ويبدو اني نسيت الرقم فقلبته .

اتصلت فردت علي عجوز

أنا : السلام عليكم
هي : وعليكم السلام

أنا : هذا منزل الأصقه ؟
هي : والله ما الأصقه غيرك .

لا شعوريا أغلقت السماعة >>>>> خفت >> خنقتني العبرة .

ثم غيرت الرقم الاخير ظناً مني أنه كذا
وأتصلت
رد علي رجل كبير >>> والظاهر ما يسمع زين.

أنا : السلام عليكم
هو: هااااااااااه

أنا : السلام عليكم
هو : وشووووو

أنا هذا منزل الاصقة ؟
هو : هااااااااه

ثم صرخت بكل ما أوتيت من قوة : أقول هذا منزل الآآآآآصقة؟
هو : عيييييييب يا بنت وش قلة الأدب .

>>>> حسبني أشتمه .


عقبها حلفت ما أتصل ثانية >>>> خفت من الثالثة .


وتعيش وتأكل غيرها يا فمتو.




أنسام

[* الدانه *]

السلام عليكم
كد صار لي موقف يوم انا بالروضه مع عجوز لكن مب مثلكم ...

يوم انا بالروضه عندنا فراشه عجـــــوز وتحط روج ((عاد انا اقول في نفسي وشلون عجوز تحط روج حتى احمر بعد )) .. ومير اقوله: انت عجوز وشوله تحطين روج ؟؟؟؟ خخخخخخخخخخخخخخخخخ

عاد شكلها حقدت علي .. شفتها قبل كم اسبوع وكانت حاطه روج ومير تقول لي : هاه حاطة روج ابحط إلى مااهذري ابشب تسبدك ؟؟؟ خخخخخخخخخخخخخخ

.... اتمنى اني ماطولت عليكم ...

تحيـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــاتي ..

[ثامر الناصر]

هههههههههههههه

حلوة فيمتو .. حظها طاحت بواحد حبيب مثلك لو هو انا كان علووووووووم هههههههههه

لكن تعيش وتاكل غيرها بعدين والله فلة وش المرضى هاللي يتصل بهم !!

خلهم هم يجون ويحمدون ربهم بعد

ودمتمـ

[بندر الحمر]

السلام عليكم ورحمة الله وبركاته

أخي العندليب سرررني مرورك وموعدنا اليوم بإذن الله

الأخت مس حوريه سرني مرورك وعقبال ماتطحين بعجوز مثلها

الأخ الفتي الذهبي سررررني مرورك وإلى الأمام

الأخت أنسام الغاليه شكرا لك ولمرورك الكريم وشكرا لتعقيبك بهالطرفه الجميله

الأخت طيف بعد أنت طحت بجفرت العجز سرررني مرورك

أخي وعزيزي سلطانكو سرررت بمرورك وعقبالك

[صريحه]

هههههههههههههههههههههههههه
أخاف انها العجوز اللي حاط صورتها وكاتب عليها صريحه خخخخخخخخخخ

مير عاقبك ربي طحت في هالعجوز اللي لسانها يوصلك لمكه ويرجعك !!!
الله يعين اللي مقاعدينها لسانها متبري منها اعوذ بالله !!!!


انا قد طحت في موقف مشابه ...
مره من المرات كنت حالمه حلم غريب وقاعده اسولف مع صديقتي عنه وقالت لازم تفسرينه وعطتني رقم واحد يفسر الأحلام....
المهم يوم من الايام كنت فاضيه وتذكرت هالحلم قلت خلني اتصل الحين على هاللي يفسر بشوف وش يصير هالحلم .....
وامسك الجوال وادق ويرد علي واحد ،سألته قلت انت اللي تفسر الاحلام قال إيه..
المهم وابدا اسرد له هالحلم(اللي تقول فلم هندي) ومتحمسه واخاف انسا شي، ويوم اني قضيت..
قال يا اختي والله انا لا افسر احلام ولا شي!!!!(الله يقطعه)
انا لا شعوريا رديت عليه قلت ليه يوم سألتك انت اللي تفسر الاحلام قلت ايه ؟؟!! قال لا بس ما ادري وش تبين (قلت في نفسي وش هالارنب اللي كبر البعير والله النصااااااب) ، أنا طبعا قفلت الخط على طول..
وأدق على صديقتي قلت من هالثور اللي معطتني رقمه ؟؟؟؟؟؟؟

وعطتني الرقم مره ثانيه ورد علي شيخ محترم وفسر حلمي وطلع تفسيره الحمد لله زيييين.......

وفيه موقف ثاني صاير لامي يموووووت من الضحك بس ما راح اقوله لأن شكلي طولت البربره
<<<<<<<<فيها عرق مصاريه

تحياتي.....

