ردِّدْ بْعال الصّوت ياليل مَطْولـْك ** إن عاش راسي ماتـِشوف السعاده

[الصيرمي]

ردِّدْ بْعال الصّوت ياليل مَطْولـْك=إن عاش راسي ماتـِشوف السعاده
دار المذلّه مسْكن ٍ لكْ او مدْهلـْك=تـَقـْضي حياتك بالـْقهر والنكاده
يا قايل ٍ يوم الفرَج جاك مهـْبَلـْك=لا والله إلاَّ جاك يوم القراده
تمـْشي بْدَرْب ٍ كـِلّ مافيه يجْهلك=واصْبحْت رمز ٍ للـْغـَبـَا والبلاده
فعـْلك بْثـَوب العار يالهيس جـَلـَّلـْك=بالذّل والاذعان حـِزْت الرّياده
واللهْ عسى يقـْطعْ عـَمـَقْ منْ هو انـْسَلـْك=منْ عاش مثـْلـِك يسْتحقّ الاباده
خـَلـِّكْ بعيد ٍ يالنـَّذل وَيش ِ دَخـَّلـْك=افـكار راسكْ ماتـَعـَدَّى الوساده
الصّيرمي طاريه لاجاك زَلزلـْك=والله ماتـِسْوَى جـَناح الجراده
وسـْط الوَحَـل بالطَّق يالـْخـِرْب نـَزَّلـْك=لـَلذِّل سـَلـَّمْ لـِكْ او خـَتـَّمْ شهاده

[فهد الطويان]

صيرمي الشعر وأستاذه المبدع والرائع ..
.
الجزاله.والوضوح . وغزارة المعاني
.
والقدره التعبيريه المختصره.
.
وتغطية جوانب الموضوع دون سرد مُمِلْ ..
.
قدرات تمكنت منها ووضفتها في روائع شعرك.ومنها هذه الرائعه والتي توشحت بالقدرات الشعريه المطلوب توفرها في الشاعر المبدع والمتمكن .
.
تقبل إشادتي الدائمه وتحيتي

[ثامر الناصر]

مشكور اخوي :

خَلِّكْ بعيد ٍ يالنَّـذل وَيـش ِ دَخَّلْـك
افكـار راسـكْ ماتَعَـدَّى الوسـاده

بيت اكثر مانقول عنه انه رائع بالفعل ويحاكي كثير من المشاكل الان والتغيرات على افراد المجتمع

ودمتم

[خـــــــــــــــالـــــــــد]

شاعرنا المبدع الصيرمي

صح لسانك

والف شكر لهذه الجزله

[الرمادي]

شاعرنا الرائع الصيرمي


وإن كانت القصيدة بكاملها فوق الوصف إلا أن هذا البيت لامس الكثير مما في نفسي ..



مْشي بْدَرْب ٍ كِـلّ مافيـه يجْهلـك=واصْبحْت رمـز ٍ للْغَبَـا والبـلاده



يعطيك الف عافيه ودام لنا إبداعك



تقبل تحياتي ,,,