شايفين وساكتين

[ملاك66]

صراحه شي يقهر واكيد كلكم ملاحظينه ومنقهرين مثلي الشي الي صاير بالنخيل





بس وش نسوي مابليد حيله
الي اعني الاستراحات حقت المطاعم وتصميمها الي ماله داعي ...لو ماحطوها ارحم

تجي الحريم تعبنات من الدوجه بالسوق ويطلبن عشاء واكيد يبن يكشفن علشان يتعشن ومادرن ان فيه كم واحد طاحت عينه عليهن وبعضهن يدرن بس ماهمهن
صراحه كم مره طاحت عيني على حريم كاشفات وانا ماره مرور كرام والله لو كل عائله جابت معها رواق يكون استر
وانا مااقول كذا علشان تروحون تفرجون بس ابيكم تنتبهون لحريمكم ونوجد حل


وسبحانك اللهم وبحمدك اشهد ان لااله الاالله استغفرك واتوب اليك

[ريــــــــــانه]

السلام عليكم ورحمة الله وبركاته

صدقت للأسف انا هذه الصاله تكشف وغير ساتره وهذا خطاء فادح في تصميمها

ارجو من المسؤلين النظر في هذا الامر وعلاجه


نقلت الموضوع لبريده الخاص لاني ارى مكانه المناسب هناااااااااااك

[ملاك66]

[size=6]وعليكم السلام ورحمة الله وبركاته مشكوره اختي سلافه[/size

[ام المقداد]

كلامك في محله ارجو ان ينظر في هذا الامر..
واتمنى ان لايفرض علينا التكشف فرضاً كما
يحدث الآن.

[العندليب]

لا حول ولا قوة إلا بالله ... مشكورة أختي على هذه اللفته

ولكن للأسف هذا لن يحصل خاصه بمركز مثل النخيل ....

لكن يجب علينا تحذير أخواتنا وأمهاتنا من تناول الطعام في مثل هذه الأماكن الغير مستورة ...



بارك الله فيك أختي ملاك ..

[أبو حكيم]

اختي ملاك اشكرك على غيرتك على بنات المسلمين .... انا سبق وأن تسوقت في هذا السوق ولاحظت هذا الأمر ...... ؛؛؛ نعم يجب عدم السكوت عن هذا الوضع !! أرى ان نتوجه أولاً لمخاطبة إدارة السوق فهم ولله الحمد اجدفيهم التعاون مع رجال الهيئة وهم دائما وهذه الأدارة رائدة في فعل الخير نحسبهم كذلك



والثاني مخاطبة رجال الهيئة وتنبيههم عن هذا الشيء



الثالث ... التشديد والألحاح في انكار هذا المنكر لتتحقق الفائدة




الرابع .... بصراحة يجب على بنات المسلمين التستر وعدم التبرج وأن تأخذ وجبة في المنزل قبل مجيئها للسوق حتى لاتضطر للأكل من المطاعم ؛؛ وبعضعه بصراحة نازعة الحياء الخوف علينا حنا يالرجال تناظر بوجهي تقل اخوها وتتمايع وتتكسر بالكلام تحاول تجذب الرجل ......... الله يهدي هالنوعية



اشكركم

[كرباج]

طيب وش يمنع اذا اكلت الوحده بيت اهلها !!!

<<< يبي يجيه هرج

تشاااااااااو

[النسيان]

الأخت الكريمة مــــلاك

مشكورة موضوع مهم لفتي فيه الأنظار الى أمر مهم ويحدث بتكرار في الواقع
يعني الرجل يستحي والله كيف المرأة يعني انت وزوجتك قاعدين على الطاولة وتلتفت تلقى وحده كاشفه وجهها او اي منظر مشابه لذلك
المهم الشكر لك مـــلاك وان شاء الله يكون هناك تحرك عملي ولو الإتصال هاتفيا بالمختصين عن ذلك ..

