بنات بريدة حلوات .. ولكن !!

[أبوفالح]

السلام عليكم ورحمة الله وبركاته


لا تسأل عن ضحكي المتواصل ، حين قرأت موضوع الذاهبة الساخر والرائع ( شباب بريده .. حلوين ولكن !! ) ... ولكن في النهاية أدركت أنها تعنيني تماماً .. فأنا أحد شباب بريدة .. فكان لزاماً ( رد الصاع صاعين )

ولم أدرج هذا الطرح في موضوع الذاهبة .. لأن موضوعها قد استهلك با القراءة والردود ، وقد فاتني مشاهدة الموضوع في حينه والرد في أعطافه .. لذا أعتذر من مشرف الخيمة أولاً .. ثم أعتذر من الذاهبة ثانياً .



بنات بريدة في سطور ..

والله أني أحترت من وين أبدا . صراحة كل بنات بريدة عذاريب ، كل صفاتهن تحوم الكبد .. لكن أفضل شئ تقسيم النقد إلى فصول .

أولاً : مسحة الجمال

دائماً فاقد الشئ لا يعطيه .. وحين تضع البنت البريداوية كيلو مكياج على خشته .. تضل تحمل وجهاً قبح الله خلقه وقبح من خشه وقبح حاملة .. بصراحة .. جيل البنات الحالي في بريدة .. لا يحملن فتنة أو إثارة أو جاذبية ، حتى بعضهن تحمل خشة تدعو إلى الزهد والعزوف عن الزواج .. يعنى أنثى في شهادة الميلاد فقط .
وحين يسارع البعض إلى الزواج من لبنان أو سوريا .. يحدث هذا من أجل الرفاهية أولاً وتحسن النسل ثانياً .


ثانياً : النعومة

قال آيه قال نعومة ...
صدقوني .. إذا كانت عكرة الضب فيها نعومة .. تراي أصدق أن فيه بنت أبريداوية ناعمة .. يعني خلونا نكون واضحين .. البشرة بثور وحبوب عجز وليس شباب ، ومع كل راس شهر أتصنفر خشته ، والشنب خاط خضر .. والخد يا حسرة تقل أجدار بركة مشبي ... يا جماعة من وين نعومة .. لاتوهقونهن علينا .

ثالثاً : الأناقة ولمسات الجمال

مع كل فتاة بريداوية .. أنا استحضر هذا البيت :
ولو لبس الحمار ثياب خز .... لقال الناس يا لك من حمار

مؤكد .. أنا لست أعني غير وجه الشبه ... لكن صدقوني وبكل أمانه .. تلقى الوحدة من بنات بريدة لابسة طن أهدوم واكسوارات وتطقيمات .. الخ لكن بمجرد تشوف خشته وشكله تدرك تماماً أن الجمال مساهمة خاسرة في بنات بريدة ..وظابط الجمال عند فتيات بريدة .. حين تشتهي تاكل وهي مرتزة قدامك .. يعني هاذي تراها فريدة جنسها .. يعني ما تلقى لو تموت أدور في بنات بريدة .. اللمسات الناعمة والذوق الرفيع .
يعني قطعن يقطعهن .. ورضن تبلعهن .


رابعاً : التربية في سلوك فتاة بريدة

في هذا الجانب .. الحديث ذو شجون
لكن أحب أختصر السالفة في نكته واحدة .. ففيها ما يغني عن ألف ورقة .

( طريقة تنويم الطفل على طريقة بعض الدول )

الأم المصرية ... نام حبيبي .

الأم اللبنانية .... تئبر ألبي نام .

الأم البريداوية ... يا وليدي نم ابسرعة .. لا يجيك ( عوووا ) يبلعك .

وفي مرات كثيرة ... لا تطلع يم الشارع يا كلك البلدي .

يا جماعة الخير ... إذا جانا جيل متخلف وخائف .. ترا السبب تربية حريمنا .. لاتقولون ما علمنا !!

عالم الرشاقة

الجسم الرشيق والخصر الناحل يستحيل وجوده في بنات بريدة .. يعني بصراحة .. حنّا نتزوج براميل غاز ، فجسم الفتاة البريداوية .. يتصف في الآتي :
1 - قصيرة جداً .
2 - أمربربة ... يعني دبية .. يعني با العربي .. يا الله تشيل جسمه .. ( عوذا )
3 - طبعاً الكرشة تطلع شبرين والبنت لم تبلغ الخامسة عشر .
4 - بعد أول عملية إنجاب .. عادي جداً تزلق الفتاة في كرشتها ( وجعة )

العلاقة الزوجية

في هذا المنحنى المهم .. سأكتفي بمثال واحد .. وعلى نسقه يمكن إدراك أمثلة كثيرة جداً تصب في سذاجة الزوجة البريداوية .

{ كان الزوج البريداوي الوسيم .. يطارح زوجته البريداوية الهرة .. فصولاً من الغرام والهمسات الحانية .. وفي كل لحظة كان يهمس في أذنيها : أنا أحبك وأعشقك حتى الثمالة يا فاتنتي الصغيرة ، ثم يهوي ليطبع على جبينها قبلة حارة ... وكانت الزوجة ساهمة ، لا تبدي حراكاً .. فكان هذا السلوك من زوجته أحد روافد المتعة وثراء الجو الرومانسي في ذاكرة الزوج . .فقد كان يعتقد أنها تعيش لحضات حالمة في أحضانه ... وفجأة انتفضت الزوجة ، وعيناها تبرقان بسرور عجيب وهي تقول :
( فطنت .. ترا اللّحمة اللّي تقول.. ما جت إلاّ عشر باغات ) .

يا جماعة .. لو طلقها با العشر تلومونه ؟؟؟


أحبتي .. قد مللت من نقر الكيبورد ، والذاهبة أذهبت عصريتي في هذا اليوم ... لذا أكتفي بهذا .. وقد يكون لي عودة .

أخيراً

بكل صدق .. أنا لست أعني حرفاً واحداً مما سطرته في هذا الموضوع .. ولكن الرغبة في التعليق الباسم هو ما دفعني إلى هذه الكتابة ..
إذاً تضل فتيات بريدة في برج عاجي جميل ناصع البياض لا يشوبه شائبة ..

لكن هيّن ما يخلو موضوعي من أشوي حقيقة

أعذب تحية

[الذاهبة]

ياهووووووووووووووووووووووووووووووووه !

حمد لله على السلامة يا راعي البعارين !!


(( أقول : يا شين التقليد )) :p

أبو فالح :

فلتأذن بحرب ضروس .. أنت و أنا قوادها ..

و بحل يا داحس و الغبراء ..



مستعدين يا صبايا .. ؟!

==== أبي أتقهوى و امخمخ , و أشوف ما أنا بفاعلة مع هؤلاء الصبية !

[البكيراوي]

الرائع ابو فالح

مقال ساخر .. بكل ما تحمله الكلمة ..

والله يعينك على العواقب .. لكن انت قده وقدود

تحياتي المعجبة بطرحك

[إسبوع]

يامنسم يابوفالح


هل تزوجت عشرا !


لم تترك صفة من صفات بنات بريدة الا وادرجتها :D


سأخوض معك حرب داحس والغبراء وانا


7



7


7



7

[العريف]

اقسم انني ضحكت حتى ملّ الضحك مني !


رائع انت يابو فالح ...

واروع منه نقدك الساخر والساخر جداً ..


لي عودة بالتاكيد. لاعلق على كل كلمة ذكرتها .

(واحسبني واحداًَ من جنودك بل وفي مقدمتهم) فأنا العريف !


