لعرايس الصيفيه .. ملف كامل وخاااص

[noor]

سنعرض هنا كل ماتحتاجه العروس

فأتمنى ان تكون مشاركة الجميع فعاله

وسأضيف مالدي في الموضوع

فـ أبقو معنا :)

نور

[noor]

بداية ..
عروسنا الحبيبة
ليكن رضا ربي جل وعلا نصب عينيك ولتتذكري انك بهذا العمل إنما تؤجري
فاجعلي بداية حياتكما بداية طاعة واجعلي هدفك هو تكوين أسرة مسلمة يعتز بها الدين ويفخر بأم مثلك واحتسبي كل عمل تقومين به فلن يضيع الله عمل عامل !


كيف تستعدين لزفافك ..
سأضع بعضا من التجارب السابقة ليكن الهدف هنا هو تلافي الأخطاء التي وقعت بها ( عروس ) قبلك .


** المهر ..
ضعي تخطيط لتوزيعه حسب الأولويات وقد تستطيعين ان تبدئي بجزء منه كمشروع خاص بك ( إذا كنت من هواة التجارة : ) )
من بعض تصرف العرائس بجزء من المهر
إحداهن دخلت بمساهمة بقيمة 10 الآلاف
أخرى شاركت بجزء منه ببناء استراحة
8
8
المهم لايسمعوننا الرجال خخخخخ ( حتى مايقولون اجل وين راح التجهيز لي ! )

سأضع تحديد للقيمة المتوقعة حسبما يتطلب الأمر بذلك


** أطقم ذهب ..
بما ان الذهب مرتفع في الوقت الحالي ربما تصدمين انك قد تخرجين من المحل بـ كسرة ذهب وما تسوى
فهنا المطلوب طقم كبير حسب موديل فستان الزواج
واذا كنت تحبين الألماس بإمكانك تفصيل الطقم بوضع الألماس حسب التصميم الذي ترغبين
ايضا تحتاجين لطقمين من النوع المتوسط << عن قولة مااشترت ذهب
وبالتأكيد ستأتيك بعض الهدايا وحتما سيكون بعضها بتصميم يناسب ذوقك
لكن باقي تجهيز الذهب ضعيه في أساور ناعمة وخواتم وتعليقات ( لان فترة لبسك للأطقم الكبيرة لن تطول ! )
محلات ذهب ببريدة ليس لدي خلفية عنها لكن ربما ترددت على ( المحيطب )
الأطقم بتصاميم رائعة مع تداخلات أحجار و و
بالرياض
سوق طيبة هو عموما محلات ذهب كثير لكن الحلو ( لازوردي , العثيم فيه ألماس وفيه بدونه , الشلوي )
خريص بلازا ( مجوهرات الحرمين , بحر الألماس << تصاميم راائعه )
المملكة ( فتيحي , زيماس )
صحارى ( يتوهني وما اذكر محلات الذهب مره عندهم بس حلو )
العثيم مول ( الشهري , العثيم )

بالنسبة للدبل أفضلها يكون ألماس
بالمملكة ( فتيحي )
خريص بلازا ( بحر الألماس , مجوهرات الحرمين )

لكن عموما تصاميم الذهب رائعة وشبيهة بالإكسسوار ( بس طبي وتخيري )



** الساعات ..
أنا أفضل أن تكون ساعة الزواج ألماس وبلونين متداخلات ذهبي وفضي
الا اذا كنت تفضلين الجلد فهي رائعه ايضا لكنها لا تتلائم مع الطقم !
أفضل الساعات وتصميم جدا رائع
CUROTTE
MOVADO
روميندويل
بولماند
وسعر الساعة من 5 إلى 7 الالاف حلو
لكن اذا ساعة موفادو ( حطي يدك على 9 فما فوق : ) << طبعا للتصاميم الراقيه )

محلات الساعات ( الحميضي . الغزالي . بيت الروائع .



** فستان الزواج ..
كرأي شخصي .. إذا الزواج فيه زفة ممكن تتكلفين على الفستان
لكن بدون زفة ممكن تفصلينه بحيث تلبسينه في زواجك ويناسب زوارتك
اللون الشائع حاليا ( السكري ) ومررره لون رايق وبإمكانك عمل تداخل بلون آخر بشئ بسيط
في حالة كونك تفضلين الفساتين الجاهزة
سوق مكة , نعومي بصحارى
لكن في تفصيل الفستان .. ( يبغى لك شغل !! )
وكونه فستان زواج بيدبلون لك السعر : )



