ضيف ثقيل .. ممكن تساعدوني بطرده ؟ (مع صورة للضيف)

[ماجد الأول]

السلام عليكم

ضيف ثقيل أعياني وأتعبني
يحبني وأكرهه
يستمتع بملاطفتي وأشمئز من مداعباته
كثيرا ما يحرجني بسوء أفعاله
أخرج من البيت فيتبعني
أركب السيارة فيطوف حولها
أذهب إلى المسجد فيحاول الدخول معي وهو ممنوع من الدخول
يقابلني قبل الذهاب إلى العمل ويحاول مصاحبتي لولا أني أمنعه من ركوب السيارة
يستلذ بفرك جلده بثيابي وبما يطول من جسدي
بينما أنا اشعر بالاشمئزاز من هذا فأقوم بتغيير ملابسي
أرق لحاله أحيانا فأقوم بإطعامه رحمة به ورغبة في الأجر
قبل أيام دخلت البيت والسماء تمطر بغزارة
فإذا به يناديني من فوق السور وما أن التفت حتى جاءني يريد الدخول معي اتقاءً للمطر
لكني لم أسمح له بالدخول ووضعته في مكان لا تصله قطرات المطر مع شيء من الطعام
حاليا أصبح يعرف موعد غدائي وعشائي فيأتي لمشاركتي بادئا بتوسلاته واستعطافاته

باختصار يا إخواني أصابني (الطفش) منه
لا أدري من أي مكان جاءني
ولا أدري متى سيرحل من حارتنا
أنا لا أطيقه كما يطيقه بعض البشر ويجعلونه صاحبا وخدينا
أريد منكم طريقه فعّاله تبعده عني وعن بيتي
فأنا أخشى أن يجلب لي ولبيتي الأمراض
وأنا صراحة (مو ناقص) .!
.
.
.
.
.
هذه صورة للطيف الظريف
http://www.majedawal.jeeran.com/images/cat.gif

يالله عاد أسعفوني بطريقة أبعده عن البيت
علما أن هذا القط من النوع الأليف
فهو أبدا لا يخشى الإنسان
ويبدو أنه كان عند عائلة تكرمه جدا .!!

مع التحية ..

[alnesf1]

هههههههههههههههههه

قط مليح ويستاهل تتمسك فيه

[البرحيه]

ههههههههههههه والله انه حليو

بس شكله حزين و موالفكم وراكم تبى تحلتونه



شكرا لك

[ماجد الأول]

جيت أبيكم عون طلعتوا فرعون :)

مرحبا alnesf1
شلون أتمسك فيه
قالوا لك أنا في حوض ددس يطعس هههه
وأنا أخوك أنا متأذي من هالبس
ودي بفرقاه الحين قبل بعد شوي


مرحبا البرحية ..
نبي نحلته لأنه غثيث وأنا أخوك
ثم هو بعد ما يأخذ جولة مكوكية في الشوارع
وفي أماكن الله أعلم بنظافتها
يجي ويقول: مياااااو

طيب أنا بقول حل وقولوا لي شرايكم
بحطه تحت كفر السيارة وبفغصه
تعتقدون هذا حل ؟

من الطريف أني بعد إضافة هذا الموضوع بدقيقتين
فوجئت بالقط يدخل من الباب بسرعة ويقول: ميااااااو
الظاهر إنه عرف إن مشتكيه بالمنتدى :)

مرة من المرات كنت أنتظر ضيف وعند وصوله وذهابي لاستقباله
وجدت القط معه يداعبه .. هههههه
والله إنه لزقة

[طيب القلب]

بصراحه اخوي ماجد الأول انا أحسدكم على وجود هذا الضيف عندكم

وإذا أنتم ملزمين على طرده , أرجوكم جيبوه ضيف عند ضيوفنا لأننا بصراحه متلزقين بضيوف ماهب ضيف

لكن حنا الحمد لله ما هب يمونن واجد زيكم

تحياتي لك اخوي ماجد الأول

[البرحيه]

انا اقول بلا جلافه :eek: وش تفغصه اما لو عندنا جمعية رفق تسان مو ذا العلم:d5:

اقول
حطه بخيشه وحلته بحدا مزارع الحساء


شكرا لك

[MiSs_7o0oRyAh]

http://www.geocities.com/miss_7o0oryah/basmlah.gif

... السلام عليكم ورحمة الله وبركاته ...
* * * * *
* * *
*

ماااااااااااااااااااجد ..
جابك الله ..
والله اني شهقت اول ما شفت الصورة ..
والله انه تشبه قطوتي اللي ضايعه له شهر يمكن او اكثر :(
:
:
:
:
:
:


*
* * *
* * * * *
.. تحياااا :for12: ااااتي ..

http://www.geocities.com/miss_7o0oryah/sob7ank.gif

[ماجد الأول]

السلام عليكم

أخي الطيب طيب القلب
أنا وبدون تفكير أقول: جاتك ..
وقيمة الشحن عليّ
بس هو فيه شركات توصل حيوانات ؟
والله يعينك عليها
ممكن تخليها تستقبل لكم الضيوف عند باب الرجال هههه :)

أختي البرحية ..
تراي أمزح << ذل يوم سمع اسم الجمعية
بعدين الأحساء لي سنين ما طبيته وأروح له الحين عشان بس !!
عز الله اللي ما رحت
وترى البس هذا وأنا أخوك رقيق ومدلل وما يصلح للأحساء
والله العظيم يتحول إلى مجرم وأخاف يرجع لي من الأحساء وهو سفاح :)

أختي حورية ..
بسم الله عليك .. الشهقة من الخوف
أو من غلا قطوكم الضايع
من صورتك أقول إن الأقرب والله أعلم
إن اللي عندي أبو اللي عندكم

===

ترى ما فيه أحد أعطاني حل لهالبلوى اللي عندي
أنا فكرت أشيله وأحطه في أحد الأحياء الراقية
حتى يلاقي ناس تدلـله وترعاه
لكن أخاف يرجع لي مثل (قط) زي هذا جاني قبل كم سنة
:(

[MiSs_7o0oRyAh]

http://www.geocities.com/miss_7o0oryah/basmlah.gif

... السلام عليكم ورحمة الله وبركاته ...
* * * * *
* * *
*

اقول وش رايك تحطه براس العاير واذا هو حقنا بيدل طريقه ..
ياحبيله والله اني ولهتن عليه :(

*
* * *
* * * * *
.. تحياااا :for12: ااااتي ..

http://www.geocities.com/miss_7o0oryah/sob7ank.gif

[ماجد الأول]

مرحبا

والله أنا بعد حزنت على (قطتكم) الضائعة
اسأل الله أن يردها لكم << كأن الموضوع بيصير مناحة :(

لكن أي عاير تتكلمين عنه
إذا كنتِ ببريدة فبيني وبين هذا العاير أكثر من سبعمئة كيلو متر
إلا إن كان قطكم الضائع عنده مميزات حمام زاجل
فممكن أحطه براس العاير :)

قبل قليل كنت خارجا لصلاة العشاء
فإذا بالمتعوس يقابلني في الحوش
وكان جائعا جدا كما بدا لي
وأخذت أجاهده حتى يعتقني لوجه الله
وكادت أن تتطور الأمور إلى الاشتباك بالأرجل :)
لولا أن أحد الإخوة ناداه فذهب إليه وتركني.

مع التحية ..

[ALI 9]

السلام عليكم ورحمة الله وبركاته

وجيت بوقتك
تصدق قبل امس كنت بالثويرات
ولقيت اوكار حصانيا ( جخورة )
وجلست افكر وشلون اطلعهن
ولقيت فكرة إني ادخل بس عليهن وجابه الله

صدق تجيب البس آخذه معي وافكك من شره

انتظر منك رد

تحياتي أخوك
المطنون

[ماجد الأول]

مرحبا أخي المطنون

والله من زمااان عنك .. كيف حالك ؟
أنت من أوائل المنضمين للمنتدى
عضويتك رقم (9) << اكتشاف خطير

يا حبيبي تبي تدخل قطتي (صار قطتي لأن صار بيننا عيش وملح هههه )
أقول تبي تدخل البس على الحصانيا ..
حرام عليك خاف الله
وبعدين وش تبي بالحصانيا ؟
أو بعبارة أخرى: ما هي الحصانيا ؟ << الكلام مطاريس

عموما أنا من مبدأ الشورى أحببت مشاورة القط الكريم
ولما شاورته بالأمر
قال: معصي والله ما يلمس المطنون شعرة مني ...
وحلف ما يطلع من البيت وقال هذي قعدة (انظر الصورة المرفقة)

الله يغربلك يالمطنون هالحين وش بيقلعه من البيت ؟

[أبو بسام]

تدري

عندي لك حل .....

