ادخلوا وشوفوا المسلسل الكوميدي الاجتماعي الهادف (مجنونه و ؟؟؟ )مابي اكمل واخرب عليكم

[~مجنونه*بس*حنونه~]

السلام عليكم ورحمة الله


http://www.buraydh.com/mntda/buraydh1111.gif





يا هلا وغلا فيكم ,,,,اييييييه انا عارفتكم زين قصمان وجابتكم اللقافه تبون تعرفون وش سالفتي


يالله منيب مطوله عليكم :rolleyes:



هذا الله يسلمكم في مرتن المراريت ساقتني اللقافه احربش بغرفة اخوي واشوف وش فيها <== والله لو يدري عني تسان يجيب خبري بس محسوبتكم ذكية قمت اترصد له زي جيمس بوند لين عرفت وين يغبي مفتاح غرفته وجبت معي قلم لزوم الاحتياط عشان احطط رسم تخطيطي لموقع المفتاح لان مره حط منديل معرفط عند الباب وانا من زود الدلاخه اخذته ورميته مادريت انه الفخ ورحت فيها صرت اللحين اراقب الوضع زين مازين :d5: لان لو كشفني هالمره والله لاروح فيها عاد همن تفقدونن ومايصير عندكم وحده خفيفة دم زيي <== يا زينتس ساكته تراس طولتيها وهي قصيره كملي سولافتس :a2:


المهم يا طويلين العمر والسلامه دخلت الغرفة وكيفت فيها قمت اطقطق بكمبيوتره :for3: ولكن فجأة ودون سابق انذار دخل علي رجال مسلحين وقالوا لي سلمي نفستس <==(اخس واثرهم قصمان زيي ) نحن الF B I























<========= لا اهبل فيكم :for11:



الصدز اني سمعت صوت من بره مير قامت سيقاني تنافض قلت الرجال جا وانتي الله يرحمتس اقري الفاتحه على نفسك :for4: وبيدي المرتعشتين فتحت الباب ,,,













لكن ربي ستر مابوه احد طلع الصوت من الدريشه فتحتها شوي عشان اقز واتطقس الاوضاع مادريت الا الصوت من بيت جيراننا الدريشة اللي قبال غرفة اخوي مفتوحة وشغالة جالسه تنظف ,,المهم على طووووووول سكرت الدريشة وبدت الافكار الشيطانية تلعب في راسي <== الفراغ يسوي اكثر من كذا لا تلومونن :g5: يا بنت ورى ماتهبلين فيها مسكت غطا شاشة الكمبيوتر بيد وسروال السنة حق اخوي بيد <== اقرب شي لي

تحجبت بمفرش الشاشة و عبطت سروال السنة بيدي تسنه فوطه وفتحت الدريشة وهاك يا تنظيف من قلب <== مسويه فيها شغاله ;)

شوي وألوح بيدي <== ديانا سبنسر على غفلة :D

يامره شوفيني عطيني وجهه مافي أمل شكلهم مربينها زين مازين :mad:


ماراح أيأس باحاول مره ثانيه وافتح الدريشة لكن باسم الله طلعت لي شغاله ثانيه زيييييييييييييييين خل نجرب فيها :g6:


ومرة أخرى ألوح بيدي الكريمة ابيها تشوفني وهههههههههههههااااااااااااااااااااااااي انبسطت العمه اللي قبالنا قامت هي بعد تشر لي وقلت يا سلام نجحت الخطه :c9:


انا اسلم عليها وهي تسلم مادريت الا ترطن علي اندنوسي <== والله ابتلشت :e8: وش بزين هاللحين

متبلاعنتبامسلهعابيمعهلابمهيعالمسهعيقبامل<== هذا هرج الشغاله بالاندنوسي :for11:


عاد قلت مافي الا اقول لها اني سيرلانكية وانقذ نفسي من الموقف



:a6: سوف انتا انا مافي أرف كلام انتي انا يزي من سيرلانكا


تسان تقول :كيف هال انتا انا سوهارتي يزي من جاكرتا ايس اسم انت


:for7:انا اسم ايسم انا كومار <== اقرب شي وزين اني انقذت الموقف


سوهارتي : انتي سيرلانكي هلو مافي سيرلانكي سيفه انت هليب مو كاكاو


<== تشققت من الفرحه :for6:


سوهارتي : سوف كومار مدام انا في روح دوام سباه يقدر انتا يزي وانا فته باب اوكي انا لازم روه اللهين مدام ينادي انا

وصكت المره الدريشة منا وانا مبققه عيوني ومنتحه مو مصدقه نفسي مادريت الا سروال اخوي صايرن اسود من الغبار يهالورطه بس من أجل عين تكرم ألف عين <== اللحين وش جاب طاري ابو هالمثل :D



قمت اقلبها في راسي وقلت مابدهاش باروح لها بكره واشوف وش ورا هالشغالات والله يكون بعوني :a8:









انتظرونا في الحلقة القادمة لتعرفوا مغامرات مجنونه بس حنونه مع سوهارتي في عالم الشغالات







تحيااااااااااااااااااااتي للجميع

[ămōяẻ]

خخخخخخخخخخخخخخ

الله يقطع ابليشك

مجنونة


انتى جززززززززززززززززززومة مرة


اه ودى يدرى اخوك

والله ياهو يبي يلفعك
خخخخخخخخخخخخخخخخخخخ


ابقوله كل السالفة ذي

ابورطك عنده



الشغلات

طرب بينهن

خخخخخخخخخخخخخخخخخخخخخخخخخ

[شحرورة القصيم]

ياعيني عليك ياام المسلسلاااات
يا كومار انتي
يا هليب

يا هلوه <<<<<<<<< وش تبي ذي ؟؟؟؟؟


ههههههههههههههههههههههههههههههههههههه

كملي نبي الحلقه الثانيه بسررررعه .....