[العبرى]

المشكلة ماهي بالمكان وبس

المشكلة بالبنات اللي يروحون هناك ويحسبونه بيتهم

موشرط إنه تشيل غطاها كله...والمفروض إنه تسكر الغرفة تماماً...

ولا تروح تاكل ببيته أحسن له...

سلااااااااااامي

[ملاك66]

هلا بكم يعزوتي وياهل الغيره وجعلكم دايم على القوه ومشكوره ياختي ام المقداد وياخوي العندليب.ويابو حكيم 0كرباج وياغريب الجواء ويا اخي العبري
وصراحه الي بيدقق بالنخيل بلازا بيلقى بلاوي واشياء ماتسر
من لاباس كثير من البنات هداهن الله وارسال الكثير من مقاطع بلاتوث مالها داعي
بس من قول غير هدا الله الجميع

[عالمي]

السلام عليكم ورحمة الله وبركاته
ماشاهدنا بالنخيل ........ ليس لوم على التصميم
ولكن على من يرتاد المراكز........ للمعلوميه هناك ساتر متوفر عباره عن خشب ويوضع على الفتحتين
ما قصرو عمال النظافه رايحين جايين يحطونه للعوائل لو حتى ماطلبت
لكن العله في الرجال ........ تجي معه زوجته او قريبته او الله يستر وتكون كاشف النقاب والعيون
اخر مكياج تقل رايحه مناسبه وتكسر وتميع وحركات ماله داعي مع زوجته كأنهم بغرفتهم
الحمدالله على نعمة الحياء ...... اللي إختشو ماتو
لكن الهئيه نشاطه محددود .....في المراكز التجاريه أعانهم الله

[شقرديه]

عادي

وين المشكلة

اللي مو مقتنعه لا تاكل هناك

فيه سواتر ممتازة جدا

بعدين هن ياكلن كبسة والا مفطح!!

سينابون والا سندويتش والا سلطة وكوب كوفي والا شوكلت هت

يعني ما يحتاج تحمس وتجدع الغطا

النخيل للآن افضل مكان ترويحي ببريدة

لا تحربشون عليه رجاء

خلوه الله ينفع به ويجزاه الفردوس الاعلى

:)

[ملاك66]

هلا عالمي وهلا شقرديه
اصلا الستاير الي حاطينهن مايسون شي مره هذا يجرها يمن والثاني يجرها يسار وغير ذلك الفتحات الي وش كبرها في الجوانب وبعض الاحيان ماقصرو العمال صايرين اكثر غيره من السعوديين وش يسوي لشاف وجهه مره راح يركض هو وصنيته يغطي به بعض الفتحات
وبعض الاحيان ماله داعي اصلا تكشف لان الاكل مايستاهل
بس حرررررررررررررريم

[شقرديه]

يا حبيلتس ملاك

يوم بعزمك على الفطور بالمملكة

ما فيه حواجز اصلا

طاولتنا وطالة الشباب بجنبنا

بس طبعا موب جالسين عند شيء قريب من شباب

بنبعد نروح يم الجدار ونسمع تعليق البنات وضحكهم علينا وهم يقولون:شوفو ذولا وش جايبهم هنا

لازقين في الجدار وع من زينهن

اكيد انهن بنات قرى

:)

محبتي لك

[ملاك66]

انتي اعزميني ويصير خير ياشقر دوده:p:f8:

[شقرديه]

شقر دودة؟؟

هذا وانا اعزمك تقولين عني دودة

اجل لو اهوشك وش بتقولين عني!!!

عجبي

[أبو حكيم]

هناك عمق كبير بين الردود !!!!!!!!


