اقترحوا ونحن ننفذ..

[ام المقداد]

السلام عليكم ورحمة الله وبركاته
اخواتي مشرفات وعضوات منتدى المرأه الكريمات :for12:
الموضوع بكل اختصار هو استبانه لكل ماتريدون وتتمنون طرحه هنا من طبخات شعبيه
او حلويات او مقبلات ..الخ
اطرحوا هنا اقتراحاتكم وبعد اسبوع بإذن الله سأبدأ بتنفيذها على طريقة ..
طبخه لكل اسبوع.
اتمنى ان تنال الفكره اعجابكن..
وبانتظار طلباتكم :for8:

[بدر بريده]

السلام عليكم

الاخت الكريمه ام المقداد كل الي تقدمينه

حلو بس انتي تفضلي علينا من اختيارك

والباقي ربك يسهله

وسلامتكم

[خزامى نجـد]

يا سلام عليك يا ام المقداد
والله أفكارك رائعه جداً

وبصراحه جهدك مقدر مقدماً

وسنكون شاكرين لكل ما تقدمينه لنا
وبصراحه أتمنى يكون عندك كاميرا تقدرين تصورين فيها الطبق ننزلها مع المقادير والطريقه , او نبحث عنها في مواقع الطبخ
لكي يكون الموضوع خاص بالمنتدى


انا عن نفسي عندي نقطة ضعف وهي انني لا اعرف أن اقرص المرقوق مثل الأولين وإذا سويته بالمفرد يصير متين
فهل لديك مقادير معينه لعجينه المرقوق وطريقه لفردها بحيث تكون مثل اللي يسونها الحريم الكبار

((اعذريني لأزعاجك )) بس بصراحه ودي أعرف اسوي عجينة المرقوق عشان شخص عزيز علي جداً (( مب زوجي لا تطالعون )) ويحب هالأكله

في انتظار ردك



تقبلي تحياتي
خزامى

[ام المقداد]

بدر بريده
حياك الله اخي..
اشكر لك ثقتك ..
وان شاء الله راح نسعى لرضى الجميع.
***********
اختي الغاليه خزامى نجد
مشكوره على ردك اللي يشجعني اكثر على طرح مالدي..
بالنسبه للكميرا عندي بس للاسف اجهل طريقة استخدامها في انزال الصور.
بالنسبه للمرقوق يااختي ولايهمك..احلى مرقوق بيطلع من بين يديك بطريقه
سهله جداً بلاعجن بلا تعب << خبره بالطرق المريحه :D
وهي :
انك تروحين لاقرب محل قرصان عندكم.وتطلبين منه قرصان طازج توه مزينه..
يجيك مراهيف لينه مطويه بكيس .
بعد ماتسوين المرقه والخضار حقت المرقوق ..حطي فيها المراهيف اللي تشوفين انها تكفي
المقادير اللي عندك.
على فكره الطريقه هذي اخذتها من مره كبيره مرقوقها يهبل روووعه ماتشبعين منه..
وفيه سر ثاني للمرقوق والمطازيز يخليه قمه بالطعم بس تراه مايصلح إلا للي يحبون الثوم..
قبل تطفين النار عنه بنصف ساعه خذي لك 5 - 10 حبات ثوم بدون تقطيع بس مقشره..
وحطيها معه ..بيطلع طعمه خيال..واللي بيذوقه بيدعيلك.
الله يجعله عليكم بالعافيه.
************
ماش مااشوف احد اقترح اي شي :confused:
وراكم ؟؟؟؟؟؟؟؟؟؟؟؟؟