تحياتي لك مرة اخرى وللجميع

[نجمة سهيل]

((الأم البريداوية ... يا وليدي نم ابسرعة .. لا يجيك ( عوووا ) يبلعك .

وفي مرات كثيرة ... لا تطلع يم الشارع يا كلك البلدي .))

ههههههههههههههههههههههههههههههه



السلام عليكم ورحمة الله وبركاته



أخ أبو فالح

مع أني من زمان ماشاركت لا بموضوع ولا برد

لاكن كلام زي كلامك حدني بالرد

لاكن ودي أقول أن أصابع أبن آدم ليست بالشكل الواحد

وأنا أعذرك بهذا الكلام لأنه تفصيل مشاهد ممن تحتويه أحضانك

والله يعينك على ما بلاك

لي رجعه >>>>> عساك ماترجعين

أقول أستغفر ربك

هههههههههههههههه

[وليف الروح]

عليهم ... عليهم ... عليهم ... عليهم ...

وضعكم سيئ للغاية ما تبون نصدر لكم من الرخم إللي عندنا ؟ :)

تعجب أبو فالح ناس ما تجي إلا بالعين الحمراء
بس صراحة ما تلاحظ إن حنين شوي
إلا إذا كنت مخبي أوراقك للوقت المناسب

[خـــــــــــــــالـــــــــد]

والله منتب سهل اخوي ابو فالحhttp://smilies.sofrayt.com/fsc/conversation.gif


ياوييييييييييلك من البنات http://smilies.sofrayt.com/fsc/speak%20no%20evil.gif


مشاكس اخر ينظم الى المشاكسين http://smilies.sofrayt.com/fsc/thumbs-up.gif


كله من العريف هو اللي اعداكم http://smilies.sofrayt.com/fsc/thumbs-up.gif

[بنت الشرقيه]

سبحان الله


عجبي اهكذا يكون ردك اخي الفاضل
--------------------------------------

ابوفالح
اتمنى ان تكون كما سميت نفسك
وتكون فالح انشاء الله
واتمنى ان لاتنساق وراء مقالاتك الساخره
التى افسدت متعه المرأه في قراءتها
عندما تنتقدكم امرأه تهبون هجوم بدون ان تعقلوا ان ماكتب عنكم
لايحتاج الى دفاع او رد كردك
انما يحتاج الى علاج
القاء كألقائك اكبر خطأ يقترفه الرجال وخصوصا بطريقتك
هذه
عندما يتحسن سلوك الرجل واسلوب معاملته مع المرأه ستجد انها تكتب من اجله وله
ولن تكتب تنتقده او تظهر حقيقته المؤسفه

[@الشيهـانة@]

هههههههههههههههههههههههههههههههههههههههههه

حلوووووو وصف خطيرررر

"حتى بعضهن تحمل خشة تدعو إلى الزهد والعزوف عن الزواج " ......أزين خلكم ....تفرغوا للعبادة

"الأم البريداوية ... يا وليدي نم ابسرعة .. لا يجيك ( عوووا ) يبلعك .

وفي مرات كثيرة ... لا تطلع يم الشارع يا كلك البلدي ."

طيب مب ازين من البريدواي الي ينسى انه له عيال اصلا :)

موضوع مهستر

مشكور ياأبو فالح

[سماءنجد]

السلام عليكم ورحمة الله وبركاته
أقول وراه ماتقضب أرضك أحسلك لايجيك شيء ماشفته
والله الله كل هذا فينا... يقولون ذاك الشبل من ذاك الأسد
هيه أنت يالعريف مانشوف ردك ومواضيعك إلا بهالأمور وهذا إن دل على شيء فهو يدل على حبك للحريم..لأنه يقال إن شفته يسبه فعرف إنه يحبه..(شف لاترد علي لأني ماراح أردعليك)

[الامبراطوره]

وعليكم السلام ورحمة الله وبركاته

تخيلووا بريداووي من غير بريداويه ؟؟؟؟وش يكمل دينه فيه مصيبه والله :confused:
تخيووا ابو فالح عازب طول عمرة من غير زوجة ؟؟لا وتعجبه وتربي عياله الام المصرية واللبنانية :eek:

وبرد لك وعارفه ماراح نوفي بحقنا والثقه حلووه :p

بنات بريدة في سطور
والله أني أحترت من وين أبدا . صراحة كل بنات بريدة ميزايـــــــــا ، كل صفاتهن تشرح الصدر.. لكن أفضل شئ تقسيم النقد إلى فصول .


أولاً : رمز الجمال

دائماً الثقه بالنفس حلوة .. وحين تجعل البنت البريداوية من جمالها الجمال الرباني .. الذي وهبها الرب من حسن وجمال ومزايا تميزها عن بنات جنسها تضل تحمل وجهاً تحمد الله على حسن خلقها وخلقيها البنات الحالي في بريدة يحملن فتنة و إثارة أو جاذبية ، حتى بعضهن تحمل ميزات تدعو إلى ان الشباب لصغر سنهم يفضلون كمال دينهم بالببنت البريداوية .. انثى وبسم الله عليهاااااااا ههههه.
وحينها لماذا يبعد الشاب فكرة انه يسارع إلى الزواج من لبنان أو سوريا .. لماذا يجعل جدتة عياله سوريه او لبنانيه وهنا ماشاء الله حسن وذووق وجمال الحمد لله والشكر على هالنعمه

ثانياً : من قال بنات بريدة خشونه

قال آيه قال خشوووونه :for10:
صدقوني .. .. لا أصدق أن فيه بنت أبريداوية خشنة .. يعني خلونا نكون واضحين .. تخيل البشرة بثور وحبوب عجز وليس شباب ، ومع كل راس شهر أتصنفر خشته ، والشنب خاط خضر .. والخد يا حسرة تقل أجدار بركة مشبي ... يا جماعة معقوله من بريدة .. :g6:




ثالثاً : الأناقة ولمسات الجمال

مع كل فتاة بريداوية .. أنا استحضر هذا البيت :
بنات بريدة لمســـــــــة جمــــــــــال ......فيها الجمال حسن ودلال

... لكن صدقوني وبكل أمانه .. تلقى الوحدة من بنات بريدة لابسة طن أهدوم واكسوارات وتطقيمات .. الخ وهي لو ماتبلس او تلبس مميزة وتعرفها من بعد مترين انها بريداوويه من ملامحها وحسن جالها وذوقها ودلالها بمجرد تشوف شكله تدرك تماماً أن الجمال مساهمة ناجحه وتنافس لايتنافس في بنات بريدة ..وفتيات بريدة وانت شبعان جبها قدامك تنفتح نفسيتك .. تشتهي تاكل وهي مرتزة قدامك .. يعني هاذي تراها فريدة جنسها .. يعني ما تلقى لو تموت أدور في بنات بريدة .. اللمسات الناعمة والذوق الرفيع .
رابعاً : التربية في سلوك فتاة بريدة

في هذا الجانب .. الحديث ذو شجون
.
وشووفوا تربية ابو فالح وتعجبكم حسن تربيه شباب بريدة من امهاتهم وياعيني
علييهم شي في التربيه والام من وين من بريدة فااحسنت ماربت ومهما تكلم شباب بريدة من سخريه نخليها فكهاهه لنا ولا نزعل لانهم منا وفيناااااااااا


العلاقة الزوجية
لاتعليق اخاف الشباب اللي مااكون نفسه يستعجل ويجبر اهله يزوجووونه

هههههههههههههههه

من حبك سبك وسلامتكم

[الشماسي]

