كيف تختار زوجة المستقبل

[بنت الشرقيه]

هذا الموضوع للرجال وكيف يختارون زوجاتهم :)



سئل احد الفلاسفه كيف تختار امراتك فاجاب : ....

لا أريدها جميلة، فيطمع فيها غيري.. ولا قبيحة، فتشمئز منها نفسي..

ولا طويلة، فأرفع لها هامتي..ولا قصيرة، فأطأطئ له رأسي..

ولا سمينة، فتسد على منافذ النسيم.. ولا هزيلة، فأحسبها خيالي..

ولا بيضاء مثل الشمع.. ولا سوداء مثل الشبح..

ولا جاهلة فلا تفهمني.. ولا متعلمة فتجادلني..

ولا غنية فتقول هذا مالي.. ولا فقيرة فيشقى من بعدها ولدي "

----------------------------------------------------
سئل أعرابي عن أحسن النساء فقال:

أطولهـــــــن إذا قــــــامت
وأعظمهــــن إذا قعــــدت
وأصدقهـــــن إذا قـــــالت
التي إذا غضبـت.. حلمت
وإذا ضحكــت.. تبسمــت
وإذا صنعـت شيئاً جودته
التـي تـلـــــــــزم بيتـــــها
ولا تعصـي زوجــــــــها
العــزيــزة فــي قومــــها
الذليلـــــــــة في نفســــها
الـــودود الــــــولــــــــود



شايفين احسن من هالصفات الله يرزقكم ببنات الحلال

[وردة]

بعض الرجال الله يهديهم بس بعد الفضائيات يبون البرتقالة!!!!!!!!!!!!

[خلف التخوم]

أما قول الفيلسوف فلا يتبعه رجل إلا قضى عمره أعزبا

أما قول الأعرابي فجميل

والأجمل والأكمل قول حبيبنا صلى الله عليه وسلم: ( تنكح المرأة لأربع لمالها وحسبها وجمالها ودينها فاظفر بذات الدين تربت يداك)

[فيافي نجد]

حبيبتي بنت الشرقيه

هو فيه رجاااال بتملاء عينه حرمه

عشان كذا ربي معطيهم في الجنة سبعين من الحووور العين وقبل كذا معطيهم القناعة فيها عشان مايطالعون اللي مع غيرهم :D

مشكوووره حبيبتي

[خزامى نجـد]

يا حبيلنا يالحريم

ترى كل أكثرنا كذا وهذي مواصفاتنا


>>>> أسوي دعايه لكل البنات



تحياتي لنقلك غاليتي
خزامى

[بدر بريده]

السلام عليكم

صعبوها اكثر ما هي صعبه

ان ارت المطاع فطلب المستطاع

اثنينهم وصفو المستحيل بوجوده

يالله تسهل ما هوه صعب

وتوجد ماهو مستحيل امين

وسلامتكم

[بنت الشرقيه]

هلا ورده من جد البعض فضل البرتقاله بس البعض الاخر
ماهمته ابد لا البرتقاله ولا التفاحه

تحياتي لمرورك

[بنت الشرقيه]

والأجمل والأكمل قول حبيبنا صلى الله عليه وسلم: ( تنكح المرأة لأربع لمالها وحسبها وجمالها ودينها فاظفر بذات الدين تربت يداك)


الفاضل خلف التخوم

مابعد كلام الرسول عليه السلام
كلام

[بنت الشرقيه]

فيافي نجد


:D

تحياتي

[بنت الشرقيه]

اختي الحبيبه خزامى

اكيد هذه مواصفات البنات كلهم

بس حلوه الدعايه

[بنت الشرقيه]

الاخ بدر بريده
مدري ليش انت متشائم
والله ياعندنا بنات ينحطون على الجرح يطيب
بس الله يهديكم ياشباب اليوم
تدورون الصعب

[الداب]

رائعه أنت يا بنت الشرقية بطرحك لهذا الموضوع

ثانيا غاليتي الزوجة إما نعمه أو نقمة وعليك بذات الدين


ثالثا أختي الغالية إذا أردت ان تتزوج فسأل عن أم البنت وليس البنت نفسها !!!

لان البنت على أمها


شاكر ومقدر لكم وهذا مجربه وناجحه

[كرباج]

الداب مو شرط ان البنت على امها شكلك ماشي على المثل اللي يقول قبل ماتضمها اسئل عن امها ان ضد الفكره ذي

المراه لغز محير

نبيها مثل ماقال الرسول صلى الله عليه وسلم راعية دين فقط

تشاااااااااااو

[بنت الشرقيه]

الفاضل كرباج
احييك على اختيارك
ونعم الاختيار الله يرزقك بنت الحلال

[بنت الشرقيه]

اخي الداب حلوه اضافتك

ومن جد نادر ماتجد البنت الا وطالعه على امها
حتى الشبه

تحياتي

[الداب]

الاخ الغالي كرباج تحية طيبة لك

نعم وهذا شيء شرط أساسي لك

تخيل أخذ وحده سكيره طال عمرك أو مدمنه نعوذ بالله

لالا


الغالية بنت الشرقية أجل أنت على أمك الله يحفظها لك يارب

لهذا وجب أن تكون الام صالحه لك تصلح بنتها والعكس

[قناص]

على كذا مانيب متزوج سعوديه.
لاني مانب لاقي هالمواصفات
اكثرهن إما دبيه وإلا قزما وإلا تلطخ بهالمكاييج
وعليكم الحساب

[بنت الشرقيه]

الفاضل الداب
فيه احسن من ان البنت تكون على امها
خصوصا اذا كانت فاضله وسنعه
الله يخليها لي ام محمد
تحياتي

[بنت الشرقيه]

الفاضل القناص

من جدك تتكلم
بصراحه عندنا بنات الله يحفظهم لاهلهم جمال وقوام
ولا مكاييج ولا تلطيخ على قولتك
الله يرزقك بوحده منهم عشان تغير نظرتك للسعوديه