جوالي ... !!

[الشماسي]

السلام عليكم ورحمة الله وبركاته ..


تسيف الحال يا جماعة الربع الطيبين الحلويين .. .. المميزيين !!


عندي لكم يا عيالي قصة حقيقية واقعية من نسج الخيال ..

ولكنها واقعيه !!


سانقلها لكم هاهنا باختصار مختصر !!

وباستهتار مستهتر ..

وبأغتراب (المغترب) .!!!


الا وهي تقول عن حال نفسهاا وعن قصة حياتها ..

دقيقه ..

قبل ما ابدأ ..

نقول الشخصيات اللي بالقصة .. هي :

1_ انا !
2_ سلمان .. اخوي الكبير .. يداوم في الأحساء .. وجاي عندنا يوسع صدره .. وسيارته بالأحساء وجاي بالقطار .!
3_ فهد اخوي الي اصغر منه معه ماكسيما .. !
4_ خالد .. ولد عمتي جاي يزورنا ..!



القصة :


ذات يوممن .. كنا جالسين بالمجلس نتقهوى ونسولف وكلن يرسل بلوتوث للثاني ..
وسواليف ودجه وسعة صدر تونا معطلين يقطع ام الفله .

وعندنا فيديو وتلفزيون .. من الوناسة جبنا شريط نبي نناظرره .. وشغلناه وناظرنا شوي يوم سحبنا عليه وقعدنا نرسل بالبلوتوث ..

وسواليف وفله حجاج ..

المهم .. جت الساعه 10 بالليل .. قال اخوي سلمان .. عن اذنكم ابروح للمغسلة ابجيب ملابسي ..
قلنا : رح ولا تطول ..

المهم هو راح وطبعا عارفين سلمان سيارته بالأحساء .. بس هو راح للمغسلة رجلية بلاها قريبة ..

.. وجلسنا حنا كملنا سواليف .. وكل شوي صكة بلوت .. وطقاق وزعل (( بس وناسة ))
..

شوي ونشوف اخوي جاي يركض يمشي مليوووووووووووون .. ومعه ثوبه يطير وراه تسنه سوبر مان .. يطير !

المهم .. ويجي .يقول : . فهد فهد .. انسرق جوالي .. عطني مفتاح المكسيما .. !!

ويمد فهد المفتاح لا شعوريا وياخذه سلمان .. ويروح يركض ..

حنا جلسنا نتناظر لمدة ربع دقيقه تقريبا .. !!

همين انطلقنا مع بعض !!

ونركب معه بالماكسيما ..

ونطق العالي ..
وانواع الأنفاس .. ه

المهم .. ونقول له وش السالفه ..

قال : واحد معه دباب . جا طااااير وانا اكلم .. ويلقط الجوال .. ويدز ..
وانا اناظرهم .. واقول : هيه انت تعال . وهذاك الحرامي يرد عليه : يقول وش تبي ؟؟

يقطع ام القهرررررر

لحووووووووووووووووووووول والجوال مالي اسبوع شاريه .. الدمعه .. بـ 1300 ريال+50 ريال كرت ميموري .!


<== يبيكم تقطون له :)


المهم ..

وندورهم ندورهم .. لين ما طفح الكيل منا ..

ونرجع للبيت .. خائبين ..

وضاع علينا الجوال ..

طبعا وطقينا له الحين الفارس <=== كفو يا عيال الراجحي !!


المطلوب ::

ان كل واحد ينتبه لجواله لا ينسرق منه ..

وخاصه مثل هالحركه اللي تسمى (( عيني عينك ))

والتي تنتهي غالبا بحالات هستيرية !!

قد تؤدي بالشخص الى الحالات الفيسيولجية ..

التي تؤدي الى الحالة الخنبرزوية ..

التي بدورها تؤدي الى .. القهرر !!

ونتمنى لكم حياتن سعيده وسعيد .. ومع التحية

[توتي]

مشكوووووووووووووووووووووووووووووووووووووووور
اخوي على النصيحة وفعلا انا سمعت من اكثر من شخص سالفة سرق الجوالات عن طريق الدباب





ودمتم,

[بن يمين]

هاليومين الواحد لازم يربط جواله بسلسله اذا كان من النوع الغالي ولاكن انصحكم بجوال الكتيل لأنه مافيه امل ينسرق .

[الشماسي]

هلابكم والله

أجل أنتبهو من المنطل لايحوشونكم

ومع التحية