** مكياج ..
ولأنك عروس فأفضل ميك اب عموما هو ( ماك )
أساس من ( نينا ريتشي , ميك أب فور افر , كريستاند , ماكس فاكتور , لانكوم , سان لوران , ماك
كحل أسود ( عن تجربة شخصية جربت مليون نوع كحل وافضل كحل اللي جاي بعلبة سوداء كامل اسود سائل وشدو واسود داخل وماسكرا من مكياجي )
وكحل لانكوم أسود مره , وفيه مدح لكحل سان لوران ( لونين اسود وازرق بفرشه تستخدمينه )
الشدو ( ميك اب فور ايفر , نيبو << علبه بـ 48 لون , شدو بألوان مختلفه وعلب صغيره عند مكياجي صراحه حلو نا جربت الفضي والذهبي )
الأرواج ( كثير ألوان مميزة لكن قلوس من نينا ريتشي سائل مرره حلو لكن ينبغى ان تختاري مايلائم بشرتك فليست الموضه شرطا متبعا !! )
بلاشر ( ايضا عن تجربة شخصيه بلاشر اورانج من نينا ريتشي لونه روعه , بلاشر زهر من كلينك حلو , بلاشر من نوبا اورانج )
ماسكارا ( لانكوم , لكن للعزايم البسيطه و للاستخدام اليومي من كلينك تزول بالماء مع خروع حلو مره )
ومو ضروري يكون مكياجك كله ماركه وحده فممكن يناسب اساس ماركه ولايناسبك البلاشر حقها
لكن بوجة عام
المكياج .. يختار على حسب مايناسبك وترينه الاجمل ويبقى بالنهاية فن !


الفساتين
لا تحتارين ولا تفكرين تخيطين << هذي قاعدتي
اختاري وبذوق والدنيا كلها صارت فساتين
بالنسبه للمحلات
مجمع الموسى كله تقريبا خاص بالفساتين لكن الأفضل ( البرت ومحل مقابل زاويته مااذكر اسمه لكنه تابع له , الساهر )
العقارية الثالثة ( ريميال )
لمسات طيبه << قبال المملكة
بن ضياء << قريب من اللي قبال المملكة :D
ماسيمودوتي ( المملكه , صحارى بلازا )
روبي مودا ( شارع العليا العام )
مون سون ( المملكه , صحارى بلازا )
مانجو ( فساتين بسيطة وناعمة بس تبغى لها طويلة ونحيفه خخخخ )
عبدالله السيد ( خريص بلازا , صحارى )
مورني ( صحارى , الناصر )


تايورات
مون سون
ماسيمودوتي
روبي مودا
ماركس أند سبنسر ( المملكة , خريص بلازا , صحارى بلازا )
دبنهامز ( المملكة ) << رائع
كوتون ( تحصلين عنده موديلات غريبه ) موجود في صحارى , خريص بلازا
مورني


جزم وشنط
يبغى لك شنطه تجمع حاجاتك وتكون كشخة وتكد خخخ
ممكم تحصلين عند قوتشي ( مااذكر بالضبط بالمملكه او بالفيصليه )
روكو باروكو ( عند بدون اسم وفروعه ( خريص , صحارى )
فندي بس صراحه مااحب شنطهم والناس اذواق !
محل سيجا ( صحارى )
اما بقية الشنط شوفي الوان اساسيه وماشيه مع ملابسك
فيبغى لك شنط مناسبه مع التايورات
وشنط صغيره للفساتين
وتحصلين كل هذا في
اكسسورايز ( المملكه , صحارى بلازا , خريص بلازا , الناصر , العثيم مول )
مانجو . برومود . ماركس اند سبنسر . دبنهامز . ميلانو . الدو . ديون

الجزم
ايضا حسب لبسك
ميلانو
ألدو
ديون
ماركس
دبنهامز

ويبغى لك جزم رياضيه وبتحصلينها عن نفس محلات الجزم السابقه بالاضافه الى
سبورت سيتي ( خريص , المملكه

بكذا اكون خلصت ( الذهب , فستان الزواج , المكياج , الجزم والشنط , التايورات , الساعات )
المتبقي في الحلقه القادمه ..


خالص الود :)

مع انتظاري لاضافاتكم

نور

[noor]

يرفع لمزيد من الإضافه

:)

[رمش الليل]

شكراً لككككككككككككككككككككككككككككك

[A-دلوعة حبيبها-A]

صباح الخيرات
الموضوع مهممممممممممممممممم وحلوووووووو ومفييييييييييييد..
بس يبيله قعدة سنعة.., وأنا أبنام الحين..إذا قمت مخمخت عليه ان شاء الله...:p
ومشكورة نور عالموضوع المفيد...
ودمتي سالمه.

[عواطف]

http://www.alalaq.com/upload/files/bsmla_burydah.gif

تسلمين لنا على هذا الملف

بس حلوة سالفة الاستثمار .. ضحكت علهيا ..
هو المهر كم بالعادة خمسين أو اربعين الف .. صح والا انتم غير ..؟

وش يكفي لا صرت ابشري الساعة الوحدة بـ9000
وانا ما نويت اسرف متوقعة اني آخذ زود من اهلي وانتي تقولين استثمار بـعشرة وساعة بتسع .. :(

آخر فستان شريته جاهز بـ 1750 ـ وانا ما بعد تزوجت ..
لا بعد من بريدة لو اني بالرياض كان يمكن صار السعر مدبول .. زود على ان العروس تبي شيء افضل من كذا .. وطبعا مهب مكثرة اثنين بالكثير أو ثلاثة ..

