** أســـامينــــا **

[ملح الحياة]

اسمك واسمي وش معناته ؟؟

فيه أسماء أنت حبيتها وأخرى كرهتها واسم تمنيت لو انه كان اسمك ..... لكن بالنهايه أنت راضي باسمك ...



أحيانا ... يكون الاسم مناسب أو لايق على الشخص من ناحية شكله أو عمله ..

مثلا : بنت اسمها " جميله " وهي شكلها جميله

وولد اسمه " صالح " وهو ولد صالح

وهذا ما نطلق عليه (( اسم على مسمى ))

والعكس ...

مثلا : اسم " محمد "

معناته : مجموع الصفات الحميدة .

وهل كل شخص اسمه محمد يتحلى بكل الصفات الحميدة أو هو لازم تكون فيه؟؟...

طيب أهله يوم سموه يا إنهم يتفاءلون به وإقتداء بالرسول عليه الصلاة والسلام .. أو انهم يسمون على اسم أجداده ...


http://www.al-wed.com/pic-vb/24.gif




(( اسم تحبه ))

تحب اسم معين ليش ؟؟

هل لأنه اسم حبيبك ؟ أو صديقك أو اسم ابوك ,, امك ,, مدرسك ,, أو لأنك قابلت شخص يحمل ها لأسم وهو صاحب معروف وذو شهرة طيبه بين الناس .. وهكذا ...

وأحيانا ... ويمكن تصير وصارت معي ...

اني كنت أكره اسم معين .. بدون سبب ,, لكن بما اني حبيت شخص يحمل هالاسم .. حبيت اسمه وصار من أحلى الاسماء عندي ...

نشوف عكس المحبه وهي الكره

تكره اسم من أول ما تسمعه ؟؟ وتكره تشوف شخص يحمل هالاسم !!! ليش ؟؟

لأن اسمه مثلا .. يذكرك بشخص كان صاحب موقف معين مر بحياتك ماتبي تتذكره !!!

أو انه زي اسم مدرسك الغثيث ؟؟ أو مديرك الشديد أو لواحد ثقيل دم , ولاّ اسم شخص مجرم وصاحب سوابق مثل

" برجس " أو اسم " صدام " وهكذا ...

بس هالشئ ما نعممه لأنه ياما شفنا ناس الاسم ظلمهم وناس ظلموا أسمائهم ...


وهذا ما نسميه أيضا بالتفاؤل والتشاؤم ... من أسامينا .

مره سألت وحده من قريباتي وهي مدرسه ؟ ليش ما سميتي بنتك هالاسم مع انك تحبينه ؟

قالت : لا ,,, لأنه اسم وحده من طالباتي وكرهتني بهالاسم .

نضرب مثال آخر :

زوج رفض يسمي ولده اسم اختارته زوجته ..

يقول : تبين اسمي هالاسم ع لشان يصير ولدي فاسق مثل الفنان الفلاني ...

والعكس صحيح ..

ناس سموّ ولدهم على اسم شيخ أو ملك أو قائد شجاع أو اسم عالم من العلماء أو اسم من الأنبياء والصحابة أو التراث و..الخ

ليش ؟؟

تفاؤلا بانه يطلع ولدهم زيّهم ..أو إعجابا بهم ..


http://www.al-wed.com/pic-vb/24.gif


(( الحظ ))

فيه أسماء تجلب الحظ لأصحابه وأسماء منحوسة ..

مثلا : اللي اسمها " نورة " حظها زين واللي اسمها " أسماء " تكون طيبه ومالها حظ ,, وهكذا

واللي اسمه " عبد العزيز " الأغلب شكله حلو

" عبد الرحمن " يصير واحد شقي ..

" أحمد " حظه زين ..

" محمد " انسان مطيع وخدوم ..

وأحيانا ,, الاسم يقلب على الطبع .. وهكذا ,,

طيب اللي اسمه نادر من نوعه .. وش يسوي ؟!!

(( الاسم الفريد ))

.. صح الاسم الفريد من نوعه يسبب احراج وأحيانا مواقف مضحكه .. لكن هو فخر لك لأنه ما فيه أحد مثلك ,, وتكون متميز باسمك ,


طيب نشوف اللي اسمه مكرر ...

وش شعورك لما تشوف شخص يحمل نفس اسمك وما يطلع مثلك بالشكل أو بالصفات ,, يعني انت انسان هادئ وهو مثلا شقي وبعد شكله شين ؟!!

تبي تقول : (( يا حسافة اسمي عليه ))




http://www.al-wed.com/pic-vb/24.gif


الملخص المفيد : انك قد تحب أو تكره أو تعجب بشخص من اسمه ؟ أو انك ما تهتم بهالامور ؟!!

خلونا نشوف أرائكم ؟

[كرباج]

والله ياملح الحياة يقولون الاسماء لاتعلل <<< ماله دخل

طبعاً اسمع هالشي من يوم اني بالابتدائي

ولا ان جينا للجد الاسامي هيا هيا والقلوب اتغيرت !!!

يازين اسمي بعد

تشاااااااااااو

[ملح الحياة]

يا هلا بكرباج ..

شكرا على ردك والاسماء أحيانا ما تعلل ولكن الاغلبيه لها صلة بالشخص نفسه

مدري هذا احساسي وتجاربي ...

[شقرديه]

كلامك تحليل جميل للاسماء

انا مثلا عندي قناعة ان اي وحده اسمها منال تكون حليوه وفيها ملح

وفيه اسم ما احبه بس حببتني فيه وحدة تقرب لي

احب الاسماء الغريبة جدا او قديم بس خفيف وحلو

يهمني جدا معنى الاسم مثلا اسم مي خفيف وحلو بس معناته القرد!!!لذلك بسم الله على بنتي مستحيل اسمي احد بناتي مي

اسمي معناه شين مرة بس احبه ولا افكر اغيره :)

فيه اسماء تمر علينا مهما تكرر علينا مثلها هي تضل ببالنا غير!
مشكور اخوي

تحتح

[الرمادي]

اخي العزيز ملح الحياة


لم تترك لنا فرصة لنقول مايمكن قوله فقد وفيت وكفيت الموضوع حقه من التوضيح


أصبح لك من إسمك نصيب كبير :)



تقبل تحياتي ,,,

[ملح الحياة]

أهلا هلا أختي شقرديه مشكوره على ردك

فيه أسماء معانيها غير نطقها ,,,

وهنا نشوف المعنى قبل التسميه ..

وفه اسامي تكون أغلبيه الاشخاص اللي يحملونها نفس الطبيعه أو الشكل مثل الملح أو الطيبه والشطانه



تحياتي لك أختك ملح الحياة

[ملح الحياة]

الرمادي حياك الله

واسمي نقول عليه اسم على مسمى

تحيه لك وشكرررررررررا

اختك ملح الحياة