هههههههههههههههههههههههههههه

أقحمت الفتيات يابوفالح <<<فتيات تبي له هضم خخخخخخخخخخخخ

ينطيك ألف عافيه يالغالي على هالرد المحبوك والموضوع المسبوك <<<<سجع عفوي

شف يالغالي أنا معك بحرب البسوس (الذاهبه) <<<من معي الزير هههههههههه

المهم يابنات تطلعون بنا عذرايب اللي حولكم وتحسبون كل العالم مثل اللي حواليكم كلا وليس وسوف وإلا لاتناظرون الناس بعين طبايعكم

حياك الله يابوفالح منور القسم الاجتماعي
ومع التحية

[ريــــــــــانه]

اخي ابو فالح حياك الله في منتداك الاجتماعي

ونحن على اتم استعداد للحرب حتى لو بقت اكثر من اربعين سنه

لاتنسى ان بنات بريده نفسهن طويل جدا (نسيت ان تذكر هذه الميزه )حتي لايتوهق الشباب

[بندر الحمر]

أخي العزيز أبوفالح الفالح ههههههه

بصراحه موضوعك هذا قرأته وأنا مع المرسمه والقلم وخرجت في نتيجه ألا وهي

سنخوض معاركنا معهم وسنمضي جموعا نردعهن ونعيد الحق المغتصب وبكل القوة نردعهم

وبكل القوة نردعهم


وبالنهاية قمت برسم كلامك كلمة كلمه فأتمنى أن يعجبكم كلام الأخ أبوفالح

فأن لم أقل شي بل أنت من قلت يا أبا فالح وأتركك مع ما رسمت هههه

أطلع منها هههههههه

إنتظر التحميل

[كرباج]

هههههههههههههههههههههههههههههههههههههههههههههههههه ههههههه

<<< ضحكت شر

الله يرجك يابو فالح

وعلى نفسها جنت براقش

ومازين الموضوع الا الهليل قصدي فيمتو:f3:

اتمنى اني ارجع للموضوع واعلق بس مامعي ميكروفون:e4:

تشااااااااااو

[فتى جازان]

فيمتو ما شاء الله عندك موهبة الرسم :d

[الذاهبة]

أهلاين و سهلاين ..

أنت يا العصيفير المربص .. ( كرباجوه ) خلك محضر خير أولاه ..
دام النفس عليك طيبة .. و تعلم الطيبة و البراءة من ( توقيعك ) ..
الغالي ( الشماسي ) : يا مشرف البراري و الصيد و المقناص ألله ألله .. !
وش عرفك بأمور الحرب !
ليتك تسلم ، و تبقى على الضبان و الجرابيع .. يالله و الحباري ( نرقيك شوي ) ..
واترك الجيش و الميدان لأهله ..
العريف ياخوي وينك .. ! والله ماصارت .. كل ما قضبناه و جينا ( نتســـ(كــ)ـــويه ) إنطلق و هج ، و ما تمسكه غير حدود المصحة .. صدقني ترى إن ماجيت (طوعاً ) و إيمانا بأنك ستشفى بعد الله ثم بعد ( الكي ) لأرسل لك هاك الممرضة الدبية أم ريحة حلب ، أخليك تتعقد صح !
(( واحسبني واحداًَ من جنودك بل وفي مقدمتهم) فأنا العريف !))
و خير يا طير ! أردى وظيفة ترى العريف ..
الرسام على غفلة ( فنتو )
تراك صدقت روحك .. يابوي حنا نبي نفرحك ، و نمدح شغلك ، و أنت رجعت علينا .. !
و بعدين خلك شجاع .. أكتب و ارسم و لا يهمنك .. ( أبو فالح يقووووول ) .. خلاص بابا ماحنا بهايشينك ..
فيمتو يقول ( نردعهن.. نردعهم .. نردعهن .. نردعهم .. ) ياشيخ يقطع هالوسواس اللي بك .. !
الشيخ خــــــــــــــالد ، و وليف الروح ، البكيراوي :
اصفط اصفط اصفط على جنب ..
لو سمحت خالد تراني بمنعك من دخول ( منتدى المرأة ) ، وليف الروح : خير إن شاء الله ! ما أمداك تعرفت عليهم .. وصرت صديقهم بعد !
البكيراوي : برسل لك واحد ( يمشط ) شعرك === تعذيب
شجعونا .. أو خلوكم محايدين ، زي ( الصفر ) بعملية الجمع .. !
اسبوع : يمه يمه يمه .. ترى خفنا !
اسبوع يقول ((سأخوض معك حرب داحس والغبراء وانا .. ))
وأنت ماذا ؟ سائس الخيل ؟
والله من خطك باين عليك .. جزاز رووس


بسم الله الرحمن الرحيم .. و به نستعين
استغرب .. كيف يستطيع الانسان أن يتنكر و يجحد من له أفضال عليه ..
كيف يتطاول البني آدم على