اللي يكثر منه هو لبس البيت والملابس الخاصة .. لانها تستهلك موضتها ما تتغير ..
الاندر وير ناوية اشري ا انا متعودة عليه لو هو شانتيل واللانجيري بلاش نعومي وإيتام ولاسنزا لان الرجل ما عنده سالفة بهذي الامور ـ تراه مدح للشباب مهب سب ـ والوحدة تشري كثير ورخيص منها ـ وتنوع لحبيب القلب أفضل من انها تشري غالي وقليل.
لبس البيت إذا هي عند حمولة تكثر من الجلابيات الرخيصة ـ وإذا هي ببيت لحاله تروح لستي ماكس وتقش برمودات وتيشرتات وتنانير قصيرة وبنطايل وبديات .. والا وش رايكم .. :)

• ••• •

المكياج ..
إذا هي عروس وتعرف ترسم عيونها أحسن تشري شادو مائي حق المحترفين ويسمى مكياج سينمائي .. يجيك بعلبه كنها علب الوان مائية
من ماركاته كريولان http://www.kryolan.com/en/Home/Home.htm ـ موجود بجدة ـ واذكر العضوة عفريت بعالم حواء تبيعه بسعر أرخص
بن ناي الكويتيات يسمونه شارمل http://www.bennye.com/ ـ صديقتي وصت عليه من الكويت بس تراه غالي

يقال ماركة ستيج لاين http://www.laurendor.com/ing/maquillaje_ojos.php موجود عند زهرة مي بالرياض حلوة ورخيصة نوعاً ما
أنا جربت فور إيفر ونوبا ومهب شينات .. وموجودات ببريدة فور ايفر عند وجوه بالنخيل ونوبا عند مكياجي بالعثيم والنخيل .. حتى اشوف بكتالوج فور إيفر ظل مائي بس مدري عنه .. :)

• ••• •

الذهب .. صراحة وانا ما تزوجت البس تعليقات ذهب ناعمة كنها اكسسوار وتشبه للالماس ويسمونه ديلوكس كان ما انب وااهمة تجي عيار 18
الحمادا يجوز لي ذهبهم عادة


• ••• •

شناط السفر والمفارش وقرابيع الحمام

بالنسبة للشناط السفر ـ هي تبي ماركة أو لا
ووش الماركة اللي تبي سامسونايت ، دلسي ، بيير كارن ....

انا اشوف ان العروسة افضل لها تشري ثلاث شنط احجام متوسطة من الماركة اللي تفضلها
وتشري شنطتين كبااااااااااااااااااااااااااار قريبات من الشكل واللون ـ لان الشنط الكبيرة ما تستخدم الا لنقل العفش لعض الزوجية ولا تستخدم للسفر بالعادة تلقينها بالمخزن والمستودع مرمية وهي من اغلا الماركات

المفارش تشري مفرش واحد حلو معاه قطع متعددة حق اول الايام

والباقي عشان ما تضيق عليها اللحافات وتبلش بتخزينها لان كل مفرش معاه لحافه
تشتري حقات ايكيا اللي عبارة عن كيس لحاف وكيس وسادة وهي تنسق الخامات على ذوقها

المحلات اللي تبيع هذي الاشياء
عندنا ببريدة بشارع الملك عبد العزيز
السنيدي ، الخضيري ، ومحل اسمه المفارش درة المفارش أو أرض المفارش
وسمسونايت موجود عند القريشي باسواق الراجحي

وبالرياض خابرة الجار الله والشماسي والمتحف الوطني
الظاهر اسواق العويس به كل هذي المحلات

http://www.alalaq.com/upload/files/end_buraydah.gif

[الرحيـق المختـوم]

مرحبا نور وكل البنات
نصيحه لكل عروس استمتعي بفترة التجهيز ولا تضيعين هالفتره بالتوتر والارتباك
والله ايام حلوه اذا نظمتي نفسك
او خطوة وهي اهم خطوه تحديد متطلباتك وتسجيلها بمذكرة صغيره تكون دائما معك وبعدين احتفظي بها علشان اذا فتحتيه بعد العرس تذكرين الموقف الحلوة وتضحكين على روحك واللي كانو معك


ممكن هذا البرنامج يساعد العروس
برنامج خطوة بخطوة نحو القفص الذهبي (http://www.3roos.com/program.html)

[المـ..ـشـفـ..ـر]

بداية موفقه اختي نور...

وانشاء الله كل بنوتات العالم الي بيتزوجون بهالصيفيه يرون موضوعك.. ويدعون لك بالرجل الصالح..


لرقة هذه الكلمات الرائعه من اناملك الذهبيه اختي

[noor]

دلوعة حبيبها

رمش الليل


شكرا لتواصلكم و مروركم :)

[noor]

تسلمين لنا على هذا الملف

بس حلوة سالفة الاستثمار .. ضحكت علهيا ..
هو المهر كم بالعادة خمسين أو اربعين الف .. صح والا انتم غير ..؟

المهر يوصل لـ 100 حسب !!

وش يكفي لا صرت ابشري الساعة الوحدة بـ9000
وانا ما نويت اسرف متوقعة اني آخذ زود من اهلي وانتي تقولين استثمار بـعشرة وساعة بتسع .. :(

حتى بهذي مااظن بشتري ساعه بهالقيمه الا اذا صار عمري 39 !!

آخر فستان شريته جاهز بـ 1750 ـ وانا ما بعد تزوجت ..
لا بعد من بريدة لو اني بالرياض كان يمكن صار السعر مدبول .. زود على ان العروس تبي شيء افضل من كذا .. وطبعا مهب مكثرة اثنين بالكثير أو ثلاثة ..


لاتقولين من لمسات طيبه تراني من جد منقهره عليهم سالفه السعر دبل ياكثر مايسوونها وعلشان كذا اعلنت مقاطعه لهم !!