[جلوي العتيبي]

هههههههههههههههه

أجل تغازل عجزنا من ورانا الله يهديك بس

عساك ماتحيا هههههههههههههههههههههه

بس واصل عملك النبيل ولاتهمك هالعجيز

[alnesf1]

هههههههههههههههههههههههههههه

بدينا با العجز اجل خخخخخخخخخخخخخخخخخخ

الله يرجك

[البكيراوي]

فيمتو .. حبيب الشعب !!

شكل الطقة جت براسك

يعني هالعجوز متعودة كل يوم تهوش الشغالة !!

لعل الشغالة مصختنه اليوم .. وجت الطقة براسك !

عاد تبي الصدق

والله اني منب الوم العجز يا حول

مساكين !!

العيال والبنات تزوجوا وتركوهن !!

وتراهن يشوفن هوايل

الإ اللي هداه الله

تحياتي

[العبرى]

ياحول يانت يافيمتوو

بس شكل العجوز طاقتن كبده

[ام المقداد]

ياحول يمكن متهاوشتن مع مرت ولده :( << عادة العجز
وصارت الحره بك..
بس ولايهمك انت تصرفك حضاري وانساني..والاجر على الله..

[ميدوو]

ههههههههههههههههههه

اجل قرب رمضان وبديت تطيييييييييييش

لو أنك قايلها انا فينتووو كان ما دعت عليك العجز يعزون الفينتو ههههههههههههه

والله قصص رووعه الله يكفينا شر العجز ودعاويهم

تحياتي

[Miss_Autumn]

احححححححححححسن ...
تستااااااااااااهل...


((للحين ماراحت حرة ذيك الصورة تحلم بها لهالحين))>>>>>>>>>>>>>>>


وانشالله تااااكل ألفففففف غيرها...

[العابر999]

انا اذكر موقف حصلي مع عجوز مصريه اذكر اني كنت امشي بالشارع وقادامي عجوز مصريه اكبر من ابليس يالله يالله تمشي
المهم انا يوم مريت من جنبه امر تخترف لي خشبه بنص الرصيف انا اختل توازني وجت ايدي على المصريه العجوز
صرخت العجوز وقالت (( الحؤني يا قدعان )) ما دريت الا سبعين صعيدي جايين لمي يمشون الفين المهم انا هجيت ولا امداهم على والحمد لله الله نجاني من هالصعايدا :D

[iiigil]

يااااااااااااااااااااا حليلك يافنتو اما قلت لها انا فنتو وهزئتك هالتهزئ

والله خطييييييييييييره هالعجوز لاتصير بس مناعضاء المنتدى وودها تنتقم ...

انا اذكر مره كنت متحمسه ابدق على شقرديه ابيها بموضوع مهم ابي فزعه يعني كنت قمه بالحماس

مير امسك جوال وادق بسرعه (خذت الرقم من الجهاز))اه يا قلبي وش خ\ت رقم اكره عجوز في العائله

انا ..الوووووووووو شقرديه عجوز قريح...نعم وشو

انا ...اقول اسمعي انا مانيب فاضيه والسالفه ..................

عجوز قريح توها تذكر عقب ما كبيت العفش وشووووووووووو فلانه هلا والله ..
وجع من انتي انا ابي اختي ..عاد هي فاضيه ايه احسن انك غلطتي ابرك ساعه .,
هذاك اليوم هو اليوم الوحيد الي دعيت فيه على شقرديه

[هايلكس]

خخخخخخخخخخخخخخخخخخخخخخخخخخخخخخخخخخ

تنسيييييم

اما موقف ما قد صار لي الحمد لله :g1:



مشكوووووور فينتوووووو





ننتظر جديدك

[SilVeR]

بسم الله الرحمن الرحيم

السلام عليكم ورحمة الله وبركاته

هلا والله بالغالي فيمتو ...

من زمان ما شفناك تتكتب مواضيع مثل هاذي !!!

عموماً : الله يكون في عونك ولا تؤاخذها كبيرة في السن وبعدين ممكن حصل لها ظروف .....

وجميل إنك تتصل على المريض ( احتسب الأجر ) ...

أرجو منك يالغالي إنك تتابع إبداعك واتصالك ولا توقفك مثل هذه المواقف ....

لك أجمل تحياتي أخوك المحب في الله :

الدكتور المعتصم

[جابر الخواطر]

ههههههههههههههههههههههههههههه
زين مامسكوك ولفعوك كان تصير فيمتوو
مدعوٍٍٍٍٍووووووووووووووووووووووووووووس

[بندر الحمر]

السلام عليكم ورحمة الله وبركاته

أوووووووه

والله ماتوقعت كل هالردود ماشاء الله تبارك الله

لا ومبسوطين دبغ بفيمتو >>> أحسن خلوه يتأدب

سررررني مرور الجميع وتعليقاتهم الأكثر من رائعه

وااااصلوا إبداعاتكم