http://www.arabiyat.com/sept2001/images_sept/crown6.jpg


راسه .. !
استغربتم مثلي ؟! .. لا تستغربوا ، فهذا حاصل هنا في منتدى بريدة ..
أقدم المدعو ( أبو فالح ) بارتكاب جريمة نكراء .. تطاول فيها على ( سيداته ) ..
وليته عابهن بما فيهن .. ! أورد صفات لم يتصفن بها .. فقد كان يتابع إحدى القنوات الفضائية بحماس ..
http://www.geogr.uni-goettingen.de/kus/pics/phil/images/phil2003-06-monky-tree.jpg
فوقع نظره على راقصة ماجنة تدعى ( البرتقالة ) ، و سرح فيها أيما سرحاني ,, و أخذ ينسج صفاتها و يتخيلها
( بريداوية ) .. و نظراً لقلة نشاطه، و ركوده الغير معتاد في هذا المنتدى .. راودته فكرة ..
(( أنا ليه ما أنزل هذا الموضوع بالمنتدى ؟ منها أسوي نفسي نشيط ، و منها أحتك بالبنيات .. و أعصبهن ..؟! ))
و فعلاً .. نفذ فكرته الخبيثة .. !
و لكن : هيهات هيهات .. ألم تسمع بــــ ( جنية ) البنات ؟ التي تتربص بكل ماهو آت .. و تعلن الحرب عليك
و الممات .. فاسأل الله النجاة ..
وقع الفأس بالرأس ... و ألحق عبارة لطيفة : ** أن لا تزعلن يا بنات **
&& ما يمديك .. قد فاتت و زعلنا .. ولا تعتذروا اليوم &&
قال الله تعالى : (كم من فئة قليلة غلبت فئة كثيرة باذن الله والله مع الصابرين )
فقلت مستعينة بالله ، و هذا هو ردي للدركسون أبو فالح :
بالنسبة لمسحة الجمال : هن جميلات و عندهن جميع مقومات الجمال .. و على مستوى السعودية بأكملها .. معروفات البريداويات .. بالجمال الطبيعي .. ، أما بالنسبة للمكياج .. أنا معك .. قلة اللي تعرف لنفسها بس السبب مو منها .. المكياج غالي ، و الكوافيرات كلهن نصب ، و لا فيه مراكز تجميل متخصصة هنا .. يعني البنت تطلع من بطن أمها عارفة لكل شي ؟؟؟ لا طبعاً تحتاج من يساعدها .. و إذا بحثت في الاسباب الحقيقية .. ترى كلها أنتم السبب فيها ..
وبالنسبة للزواج من سوريا و الصين و مدري وين .. ياخي إذ ا ( الرجال ) مثلكم .. أبد مسموحين ، روحوا كل أبوكم و تزوجوا 4 و إذا بغيتوا قطنوا هناك .. ما فيكم مطالب .. و بالعافية على قلوب الطعميات و الثوميات .. مالنا حاجة باللي يشوفنا ( وحوش ) بشرية ..
النعومة : ياخي لا تكونون أنتم و الزمن علينا .. والله لو نجيب ( سطل ) زبدة و نعرضه لشموس بريدة وجوها الحلو ليصير سطل ( جبن تشدر ) من القساوة .. أرحمونا .. ما بقى زيت ولا كريم ولا لوشن إلا و حطيناه .. ولا بين بعيونكم لعنبو هالعيون ..
===> معصصصبة
أسألوا محل ( مرايا ) وش كثر يدخل من الكريمات و الخلطات .. كله من الحريم و في سبيل التجمل لكم .. بس يا حرام عليكم و الله !
اللهم لا حسد يا مرايا ..
نجي للأناقة : شوفوا عاد .. عندكم سوق زي الناس ؟ عندكم بضايع حلوة و شياكة و زي ما تحبون ؟ عندكم أحد مستعد يفتح لنا محلات فخمة و بضايع زينة ( غير زبايل الرياض و المدن الثانية ) ؟ اللي ما ينباع هناك يجيبونه لبريدة .. و تطالبونا بالاناقة ..
أمامكم حل من حلين :
أما أنكم تفتحون لنا محلات راقية .. تجاري المولات الكبرى ، و توردون على ذوقنا ..
أو أنكم تستعدون للسفر لإحدى عواصم الموضة العالمية بمعية حريمكم ..
غير كذا .. ما نقدر نصنع لأرواحنا موضات و أناقات خاصة بنا .. 
بالنسبة للتربية : أعتقد أنها استخدمت جميع سبل التربية و أساليبها .. لكن مع بزارين بريدة الشياطين المريدة ( اللي هم أنتم يوم كنتوا صغار )
مافيه حل غير التخويف و الترهيب .. و معذورة الأم .. هي تغطي على أيش ولا أيش .. من هنا المبزرة و من هناك أبوهم ( الفحل ) .. !
عالم الرشاقة : حيرتونا .. نحاف ما تبون .. سمان ما تبون .. مربربات ما تبون .. وش تبون .؟؟
اللي أعرفه أنكم تبون مؤهلات ، و المؤهلات ترى ما تشرى و تركب تركيب .. لازم سمنة ..
و بعذر الكرشة لو تبرز .. أنتم ما عندكم وعي بأهمية الرياضة و الرشاقة .. ومن وين تبون حريمكم يعرفن .. و يعن ؟؟
العلاقة الزوجية : عـــــــــــــــــــــيب و استحي أهرج به ..
بس عندي تلميح بسيط :
يمكن الريحة كتمت المسيكينة و صارت مثل الخشبة بلا حراك !
و مرة ثانية جب لها ( درزن ) أكياس لحم عشان ما توذيك ..


أنتهى و بفضل الله و توفيقه
أختكم الذاهبة بنت أبوها :cool:




أعزائي : يبقى الهدف الأساسي واضحاً و جلياً أمام الجميع ، نحاول معالجة الوضع قدر الإمكان .. بتناول مشاكلنا و همومنا بقالب يجمع الجدية و الفكاهة .. و يحترم أسس الحوار بيننا و أخذ الأمور ببساطة و الابتعاد عن التعصب و ( تصديق كل مزحة ) وليس هدفنا الانتقام و الذب على بعضنا البعض ..

تحياتي للجميع .. !

[ثامر الناصر]

اخوي الغالي ابو فالح :

الصراحة موضوعك رائــع جدآ لكنك ماجبت الا 25 % مما فيهن للاسف يمكن انك مستعجل عند كتابة الموضوع

اجل تقول تقل عكرة ضب والله انك صادق بوصفك

اجل القمرية يابعد القمر عن منتسبيه

والبنات مصدقات ارواحهن من اللي يقولون ان بنات بريدة اجمل البنات تراه يقصد الرعيل الاول ياحبايبي

مو بنات الوقت اللي الوحدة المكياج عليها تقل مطينة

الله يستر بس على ابناء المستقبل من امهاتهم واللاتي للاسف هن بنات اليوم

الله يخلف بس

ودمتم

[أبوفالح]

السلام عليكم ورحمة الله وبركاته


( تسجيل حضور )

صدقوني ... لم أكن أعتقد أن يحضى هذا الموضوع بهذا الزخم التقاطري بين مشجع ورافض ، وبين سعيد ومتذمر ... لكن يبدو أن كتابتي قد لمست معاناة الجميع .:rolleyes:


تنويهات على الطاير :


- حقيقة .. أنا متابع جيد لمنتدى آخر غير منتدى بريدة .. وذلك المنتدى يأخذ جل وقتي والكثير من مشاركاتي .. لذا أعتذر عن تأخري في الرد أولآً والركود الذي أشارت إليه الذاهبة ثانياً

- فيمتو .. يا بعد الدنيا .. تسلم والله أصيبعاتك على هذا الإبداع :c9:

لكن أسمع ... ترا رسوماتك .. من التعاون على البر والتقوى .:confused:

- الذاهبة .... صدقيني ... لقد فتحتي على نفسك باب التخصيص يا راعية البقر ... يعني يا مجرمة هاذيك صورتي ... لكن هيّن الجاي أردى .. والذاهبة بعينها ستأخذ نصيب الأسد من التهكم والوصف .. فا التعميم لن يكون هو السمة الوحيدة .

لكن تعالي ... تقبلي إعجابي على إدراج تلك الصورة ... فعلاً متهكمة :c9:

- بمشيئة الله .. سأحرص في هذه الليلة .. على التناول والتعقيب لجميع الردود .


أعذب تحية

[الامبراطوره]

تعريف القصيمي

**مخلووق قليل الجلووس بالبيت مع العائله

**يتغذى على الشاهي والفصفص

**يتكاثر في الاستراحات

**كثير الزعل قليل الحنان

**لايمل من الطلعات

**شعاره في الحياة (عندي شغل )

هههههههههههههههههه

[بندر الحمر]

السلام عليكم ورحمة الله وبركاته

الذاهبة أرجو منك ومن البنات الإنسحاب تقولين ليش صح أقول لك

أبوفالح الفالح هذا ما ينتحارش

ما شفتي ردوده ومعاركه اللي قبل بموضوع ((الإرهاب في أم دباب ))

والتي خاض الحرب بكل ضراوه حتى وصلت القراءات إلى 2641

وعدد القتلى 113

فأعتقد إن الإنسحاب أو الهدنه أفضل

حتى لا يكون هناك خساير أو تراشق

والحذر الحذر من المزح اللي ينقلب رزح



والأمر لكم

[ريــــــــــانه]

اخواني حنا قده وقدود :b2:

ومستعدين ولاتنسى صفه في البريدويات نسى الاخ ابو فالح ذكرها (طويالات النفس )يعني انسحبو احسن لكم ولنا.:for10:

[دمعــة أمـل]

:b7::b7: اللي مايطول العنب ........وش يقول اخي فالح


:e1::e1::e1:..............عادي ليش حمقت وهي صادقة الذاهبه هاذي اوصافكم ياعيال بريدة.......ماجابت شي جديد.........

[أبوفالح]

السلام عليكم ورحمة الله وبركاته


البكيراوي يا بعدهم

يعطيك العافية .. ومشكور على مؤازرك اللي ما أستغني عنه أبد .

