هذا ماحدث لنا في مستشفى الملك فهد التخصصي ببريده..........................؟؟؟؟

[خط النار]

قبل عدة ايام ذهبت باخي الصغير الى طوارئ مستشفى الملك فهد التخصصي وكان يشتكي من بطنه ويعاني من الم شديد وكان الوقت قرابة منتصف الليل وعند حضور الدكتور من الجنسيه العربيه قال وبعدكشف مثل قلته ان اخيك مافيه حاجه كل االموضوع (جوع فقط) وقال نم شبعان ولا تستسلم للجوع .........................................
وحينها خرجنامن عندهم الى مستشفى بريده قسم الطوارئ والذين شخصو الحاله بانه يعاني من زائده ملتهبه ويلزم اجراء عمليه حالا وفعلا اجريت العمليه وتكللت بالنجاح ولله الحمد ,,,,,,,,,,,,,,, ولكن كيف يحدث مثل هذه المهازل في مستشفيات كبيره ومن دكتور على درجة من الخبره في هذا المجال اين المسؤول عن هذه الفئه من الدكاتره ولماذا لاتكون عليهم رقابه ومتابعه بدقه حتى لايحصل مثل الذي صار وهالمره زائده وبكرا وش بيصير لاسمح الله.........

[عاشق التحدي]

(جوع فقط) ... وتنتهي بزائدة ..!!!!

بصراحة أمر محزن وإهمال كبير من الدكتور الأول ..!!

حمدا لله على سلامة أخيك

[alnesf1]

اين المسؤل

عن هذا الشركه


الشركه المشغله لمستشفي التخصصي تحضر اطباء رخيص الرواتب

لتستفيد الشركه وهذا هي المصيبه ؟؟




حمدا لله على سلامة أخيك

[أبومحمد(العالمي)]

بسم الله الرحمن الرحيم

السلام عليكم ورحمة الله وبركاته

الله يعافينا من هذي الأمراض ومن ذولي الدكاترة.


(تلقا الدكتور جوعان وقال كذا)


شكرا





أبومحمد(العالمي)

[قناص]

كلٍ يغني على ليلاه

اخي الكريم اجعل من موقفك رداً لاعتبار الكثير من الضعاف وتقدم بشكوى رسميه لمدير المستشفى
وأن لم ينفع الامر ترفع لمدير عام الشئون الصحيه

بعدين عشو عيالكم لاصار عندهم زايده.

طيب لاصار بعج وش يشخص الحاله؟

يمكن اكل جرو او بردقناه كامله.

[بندر الحمر]

السلام عليكم ورحمة الله وبركاته

أخي العزيز حمدا لله على سلامتك أخيك

والحمد لله إن الوعي لديكم كبير وذلك بعد ذهابكم للمركزي

وبصرااااحه

قبل كم يوم مرضت وذهبت لإسعاف التخصصي ويا ليتي مارحت

تيتي تيتي تيتي رحتي مثل ما جيتي

النهايه بندوووووووووول

شكرا لك

[يا ذاك الغروب ..]

لا ادري لماذا يظل هذا المستشفى على حالته السيئة هذه .............. الكل اشتكى منه ومن ضمنهم محدثكم وسبق كتبت عنه هنا ........... يبدو ان هذا المستشفى خارج التغطية!! فلا اذن سمعت ولا عين رأت .. الله يلطف بالمراجعين لهذا المقصب أو المقبرة .. وأتسال هل الوزارة لا تعلم عن مصائب هذا المقصب؟!!

والأيام حبلى ,,

قال جوع قال ,, عموماً الحمدلله على سلامة اخيك 00

ولا يمنع أن تكتب اسم الدكتور وجنسيته 0

[تبي فزعه]

شكلك اخوي خط النار مارحت للتخصصي رايح للمطعم الطاهي :D
انا مره وآخر مره كنت مريض:for4: ورحت للآسعاف حق التخصصي المهم دخلت عند الدكتور وعطاني الروشته وقال روح صيدليه ....قالت وين الصيدليه ؟قال شوف خط اصفر يمشي سوا سوا (هندي الدكتور)
المهم وصلت للصيدليه واخرتها حبتين باندوال وباقي الدواء ((مخلص واشتره من صيدليه )) :for1:

7

7

7

[خط النار]

شكرا لكم على تفاعلكم في هذا الموضوع ولكن اخر التطورات عن الموضوع هي الاكتفاء بتوبيخ شديد اللهجه للدكتور (القصاب) من قبل المسؤول حسب افادة احد الاصدقاء بالمستشفى فهل عقل هذا ......