اللي يكثر منه هو لبس البيت والملابس الخاصة .. لانها تستهلك موضتها ما تتغير ..
الاندر وير ناوية اشري ا انا متعودة عليه لو هو شانتيل واللانجيري بلاش نعومي وإيتام ولاسنزا لان الرجل ما عنده سالفة بهذي الامور ـ تراه مدح للشباب مهب سب ـ والوحدة تشري كثير ورخيص منها ـ وتنوع لحبيب القلب أفضل من انها تشري غالي وقليل.


انا معك بهالنقطه لكن يبقى الغالي قيمته فيه مااقول حطي كل الدنيا من هالمحلات لكن فيه اشياء اساسيه تستهلك يوميا يبغى لها تحمل فلازم تكون ممتازه
لكن اعجبتي فكره وحده من زميلاتي راحت لسوريا وضفت لها ملابس داخليه من هناك عاد وانواع التفنن بأسعار زهيده !!

لبس البيت إذا هي عند حمولة تكثر من الجلابيات الرخيصة ـ وإذا هي ببيت لحاله تروح لستي ماكس وتقش برمودات وتيشرتات وتنانير قصيرة وبنطايل وبديات .. والا وش رايكم .. :)


بهالنقطه تمام :)



المكياج ..
إذا هي عروس وتعرف ترسم عيونها أحسن تشري شادو مائي حق المحترفين ويسمى مكياج سينمائي .. يجيك بعلبه كنها علب الوان مائية
من ماركاته كريولان http://www.kryolan.com/en/Home/Home.htm ـ موجود بجدة ـ واذكر العضوة عفريت بعالم حواء تبيعه بسعر أرخص
بن ناي الكويتيات يسمونه شارمل http://www.bennye.com/ ـ صديقتي وصت عليه من الكويت بس تراه غالي

يقال ماركة ستيج لاين http://www.laurendor.com/ing/maquillaje_ojos.php موجود عند زهرة مي بالرياض حلوة ورخيصة نوعاً ما
أنا جربت فور إيفر ونوبا ومهب شينات .. وموجودات ببريدة فور ايفر عند وجوه بالنخيل ونوبا عند مكياجي بالعثيم والنخيل .. حتى اشوف بكتالوج فور إيفر ظل مائي بس مدري عنه .. :)


من ناحيه المكياج على طاري شارمل انا وصيت عليه من الكويت هو صدق يخليك خياال لكن بنفس الوقت تحسين انك صناعيه المكياج ثقيل مررره وكنك تصبغين وجهك بويه بس ثابت وحلو ومايصلح الا للفنانات بالمكياج واغلب الكويتيات هذا مكياجهن لانه تصبغ روحها وتطلع من سمارها ببياض صناعي
حتى لو شفتي علبة الظل بتشوفين الوانها اصفر فاقع واخضر فاقع
فلو بتجربينه ويضبط بيكون تمام لكن ماتزيدين الكميه لانك بتطلعين اراجوز !!



الذهب .. صراحة وانا ما تزوجت البس تعليقات ذهب ناعمة كنها اكسسوار وتشبه للالماس ويسمونه ديلوكس كان ما انب وااهمة تجي عيار 18
الحمادا يجوز لي ذهبهم عادة



ايه الذهب مو حكر على المتزوجات بتحصلين لك الانواع الناعمه وكنها اكسسوار ورايقه مره بس ببريده ماعندي خلفيه وش احسن محل لاني مااعرف غير المحيطب !





شناط السفر والمفارش وقرابيع الحمام

بالنسبة للشناط السفر ـ هي تبي ماركة أو لا
ووش الماركة اللي تبي سامسونايت ، دلسي ، بيير كارن ....

انا اشوف ان العروسة افضل لها تشري ثلاث شنط احجام متوسطة من الماركة اللي تفضلها
وتشري شنطتين كبااااااااااااااااااااااااااار قريبات من الشكل واللون ـ لان الشنط الكبيرة ما تستخدم الا لنقل العفش لعض الزوجية ولا تستخدم للسفر بالعادة تلقينها بالمخزن والمستودع مرمية وهي من اغلا الماركات


ماركات الشنط افضلهن سامسونايت واوافقك على ماذكرتي


المفارش تشري مفرش واحد حلو معاه قطع متعددة حق اول الايام
والباقي عشان ما تضيق عليها اللحافات وتبلش بتخزينها لان كل مفرش معاه لحافه
تشتري حقات ايكيا اللي عبارة عن كيس لحاف وكيس وسادة وهي تنسق الخامات على ذوقها
المحلات اللي تبيع هذي الاشياء
عندنا ببريدة بشارع الملك عبد العزيز
السنيدي ، الخضيري ، ومحل اسمه المفارش درة المفارش أو أرض المفارش
وسمسونايت موجود عند القريشي باسواق الراجحي

وبالرياض خابرة الجار الله والشماسي والمتحف الوطني
الظاهر اسواق العويس به كل هذي المحلات


المفارش مااظن انه لزام عليها تشتري مفرش لان الاغلب من البنات يوصفون المفرش وسعيد الحظ يروح يشتريه
ومحلات المفارش نفس ماذكرتي تمام عليك



عواطف

بتركك تكملين الموضوع :)

اضافتك جدا متميزه





خالص تحياتي لخبيره التجهيزات ..