لكن تبي أعطيك الصراحة ، ونتبه تسمعنا المشرفة سلافة ..
بنات بريدة كوكتيل دباشة وشين

أعذب تحية

[أبوفالح]

السلام عليكم ورحمة الله وبركاته

إسبوع يا بعدهم

الله يسامحك .. وشلون تعتقد في أخوك الظن السئ ... أنا أتزوج عشر بريداويات يا ظالم .. يعني أنا

فاسخ عقلي يوم أتزوج وحدة .. فما با لك في عشر .

لكن صدقني .. لوكان عندي مية زوجة من بنات بريدة .. لرحت أصرفهن كل أبوهن في ظفر لبنانية ... ( أنقهرن )

أعذب تحية

[أبوفالح]

السلام عليكم ورحمة الله وبركاته


العريف .. يا مشاكس .

صدقني راح يتواصل الضحك على بنات بريدة .... لسبب بسيط .. يمتلكن سذاجة وغباء يدعو إلى الضحك .

لهذا تلاحظ العائلات البريداوية ما يهتمون با السرك وحفلات المهرجين .. لأن البنت البريداوية مع جدايلة

البيض من كثر القشرة ، مهرج مجاني في كل لحظة .

أعذب تحية

[أبوفالح]

السلام عليكم ورحمة الله وبركاته

يا نجمة اسهيل يا اللي ... سرو عليك النشاما

أجل تقول من زمان ما شاركت ... وهذا الموضوع حدك أطلع اللي في أقليبك ..

أدري يا بعدهم أني جسدت الواقع اللي يعيشه ويشاهده كل رجل بريداوي .... لكن يا خييي وش تبين أسوي .. هذا

حظنا ... لكن دائماً الأجر على قدر المصيبة ... يعني أصبر وحتسب ،

لكن من الضروري أن يحفظ كل شاب بريداوي مقبل على الزواج هذا الحديث :

( الصبر عند الصدمة الأولى )

وصدقني .. لولا الأحتساب وتمثل هذا الحديث .. لعجت البيوت البريداوية با المطلقات .


أعذب تحية

[أبوفالح]

السلام عليكم ورحمة الله وبركاته

وليف الروح

فعلاً وضعنا سيئ للغاية ... وذا صدرت لنا من الرخوم اللي عندكم با الرياض .. تراك تفعل معروف .

يعني كل شئ .. أهون من شئ .

أعذب تحية

[أبوفالح]

السلام عليكم ورحمة الله وبركاته


خالد يا بعدهم

أكيد تذكر اللغز اللي يقول ... ( وشّو الحق المكروه ).. طبعاً كان حلّه الموت .

لكن أنا حصلت حل .. أكثر إصابة من الموت ... تدري شنهو : ( الحديث عن صفات وقبح بنات بريدة )

يعني مستحيل الوحدة تعترف وترضى بمسحة القبح اللي أتنقله في كل مكان ..

لكن تدري وش الميزة الوحيدة في بنات بريدة .... يا خي يملكن طموح كبير .

يعني عادي تقول الذاهبة مثلاً : يا فلانه وش رايك .. حلو الثوب علي .

أعذب تحية

[أبوفالح]

السلام عليكم ورحمة الله وبركاته

بنت الشرقية

يا ليت اتخففين أشوي من فهمك الجاد ... يعني فكينا من علامات التعجب والحسرة ووو الخ .
السالفة يا بعدهم ما تستاهل تحمسك .. يعني بلاش مقدمة ابن خلدون .

أعذب تحية

[أبوفالح]

السلام عليكم ورحمة اله وبركاته


الشيهانة

يعطيك العافية .. على فهمك الراقي والباسم والمتفهم

أعذب تحية

[أبوفالح]

السلام عليكم ورحمة الله وبركاته


سماء نجد

عجيب .. وش تبي اتسوين يا شجرة الدر إذ1 ما قضبت الأرض ؟؟..

. لكن هيّن .. شين وقوة عين .

مجرد اقتراح

يا ليت أتعدلين هذه العبارة ولا تفضحين روحك :

قبل التعديل :

(قالوا علامك رافعه الراس و نشوفك قويه؟؟قلت العفو كلنا ناس بس انا قصيميه )

بعد التعديل :

(قالوا علامك رافعه الراس و نشوفك قويه؟؟قلت العفو كلنا ناس بس انا زوجي قصيمي )

صدقيني .. كذا أفضل وأستر .


أعذب تحية

[أبوفالح]

السلام عليكم ورحمة الله وبركاته

الإمبرطورة


يا ماكرة .. وش ها الأسلوب المحرج ... بكل صدق لقد أحرجتيني في ثنائك على والدتي وتربيتي .

تصدقين .. بغيت أنتكس وخالف الحقيقة بعد قرائتي لهذا الثناء ... يعني بغبت استعير صفات اللبنانيات

وركبهن على البريداويات ..

لكن تفضلي تعريف البريداوية :

قليلة الجلوس مع زوجها .. كثيرة الجلوس مع التليفون ...... طبعاً من حظه .

تتغذى على الكراث وحلى روز

يتكاثرن في ملاهي العقاب والقرية السياحية ... يعني خذ مواعيد .. والرجل على نياته .

كثيرة الطلبات .. قليلة الشكر .... هذ ا إذا كان فيه شكر

لا تمل من السوق .. وترديد عبارة .... ( ودنا على دربك )

شعارها في الحياة : ( والله ما شريت ولا نصف اللي أبي ... وش أسوي قضن أقروشي ) .
.
أيضاً ترديد هذه العبارة : ( والله يا صطول(ن) شفتهن عند أبو أريالين .. أنهن بلاش )
.
يعني لمسات ناعمة وهدايا زوجيه ... مهناش أبد .

أعذب تحية

[أبوفالح]

السلام عليكم ورحمة الله وبركاته


الشماسي .. يا زعيم الكشتات .

ينطيك أنت عافية .. ويسعدني أن تمسك الراية في حرب داحس .

طبعاً .. نقول مجازاً ... فتيات .. والحقيقة .. عجز متصابيات .

أعذب تحية

[أبوفالح]

السلام عليكم ورحمة الله وبركاته




مشرفتنا ..سلافة

يعطيك العافية أختي سلافة على هذا الترحيب الجميل .

لكن يوم تقولين : ( بنات بريدة نفسهن طويل ) .. تراك أنت اللي وهقتي بنات جنسك .

عموماً ... ترا ( البس ) أنفسه طويل أيضاً .... لكن مع أول أخشبه يموت ..... ( حقيقة ) .

أعذب تحية

[أبوفالح]

السلام عليكم ورحمة الله وبركاته


فيمتو ... يا مبدع

حسبي الله عليك ... وشلون سويته ..

صراحة .. فطست من الظحك .. وخاصة مع شكل المزيون المتبرقع ..

يعني لولا وجود أذانه شاترات .. كان ركضت ابعث رسالة للمشرف علشان يحذف صورة ( الذاهبة ) .

صدقني .. رسوماتك أكثر من رائعة .. والمحجوز تراي أحتاجه ..

لكن سالفة .. القمر هاج ... هاذي من عندك ....يعني صادووه .. يعني أصدع با الحق ، ولا يهمك أحد .

( أحبتي .. صراحة أذبحن النوم .. لذا أكتفي با التعليق والردود على الصفحة الأولى .. والباقي يلحق )


أعذب تحية

أخخخخخخ ...

[الذاهبة]

http://images.animationfactory.com/animations/animals/rabbits/bunny_hopping_around/bunny_hopping_around_lg_wm.gif


ميتاااا ييجيي دوووري

ميتاااا يــــيــــجـــــيـــــي دوووري







إلى هالدرجة قاهرتك .. أحتاج رد يستغرق تفكير ثلاثة أيام !