[وليد الطريقي]

والله يانتي يالمجنونه تصلحين تمثلين اجل مسلسل شغالات والله يانتي مطفوقه ولقوفه ومني انا راح تاكلين علقة مررررررررررة زينه واذكرك

[بن يمين]

هههههههههههههههه


مممممممممممممممممممممممممممممممشكورة

[توتي]

ههههههههههههههههههههههههه
حلوووووووووووووووووووووووة
الحلقة القادمة متى

بعد الاخبااااار الثانية؟؟؟؟

[~مجنونه*بس*حنونه~]

هلا والله وبالدبور الرياضي <== وشوله مسمينك نحله دبور اصرف :for6:





انا مو بس جزووومة انا ابضاي لكاااااااااااااااااااان انا مجنونه مو حيا الله :g5:





اجل تبي تفتن علي وتقول لاخوي داااااااااااااااااااااااا بعدك لان خططي ماتخرش الميه الجني الازرق مايعرف لها:d5:



ومن ناحية لو لقا هو ثغر بالخطه ودرى عني فترحموا علي:a7:







وتابع الحلقة الثانية عشان تعرف وش صار لي مع الشغالات :a2:





تحياتي لك

[~مجنونه*بس*حنونه~]

:x20:



باخيتي الغالية شحرورة القصيم ومشكوره يابعدي على مرورتس وشهادتس اعتز فيها اصلا يسموني سندريلا الشاشة :b7:


وابشري بسعدتس تبين الحلقة الثانية سفري والا تاكلينها هنا :D



تحياتي لك

[~مجنونه*بس*حنونه~]

هلا والله وغلا باخوي عيون القصيم



انا قايله عندي مواهب بالتمثيل والاخراج يعني باختصار انا بتاع كله :for11:



والعلقه ماكلته ماكلته سواء تليقفت والا ما تليقفت انتم يا الضبان تتركوننا بحالنا :for9:







تشكرااااااااااااااااااااااااات على مرورك




ولا تنسى تسير علينا بالحلقة القادمة ترى في سؤال بنهاية المسلسل وعليه جوائز سحوبات على سيارات :for6:







تحياتي لك

[Miss_Autumn]

ياااااااااااااااااااااااااااااا شلام اليييك انتي يا كمااار أقسيييد كوماار ...

هقيقة انا فييييي موووووت طييييح على اررررز يووم انا سمعت قصة ينتي...
وياللليت ينتي ماااافي طوووول كثييير كثييير عشاان انا ابغى كمل كي كي كي كي كي كي كي كي...
وعلى فكرة قرقر ينتيييي كتييير هلو بس ينتي هلوووو أكتر......









وااااااااوك يبيلي قااااامووووس.....
مثكووووووووووووووووووووووورة اوخيييتي مجنووونة ...
بس هااااه
لاتطووليين علييينا بالقصصصصة.....

[أبومحمد(العالمي)]

بسم الله الرحمن الرحيم
السلام عليكم ورحمة الله وبركاته

هههه ... طريفة ... هههه

مشكورة أختي مجنونة ..

[هايلكس]

خخخخخخخخخخخخخخخخخخخخخخ

قصه منتازه ورررهيـــبه


مشششششششكوره

لا تبطين علينا بالجزء الثاني



تحياتي

[وليد الطريقي]

انا انتظر الحلقة على احرررررررررررررررررررررررررررررررررررررررر من الجمر ودي اشوفك تكفخين

<< يستانس على تكفيخ الشباصات

ها يالله كملي يا سوهارتوا السعودية باقي التكفيخ قصدي التمثيل

<<<<<حارررررررررررررررررررررررررررررررررر مرررررررررررررررررررررررررررررررررة

[~مجنونه*بس*حنونه~]

هلا والله باخوي بن يمين ومشكور على مرورك بس لا تنسى تبلط عند التلفزيون عشان ماتفوتك الحلقة الثانية :f3:



تحياتي لك










======================








هلا والله باخوي توتي <== هاللحين لك محلات توتي مانجا وراه يا كافي ماعمرك عزمتنا على كباية لومنادة نبل ريأنا فيها :g4:



والحلقة الثانية بعد موجز أنباء الساعة الثالثة صباحا بتوقيت سومطرا :for2:




تشكرااااااااااااات لك

[شحرورة القصيم]

مجنونه كملي

وش صار بعدين ...........


انتظرك بسرعه ...

تحياتي ......

[زهرة الوفاء]

يوووووووووووه
كملي
بليززززززززز






بسرعه
انتظر

[~مجنونه*بس*حنونه~]

مرهب هي شنكي بي في انتا يا همسه سإر <== الظاهر هرجي انا اللي يبيله قاموس :p



يا بعدي انتي الحلووووووووووووه و مرورتس علي احلى واحلى بس طولي بالتس علي لان قراقيري واااااااااااااجد:D



والحلقة الثانية بمونتاج القناة الاولى لزوم التقطيع تعرفين فيه مشاهد احم احم :for6:



و لا تروحين بعيد بتنزل الحلقة الثانية قريب باذن الله








تشكراااااااااااااااااااات يا حبيبتي

[صريحه]

هههههههههههههههههههههههههههههههههههههههههههههه مجنونه
والله انتس رجه

الله يخلف على امتس بس
عسى عنها غيرتس............


لا تبطين علينا اوكيك

[العندليب]

الله يعين الأرض >> وبعدين وش صــــــــــــار ؟؟

[Miss_Autumn]

((تننننننننننننننتظر على احر من جمممرررر >>>>>>>>>>>>>>


والله يانتي يا مقنووووونة علييييك حركااات تجذذذب الجمهووووور((ماشالله لا إله الا الله بس))

يبيلك تطلعيييييين كتااااااااب والله ان تربحييين ملاييين((وتسمعين كل العالم يكر كر ضحك))

وجااااااااااااااري الأنتظااااااار بجمييييييع الأوقااات ((حتى سوومطرة موجوودة ))>>>>>>>>>

بس هااااه لا تأخريييييييييييييييييييييييييين....
أبي اعررف وش صاار مع كووووماااار ((أقصد)) معك...