رد من اخت تجد فيه العمق والحرص على عفاف بنات المسلمين


وآخر يتجه بالموضوع الرئيسي إلى السطحيه ولا يعطية العمق المطلوب


شقردية ... اسواق المملكة بالرياض ... ليست مقياساً نقيس به معظم الأسواق(( ليس كل مايلمع ذهباً )) ... فهناك الأنفلات الغير معقول ... أقسم بالله اني رأيت أمرأة بأسواق المملكة عندما كنت اتسوق مع الأهل هناك كانت كاشفة وجهها وشعرها الأشقر !!!! ووجهها المصبوغ بالبويات وشهرها ايظاً وهي تظهر قبحها للناس مع العلم انها تحمل في مواصفاتها المرأة السعودية وللأسف ولم اتمالك نفسي وقررت مغادرة هذا المكان لأني اشم رائحة العفن في هذا المكان المظلم


أما قولك :
(( عادي

وين المشكلة

اللي مو مقتنعه لا تاكل هناك)) !!!!! انا لا اعتقد ان الأخت ملاك 66 تتحدث عن نفسها وتأتين وتردين بهذه السطحية ؟

انها تتحدث عن مشكلة قائمة وتحتاج إلى حل وليست المسألة مسألة اقتناع او عدم اقتناع حتى تأكل او لاتأكل ..


بعض الأخوات يأتين من محافظات مجاورة مثل المذنب وهم من العصر يدورون بالأسواق وبعد صلاة العشاء اتو إلى النخيل بلازا والمساكين يحتاجون وجبة خفيفة تمشي الحال ( تصبيرة ) فلعلنا نلتمس الأعزار للمسلمين اولاً وأنا رأيت في احد المرات احد الزملاء من محافظة المذنب يتسوق هو واهله وكان واضحاً عليه اثر التعب من التسوق



اتمنى من اخواتي الأعتزاز بأنفسهن ومحافظتهن على شخصيتهن المسلمة والمحافظة



اظرب لكم مثالاً في منتجعات شرم الشيخ بمصر كان الناس هناك بنسبة كبيرة من الغربيين ولم يكن هناك امرأة تلبس العباءة إلى بنسبة واحده في الألف

ولكن الغربيين ينظرون إلى المرأة ذات العباءة بنظرة أحترام لأنها تبعث برسالة لهم بأنها تعتز بدينها وبمبادئها التي لاتتغير بتغير المكان والزمان ...... ولن نتنازل .....




اما قولك ....... ((النخيل للآن افضل مكان ترويحي ببريدة

لا تحربشون عليه رجاء

خلوه الله ينفع به ويجزاه الفردوس الاعلى)) انا لا اعتقد ان الأسواق اماكن ترويح !!!!








الأخ عالمي .... اجد نفسي واقفاً احتراماً لك ولقلمك







الأخوة والأخوات الأختلاف في الرأي لايفسد للود قضية

ارجو ان لايكون قلمي قد جرح احد منكم
اتمنى لكم التوفيق

[شرم الشماس]

بسم الله الرحمن الرحيم
اشكر الأخت ملاك على غيرتهااااااااااااااااااااااااااااااا

ومثل ماتفضل بعض الأخوان الله يخلي الهيئه ورجالها بس ينتظرون رنه تلفون وهم جاهزين الله يخليهم لناااااااا

اما الأخت شقرديه كوني عون الله يحفظك على اعراض اخواتك المسلمات ولا تكوني فرعون

وبعدين ودي اسأل انتي قلتي الله ينفع فيه وهذي نعرفه

بس من يكون اللي تقولين عنه الله يجزاه الفردوس الأعلى هل هو السوق ام صاحب السوق مجرد استفسار

[ملاك66]

مشكور ياخوي شرم الشيخ قصدي شرم الشماس على تعقيبك وغيرتك

[ملاك66]

لا فض فوك ولا فقدك محبوك ومشكور ياخوي ابو حكيم وجعلك على القوى

[alnesf1]

السلام عليكم ورحمة الله وبركاته

لا حول ولا قوة إلا بالله


يجب علينا تحذير أخواتنا وأمهاتنا من تناول الطعام في مثل هذه الأماكن

[ملاك66]