هيا أخلص علينا ..



_______________________________________رابطة ناقصات العقل و الدين و الجمال ( تطلبونا شي! ؟)

[أبوفالح]

السلام عليكم ورحمة الله وبركاته

كرباج يا بعدهم


أضحك الله سنك ... كما ضحكت على العجز المتصابيات .


إلاّ وش سالفة المكرفون اللي يمنعك من المشاركة

عجز أبريده أمسويات رابطة .. أنت ما دريت

لكن هيّن ... الرسول صلى الله عليه وسلم يقول : ( ما أفلح قوم سادتهم إمرأة ) .

أجل وش تصير السالفة .. إذا كانت الدعوا .. كله حريم .

لكن تعال ... لفت أنظري ( مكان إقامك ) ... تقول : عند حريمي .

صراحة ... الله يعافيك ولا يبلانا .... إلا إذا كانن حريمك من خارج بريدة ..

أمّا أشباه الذاهبة ورابطته .. هاذولي نقص(ن) على ظاهر الدنيا وباطنها .. أبعد عن الداب وشجرته .

أعذب تحية

[line]

[أبوفالح]

السلام عليكم ورحمة الله وبركاته



الذاهبة .. يا ملا الذهاب .

وش دعوى ... أنت تستاهلين ثلاثة أيام تفكير ، والله عندك طموح ماهو سهل .. لكن صدقين .. من شينك ،

راح يا صلك ها التعليق .. با الرد السريع .

أولاً : التاج المصادر

بختصار شديد ... إذا صار السرج حلو على البقرة .. ترا هذا التاج حلو عليكن يا بنات بريدة .

يعني حدكن في روسكن .. تمشطن أشعوركن با الحنا .. أيضاَ ترشن مكافح القمل ... لكن عاد تلبسن تاج مرة

وحده .. أعتقد كبيرة أشوي عليكن .

يعني لبس التاج .. وسيلة مكشوفة في الجذب .. أيضاً تجني على الجميلات من خارج بريدة ، ونتن يا بنات بريدة ما

تحبن الغش ، لكن .. لا تضيق أصدوركن ... دائماً كل ساقط له لاقط ... يعني الحمد لله الشيبان والمهبل كثر

التراب .. وكل وحده تبي تلقى شايب إيضفه ثم يبلش فيها ..

لكن السؤال المهم : كيف تحافضين على شايبك بعد الزواج ؟ .. يعني كيف تسلمين من تأشيرة خروج نهائي .

بعد دراسة مستفيضة وتفكير عميق ، وجمع ميداني .. كانت النصائح كما يلي :

- البحث عن الجمال إضاعة للوقت والمال دون فائدة .. وقد يعكس هذا السلوك أثر سلبي في صبر

الشايب وتحمله ..

- أفضل طريقة .. هي جمع الأحاديث والآيات التي تدعوا إلى الرفق والإحسان إلى المرأة ، وأنها خلقت

من ضلع أعوج .. ووو الخ .. ثم جعل كل هذا في ذاكرة الزوج ومرمى عينيه دائماً .. ولا بأس من كتابة هذه الأحاديث

في صحف مدرسية وتعليقها في أرجاء البيت .. علشان تكون عامل تهدئة فوري ..

- من الخطأ الفادح أن تقابل الزوجة البريداوية زوجها مباشرة بعد طول غيبة ، لأن الزوج مظنة

المشاهدة لفتيات يحملن صفات الجمال ، وقد يصعق الزوج في قبح زوجته .. فا الأفضل هو أن تحتفظ الزوجة بعدّة

صور لفتيات يتدرجن في جمالهن إلى مستوى القبح .. وهنا تختفي الزوجه عن مشاهدة الزوج لها .. وتعرض عليه

أولاً .. الجميلة جداً ثم الأقل جمالاً .. وهكذا تتدرج تنازلياً إلى أن تصل إلى الصور القبيحة والمقززة ...

.. ثم في النهاية تظهر له كشرتها .

ثانياً ... المزيون اللي يبحلق في البرتقالة .

إلاّ أنتي من وين طلعتي ها الحلو ... صراحة أول مل شفته ( نزّيت ) .. ثم فطست من الضحك .

ولا أكتمك .. صراحة حصلت كم صورة مقززة لمراحل مختلفة .. فأحببت إدراجها تحت مسمى :

( تدرج الذاهبة في الحياة ) مع وجود بعض التعليق .. يعني حبيت أرد الصاع صاعين ... لكن تراجعت بعد تردد

لا زمني حتى كتابة هذه الأحرف .. وسبب التراجع .. أن الفتاة تحمل خصوصية في نسبة الصورة لها أكثر من

الرجل .. لذا ( قهررر )

لكن .. أبعوض في ها البيتين :


أسمع وصاتي يا وليف المزايين=يا اللي تعشق الزين والشين راهب
ترى الكدر والشين مع قوة العين=للذاهبة يا طيب الفال ذاهب

و لكن : هيهات هيهات .. ألم تسمع بــــ ( جنية ) البنات ؟ التي تتربص بكل ماهو آت .. و تعلن الحرب عليك

و الممات .. فاسأل الله النجاة ..

والله أغبطك على زين ها السجع ... تدرين .. أبحاول أقلدك .

وش دعوى عاد هيهات هيهات .. يعني إلا ها الدرجه تكرهينن يا ذاهبة الذاهبات ... يا خزياه آت ..آت ..إلاّ وشي

جنية البنات والتي تتربص يا كافي بما هو آت ... هيهات هيهات .. فعلاً إذا جانا الممات ممات مستحيل أنحصل نجاة نجاة .

با الغرابيل والشقا قدرت أجيب ها السجع الحلو مثل الذاهبة الموهوبة .. أوبه أوبه .

ما يمديك .. قد فاتت و زعلنا .. ولا تعتذروا اليوم

يا ليت أتراجعين عن زعلك يا أم المؤمنين ... لأن العيد الثالث غير مشروع في ديننا الحنيف .


معروفات بنات بريدة با الجمال

أبسرعة .. أركضي ... عجلي ... شوفي وجهك با المراية .

و إذا بحثت في الاسباب الحقيقية .. ترى كلها أنتم السبب فيها

طيب تواضعي بس أشوي ... يعني خلي على البنات 1%

(وبالنسبة للزواج من سوريا و الصين و مدري وين .. ياخي إذ ا الرجال مثلكم .. أبد مسموحين)

أجل مسموحين ... هاه يا رابطة النقص .. أتوافقن على ها السماح .


زيت ولا كريم ولا لوشن إلا و حطيناه .. ولا بين بعيونكم

خلاااص ، والله كسرتي خاطري .. أنتي أزين وحدة .. بس لا تصيحين .

( أمامكم حل من حلين )

طيب عطنا فرصة نشتغل ونستعد ... يا غازي القصيبي .


من هنا المبزرة و من هناك أبوهم الفحل. !

أقول عيب عيب عيب .. وبتل أقول عيب حتى آصل الطرفية .. يعني أرفعي نفسك أشوي !!

أو بلاش مساجلات


(حيرتونا .. نحاف ما تبون .. سمان ما تبون .. مربربات ما تبون .. وش تبون .؟؟ )

أعتقد فيه شئ أسمه وسط .. شكلك ناسيته .


(و بعذر الكرشة لو تبرز .. أنتم ما عندكم وعي بأهمية الرياضة و الرشاقة )

فعلاً .. المفترض كل زوج مثالي يركض با اليوم كيلوين عن زوجته .. لكن أنا أستغرب من الأم اللي عنده كومة

أعيال .. ليش ما أتخليهم يرثعون بداله ..