[~مجنونه*بس*حنونه~]

اهلين وسهلين ومرحبتين باخوي ابو محمد الورلدي <== مسوي فيها فاهمه بالاعنجليزي :cool:




ومشكوووووووووووووووووووووور على مرورك لا تروح منا والا منا خلك قريب عند التلفزيون المقاعد محدودة :D


تحياتي لك








================





اويلاااااااااااااااااااااااااااااااه على صورة هالهايلوكس الللي انت حاطه جت في وقتها ترى السحوبات حقت مسابقة المسلسل على الهايلومكس حقتك <== ورطتك :for6:



تحياتي لك

[جناان]

ههههههههههههههههههههههههههههههههه

صدق مجنونه على هالحركاااااااااااااااااااات


بـــــــــــــــــــــــــــــــــــــــــــــــــ ـــــــــــــــــــــــــــــس

ملينا وين الحلقه الثانيه

تراي اكره ما شوف الانتظار .>>>>>>>>>>>>> هههههههههههه >>>>>>>>تكفين

[~مجنونه*بس*حنونه~]

يا هلا يا هلا باللي لفانا بعيون القصيم اكيد جيت تسجل لك كوبون شف ترى الصندوق عند باب المنتدى :D



ولا يهمك يا اخوي غالي والطلب رخيص باكمل المسلسل بس صبركم علي شوي توي متهاوشة مع القناة الاولى قلت له اوريكم باروح اعرض المسلسل بال m b c اصرف لي :for11:



ويا انك بتشوف تكفيخ ومطاق الله لا يوريك ماخذه كورس عند جاكي شان قبل المسلسل :e4:


بس ماراح تستانس لاني انا باكفخ الضبان حط في بطنك بطيخة صيفي :p



تحياتي لك

[~مجنونه*بس*حنونه~]

هلا والله بالطش والرش والبيض اللي بعده مافقش :D



شوفي حبيبتي شحرورتي ابد بغمضة عين بتصير الحلقة الثانية انتي روحي افتحي التلفزيون وبتشوفين خشتي على طول :for11:



بإذن واحد أحد الجزء الثاني بينزل في القريب ولا تروحون بعيد الاحداث والمواقف الشييييييييييييييييييييييييييييييييييييييييييييييي يييييييقه بانتظاركم ;)




تحياتي لك






===================






اهلين وسهلين ومرحبتييييييييييييييين بالحلوه زهرة الوفاء معطرة الجو حبيبتي



وطيييييييييييييييييييييييييييييب من عيوني باذن الله الجزء الثاني جاااااااااااااااااااي بس بليييييييييييييييييييييييز طولي بالك





تحياتي لك

[بتول القصيم]

ههههههههههههههههههه

مشكوووووووره

[صريحه]

مجنونه يله عاد كلمي تراك طولتيهااااااااااااااااا


على بالك يعني!!!
والله لوك قاعده تخترعين القنبله الذريه ....


لك من الحين اربع وعشرين ساعه ويا ويلك ان ما لقيت الحلقه الثانيه وقد اعذر من انذر:a9:

تحياتي لك يا رائعه :for12:

[~مجنونه*بس*حنونه~]

اسم الله الرحمن الرحيم يمااااااااااا روعتيني يا صريحه :for4: والله تروعت يوم قريت ردك كاتبته بخط كبييييييييييييييييير محنب عمينا الله يصلحتس اخاف بس انتي اللي لابسه نظارات زي نظارات هزار ولد ابو نزار :for10:<== اتغشمر وياك حبيبتي :D



شوفي يا قلبي انتي,,,, الدعوه مو مسوه فيها يعنني ;) بس انا ابي الحلقه الاولى تاخذ حقها لان الى الان تجي عليها ردود (مالي يومين منزلتها)وابشري مالتس الا بغمضة عين ومنزلة الحلقة الثانية باذن الله وهذا راستس احبه امووووووووووووووووووووووووووووووووووووووواح :p
كم صريحه عندنا بس ولا يصير خاطرتس الا طيب يا الغالية









تشكرات لك ولا تروحين بعيد عشان ماتفوتس الحلقة الثانية باذن الله :b7:



تحياتي يا حياتي

[صريحه]

هههههههههههههههههههههههههههههههههههههههههههههه
يا حبي لك يا مجنونه والله انك رهييييييييييييييييييبه ..........



انا ما يملا عيني الا الخط الكبير اجل تبيني بهالخط اللي يبي له مكبر ياله ينشاف!!!!!
وابشرك ما البس نظارات الله يقطع بليسك انتي وهزااارهههههههههههههههههههههههههههههه

[~مجنونه*بس*حنونه~]

اووووووووووووووووووووه الضب قصدي العندليب عندنا يامرحبا:p



وبعدين مافهمت وش قصدك بالله يعين الأرض :confused:



واللي بيصير تشوفه باذن الله بالحلقة الثانية لا تبعد:p



تحياتي لك ومشكور على مرورك









===================



ياهلا والله بحياتي همسة شعر والله منوره موضوعي ياعيوني انتي




بصراحه اخجلتم تواضعنا :cool:



بس تصدقين حطيتي الفكره براسي :f2: اقول يالله انا موافقه بس بشرط انتي تصيرين مديرة اعمالي وتتفقين مع دور النشر ;) هاااااا وش قلتي



تحياتي لك

[~مجنونه*بس*حنونه~]

هلا وغلا باختي جنان <== تجننين على اسمك :for8:



انا وشوله مسميتن رويحتي مجنونه الا عشاني صدز مجنونه :for11: بس عندي عقل يوزن بلد ماشاء الله علي خمسه وخميسه بعين الشيطان :c9: <== هالاصبع بعين الحسود



والحلقه الثانية بانزلها بكره باذن الله شكلكم صدق مليتوا وانا طولت عليكم :a4:




تحياتي لك








=================






هلا وغلا بحبيبتنا بتول القصيم وتشكرات على مرورك تحياتي لك :b8:

[ămōяẻ]

يالله ترااانى متحمس يومياااااااااااااا

ادخل

انتظر الحلقة الثانية


بشوووووق



اي يوم تنزليها
تكفين


روعة انتى

[شحرورة القصيم]

مجنونه وين (الحلقة الثانية) ؟؟؟؟؟؟؟؟
والا الى الحين ماتراضيتي مع التلفزيون السعودي .......