مشكور ياalnesf 1 وكلامك اذادل على شئ فانه يدل على الخير الي فيك
وعلى قولك لاحول ولا قوه الابالله

[بندر الحمر]

أخي الغالي شكرا لطرحك هذا الموضوع المهم والحساس

ونتمنى من المسؤولين الإهتمام بهذا المصيبة نريد لبناتنا الحفاظ

والمحافظة خصوصا بعد إنتشار الجوالات بالكاميرا والبلوتوث والوسائط

وياقلب لاتحزن

شكرا لك أخي

واااصل ملاحظاتك

[ملاك66]

مشكور اخوي فيمتو على مرورك وتعقيبك
$@$وياخاص جدا $@$ انا ماتكلم على نفسي والله بعد ماهمني الاكل واذا جيت للمجمع قليل اقعد بالاستراحه لاانه اكثر وقتي بالاسواق وعلى قولت اخوي ابوحكيم فيه ناس يجون من بعيد وحقهم يرتاحون وياكلون وخل عنك الرقي اذا كان الرقي بهالمعنى وعلى قولتك نبي مجمعات ومن قال انا نبي مجمعات اصلا شفنا عيشين قبل من غير مجمعات احسن عيشه ومن طلعت هالمجمعات طلعت الفضايح من لبس وغيرها بس ربك يستر

:confused::confused::confused:

[يا ذاك الغروب ..]

طيب وش يمنع يحطون دكات مستقلة كما في المطاعم العادية هالحين بالمطاعم اللي ياكلون فيها الرجال مستحيل تشوف طرف ثوبه وهو رجل ... وليش مخلين النساء كذا؟‍‍‍‍‍‍‍‍

وليش الهيئة ماتتدخل بالموضوع وتجبر السوق على تحصين هذه الجلسات؟

مشكورة اختي على إثارتك لهذا الموضوع المهم جداً

[بن يمين]

انا احس انك معقدة شوي !!!!

[ملاك66]

مشكور يا يوسف السديري ويابن يمين على مروركم
وليش منهو انتم تكلمون للمسئولين مو كل شي على الهيئه

[ابوقش]

بسم الله الرحمن الرحيم /


شكرا اخي الكريم / ملاك 66


على هالملاحظه وفعلا صدقت


وانشاء الله انهم فاشلين راعي اسواق


النخيل وكل الناس والله تشتكي منه وشكرا لك

[أبو حكيم]

حسب علمي انه في اسواق النخيل بلازا الأدارة التابعة للسوق متعاونة تماماً مع رجال الهيئة وانه تم فتح مكتب خاص بالسوق للهيئة






لاتعالج الأمور برفع الأصوات .......... وأنما بالمناصحة لعله خلل ويتم إصلاحه مستقبلاً .... اليس كذلك ؟



يبقى ان تتسع صدورنا لكل مشكلة نراها امامنا وعدم التضجر من المشكلة فقط ... وانما التفكير مباشرة كيف نخرج من المشكلة ......... اعتقد ان الحياة كلها طريق مليء بالعقبات والشاطر من يتجاوزها بدون ان توجد ثغرة في حياته




أبو قش ..... على رسلك ليس هكذا تورد الأبل سوف تعالج المشكلة انشاء الله .... لاتستعجل وتقول انهم فاشلين !!!!! بعد هذا الرمز الحضاري للمدينة تقول عليهم فاشلين ؟؟


مع فائق شكري وتقديري لكم ولكاتب الموضوع الأصلي

[يا ذاك الغروب ..]

ملاك أنا ان رحت فأنا ابقعد اتفرج (واقز) ... لكن والله بجد ماعندي الجرأة أني أدخل هالأسواق والعثيم وحتى السوق الداخلي اذا بغيت شي من السوق لي اروح احيوط من وراء الخبيب حتى ما أمر مع سوق الحريم .. أعرف نفسي ما أتحمل ..

[ملاك66]

صراحه غريبه ونادر الي مثلك اذا كنت على حق يايوسف

[يا ذاك الغروب ..]

