احذروا سماع اغنيه حسين الجسمي

[الفجر]

اخواني واخواتي أعضاء ومشرفين وضيوف وزوار

اسعد الله اوقاتكم بكل خير ومحبه

احب احذر والرجاء ان اللي يقرا الموضوع ينبه اللي يعز عليه واللي مايعز...
لان ديننا الحنيف يأمرنا بذلك....
اكيد ان سماع الاغاني حرام لكن الله ابتلانا بهذه البلوه.....
لكن ماهي لدرجه اننا نسمع اغاني تجبرنا على الشرك بالله...واعلان الخضوع لغيره سبحانه وتعالى...
كلنا تعرف ان المطرب حسين الجسمي مسلم...بغض النظر عن انه مطرب وينشر الحرام اللي هو الغناء.

شريط الفنان (( محجوب )) حسين الجسمي الاخير.....
فيه اغنيه اغنيه اسمها (الشاكي)..حلو؟طيب
تقول الاغنيه في المقطع الثاني...
(انا الشاكي انا الباكي انا الحساس....)
(انا اللي في المحبه خاضعن راسي...)
(وانا لغير المحبه ماخضعت الراس..)
هنا نقطه التقاطع......
كلكم اقروها وافهموها....
انا لغير المحبه ماخضعت الراس....
وكلنا نعرف ان خضوعنا لله عزوجل لاغير وهذا ما امرنا به الله و المصطفى صلوات الله عليه ..

والمشكله العظمى انه في احد حفلاته ...ذكر هذا المقطع ورفع يده الى السماء....
يعني انه متاكد انه غلطان .....

المشكله ماهي تخص (( حسين الجسمى )) لحاله....بل التركيز على الشاعر وهو(محمد الشريف)
والملحن (محمد ابراهيم)................

عالعموم حبيت انوه لكم اخواني القراء علشان تراجعون انفسكم من هذه الاغنيه....
وعدم ترددها بألسنتكم لانكم اكيد مسلمين ...وخضوعكم لله عزوجل فقط.......








منقول

[اكار شوكولانا]

لاحول ولا قوة الا بالله العلي العظيم :x19:

[الشماسي]

مشكور يالذيب
والغناء كله حرام لكن من باب توضيح شيء ونقطة معينة ربما أردت توضيحها للجميع
عموما شاكر ومقدر لك

[عاشق التحدي]

كما قال أخي الشماسي

الغناء حرام ونربأ بأنفسنا عن سماعه ولله الحمد ... ومعظم الفنانين تجد في أغانيهم الفاظ شركيه والعياذ بالله .. ولعل أكثرها الحلف بحياة المحبوب .

اللهم أصلح ضال المسلمين .

[خـــــــــــــــالـــــــــد]

( زياده الحمى مليله )

يعني الحرام لوحده لم يكفي


يضاف اليه التعالي على الله سبحانه وتعالى


حسبنا الله ونعم الوكيل

[أشرقت]

جعلها الله في موازين حسناتك

[الرمادي]

إنه مستنقع آسٍ يجر من يدخله إلى أعماقه

لم تاطأ قدم هذه الطريق إلا وهي تسير من سئ إلى أسوأ إلا من رحم ربي منهم

نسأل الله لهم العافية من هذا البلاء


تحياتي ,,

[بندر الحمر]

جزاك الله خيرا يا أخي

وأتمنى أن نحذر من كل الأغاني الساقطه منها والغير ساقطه

لأننا لم نجد مغني واحد يحث على صلاة الفجر أو أو أو


فعلينا هجر الأغاني عموما

بلا إستثناء

شكرا لك أخي وبارك الله فيك

[حي - السلام]

انالله وإنا إليه راجعون

[DeWDrOp]

يووووووووه عاد رهيبه هالاغنيه !!

خخخخخخخخخخخخخخخخخخخخخخخخخخ


الذنب عليه وش علينا حنا


<<<بتتكفخين

[راعي الاوله]

اخوي او اختي العضو walah ... مشكور على هالنصيحه ... بس لي وجهة نظر ثانيه في الموضوع ...

مايصير والله .. ياجماعه ليش صارت عندنا عقدة الشك وتصنيف الاشياء اما حلال ومباح او شرك فاضح ... والله مايصير ... ليش عقولنا ضيقه للمتسوى هذا ... والله ان اعمارنا ضاعت وحنا قاعدين نصف الناس ونصف الكلام على ماتشتهي انفسنا....