تفاهمي معهم بسررعه تكفين واعرضوا باقي الحلقات بسررعه



.. يالله مجنونه بسررررررعه هاتي اللي عندك ......

[أبوريان430]

الله يستر عليك!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!

[alnesf1]

هههههههههههههههههههههههههههه

حلووووووووووووووووووه

تصلح فلم هندي خخخخخخخخخخخخخخ

[امرؤ القيس]

حولي المسلسل الى قناة ثانية بدل ها القناة اللي مرة تفتح ومرة تسكر---

وعلى فكلرة اتوقع انك باخر القصة تكفخين الا اذا كنت .اكبر منه

[وليد الطريقي]

واوه طالت عن نفسي خلاص بنسحب مليت من المرمطة والله لو انا مدينك فلوس ما مرمرت عليك كثر ما امرمر الحين

[~مجنونه*بس*حنونه~]

السلام عليكم ورحمة الله وبركاته





يا هلا يا هلا والله وغلا أعرف اني سحبت فيكم شوي بس وش اسوي يالله طلعت الشريط بعد المونتاج و جيت ركض للمنتدى عشان اعرضه لكم ,,,شحرورة حبيبتي بعدي عن الفديو خليني احط الشريط صريحه :confused: وخري يا بعدي عن التلفزيون اعمى عيونتس هذا اللي خلاتس تلبسين نظارات هزار ولد ابو نزار وتفقعين عيوننا بخطتس :D
لحظه لحظه اسم الله عليك يا عيون القصيم لا تبقق عيونك :for7: ترى مهنا مشاهد عنف ,,, همسة شعر حبيبتي رتبيهم زين عموري رح ناد العندليب وباقي الاعضاء ابي الكل والجميع يشوف الحلقة الثانية ,,,,يالله بسم الله دخلنا الشريط





















تلفزيون منتدى السوالف والطرائف والالغاز



القناة البريداوية يقــــــــــــــــــــــــــــدم









:a2:
~مجنونه*بس*حنونه~









فــــــــــــــــــــــــــــــــــــــــــــــــي




(مغامرات مجنونه وسوهارتي في عالم الشغالات )





بالاشتراك مع :


:a1: سوهارتي شغالة الجيران



اخراااااااااااااااااااااااااااااااااااااااج





مجنونه بس حنونه











الحلقة الثانية والاخيرة <== عشان اريحكم

====================





طول الليل هواجيس ,,النوم طار من عيوني ياما تقلبت يمين ويسار وانا افكر ببكره : يا ربيه سوهارتي هذي ليش قالت لي تعالي وش عندها؟؟؟ مانادتني الا الدعوه فيها شي والله يستر !!!







وماصدقت ان الصبح طلع ركضت لغرفة شغالتنا واخذت قميص وحجاب وقمت ألطس وجهي بنيفيا عشان يتبالص وتصير ريحة شغالة صدز واضبط الدور ميه الميه لبست عباتي و مسكت شحاطاتي وانتم بكرامه وقمت امشي بشويش على اطراف اصابعي عشان امي ما تحس فيني ,,,بس ما دريت الا امي تنادين :مجنوووووووووووووووووووووووووووووووووووونه؟؟

:e8: سمي يما


أمي::: خير ان شاء الله وين النيه من صباح الله خير ؟؟؟وبعدين وراه رحيتس تسذا ؟؟


أنا :: هاااااا ابد باروح افطر عند نوير بنت جيراننا عازمتن على كراث وفصفص وسانتوب <== عز الله راح بطني فيها


أمي :: خلاص وانا امتس بس لا تبطين ترى الغدا عليتس اليوم



أنا :: ولا يهمتس يا بعدي قبل الظهر باكون بالبيت تشاااااااااااااااااااااو



وما تشوفون الا غباري









طق طق طق







صوت من ورا الباب : ميييييييييييييين




<افته انا كوماااااااااااااار بسرعه افته باب ؟؟




فتحوا الباب لي بس مهيب هذي سوهارتي اللي شفته امس


وين سوهارتي ؟؟؟



الشغالة اللي فتحت لي الباب:: اوووووه انت اكصد سيكة الكبيلة سوهارتي روه هناك في كيمة الشعر إند مسب الدو (مشب الضو)


(خيمة الشعر ؟؟؟؟ وشيخة القبيلة سوهارتي وش السالفة )



رحت للخيمة اللي كانت بآخر حوش بيت الجيران وانا قلبي يرقع طربق طربق وسيقاني تنافض الله يستر بس






























دخلت الخيمة وذهلت من المفاجاة وثر العمه سوهارتي مجمعه سواويق وشغالات الحاره عندها بالخيمه وهي متربعة بالوسط ودلال قهوة وشاهي وصببابين وقرقعة فناجيل



سوهارتي ::: :a1:اووووووووووووووووه كومااااااااااااااااااااااااااار يا هلا ياهلا مرهبا الف سبي كهوة يا سيتي تأل اجلس جنب انا يا كومار ,,,سوي واهد زغرودة عسان كومار يا بنات



واهتزت الخيمة من زغرطت الشغالات قللللللللللللللللللللللللللللللللللللللللللللللللل يش




سوهارتي : مهيي الدين روه جيب ربابة وسوي دن دن كلو هنا يبغى ترب (طرب ) وقول واحد كصيده نبي سإر وااااااااااااااااااااااااااااااجد هلو




وبدا محي الدين يعزف بها الربابة ويقصد قصيده محزنه


مححي الدين :: يا الربأ (يالربع) انا في كول كصيده يطلأ من كلب انا ( بالعربي باقول لكم قصيدة طالعتن من صماصيم قلبي :D