[noor]

الرحيق المختوم

متمتيزه في اضافتك

دمت سالمه

وزيدي بما لديك ..

[noor]

المشفر
سرني حضورك

دمت سالما ..

[noor]

للموضوع تتمه

بس اصبروا علينا شوي :)

[عواطف]

http://www.alalaq.com/upload/files/bsmla_burydah.gif

تسلمين اختي نور ..
بس وشو تتركينن اكمل الموضوع .. :(

يا حبي لك ترانا مانستغني عنك ـ خصوصا انك من الرياض كما يبدو .. :)

وش رايك تولين محلات الرياض وانا اتولى محلات بريدة .. :D

• ••• •

المشاغل والخياطين

مع اني مثلك اشوف ان الجاهز أحسن
إلا وانه لا بد انا نتطرق للخياطة

مشغل الزيزفون بالفايزية، رانيا بالصفراء ـ بالنسبة للأسعار فالثاني أقل
يطلعون لك الموديل إذا حبيتي

وعندنا مشغل خزامى بالفايزية، أرخص منهن فيه فلبينية اسمها زينب ما شاء الله عليه تضبط المقاس ويصير كنه مصبوب صب ـ لكن الموديل انتي تطلعينه لانه مشغل متواضع ويمكن تضبطه لك ويمكن لا.

وفيه حريم عندهم خياطات ببيوتهم ـ لكني مدري عن شغلهن ـ وغير كذا ما احب اروح لبيوت الناس
أم الشريدة، أم السيف، أم العضيب، أم العمار، بنت الدخيل ، الناصر

اللي ميزانيتها ما تسمح بالمشاغل والخياطة عند الحريم تقدر تسوي كذا:
تخيط عند زينب شوال ضيق عشان يكون مقاس توديه للخياط.

من الخياطين :
ناعسة بسوق الصفراء ، أصالة بشارع الخياطين ، أنيف جنب أصاله ، عهود كانه على خبري بشارع الخياطين قبال اللي قبله.

. . .

رسالة ..
كوني من خيرة حفيدات سمية واحرصي على اللبس المحتشم يا أخية

• ••• •

الجلابيات ..

العثيم فوق عندهم اليشمك، ملامح شرقية و........
.
النخيل : بيت الجلابية وشيار

بشارع الصناعة قبال الجامع باسواق الرسيني فيه مشمشية يبيع جلابيات شيتل ـ غالبا نشري منه حنا

واشهر محل جلابيات بقبة رشيد ـ ما يحتاج اسوي له اعلان معروف .. :)

شارع الصناعة ـ عند العقاب مليان جلابيات عادية واحسن شيء ابن عدوان

. . .

نصيحة :
لا تزيدين بالجلابية الوحدة عن 300 ريال، وبدال ما تشرين وحدة خوذي ثنتين.
اذا تعرفين احد بالكويت او الامارات وعنده ذوق وصيه يجيب لك .. :)

• ••• •

العبايات ..

يبي لك ثنتين ـ وفصليهن تفصيل افضل عشان تتحكمين بطول الكم
مثلاً ..عبايات القاسم كمهم قصير وعبايات بدون اسم طويل ـ انتي اضبطيه على مقاسك احسن

عندنا ببريدة غالي ورخيص ووسط انتي اختاري اللي يلائم ميزانيتك

بدون اسم ـ خاصة قماش سالونا ـ بس تراه يغسل عند الغسال.
تويلا ما يفرق عن اللي فوقه.
القاسم والدرع ـ غنيان عن التعريف

الطرح ..
هذي اللي مهب داخلة مخي
ما احب البس طرح، وان لبست فانا ما احب الا الساااااااااااااااادة اللي ما فيها شيء

مدري شلون باكر ابلبس طرحه به قماش ملون وطرحة به فراشة فيروزية ووردة برتقالية .. :D

. . .

إذا بتطلعون شهر العسل برا يبي لك عباية كتف ـ بس اسألي شيخ عن حكمها هناك ـ اخاف تصير حرام بعدي استاثم بك.

• ••• •

العطور ..

هي آخر ما ينشرى من الجهاز أو تشتريها وتخليها بعلبها ما تفتحها عشان ما تخرب
لو فيه أقل من 50 مل تاخذه، وما أنصحها تكثر .. برايي انها تحتاج :

عطر ثقيل ـ وما انصح بسينما لان كل الناس طايحين به

عطرين هاديات

عطر أو اثنين لزوجها

أحدث العطور :
http://www.sephora.com

محلات العطور عندنا ببريدة هذولي مهب غاليات مرة مثل وجوه وطقته :
الحميد بشارع الصناعة.
خالد بشارع الخبيب.

• ••• •

مجموعات الجسم والحمام

زهور الريف ـ بالصفراء، النخيل، العثيم
بدي شوب ـ شارع الملك عبد العزيز، العثيم.
نكتار ـ العثيم .
أورفليم ـ عن طريق المندوبات مثل إيفون.