والله بجد ماقدر .. ماقلتها مزح او مبالغه .

[ملاك66]

غريبه

[يا ذاك الغروب ..]

لا اجد غرابة .. فأنا شاب .. وتبقى المرأة عنصر جذب بكل الأحوال

[أبوالوليد]

الحمد لله اني مادخلته ولا احد من الأهل يطبه


حنا شايبتاً روسنا من اللي برا وش عاد من داخل

[ملاك66]

يابو الوليد انا ماقول لاتروحون
روحو بس انتبهو واذا ماحد راح اليوم راح يروح بكره والمهم نبي حل لهالمشكله

[شمري نت]

البلا والله بوب بالنخيل البلا بالحريم الي ما يستحن :mad:

[بنت الديرة]

بصراحه انا اشوفه ساتر وفيه الحواجز اذا حطيتيها مافيه امل احد يشوف

وش تبون يعني غرف مستقله؟؟؟؟؟؟

[:: ابعـاد ::]

http://www.al-3reen.com/album/data/media/129/400.gif

[ملاك66]

مشكوره للجميع على المرور

[صفراوي]

بسم الله الرحمن الرحيم :
السراحه انا معكم بس لو القى احد يروح معي كان مشيت الحين للإداره لا نه إذا صار اكثر من واحد اللي يدخل عليهم كان صار للدخله هيبه انتظر من يروح معي باقرب وقت وشاكرلكم

[شخصية]

دايم نروحله انا والاهل والمشكلة هذي مانواجها الا اذا نقصت الحواجز يعني الابواب الخشبية .. انا لو رحت لادارتهم بطالبهم بزيادة الحواجز المتحركة فقط .. لانه بوجودها مافي امل احد يقز ... ولاتبالغون الله يرضى عليكم .. ولا اقول ليش ماتطالبون باقفال المركز علشان ترتاحون وتطالبون بنقله لعنيزة .. ترا اهل عنيزة يحبون التمدن واللي يبيه منا يدق سلف لعنيزة كلها ثمانطعش كيلو ... وسلامتكم من القز والعقنقز .. تحياتي

[سهم بريدة]

الله المستعان

.....

[شقرديه]

الأخ الفاضل ابو حكيم

اعجبني جدا ردك خاصة وانك رفضت رأيي بكل صراحة وجرأة مطلب لنا

أخوي

أنا ما اطالب بالتبرج ولا كشف وجه المرأة ولا يهون علي ان ينتشر التهاون بالحجاب

لكن فعلا الحواجز ممتازة جدا عدى الغرف اللي بالزوايا فقط هي اللي مكشوفة

غيرة ملاك على نساء المسلمين محل فخر لنا

لكن ما ارى في حواجز النخيل اي قصور!!!

اما قضية اللي معترض على كلمة ترفيه نعم ترفية

لما تروح هناك الاطفال يلعبون بالملاهي وانت تاخذ لك سينبون مع تشيلر شوكليت والا كوب ذرة مع ذرة بالتوفي لحد ما يخلصةون لاعبين وبعدها تاخذ لهم وجبات ما تسمي هذا ترفيه؟؟

لازلت اقيم مركز النخيل بأفضل مركز ببريدة بلا منافس

سواء بضاعة او تسوق او ترفية

تحياتي وتقديري للجميع

[مشاكس]

الشرهه مو على البنات الشرهه على الي يوديهن هناك
انا الصراحة مادري وشلون قايل بس سمعت عنه كثير
وعن بلاويه وانصح اخواني الى يستر اهله انه مايقرب
النخيل والامطاعمه ,,,
وشكرا للاخت ملاك على هذا الموضوع

[ملاك66]

مشكور للجميع على المرور
وياخوي الحرامي انا مااقول لاتروحون للنخيل بالعكس روحو ولكن حاولو تنكرون المنكر الي تشوفونه وحاولو اتكلمون المسؤلين عن مشكله استراحات المطاعم

[يا ذاك الغروب ..]