أعزائي : يبقى الهدف الأساسي واضحاً و جلياً أمام الجميع ، نحاول معالجة الوضع قدر الإمكان .. بتناول مشاكلنا و

همومنا بقالب يجمع الجدية و الفكاهة .. و يحترم أسس الحوار بيننا و أخذ الأمور ببساطة و الابتعاد عن التعصب و

تصديق كل مزحة ) وليس هدفنا الانتقام و الذب على بعضنا البعض ..


حقيقة .. أعتذر بخجل ، فأنا لم أكن أسعى إلى معالجة وضع أو تحجيم مشكلة .. ولكن

كنت أبحث عن التهكم والضحك .. لا غير ... وهذا ما يجب أن أعترف به ، حتى أكون في حل وبعد من كثير من

العبارات التي أدرجتها حول هذا الموضوع .. فقلبي يختزل حقيقة مغايرة تماماً لما كتبت .. ولكن بداية الموضوع

وتتابعه تجعلاني ... لا أستطيع الخروج عن هذا النسق الساخر ... لذا أتمنى أن تفهم عباراتي في هذا التوجه

وهذا التوضيف ... وقد أتحرى الإنصاف في مواضيع قادمة ..


أعذب تحية

[line]

[أبوفالح]

السلام عليكم ورحمة الله وبركاته

سلطانكو المغترب

يا ظالم كل هذا ولا جبنا إلاّ 25% ... أنت تبي تجيب العيد لخوك أبو فالح .

إلا تعال ... سجعل إعجابي وشفقتي بنومة الطفل الغريبة جداً .


أعذب تحية

[line]

[فارس 7]

السلام عليكم ورحمة الله وبركاته


بقول شيء يالحريم


(( انتشر في عهد احد السلف انه قال (النساء ناقصات عقل ودين ) فبزعت احدهن وقالت لحريم الحارة بروح للإمام اهوشه على مقولته فذهبن الحريم مع بازعتهن ووقفن امامه فقالت البازعة ( سمعت انك تقول اننا ناقصات عقل ودين ) فقال ( لا وانما انتم لاعقل ولا دين لكم وانما اقصد بالناقصات العقل والدين نساء الصحابة )

[فارس 7]

تعريف القصيمية

**مخلووقة دائمة الجلووس بالبيت مع العائله لانها ماتقدر تطلع .

**تتغذى على الكراث والبصل وكل ماله رائحة كريهة .

**تتكاثر في الأسواق

**كثيرة الزعل سريعة الرضا فاقدة الحنان

**ماتمل من طلب الطلعات

**شعارها في الحياة ( الروائح الكريهة اولا )

هههههههههههههههههه

[الذاهبة]

http://images.animationfactory.com/animations/war/medieval_knights/knight_maiden_holding_hands/knight_maiden_holding_hands_sm_nwm.gif


و بعدين بقه .. !؟

على فكرة ترى مالي علاقة بنقل الموضوع .. والله إني جلست ساعة أدور عليه ..

عموماً .. بقي أن أقول لك كم كلمة :

نظراً للتالي :

أولا : كوني صرت مشرفة و إن شاء الله إن شاء الله أصير مديرة المنتدى ( من غير شر على المدير ) همن بصير رئيسة الانترنت كله ( ====>> عليمية ) .. و بعدين بصير سمو أميرة .. بمساعدة المجمعة ديرتي ..
و بعدين بصير ملكة .. يارب !

فأنا بترك البزوطة و الخربطة و رد و لا ترد للبزورة .. مثل : مادري من ؟!

ثانياً : كونك تحترمني و تقدرني و باركت لي هناك بالإشراف .. يعني ما طلعت قليل خاتمة و قليل حيا ..

ثالثاً : كون كلامك لطيف للغاية ولا فيه أي إساءة لا لي ( شخصانياً ) ولا لأحد من أعضاء رابطتي المبجلات ..
كل ما ذكرته كم صفة واردة و موجودة بالفعل هون .. و تراني شفت المراية .. و أدري أني مانيب جميلة .. و الله يجزاك خير يوم تراجعت عن ( عرض ) صور مراحل حياتي .. و يسترك دنيا و آخرة

رابعاً : كونك تمزح و تستهبل .. و دمك خفيف جداً و قاعد تستعرض قدام البنيات .. يا سلام عليك بس ! إذا لا بأس من الاستمرارية .. بعد بعد كثر جيب اللي وراك و دونك خيوو ..


قررنا ما هو آت ..

لن أرد على تهكماتك ،، و سأنتظر مواضيعك الشيقة و أساليبك الإبداعية .. و يراعك اللاذع .. !

(( من النوع اللي لازم نمدحه عشان يهجد شوي )) ...

تقبل تحياتي ..














*********

فارس 7 .. وش يصير لك ( صفر سبعة ؟ )

[الشماسي]

الذاهبه أعلنت الانسحاب
ههههههههههههههههههههههههههههههههههههه

عاشوا الرجال

[رموز]

وش هذا ياابوفالح كل هذا ببنات ديرتك
هههههههههههههههههه الله يسامحك
الا على فكرة شلون قلت هالمواصفات الدقيقة؟؟
تعرف كل بنات بريدة عشان تعم بالوصف خخخخخخخخخ
معنى كلامك ان امك وخواتك وزوجتك وخالاتك وعماتك نفس الوصف اللي قلت
اما بنات جيرانكم وبنات الحاره الثانيه ماتعرفهن هههههههههههههههههاااااااااااااا
طيب اذا كذا مواصفات بنات العائله عندكم انت اكيد اردى من هالوصف اللي وصفت
والا من وين طالع نابت نبات ياكافي خخخخخخخخخخخخخخخخخخخخخخخخخخخخخ
وكل بين كلمة والثانيه لبنانيه وسوريه طيب حنا نبي لبناني والا سوري الحمد لله مو حرام
والله انكم تضحكون يالرجال شيوووووووووون وقل كشخة ويبون باسكال بعد خخخخخخخخ

[المشوت]

قرأت المقال وبدأت بالضحك000000000000000000

لكن والله بنات بريدة حلواااات ومؤدبات وكل بلد فيه الزين والشين 00000000000000000000000000000

[زهور العمر]

لاتعليق 0000000000؟

[البراق999]

لاعاد كلش الا بنات بريد ه يابو فالح مالك حق تقول عنهن تسذا

[رونق]

لا يا ابو فالح

ما حبيت هذا منك ..

صحيح اني عراقية

لكن بنات بريدة حبيباتي ..وكلهم ملكات واميرات

وخلي بالك ...اذا صارت حرب

راح تلاقيني في القطعات الامامية

[ابوغاده]

ابوفاحل عز الله رحت فيها

اقول ماتبي رشاش كلانشوف

هههههههههههههه تراي معك مع ان الذاهبه على ما اعتقد انسحبت

[ســـــــراب]

وهني ياللي من بنات بريده نصيبه

يعيش مابقى من عمره في سعاده

****

بس كثير من اللي اعرفهم خارج ارض القصيم
يرددون مقو لة
{تزوج بريداويه ولاتزوجين بريداوي}

ياترى ليش....؟

بعدين صيتنا واصل من الخليج الى المحيط
من جمالنا واخلاقنا ولله الحمد والمنه

اما الدلال من وين إذا صاروا الرجال بريداويين...!!

..................