انا اسم كومار عتيق#####اخو انتا والله صديق
هندي انا والله رفيق######بلد انا اسم سوريف
بابا انا شيبه كبير#######ماما انا مريض كتير
اخو انا كلو صغير#####فلوس مافيه انا فقير
عشر سنة شغل هنا####مافي شوف اهل انا
ممكن اموت انا هنا####فكر مشغول تعبان انا
اثنين سنه مافي فلوس####انا مسلم مافي هندوس
لازم سفر انا رمضان####انسان انا مافيه حيوان
مخ انا اللهين كربان####جسم انا كتير تعبان
لازم انا فيه روح بلد####في زواج حبيب ولد
كفيل كلام هنا بلد####مافي زواج مافي بلد
انت شغل هنا حمار####معلوم كلام يا كومار
اثنين يوم مافي اكل ####كفيل انا سيم سيم بغل
هو اكل على طول لحم####انا اكول كبز و بصل
على طول كلام كومار تعال####نظف هنا انا زبال
انا إيجي شعر كتير###شعر اسود سيم سيم حرير
هاللهين شعر كل يطير####مافي صغير ولا كبير
كفيل انا كرشو كبير####ممكن اكل لحم بعير
انا كرشو صغير كثير####لو تنفخه والله يطير
سكن انا غرفة صغير####مافي مكيف مافي سرير
لازم ساعد انا صديق####اخوك كومار والله يضيق
انت اخو انت رفيق##### عنوان انا هنا حريق



وبدت هالدمووووووووووووووووووع تسيل من محيي الدين وجميع الموجودين بالخيمة










شوي ما دريت الا سوهارتي تطق بالنجر عشان تسكتهم




طق طق طق



سوهارتي:: كلاص كلاص إيب كلو صيه هنا فيه ضيف ولازم سير كريم عند ضيف قوم نور انتي سوا سوا أمينه سوا سوا إينوا جيب أكل أسان كومار ضيف هنا



<=== انبسطت :f8: فله والله بيأكلونن بعد صدز نشمية هالاندنوسية




فرشوا هالسماااااااااط خمس متر في خمس متر



وحطوا البلامات




















بس وشو :for7: أندومـــــــــــــــــــــــــــــــــــــــــــي




سوهارتي:: يالله كومار الله يهيي انتي هدا سفره مافي سوي كلافه واكل كتير



المهم ان الكل قام ياكل والجميع كان مستمتع بالاندومي ,,,,بس انا كنت ملاحظه شي من يوم ما دخلت الخيمة و فريد سواق جيراننا اللي قدامنا حاط عينه علي ومانزلهن ابد :confused:


ضفوا العشا ورجعت جلست جنب سوهارتي ,,,,وشوي ما دريت الا فريد جلس جنبي وحسبي الله عليه نغز حبتين حبحر بعينوني


فريد :a5: هدا هبهر هق حب انا انتي <==== اخس يتابع مسرحيات سمير غانم قال ايش حبحر حبنا :c5:


أنا :: ايس هدا مين انتا



فريد :: انا يبغى زواج انتي عشان بتشا انا انتي يسير حليب مع شوكولاته :c7:


أنا (((وجع وجع وجع اصوم اصوم وافطر على بصلة ؟؟؟؟مابقى الا هي )))


فريد :: انا يعطي سوهارتي فلوس عسان يخطب واحد حلو سيم سيم انتي


أنا :(( ايا الخبيثه موهب لله مناديتن ومسوي لي هالعزيمة والزيطة والزنبليطة الا عشان تشفطين الدراهم مسوية فيها خطابة ))


فريد :: ليس انت ساكت


أنا :: اووووووووووه انا وااااااااااااااااجد يستهي


فريد ::: يا كلب انا على هيا انتي <== ( يا قلبي على حياتس )


أنا ::: شوكريا فريد بس انا ما يقدر زواج انتا



فريد :: ؟؟؟؟؟؟ ليس هرام بأدين انا قلب كششششششششش <== يعني ينكسر



انا :: انا في مكطوبه حك ولد عم انا <=== يالله اطلع نفسي من هالورطه



فريد:: ليس انا مافي هد (حظ) هد انا سيم سيم وجه انا ,,,,,بس لازم انا سوي انتقام من سوهارتي في كدب علي


أنا : :g5: (عليك به ساااااااااااااااااااده مسويه فيها خطابة هي و وجهها )


فريد(والشر متطاير من عيونه ):: سوهااااااااااااااااااااااااااااااارتي جيب فلوس انا كومار ما يصله هك انا



سوهارتي :: ايس ايس بأد بأد مافي نقص الا انتا قول هدا كلام ,,, روه برا مافي فلوس انتا يجي هنا اكل شرب ,,,فلوس يدخل جيب انا مافي يطلع <<=== قوية العمه


:c4:


وقاموا يتهاوشوووووووووووووووون والله لا يوريكم انقلبت الخيمة فوقاني تحتاني



سحبت رويحتي عشان اطلع مادريت الا






































الجوازات في وجهي ورجال الشرطة مداهمين البيت





الجوازات ::: والله خووووووووووووووش مسوين فيها مسلسل بدوي انت وياه اذا حطينا كلبش بيدينكم بتعرفون ان الله حق



وقاموا يسحبونهم واحد واحد لجيوب الجوازات

وانا يسحبونن و متشعمطه بماصورة الحوش واصييييييييييييييييييييح

:for13: انا خلاااااااااااااااااااااااااااص رحت فيها والله يا بن الحلال اني سعودية والله اني قصيميه جعل امك وابوك بالجنه لا تفضحن مالي دخل فيهم لا بارك الله فيهم ولا في الساعة اللي دخلت عليها فيهم تكفى اتركن















































مجنووووووووووووووووووووووووونه وجع يوجعتس ان شاء الله وش مدخلتس لغرفتي يا العنز



بسم الله الرحمن الرحيم اخووووووووووووووووووووي منتب فريد



اخوي :: وش فريده ؟؟



انا :: الحمد لله يا رب طلع حلم موب علم :for11:




اخوي :: انا اوريتس العلم الصدقي عشان تعرفين شلون تدخلين غرفتي وتحرمين تمرين من السيب اللي فيه غرفتي


أنا :: لحظه لحظه يا اخوي تكفى خل ننزل الشارة ونوقف التصوير همن طقن على كيفك لا تشمت ضبان المنتدى فيني



يا الله سلاااااااااااااااااااااااااااااااااااااااام :a2:

[Miss_Autumn]

خلااااااااص مجنووونة استسلمي وحططي البااقي((ولا ترى بسجنك يتهممة التشوييق))
خخخخخخخخخخخخخخخخ

يالله ترااي ادري انتس هنا موجوودة

[Miss_Autumn]

الللللللللللله يا حظظي اووول من قراااها..


شكرا لك اختي كووومارر على هالقصصة الحلللوة...


واصبر لي رججعة بس اخلللص قراااية...

[بتول القصيم]

ههههههههههههه

الله يرجك

مشكوره مجنونه بس حنونه على الاخراج الرائع منك

[شحرورة القصيم]

ههههههههههههههههههههههههههههههههههههه

الله يرج (فريد) .. على هالقصه ......

واخرتها حلم
يا حسافة الحماااااس اللي فيني ...


تسلميييييييييييييييييييييين يالغاليه ...

[صريحه]

هههههههههههههههههههههههههههههههه
خخخخخخخخخخخخخخخخخخخخ
والله حركاااااااااااااااااااات يالدبااااااااااااااااا!!!

تعرفين تكتبين قصص منتيب سهله والله .......

والله هالقصه شي

وانتي وجهتس ليش ما تغطيتي عن السواويق او يوم صرتي شغاله معاد فيه غطا؟؟؟؟؟:d7::for1:

وبعدين انا هزار ولد ابو نزار يا رقيه !!!!!!!!!

الله يرجتس يا مجنونه
ياحبي لتس وبس......

تحياتي....

<<<<<< بتكبر الخط زود عناد :g6:

[أبوريان430]

هههههههههههههههههههههههههههههههههههههههههههههههههه ههههههههههه
القصه روعه والكاتب اروع
بس في الحقيقه تشوفين لوك اختي كان اكتب الحلقه الاخيره انا
من عند باب المقبره لاني بصير توي دافنك.

[جابر الخواطر]

هههههههههههههههههههههههههههههههههههههههههههههههههه ههههههههههههههههههههه
يسلموووووووووووووووووووووووووووووووووووووووووووووو ووووووا يامجنونههههههههههههههههه

[~مجنونه*بس*حنونه~]

:x20:



بحبيبتي همسة شعر وهذي هدية لتس عشان انتي اول وحده قصيتي شريط الحلقة الثانية :for5:



وبعدين ماقضيتي للحين كل ذي قراية :a4:



لا تبطين علينا حياتي




استناك





تحياتي ;)

[توتي]

هههههههههههههههههههههههههههه

حلووووووووووووة

بانتظاااار الجديد

[ابن الوطن.]

صرحه حلوة بس فيها بعض الاخطاء انتي رايح الصبح وشلون جابو العشا يادبة هههههههههههههههههههههههههههههههههههههههههههههههههه ههههههه


بعدين حولي تطورين نفسك لاني اتوقع لك مستقبل باهر

ومرة ثانية اقول حلوة

























مسوي فاهم






مع تحياتي: ابن الوطن.

[بن يمين]

ههههههه

قصه حلوه

[~مجنونه*بس*حنونه~]

اهلين وسهلين ومرحبتين ببتولتنا الحلوه







والله يوسع صدرك بالعافية





وانتي الاروع يا غاليتي





تحياتي لك

[MiSs_7o0oRyAh]

http://www.geocities.com/miss_7o0oryah/BsmlahNew.gif

http://www.geocities.com/miss_7o0oryah/HeartNew2.gifالسلام عليكم ورحمة الله وبركاتهhttp://www.geocities.com/miss_7o0oryah/HeartNew1.gif
. . . . .
. . .
.




ههههههههههههههههههههههههههههههههه


من جد مجنونة


بصراحة قصة روعة

ووين الحلقة الاولى ..؟؟

<<<< صح النوم انتي وخشتس


.
. . .
. . . . .
http://www.geocities.com/miss_7o0oryah/HeartNew2.gifتحياااا:for12:ااااتيhttp://www.geocities.com/miss_7o0oryah/HeartNew1.gif

http://www.geocities.com/miss_7o0oryah/Sub7ankNew.gif

[~مجنونه*بس*حنونه~]

يا هلا والله وغلا بشحرورتنا :for12:



ايه حلم اجل تبينها علم واتورط بفريد :D مابقى الا هي اصوم اصوم وافطر على بصلة :f3:




تحياااااااااااااااااااااتي لك وربي يسلمك





تشكرات على مرورك نورتي موضوعي ;)



الف تحية لك

[~مجنونه*بس*حنونه~]

:x20:


بحبيبة قلبي اخيتي الصريحه منوره موضوعي والله صرت احس ان ردس جزء من مواضيعي ما تزين الا بخطتس :c9:




ايه انا قاعده اطلع مواهبي عندكم وان شاء الله جازت لكم القصة وحازت على رضاكم ومطرح ما يسري يمري <=== تذكرت ايام سلوى شاكر اذا قدمت برامج فيها طبق اليوم :f3:



واللحين انتي و وجهتس تركتي القصة طول بعرض وحطيتي دوبتس من دوبي تغطيت والا لا :d2: الله يرجتس الدعوه خيال بخيال والا من صدقتس باطاوع سوهارتي واجي عندهم بالبيت والله لو اني بايعه عمري يا روح مابعدك روح :for11:



والظاهر بكره بتحطين كل حرف بصفحه من كثر ما تكبرين خطتس :D




تشكرااااااااااااااااااات على مرورتس ونشوفك على خير باذن الله




تحياتي لك

[هايلكس]