بصراحة بعض الردود تثير أستغرابي!!!!

[مجرد رأي]

يعني يا أخت ملاك ما شفتي في النخيل بلازا عيوب الي بس فتحات الجلسات حقات المطاعم

النخيل بلازا مع الاسف ( مغازل - مواعيد غراميه - عري - فساد ) انتي ماشفتي الغرف الي حطينها في المحلات بدعوى قياس الملابس وهي غرف مفتوحه وتكون في زاوية المحل قريبه من المستودع !!!!!! وفوق هذا كله اشكال البائعين الاجانب الي حطين قصات غريبه وعطور فواحه ويوزعون ابتسامات على المتسوقات وهم في الغالب من السوريين المعروفين بقذارتهم وانتهازيتهم واشياء كثيره تدمي القلب سواء في سيء السمعه النخيل او العثيم 0

[انا من بريدة]

لاحول ولاقوة الا بالله وماخفي كان اعظم وينكم عن العثيم والحضاري وحديقة الاسكان والعيري بارك وغيره
ولكن علينا مخاطبة المسؤالين وانكار المنكر لانه والله مسؤاليه الجميع امام الله والرسول عليه الصلااة والسلاام يقول(من رآى منكم منكرا فليغيره بيده فان لم يستطع فبلسانه فان لم يستطع فبقلبه وذالك اضعف الايمان).

والله يعطيك العافيه ملاك وجعل ماقلت في موازين حسناتك وغفر الله لنا ولك ولوالدينا والديك وللمسلمين اجمعين .

[أنسام]

............


مـاهي قضية ..


والمشكلة حلها سهل جداً .


مجرد اقتراح بتغير شكل الجلسات يصل الى المسؤل ويتم التغير
والمسؤلين حريصين على راحة الزبائن .


أما هنا فلا حل مجرد لت وعجبن .



بوركتِ ياملاك.


أنسام

[جواهر]

«®°·.¸.•°°·.¸¸.•°°·.¸.•°®»السلام عليكم كيفك ملاك
تمام
مواضيعك حلوة جـــــــــــــــــــــدا رائعة مميزة
اهنيكي .
واللة يجمعنا على اللي فية الخير
وتقبلي تحيات اختكي جواهر«®°·.¸.•°°·.¸¸.•°°·.¸.•°®»

[قصي]

بسم الله الرحمن الرحيم

السلام عليكم ورحمة الله وبركاته .. الحمدلله والصلاة والسلام على رسول الله وعلى آله وصحبه أجمعين

شكراً لك أختي الكريمة على هذا المقال الذي لاحظته بنفسي ..

وهو كما ذكرتي تماماً .. إلا أنني أحب أن أضيف نقطة لمقالك .. وهي :

أن أكثر من يصطاد هذه النظرات لعورات بناتنا وأخواتنا المسلمات .. هم بكل صراحة : ( رجال أمن المجمع )

ولا أقول هذا الاتهام من فراغ .. حيث أنني شاهدت ذلك بنفسي .. فتجده يستغل صلاحياته والتي تقتضي

مراقبته للمجمع عموما ً .. إلا أنك تراه بشكل دائم يدور وسط هذه الإستراحات ..!!!!!!

حقيقة ً شئ يدمي القلب .. لاسيما إذا نظرت إلى من هو ( رجل الأمن ) .. هذا إذا كان ( رجل ) بمعنى

الكلمة .. وللأمانة .. ليس كلهم كذلك .. لكن .. الأغلب الأعم ِِ..

ولكم جزيل الشكر ..

محبكم ،، قصي .

[جواهر]

°ˆ~*¤®§(*§*)§®¤*~ˆ°مساء الخير اختي ملاك
وش المانع اذا اكل احد من المطاعم
الكل ورغبتة
وبعدين فية مطاعم اكلهم يجنن°ˆ~*¤®§(*§*)§®¤*~ˆ°