• ••• •

العود العطور الشرقية

العود الصح ما اعرف له زين

دهن العود من الماجد بالرياض يقولون انه أحسن شيء ـ ليتك يا نور تدلينن على فروعه وين القاهن

مسك أبيض من عبد الصمد القرشي ـ هذا بالعثيم تحت عند البوابة الاولى

البخور الرخيص موجود بكل مكان ـ يمكن يكون عود رخيص ينقع بدهن عود قديم
ويمكن تكون خلطات: معمول، مبسوس، معجون، عود مبخر، عود معطر ..... الخ
خلطات عبد الصمد القرشي
خلطات الشركة العربية للعود http://www.arabianoud.com ـ موجودة بكل مكان
أجمل موجود بالرسيني وموجود بالنخيل

• ••• •

بارك الله لكل عروسين وبارك عليهما وجمع بينهما بخير ..
إن لقيت بمخي شيء يستاهل الاضافة جبته

بالتوفيق للجميع .. :)

http://www.alalaq.com/upload/files/end_buraydah.gif

[noor]

عواطف

ولو تصلحين مندوبه :)

مشكوره ماقصرتي وانا بحط اللي عندي ومنكم نستفيد :)

[A-دلوعة حبيبها-A]

سلااااااااااااام يا..أحلى صبايا..
يعطيكم العافية نور...... وعواطف..
الموضوع حلو ومفيد زي ماقلت... وأنتم ماقصرتو فيه...
واسمحولي بإضافات بسيطة..
أختي توها متزوجة (الله يوفقها) و أبذكر لكم طريقتها في الجهاز...
أولاً...
بدينا بلبس البيت لأنه مافيه موضه ولا خرابيط ومتوفر..
وطبعاً لبس البيت أبدعت فيه..لأنه مو مثل أول الوحدة تهتم بلبس الطلعات وبس ولبس البيت يكون عادي..!
وطبعاً لبس البيت نوعت فيه مثل..:
( تيورات ناعمه طويلة وميدي لأول الأيام>>>طبعاً تستحي من سي سيد أول الأيام.._
وبناطيل جنز وعادية (طويلة وبرمودا) وبديات وتنانير قصيرة وشورتات..,فساتين قصيرة..,
والمحلات..(تعتمد على ذوق الوحدة واشترتهم من محلات عادية في العثيم مول والمجد.., وبعضها من صحارى والعليا مول ,,و سيتي ماكس,,وسيتي بلازا)
اللانجـــــري..:
الصراحة أنا ماأأيد اللي تشتريه كله ماركة لا وهو بيفرق عاد تاخذ لها 3أو 4 قطع من الغالي والباقي من الرخيص>>لأنه الواحد يحب ينوع ويجدد يعني إذا اشترت غالي بتكتفي بقطع أقل من لو كانت رخيصة وصدقوني كثير أشياء رخيصة أحلى من الغالي...
وأختي اللي قبلها والله درنا يوم جهازها كل العليا (صحارى والعليا مول والأندلس والفيصلية ورجعنا للمجد)
المهم أختي خذت من ومن سيكرت(الفيصلية وفيه الحين فرع له بالعثيم مول)
ومن لاسنزا.,(صحارى..,العثيم مول)و..الريس..(صحارى,,,الناصر)
وأخذت كذا قطعة من سيتي ماكس(بطريق خريص)..,وسيتي بلازا(طريق الأمير عبدالله)
صح فيه محل بالمجد اسمه..كشخة ,,حلوووووووو(بتاع ليلة الدخلة منه)يجننننننننننننن..
وفيه محل حليو بعد بالمجد اسمه الجودة..
صح بغيت أنسى (الهرم حالياً>>مبارك سابقاً<< جنااااااااااان في اللانجري طبي واختاري وكل وحده أحلى من الثانية ألوان وأشكال..لايفوتكم وبضاعته كل ثلاثاء..ودائما ألقى عنده أشياء خطيرة(والله أختي المتزوجة و مرت أخوي ينهبلون على اللي أشتري منهم>>>بنت وأبخص منهم<<<
"""""""""""""""""""""""""""""""""""""""""""""""""""""""""""""""""""""""""""""""""""""""""""
ثانياً..: الفساتين (وبدينا متأخرين شوي لأن موعد زواجها وقت تنزيل بضايع)
1.فستان الزواج خذته من مصمم في المتنبي واسم المحل(العروسه)وفيه كذا محل بالمتنبي حلو..
بس قبلها درنا ف..العليا نشوف المعروض والجديد ورحنا لمصمم خطير(قدام الفيصلية)المحل حلو وبضاعته حلوة وغريبة بـــــــــس أسعارة غالية يعني 6 آلاف وفووووووووق,,وأختي لازفه ولاشي,,أصلا كان عائلي فأخذنا الجديد والأفكار وبعدين رحنا للمتنبي وأخذت فستانها ب..3.500 >>>>بس ماكان موسم وناعم وحلو مرة..(والناس أذواق..)
2. فساتين المناسبات سألنا عن حمولتها (راعين عزايم وإلا لا>>>وصاروا مو راعين عزايم)
ف..صممت واحد عند مصمم ف..العليا(أظن بعماير العجلان) يجننننننننننن
واشترت واحد..,, وفصلت واحد ناعم مرة..
والخياطين اللي أعرفهم(طبعاً التووووووووووووب)
1. خياط الجامعة ف..شارع جرير(حي الملز)>>الخياط هذا محمد خطير مرة لك بروفة,,ويطلع مقاس 100%,,وإذا ماعندك موديل يطلعلك وعلى الموضة..وأنا خيطت عنده ب350 بس طلع إبداع..
2. خياط السالم..شارع عبدالله بن عباس..(حي الروابي)حلو مرة وناس أعرفهم بالقصيم مايفصلون إلا عنده..
وفيه خياط يمدحونه (خياط المملوحة) با..العليا..بس ماجربته..
ومحلات الفساتين اللي أعرفها وحلوة>>طبعا بالموسى..أرتبل..,وألبرت بس إنتي وحظك أحيان حلو وأحيان يلوع الكبد...وفيه محل حليو..ماأعرف اسمه..
وف..العليا مول..فمي(المشاط) حلو ومرتب ومو دايما طبعا..
محل لمسات طيبة ف..العليا بعد..
محل الجعيدي ف..صحارى بلازا الدور الثاني..
أرتبل ف..الفيصليه..
عماير السيراكون بالعليا بس ماقد شريت منه..
"""""""""""""""""""""""""""""""""""""""""""""""""""""""""""""""""""
ملابس الطلعات..
طبعاً أنتي وذوقك..
دبنهامز حلوووو مرة فيه قطع غريبة شوي عن السوق..
والباقي من هالأسواق ومافيه أكثر منها..
أسواق العليا كلها... وطيبة والمجد لاتحقرونهن.. فيه أشياء حلوة..
""""""""""""""""""""""""""""""""""""""""""""""""""""""""""""""""""
ثالثاً: الجزم..
حسب لبسك وحاجتك..
وطبعا لا تنسين تشترين 2 اسبورت للتمشي أريح ومع الجنوز أرتب..
والمحلات اللي اشترت أختي منهم..(ناين ويست..,ميلانو..,ديون..,ألدو) هذي الماركات..
وفيه محلات عادية ف..صحارى كثييييييييييرة وحلوة وأذكر(البرنسيسة..,و السندريلا..,)حلوات وكثير محلات حلوة بعد هناك وف..الأندلس..
و***بالنسبة للشنط..***
برضه حسب لبسك..,وفيه محل ف..صحارى, والفيصلية وأظن المملكة اسمه (اكسسيز) شناطه حلوة وغريبة...
وميلانو و ناين ويست وفيه كذا محل ف(خريص بلازا ...,,,والعثيم مول) حلوات ومرتبات مرة
وفيه ف..برومود وإيتام..واللي عندهم تصلح للطلعات الخفيفة..
صححححححححح محل مونسون حلووووووووووو ولايفوتكم رووووووعة..
ومحل she(هي) ف..صحارى والعثيم مول حلو هالمحل..
لحظظظظظظظظظظه فيه محلات الأندلس لا تفوتك ومحل بلاك إيز حييييييييييللللللللللللللووووووووووو..
وحتى الكوشكات اللي ف..الأندلس عندها حركات حلوة..
مدري هذا اللي أذكره الحين..
""""""""""""""""""""""""""""""""""""""""""""""""""""""""""""""""""
رابعاً: الذهب..
ماكثرت بس اشترت طقمين(ناعمات وحلوات ودقات ألماس)
واحد من أسواق طيبة والثاني من المجد..
بس أنا أحب ذهب القصيم وخاصة محل(العقاب والمحيطب وأظن السويلم) هذولا إبداااااااااااااااااع..
(ماكثرت ضامنه الهدايا وفعلا جاها حول 13 طقم)
والخواتم اشترت من المجد وطيبة ..
""""""""""""""""""""""""""""""""""""""""""""""""""""""""""""""""""""
خامساً:الشنط الكبيرة..
سامسونايت ولا تعدينهم حلوات واللون الزيتي والرصاصي أحلى شي..
وكلهم استفادت منهم..وبعد ماركة ثانية اشترت شنطتين وسط بس حلوات وماأعرف اسم الماركة..
"
""""""""""""""""""""""""""""""""""""""""""""""""""""""""""""""""
أتمنى أكون أفدت بهالمعلومات..
ودمتــــــــ سالمين ـــــــــــــــــــــم
&&&&&&&&&& ......... وللموضوع بقية......&&&&&&&&&&