خخخخخخخخخخخخخخخخخخخخخخ

قصه حلوه

تشكرااااااااااااااااااااااات

[~مجنونه*بس*حنونه~]

اهلين وسهلين باخوي ابو ريان 430 <=== اللحين ابي اعرف وش الحكمه من ارقامك ذي لازم تحطون شرح مفصل للملاقيف زيي :)



ومشكووور على اطرائك ومرورك



وعاد يا كافي انا وش مسويه عشان تذبحني وانا حيه :( مالي ذنب كلها هذا عشان فريد حبني :)





الف شكر لك





تحياتي لك

[~مجنونه*بس*حنونه~]

يا هلا والله باخواني جابر الخواطر وتوتي




أسعدني مروركم :a1:





تحياتي لكم




اختكم مجنونه بس حنونه :e1:

[~مجنونه*بس*حنونه~]

اهلا اهلا باستاذنا الفاضل ابن الوطن :D



شف وانا اختك انا ماجبت طاري عشا انا قلت قلطوا الاكل وماهوب شرط ان الاكل لزووم يصير عشا <== شكلك جوعان وحطيتها فيني :for11:



واشكر لك إطرائك ومع الوقت باحاول اطور اسلوبي :p




سعدت بمرورك





تحياتي لك

[وليد الطريقي]

ههههههه


أنا :: لحظه لحظه يا اخوي تكفى خل ننزل الشارة ونوقف التصوير همن طقن على كيفك لا تشمت ضبان المنتدى فيني


اية برد تسبدي الله يبرد سبدة رفعتي ظغطى حسبي الله عليك على العموم مبدعه دائماً يا مجنونه

[العندليب]

الحلقة الثانية والاخيرة <== عشان اريحكم

هههههههههههههههههههههه هذي والله الكايدة ...

أنا :: هاااااا ابد باروح افطر عند نوير بنت جيراننا عازمتن على كراث وفصفص وسانتوب <== عز الله راح بطني فيها

والله من المررررررررررررررررررررررررررررررررررررررررررررر.. .


بصراحة يامجنونه سيناريو رائــــع ناقصه العلم يعني ما يصير حلم .. هههههههههه انحش ...



تشكراااااات وناطرين الحلقة الثلثة ... قبل ههههههههههه

[~مجنونه*بس*حنونه~]

هلا والله باخوي بن يمين و مشكوووووووووووووووووور على مرورك



تحياتي لك




-=============





يا هلا والله وغلا بحبيبتي الحورية




والله انتي الاروع وبعدين توتس تفطنين وتفتحين التلفزيون :)



هذا رابط الحلقة الاولى وبانتظارك تعليقك عليها تحياتي لك :)ارعصي ذا (http://www.buraydh.com/forum/showthread.php?p=395906)

[ămōяẻ]

حببببببببببببببببه اثنيييييييييييين:confused::for10::for4:>>>يعني حبتييييييين..>>سوّاق عربجي خخخخ


الله يررجك يالخبله
لحستي عقلي..>>حشى آيس كريم خا خا خا:for10::for1::for1:


وش ذا

اقرا الموضوع كني قاعد في مكتب خدم


وماصدقت ان الصبح طلع ركضت لغرفة شغالتنا واخذت قميص وحجاب وقمت ألطس وجهي بنيفيا عشان يتبالص وتصير ريحة شغالة صدز

وحطي بيدينك فازلين وخلي شعرك مليان عرق...يفضّل تكون ريحته خايسه على حامضه>>>ذايقها الاخ خخخ
...واجّري لك كم قمله وحطيهم براسك ينفعونك2::f2::f8:

كذا راح تصيرين شغاله ميد ان كوريا خخخخخخ:for13::for11::for11:
يعني صناعه اصليه



دخلت الخيمة وذهلت من المفاجاة وثر العمه سوهارتي مجمعه سواويق وشغالات الحاره عندها بالخيمه وهي متربعة بالوسط ودلال قهوة وشاهي وصببابين وقرقعة فناجيل


وش عندها نجاح المساعيد خخخخخخخخ:f2::(:)


انا اسم كومار عتيق#####اخو انتا والله صديق
هندي انا والله رفيق######بلد انا اسم سوريف
بابا انا شيبه كبير#######ماما انا مريض كتير
اخو انا كلو صغير#####فلوس مافيه انا فقير
عشر سنة شغل هنا####مافي شوف اهل انا
ممكن اموت انا هنا####فكر مشغول تعبان انا
اثنين سنه مافي فلوس####انا مسلم مافي هندوس
لازم سفر انا رمضان####انسان انا مافيه حيوان
مخ انا اللهين كربان####جسم انا كتير تعبان
لازم انا فيه روح بلد####في زواج حبيب ولد
كفيل كلام هنا بلد####مافي زواج مافي بلد
انت شغل هنا حمار####معلوم كلام يا كومار
اثنين يوم مافي اكل ####كفيل انا سيم سيم بغل
هو اكل على طول لحم####انا اكول كبز و بصل
على طول كلام كومار تعال####نظف هنا انا زبال
انا إيجي شعر كتير###شعر اسود سيم سيم حرير
هاللهين شعر كل يطير####مافي صغير ولا كبير
كفيل انا كرشو كبير####ممكن اكل لحم بعير
انا كرشو صغير كثير####لو تنفخه والله يطير
سكن انا غرفة صغير####مافي مكيف مافي سرير
لازم ساعد انا صديق####اخوك كومار والله يضيق
انت اخو انت رفيق##### عنوان انا هنا حريق


دمعه ينزل عشان انت...انت ولد مافي بنت
يكسر خاطر مره انت....كلامك حــ>>>اندمج الولد على باله محاوره خخخخ:f2::confused::confuse