الذاهبه نحن معك قلباً وقالباً

[المشوت]

اقول ابوفالح ماعقب قعدك بالدكة شي 0000هههههههههههههههههههههههههههههههه

الصراحة الموضوع حلو لكن بنات بريدة زعلات عليك 000000000000000000000000000000000000000000000000

[المشوت]

لكن يوم تقولين : ( بنات بريدة نفسهن طويل ) .. تراك أنت اللي وهقتي بنات جنسك .

عموماً ... ترا ( البس ) أنفسه طويل أيضاً .... لكن مع أول أخشبه يموت ..... ( حقيقة ) .

والله انك يبو فالح موليييييييييييييييييي00000000000000000000000

[الذاهبة]

هاهاهاهاهاهاي

أيام الطفولة .. أيام الطفولة .. :)

لله درك يا هالموضوع ..



طيب سؤال ..

ليه رفعتوا موضوع أبا فالح ..

اللي هو عباردة عن ( رد ) على موضوعي ..

لما هزأت الشباب تهزيء ..

( شباب بريدة حلوين و لكن ) ..

هاه ؟

ليه ترفعون هاظ الموضوع .. و تفرحون بالنصر الوهمي ... ؟


يابنات ..

يا حيي ياللي يشجعني ..

ترى و الله هزاتهم العام ..

خخخخخ

السنة هذي عقلت ..


:)


تحياتي ..

[مبحوحة الصوت]

بحبوحه وصلت لكن متأخر




الله يرج مخيخك الاوسط يا ابو فالح



خخخخخخخخخخخخخ



والله اني مت من الضحك


بس بحرب داحس والغبراء بوقف معك

مع فريق التماسيح


خخخخخخخخخخخخخخخخخخ>>>>>>> ياويلي من السحالي شكلي بنجلد الحين

[نهر الجود]

السلام عليكم ورحمه الله وبركاته

اخوي ابو فالح ما احب اطول عليك انت واخواني واخواتي الاعضاء


بس حبيت اقولكم


منها خلقناكم وفيها نعيدكم والينا ترجعون


ارجو ان الفكرة تكون وصلت

تقبل مروري

اختك : نهر الجود

[نهر الجود]

السلام عليكم ورحمه الله وبركاته

اخوي ابو فالح ما احب اطول عليك انت واخواني واخواتي الاعضاء


بس حبيت اقولكم ان الانسان خلق من تراب وانتم ما فيكم زود عنا :12[1]:


منها خلقناكم وفيها نعيدكم واليها ترجعون

والانسان مو اهو اللي يحدد صفاته الخلقيه او الخلقيه لان الله هو اللي خلقه لست انت او هو

ارجو ان الفكرة تكون وصلت :c4:

تقبل مروري :)

اختك : نهر الجود

[خالد التويجري]

ابو فالح انت تامر وحنا نطامر....توجيهاتك طال عمرك..؟

[دلووعة بريدة]

[مساء النور يابو فالح_بس بهالموضوع ابدا مافلحت

من وين ابدى ومن وين انتهي ،،،،،،،،

لاتحكم ع صنف قليل من الناس دون ان تعلم بالجميع !!!

فكل شي فيه شيء ممدوح وشيء مذمووم

ملاااحظاااااااااات هاامه%%%

1_انا بصراااحه ماقد شفت بريداويه الا اعجبتني _كل الجمال والملح والدلع في بنات بريده حتى في المدارس والجامعات اللي يطلعونهم ملكات جمال يصيرون من بريده والله يشهد على مااقول -وبنات بريده فيهم جمال طبيعي بدون مكياج وبدون عمليات تجميييييييييييييييييييييييييييل ويكون بعلمك فيه مكياج للبنلنيات يسمى مثل مكياج بنت بريده (هذا من ناحية الجمال بس)

2-من ناحية الاخلاق اطيب بنات بنات بريده مافيهم كبر او غرور على الرغم من كل شي فيهم حلو ومفروض يتكبرون بعكس بنات الرياض _ ومافيه اصبر من بنات بريده وارحم _وهن راعيات بيوت من جد

3_من ناحية الرشاقه ماابي اكذب عليكم فيه وفيه كل وحده على حسب طلب ابو العياااال

4_ من ناحية الحياة الزوجيه انا اقول وانا اشهد ان كل الرجال يفضلونهم على باقي المدن لم في بنات بريده من اسرار خاصه تفيد الزوج وتملأ عيناه وتجعله ينسى التفكير من الزواج بالثانيه ولو تسأل اغلب الشباب بهالناحيه يخبرك بالتفصيل الممل

وآسفه ع التطويل بس حبيت اوضح وابين الحق واقرو هالقصيده الي تأيد كلامي


*** القصيده ***

واهني اللي من بنات بريده نصيبه ** يعيش مابقى من عمره في سعاده

بنات العز والجمال والطيبه ** بنات الدين ومجروحه فيهن الشهاده

بنات رجال ماتمشي بدرب يعيبه ** بنات لاضاق صدرها فلت السجاده

في شروق الشمس ولا في مغيبه **تدعي لرجلها بالرزق والسعاده

بنات وصفهن ورب البيت مصيبه ** جمال رباني والملح والله بزياده

بنات تلقاها دوم بظروف عصيبه**تسهر لعيونك وزندها لك وساده

مايصيبك من الهم صدقني يصيبك **وراحت بالك ورضاك هو مراده

ماهي طبع بنت اجنبيه تجيبه**مظهرها دلع وبالخفاء تبين احقاده

وسلااااااااااااااااااااااااااااااامتكم

هاه ياابو فالح شكلك حرمت تتكلم ببنات بريده :20[2]:

[بنت البدائع]

بنات بريده حلى وطرى
وشهادتي لهن أكبر دليل ياابو فالح...
وحذاري من سبك لبنات البدائع...

[عبد الله الفقير]

هههههههههههه حلوه منك أبو فالح و زادها السعودي

[ابو هتان]

هههههههههههههههههههههههههههههههههههههه
ههههههههههههههههه
حلووووووووووووة يأبو فالح

[الشامخة]

تسلمين يا بنت البدائع ماعليك زود وهذا من ذوقك ولطفك 00

أبو فالح ؟؟؟؟؟؟؟؟؟ ايش السالفة !! أنت قد مشاكل البنات؟؟؟؟؟؟

عموما تظل اخو وعزيز ومشاركتك ملفته للانتباه وتنم عن شجاعتك وحب المواجهه 00

[الدوقـــــه]

ابوفالح يكفيك بس وهني الي له من بنات بريده نصيب يعيش ما بقى من عمره في سعاده بنات 0000 وكملها 00000

[....الأمير....]

>>>>>السلام عليكم ورحمة الله وبركاته<<<<<<<

انا الصراحه اعجبني الموضوع لكن فيه سخريه كبيره ببنات بريده وهذا الي ما ارضاه

لانه مثل ماتعرفون امك بنت من بنات بريده جدتك بنت من بنات بريده وخالتك بتن من بنات بريده وعمتك بنت من بنات بريده


بنتك (انشاء الله ) بنت من بنات بريده فما يصير نتكلم عليهم بهذه الطريقه معليش ابو فالح لكن انا اؤيد بنت الشرقيه

في كل كلمه قالتها وهذ الصراحه وإعذرني ان كاني زعلتك

[نسيت اسمي]

هههههههههههههههههههههههههههههههههههههههههههههههه

الله ونااااسه هوووووووشه بيننا وبين التماسيح وناااااااسه


معك يا الذااااهبه حنا خواااتك <<<الاخت بكيراويه !! بس تحب الشر 0000


عادي اصير معكم يابنات بريدة ؟؟؟؟؟؟ اكيد ماتقولون لا ؟؟ اعرفكم مايحتاااج بناات بريدة وبسسسسس