[الرمادي]

اخي العزيز خط النار


ستضل الأخطاء موجوده .. ولكن الأقلال منها يستوجب معاقبة المقصر ومكافأة المتميز


هذا مانفتقده بمستشفياتنا بكل أسف وإن حدث فهو تحت غطاء الواسطه والمحسوبيه


ليس هناك نظام صارم يحكم مثل هذه الأمور .. لذلك ضلت سائبه في أيدي من لايقدرون سلامة وصحة المواطن


دائما التضحيه بالأضعف بعيدا عن من يستحق العقاب




تقبل تحياتي ,,,

[كرباج]

انا اتوقع ان الدكتور هو اللي طاقه الجوع !!!

مسلسل لم تنتهي حلقاته والمشاهدين هم المدراء واصحاب الكراسي !!

تشاااااااااااااااو

[abonaif]

السلام عليكم ورحمة الله وبركاته
جزيت خيرا اخي علا هذا الموضوع
ويجب ملاحظة اي ملاحظات وخصوصا مثل هذه الصروح العملاقه حيث ان الدوله حفظها الله
صرفت مليارات الريالات للرقي بصحة المواطن ز
حيث ان النقد بالصحف لايمكن طرحه. ومافيه غير المنتديات لتوصيل النقد الهادف

حسبى الله ونعم الوكيل وشكـــــــــــــــــرا ((((((())))))))

[الحياااااادي]

السلام عليكم ورحمة الله وبركاته

شي طبيعي أنك تحصل شي مثل هذا

وماخفي كان أعظم لأن الموجودين تبعا لشركة

سمامه مع العلم أن روتبه لاتتجاوز 4000

هذولا دكاتره
جاين يتعلمون فقط

[يا ذاك الغروب ..]

جاه (توبيخ) ومن وين التوبيخ .. والمثل يقول ........ ((من يشهد لك يا ابا حصين قال ذنيبي))

لم يكن لهذا المستشفى من اسمه نصيب ,,,

وعاشت ايام المقاصب ,, ملاحظ أنه يكثر الزحام عليه أيام عيد الأضحى المبارك!!!!

[الإبراهيمي]

السلام عليكم ورحمة الله وبركاته
في سنة من السنوات دخل قريب لنا المستشفى لوجود عيب خلقي لا يكاد يذكر في القضيب(المعذرة) فقط عملية بسيطة تجميلية لا تستغرق العشر دقائق حسب كلام الإستشاري.......... دخل المسكين حسب توصية هالإستشاري والذي أكد أنه عمل الكثير منها في بريطانيا وكلها ناجحة 100% ...... أتدرون ويش حصل للمسكين هذا جلس في المستشفى حوالي الشهر وستر الله عليه من الجنون لأن المشكلة في القضيب إلتهابات وقيح وصديد وكاد المسكين أن يفقد عضوه الذكري لولا إن الله سبحانه لطف بعبدة وسمع هالمسكين من أصحاب السعادة الدكاتره يرطنون بالإنجليزي أنه كان هناك خطاء مهني واضح ولا يعرفون كيف يتصرفون وقالو أصروا على أن المشكلة جائت من المريض بتحركه وحبسه البول وما كانو دارين إن هالمسكين تخصصه لغاة أى يعرف احسن منهم إنجليزي والمهزلة إن هناك د. مصري دوره التمثيل والإقناع بكثر الكلام غير المعروف للمرضى يضحك عليهم بالتبريرات عند وجود الفشل وهالمساكين المرضى أو المرافقين لهم يصدقون !!!!

صال وجال وطاش غضب أخونا المسكين وخفنا عليه من فقدان عقله وامه الله يحللنا من والدينا إلا شوي وفقدت عقلة تصيح ليل نهار.... وتصلنا بالمسؤلين وما قصروا ساعدونا على نقله لمستشفى الملك فيصل التخصصي واسبوعين وتم شفاؤه .................. اما هالجراح الكبير باكستاني ولا تنسى إنه إستشاري ومثله كثير اظن إنه مازال في المستشفى

عموما كل ما يجي هالمسكين لبريده مايحاول أبدا المرور من عند هالمستشفى ودائما يكرر ستر الله علي وإلا كنت هالحين مع خواتي جالس أنظف الصحون ........... (هذه قصة حقيقة)

ومرة من المراة أخذت ولدي للمستشفى وأعطوه بخار وفنتولين لأن عنده ربو لكن الجرعه زودوها وكاد يروح الولد بشربة ............ إنخفض الضغط عنده وبداء يرجف ولايستطيع يتكلم والدكتور يقول ما في مسكل صديق ...... دقيقة ....... وجلست عنده أكثر من ثلاث ساعات اعطاه إبره وصار يراقبه وستر الله

تبي قصص هالمستشفى أطلبوا من كل واحد يذكر قصته مع هالمستشفى زينه وإلا شينه بس نبي الصدق

عموما إحمد ربك إنهم شخصو إن ماعنده شيء وإلا فتحو بطنه ويمكن ينسون المشرط وغيره ويمكن مايعرفون وين مكان الزايدة ...... ويشلون شيء آخر