[noor]

نرجع للتكمله



الجلابيات

بيغى لك كم جلابيه حلوه

عندك اليشمك موجود في ( المملكه ومااذكر وين بالضبط بس كثيره فروعه )
توايلا ( خريص بلازا , العثيم مول , صحارى , الاندلس )
لكن على قوله عواطف جلابيات الكويت تجنن !!
فيه محل اسمه ( سعفه بالشرقيه بس ماادري وين محله بالضبط )
وبرضو يمكن تختارين لك بنجابيات حلوه
فيه محل بصحارى بلازا مااذكر اسمه بس قبال لاسنزا يبع بنجابيات حلوه
برضو توايلا بنجابياتهم حلوه
وعموما الجلابيات عدي واغلطي بهالوقت






العبايات

يبغى لك تفصلين عباتين حسب ماذكرت عواطف
عند توايلا تفصيلهم مره حلو
وكذلك بدون اسم
وافضل قماش حاليا اللي يسمونه ( صالون ياباني ) واذا بتغسلينها بس انشريها بدون ماتدخل بالنشاف :)
ويبغى لك عبايه اذا بتسافرين
تكون كتف لكني صراحه مااحسها حرام ولا بعد اصير مفتيه لكن :D
لكن لو سافرتي برى بتشوفين كل الحريم لابسات كتف وعن نفسي احسها بالسفر استر من العاديه لانك بتحطين فوقها شيله كبيره وبتكون واسعه
لكن بتلبسين مخصره وحوسه مالها داعي والله بيشوفك بكل مكان