<=== انبسطت فله والله بيأكلونن بعد صدز نشمية هالاندنوسية

على هالوصف احسها حاطه شماغ على كتفها وعقالها على جنب
ورجل ثانيتها والثانيه مادتها والزقاره طايحه على جنب ..استغفر الله على هيك اشكال>>>:f2::f


بس وشو أندومـــــــــــــــــــــــــــــــــــــــــــي

اكيد طبعا طبعا.
اصلا
الاندومي تمر اندونيسا>>اقول انثبر بس
والله من جد
مثلا حنا عندنا مفاطيح..هم عندهم اندومي....>>توك تقول تمر
المهم شئ زي كذا
وانا وش دراني
شايفيني اندونيسي>>طيب قلنا لك انثبر
:for10::g4:


فريد :: انا يبغى زواج انتي

خخخخخ
تخيلو
شغاله تتزوج سواق
وش يجيبون؟




























هذا هو سؤال هذه الحلقه اعزائي المشاهدين































>>>تحمس الولد
















خخخخخخخخ



الجواب>>كان نفسي اكتب الجواب بالمقلوب زي المجلات عشان لااحد يعرفه خخخ
((الجواب:كفيل))خخخخخخخخخخخخخخخخخخخخخخ

>>>خذيه بزاويه وسطريه



من جد يالدبيه انتي
مأثره عليك الافلام الهنديه المترجمه بالاندونيسي
خففي منها شوي جعلك للصلاح>>وش عنده قام يدعي خخخ



يالله فمان الله
عموووري

واسف تاخرت بالرد لاسباب خاصة خخخخخخخ:for10:

[~مجنونه*بس*حنونه~]

اهلين وسهلين باخونا راعي الوانيت :)



اسعدني مرورك



وتشكراااااااااااااااااااااات لك :)

[وليد الطريقي]

مبدعه انتي يا مجنونه المنتدى حقيقة جنانتينا حسبي الله على عدوك لي فتره اول ما ادخل المنتدى ادور

مجنونه على اخر عمري ادور مهابيل الحمدلله والشكر بس حقيقة الحلقة الثانية حلوه بس توبه اقرالك قصة

حسبي الله على عدوك بهذلتينا دورانا حول موضوعك واخرها حلم لكن مردوده لك

[جناان]

ههههههههههههههههههههههههههه

والله فطستينا من الضحك يامجنونه بــــــــــــــــــــــــــــــــــــــــــــــــس

تدرين كسر خاطري فريد ليش ماتزوجتيه ............ههههه

احسن يوم سدلتي الستار علشان التماسيح مايستانسون :f8:

ويشوفون الطراقاااااااااااااااااااات :for13:وشددددددددد الشعر ......هههههه


فعلالالالالالالالالالالا مبدعه ........

[~مجنونه*بس*حنونه~]

مرحبا تراحيب المطر باخونا الغالي عيون القصيم ,,,ايييييييييييييييه وش محمسك للقصة الا ودك بطاخ وطيخ وتكفيخ وطراقات:b2: بس انا حبكتها زين :d2:




وانت يا اخوي المبدع باطلاتك على موضوعي وتشريفك له :p




وياما بتشوفون مني باذن الله نهايتها باحجز طيارة خاصة لاعضاء منتدى بريدة على الطايف مضبطه لكم غرف انما ايه تحفه بشهاااااااااااااااااااار :for2:



تعيش وتاكل غيرها وبعدين لا تروووووووووووووووووح بعيد باذن الله راح انزل موضوع من العيار الثقيل بيقصفكم يا ضبان المنتدى قصف :d7::g5: والله يستر عليكم مني :a2:



اسعدني مرورك ونشوفك على خير باذن الله



تحياتي لك

[~مجنونه*بس*حنونه~]

هلا والله بالدبور الرياضي الشيخ عموري :a1: شيخ قبيلة الضبان




والله خطير شف خل نزين انا وياك مسلسل مشترك نتعاون في انتاج السنياريو حقه و نبيعه على المنتدى الحلقة بملغ وقدره <== ايه هين بس تلقين يشتوننا حنا وحلقاتنا بره المنتدى :for11:



وبعدين وراه الله يصلحك حليت للجماهير السؤال كان سكتت وخلينا عليه سحوبات جوائز قيمة <== ابقوا قابلوني :f8:




الف شكر لك :a2:






==============


يا هلا وغلا بحبيبتي جنان



اذا كان فريد كاسر خاطرتس مافيه مشكله احوله عليتس وخوذيه والله يوفق من جمع راسين بالحلال :for6:




تشكرات حبيبتي :D

[الرمادي]

اسلوب رائع واحداث مشوقه تجبرك على متابعتها بقوة



الف شكر لك اختي العزيزة مجنونة بس حنونة على هذا الأبداع




تقبلي تحياتي ,,,

[SilVeR]

بسم الله الرحمن الرحيم

السلام عليكم ورحمة الله وبركاته


والله أسلوب قصصي رائع ،،، وأحداث مشوقة ,,,,


إلى الأمام عزيزتي ( مجنونه بس حنونه ) ...


إنني أتوقع لك مستقبل مشرق بإذن الله ,,,


في الأعمال القصصية

[~مجنونه*بس*حنونه~]

الف الف شكر لك من مرّ و تكرم بقراءة قصتي




واخص بالشكر مشرفنا الفاضل الرمادي على تكرمه بمنح قصتي البسيطه لقب (مشاركة متميزة ) وراح يكون دافع لي لتقديم الافضل باذن الله لهذا المنتدى الغالي ,,,





تحياتي للجميع

[العبرى]

مغامرات مجنوووووووونة.....

أتحفينا بمزيدمن مسلسلاتك ومغامراتك....

[الفتـ الذهبي ـى]

ههههههههههههههههههههههههههههههههه


متى شوقتيانا للجزء الثاني

[خـــــــــــــــالـــــــــد]

اختي مجنونه

الف شكر على امتاعنا بهذه القصه والتي اجمل مافيها انها بصياغتك وباسلوبك وليست منقوله

سننتظر المزيد من افكارك الرائعه

ولك الشكر