يا طويل العمر استراحة ولد عمي عنده (جرو) يعجبك تمااااااااااااام

ماله خلق شي اسمه بس........

تذكر أفلام كرتون؟؟

عمره اربعة اشهر .......



هاه اجيبه

[ماجد الأول]

هلا أبو بسام ..

أبشرك تخلصت من القط والحمد لله ..
هناك عمارة تبنى قريبة منا وبها عمالة أغلبهم من الفلبين
تكلمت مع أحدهم وقلت له إن لدي (بس) حليل وأليف وظريف جدا وما يحرجك أبدا أبدا
وش رايك تأخذه معكم للسكن يوسع صدوركم وتلعبون به
قال: ولا يهمك هاته أصلا سكننا فيه قطط أنواع وأشكال ..

والحمد لله أخذه وارتحت منه
علما أني تشاجرت مع القط قبل يأخذه العامل بيوم
حيث حاولت إدخاله في كرتون لأقوم بإبعاده عن الحي ..
لكنه قاوم وخرجت من المشاجرة بخدوش في يدي .. لا بارك الله فيه
بلشت أعقم يدي بديتول وماء ..

المهم .. قضي الأمر .. وانتهت القضية

وما تشوفون بس .. قصدي شر ..

مع التحية ..

[خـــــــــــــــالـــــــــد]

اخي ماجد


ما اظن بسكم يبي يعبر مع العمال


واتوقعه بيرجع لك قريبا













لان شكل البس ( دب ) متعود على النعمه


وما ينفع له تقشف العمال


دور لك حل من الان

[فريـــد]

أهلاًً ماجد الأول

كنت جايب لك الحلّ ..

لكن : شكلك سبقتني فيه .. !

***

من الحلول : خيشة يدخل فيها البس

ويحلت في آخر حـــــارة تعرفها بديرتكم .. !

ويفضّل : بجـوار ( الزبالة ) ولكم الكرامة :D

[البكيراوي]

هلا بك اخوي ماجد

بصراحة مشتااااااااااقين لك بالحيل ..

الصراحة عندي قصة قريبة من موضوعك ..

هذا واحد من جيرانا الله يذكره بالخير ...

كان ا يام شبابه ..

راعي حمام .. ودجاج .. وكل شئ ..

وكان ( الضيف الثقيل ) على قولك ..

يوذيه .. لانه يجغم ( يبلع :D ) الصغار من الدجاج و الحمام ..

وعجر يلقى حل ..

كل يوم مغير الباب والشبووك حقات الحمام ..

لكن ما فيه حل !!!!!!!!

الاخ بس عنده طرق واجد وعجز عنه


اخر حل توصل إليه جارنا !!

مسك البس .. وذكاه .. يعني ذبحه ..

وعلقه 3 ايام .. قدام البساسه ..

حتى يكون عظه وعبره على قولته .. .

عاد جارنا الموقر ( الله يذكره بالخير )

يقول كانت الطريقة هذي نااافعه ..

لحماية الدواجن والطيور :p

تحياتي مع التحفظ بطريقة جارنا لحرمتها الشرعية .!!

[ماجد الأول]

مرحبا بالجميع

أخي خالد ..
والله خوفتن ..
هو ممكن يرجع لو كان سكنهم قريب ..
لكن إذا رجع نجرب حل تقهو :)


===

الحبيب تقهو
سأجرب هذه الطريقة مع القط القادم
أصل إحنا متعودين دائما على هذه الأنواع من القطط
ولا أدري لماذا ؟!
هذا القط هو الثالث من نوعه
لكن هذا غثيث بالمرة
ولا حبيته أبدا
القط الأول اذكر أني أركبته معي بالسيارة دون الحاجة إلى خيشة أو غيرها
لأنه نظيف بالمرة
ووضعته عند أحد القصور
حتى يلقى عيشة ... ههه

===

أخي البكيراوي
أهلا بك
وحياك الله بعد انقطاع طويل
حقيقة لك وحشة يا أخي
وإن شاء الله تكون عودة دائمة ..

طريقة جاركم تنفع للجزارين
ما تنفع معي
لأني ما أذكي ولا عصفور :)

لك تحياتي