الطرح
انا احب بوكنان طرحهم حلوه
وفيه توايلا
وبدون اسم
لكن الدنيا كلها صايره طرح يعني مااظن بتفرق اذا الطرحه ماعليها ستكر المحل :)


العطورات
موضوع كامل ومفصل لاافضل العطورات سبق وان طرح بالمنتدى
لكن مايمنع اننا نضيف زياده
كمجموعة جسم فيه كاميليا من زهور الريف حلوه
ومجموعه عند نعومي مااكذر اسمها لكن عطرها زهر والغطاء موف توها جديده حلوه مره
وكذا محل متخصص بمجموعات الجسم والحمام
عندك H2O في الفيصليه
نكتار
بالاضافه للي اضافتهم ( عواطف )

وصراحه عطر جربته وحلو مره ( اتركشن ) من لانكوم
اما البخور ( فالماجد للعود عندهم معمول حلو ) وموجود بالعثيم مول
وفيه محل اسمه الشرهان بالعليا
لكن العود فصراحه ماعندي خبر وين العود الزين :)




مشاغل وخياطين
انا قاعدتي لاللخياطه مطلقا فما اعرف غير خياطي ( اختر ) للتصليحات :D
أما مشغل للتفصيل ( لافيت ) موجود ورى الاندلس قريب من البيت الانيق مصممتهم سعوديه وقصيميه بعد :)



شنط للسفر
ماقصرت عواطف :)




ملابس داخليه ولوازم الحمام
عندك مجموعه محلات لكن لا يكون كل التجهيز منها
ماركس اند سبنسر
دبنهامز
ايتام
نعومي
لاسنزا
ويمن سكرين ( بالعثيم مول )


للقطنيات وملابس البيت
سيتي ماكس
آخر فرصه



واذا تذكرت شئ برجع احطه :)


خالص تحياتي لكل عروسهـ

[عواطف]

http://www.alalaq.com/upload/files/bsmla_burydah.gif

يعطيكن العافية يا غاليات ..
بس مدري وين البقية ما يضيفن شيء

• ••• •

البشرة والجلد

يمدحون مشغل نور للبديكير والمنيكير ـ لكني مدري عنه ـ وبرايي انه أفضل لو كان طبي ..

صديقتي تمدح دكتورة بمستوصف الفيحاء

العيادات التخصصية أحد يمدحهم وأحد يسبهم

وبمنتدى عالم حواء ـ ذكرن البنات محل رخيص اسمه عوارض يبيع أغراض المشاغل
حمام ساونا، صابون مغربي وليف جسم، كريمات وصنفرات وخلطات .......

الوصف تقول بشارع المستودعات ـ انا خابرة اسمه شارع المياه، مقابل سوق الخضرة عند محمود سعيد

• ••• •

الرياضة وشد الجسم ..

ببريدة اعرف ان فيه مدربات بــ:
سلامات، راما، الفريح، جمعية الملك عبد العزيز
لكني ما ادري عنهن

ودي أبدأ أتدرب ببيتنا .. عندي مكافأة شهرين لا غير ..
لقيت جهاز بـ 1000 ريال سعودي لا غير عند الجاسر ـ وبإذن الله انا شاريته شاريته
الفالح عندهم لكن هالنوعية عند الجاسر أرخص .. :D
هالجهاز فيه سير جري ، دراجة، جهاز للبطن، تدليك .....

كانه زين علمتكن عنه

• ••• •

الاسنان والروائح المنفرة ..

لابد انك يا العروس تهتمين بسنونك
روحي من الحين ضبطيهن عن طبيبة الأسنان ونظفيهن واللي يبي حشو احشيه
>>> لا جاء الزواج اهتمن ينظفن سنونهن

ولا تنسين تاخذين مع جهازك معطرات للفم مع ملعقة للسان
مب تصيرين خلاخل والبلا من داخل لا قرب لك زوجك صد عنك من شين ريحة فمك

عصير الليمون استخدميه بعد الحمام بديل لمزيل العرق لانه يزيل الرائحة وبنفس الوقت يخفف السواد

• ••• •

اكسسوار المنازل، الشمع، الأواني المنزلية .....

عادات الناس تختلف ..

عادة خط 220 المواعين على الرجل ، خط 110 على اهل البنت .. :D

إيكيا عندهم قرابيع وخرابيط شيء رخيص وشيء غالي مررة ـ بس انه بالرياض

زهور الريف عند شموع معطرة وهو غني عن التعريف

سلة البركة ـ الظاهر اسمه شموع البركة الحين عنده شموع رخيصة ومواعين رخيصة كذلك

الأواني المنزلية الصح ـ خابرتن شارع بالرياض كله أواني بس نسيت اسمه
ببريدة أنوار الشبعان، الصانع، الفوزان .... الخ

فيه محل يبيع اكسسوارات بالنخيل بس نسيت اسمه

بعض أدوات المطبخ :
http://www.bentqatar.com/cook/modules.php?name=Mygroups&file=articles&topicid=41&gid=3

http://www.alalaq.com/upload/files/end_buraydah.gif