ونرجع للاغنيه ... انا طبعا ماسمعتها .. بس من المقطع اللي ذكرته اقدر اقول ان الشاعر رسم في مخيلته تصوير لموقف معين وهو انه قوي على نفسه في غير المحبه ويكون ضعيف قدام المحبه ومحبوبته .... بس ... ليه نحور الكلام من تصوير لموقف معين الى شرك اعظم ليه ناخذ الظن السيء .. ليه عندنا عقده من شي اسمه تفهم المعنى الحقيقي ..
ومع احترامي للي شاركوا في الموضوع .. مايصير بعد انكم مع الخيل ياشقرا ... يعني ولا واحد منكم بين ان الموضوع قد لا يصل الى الشرك بالله ... .. ياجماعه .. علاقة الله بالمخلوق علاقه ثنائيه بحته . مايصير نكفر من نبي ونحدد ان الشي شرك ولا لا... والله العظيم انه حرام علينا اننا نكون بهالشكل .. متشككين ونتوقع الاسوء قبل تبسيط الامور وفهمها بطريقه عاديه وبعديه عن النظره اللي يناظر فيها القاضي المتهم ياما مدان او طليق.............

عموما مشكور على النصيحه وماقصرت .. والله يعيطك على قد نيتك ويعطي المشاركين على قدر نيتهم

ولا تزعلون مني .. بس من محبتي لكم قلت اصارحكم بالي في خاطري والاختلاف لا يفسد للود قضيه ..

اخوكم راعي الاوله

[الشماسي]

راعي الاوله

مافهمت ممكن توضيح الله يجزاك خير ..للفائدة فقط

[راعي الاوله]

هلا اخوي الشماسي ... انا بعد مافمهت وش قصدك بما فمهت ... وشو الشي اللي مافهمته...
وللتوضيح اخوي ...يمكنك اعتقدك اني المح ان الغنا فيه شك انه حرام ولا لا ..... طمن قلبك اخوي الشماسي........ حرمة الغناء واضحه مثل عين الشمس ولا فيها كلام....

الموضوع كان تعليق على جملة اخوي walah واللي راح انقلها زي ماهي واللي تقول :

""""لكن ماهي لدرجه اننا نسمع اغاني تجبرنا على الشرك بالله...واعلان الخضوع لغيره سبحانه وتعالى...""""

يعني حبيت اوضح ان الجزم بالشرك ماهو شي بسيط الواحد يستنتجه من سطر او كلمه ....
حبيت اوضح انه واجب علينا نتفهم ونعطي الف معنى قبل ما نحكم على شخص بالشرك ولا لا ...

بس ..... وانشالله تكون الفكره وصلت اخوي الشماسي


راعي الاوله

[بنت الاسكان]

لاحول ولا قوة الا بالله

[العريف]

بغض النظر عن حكم الغناء عموماً ... أقول :


أنني مع الاخ راعي الاولة ...


تحياتي

[بنت كراش]

لاحول ولا قوة إلا بالله

بارك الله فيك

[كرباج]

هي وقفت على الجسمي اكثر الاغاني فيها كفر وشرك نسأل الله السلامه والعافيه

برايفت اخوي الاوله والعريف

احبه محبه من زمان الصبى واقدم _ واحبه محبه قبل يخلق ابونا ادم

هذا اغنية الرويشد وش رايكم ؟

تشااااااااو

[العريف]

الاخ كرباج :

لا أنكر أن هناك من الاغاني من تحمل الشرك الصريح الذي لاغبار عليه ..


لكن نحن نتكلم عن المشتبه .. لماذا نجعله محرماً !! واسمه (مشتبه) !!!!!


تحياتي لك

[راعي الاوله]

مازالت الفكره غير مفهومه لدى البعض ... بس للتفكير .. يعنى منهو انا ولا منهو انت يافلان علشان تكفر او تجزم بشرك شخص معين... من يعطيك الحق في التعدى على امر هو من اختصاص الله الرحيم الغفور .. هو الله سبحانه من يحكم بهذه الامور.... هو الله سبحانه من يعلم مافي القلوب ...
اخوي كرباج ..... بس عندي سؤال واحد ..... يعني اذا انت جازم بشرك شخص معين ؟ هل ايضا تجزم بدخوله النار ولا او تجزم بحرمانه من الجنه..... يعني اذا عطينا الحق لانفسنا اننا نكفر شخص او نجزم بامر الشرك ايضا سوف نعطى الحق لانفسنا لتصنيف الخلق من يدخل النار ومن يدخل الجنه..

سبحان الله..... ليه نعظم انفسنا ونتعالى ونتكبر ونعطي الحق لانفسنا بان نتوهم بمقدرتنا على معرفة امور لا يعلمها الا الله سبحانه وتعالى......

ياجماعة .. يا خلق.. دعو امر الخلق للخالق .. الله وحده علام مافي القلوب ....


راعي الاوله